 |
ທ່ານນາງ ແກ້ວສຸດໃຈ ປຣະເສີດ ໄດ້ກ່າວວ່າ: ການຝຶກອົບຮົບໃນຄັ້ງນີ້ເພື່ອເສີມສ້າງຄວາມຮູ້ ຄວາມສາມາດ, ຄວາມເຂົ້າໃຈຂອງພະນັກງານບັນຊີ-ການເງິນໃນການເຮັດວຽກຕົວຈິງ, ສ້າງຄວາມເຂົ້າໃຈໃນວິທີການ, ຂັ້ນຕອນທີ່ສໍາຄັນຂອງວຽກບັນຊີ-ການເງິນ ໂດຍນໍາໃຊ້ເຄື່ອງມືທາງການບັນຊີ-ການເງິນເຂົ້າໃນການເຮັດວຽກຕົວຈິງ ແລະ ສ້າງຄວາມເຂັ້ມແຂງໃຫ້ພະນັກງານບັນຊີ-ການເງິນ ໃນການເຮັດວຽກຕົວຈິງໃຫ້ມີປະສິດທິພາບ ແລະ ປະສິດທິຜົນຂຶ້ນກວ່າເກົ່າ.
ການຝຶກອົບຄັ້ງນີ້ຍັງໄດ້ນໍາສະເໜີເຄື່ອງມືທີ່ສໍາຄັນ ທີ່ຈະນໍາໃຊ້ກ່ຽວກັບວຽກງານດ້ານການບັນຊີ ແລະ ແນະນໍາຂັ້ນຕອນວິທີການປະຕິບັດໃນວຽກງານບັນຊີຕົວຈິງ; ພ້ອມນີ້, ກໍໄດ້ຈັດກິດຈະກໍາໃຫ້ນັກສໍາມະນາກອນເຮັດວຽກເປັນກຸ່ມ, ພ້ອມທັງຕັ້ງຄໍາຖາມເຈາະຈີ້ມ ເພື່ອໃຫ້ນັກສໍາມະນາກອນຜັດປ່ຽນກັນຕອບແລກປ່ຽນຄໍາຄິດເຫັນ.
ພາຍຫຼັງດໍາເນີນການຝຶກອົບຮົມແລ້ວ, ກໍໄດ້ມີພິທີປິດການຝຶກອົບຮົມ ໂດຍມີ ທ່ານ ພຸດທະສອນ ພົມວິໃສ ເປັນຜູ້ຂຶ້ນມອບໃບຢັ້ງຢືນໃຫ້ນັກສໍາມະນາກອນຄັ້ງນີ້ອີກດ້ວຍ.
 |
(ຂ່າວ-ພາບ: ອານຸສອນ ສິມວົງສາ)
ຄໍາເຫັນ