 |
ກອງປະຊຸມຄັ້ງນີ້, ໄດ້ມີການປຶກສາຫາລື, ແລກປ່ຽນບົດຮຽນ ລະຫວ່າງ ອົງການພຸດທະສາສະໜາ ສັມພັນລາວ ກັບບັນດາພາກສ່ວນກ່ຽວຂອງຂອງພັກ - ລັດ ເພື່ອເປັນການສະໜັບສະໜູນ ຊຸກຍູ້-ສົ່ງເສີມ ດ້ານການພັດທະນາອົງການພຸດທະສາສະໜາ ໃຫ້ມີຄວາມເຫຼື້ອມໃສສັດທາ ຈາກຊາວພຸດທະສາສະນິກະຊົນຢ່າງກວ້າງຂວາງ ທັງເຮັດໃຫ້ອົງການພຸດທະສາສະໜາສັມພັນລາວ ມີຄວາມເຂັ້ມແຂງ ແລະໜັ້ນຄົງ.
ທ່ານ ສົມສະຫວາດ ເລັ່ງສະຫວັດ ອາດີດຮອງນາຍົກລັດຖະມົນຕີ ໄດ້ມີຄຳເຫັນ ແລກປ່ຽນບົດຮຽນ ເພື່ອໃຫ້ບັນດາປະທານອົງການພຸດທະສາສະໜາ ສັມພັນລາວ ໃນ 8 ແຂວງພາກເໜືອ ໄດ້ພ້ອມກັນປັບປຸງບາງບັນຫາຄົງຄ້າງ ທີ່ເກີດຂຶ້ນຢູ່ພາຍໃນ ເປັນຕົ້ນການເສີມຂະຫຍາຍມູນເຊື້ອວັດທະນະທຳອັນເກົ່າແກ່ ຂອງພຸດທະສາສະໜາ ທີ່ປະຊາຊົນລາວໄດ້ເຄົາລົບ ແລະນັບຖືມາໄດ້ຫຼາຍເຊັ່ນຄົນ ໂດຍສະເພາະແມ່ນການເທດ, ການສູດ ແລະພິທີກຳອັນເກົ່າແກ່, ການປະຕິບັດວິໄນຂອງພະສົງລາວ ໃຫ້ມີຄວາມເຂັ້ມງວດ, ການຮັບເອົາບຸກຄະລາກອນເຂົ້າບວດໃໝ່ ຄວນໃຫ້ຖືກຕ້ອງ-ສອດຄ່ອງກັບມາດຖານເງື່ອນໄຂ ຂອງການເປັນພະສົງ-ສາມະເນນ ເພື່ອຮັບປະກັນບໍ່ໃຫ້ເກີດປະກົດການຫຍໍ້ທໍ້ຕາມມາ, ການຈັດຕັ້ງປາງບຸນຮ່ວມກັນລະຫວ່າງແຂວງ ເພື່ອປຸກລະດົມທືນຮອນ ເຂົ້າໃນການພັດທະນາວຽກງານຂອງ ອົງການພຸດທະສາສະໜາສັມພັນລາວ ຢູ່ບັນດາແຂວງ ໃຫ້ກາຍເປັນປະເພນີ ແລະອື່ນໆ.
 |
ໃນກອງປະຊຸມຄັ້ງນີ້, ໄດ້ມີການຜ່ານຮ່າງບົດສະຫຼຸບຜົນການຈັດຕັ້ງປະຕິບັດວຽກງານ ອົງການພຸດທະສາສະໜາສັມພັນລາວ 8 ແຂວງພາກເໜືອ ລະຫວ່າງປີ 2023 ຫາ 2025 ແລະທິດທາງແຜນການ 6 ເດືອນທ້າຍປີ 2025 ຍົກໃຫ້ເຫັນຜົນງານແຕ່ລະດ້ານທີ່ ອົງການພຸດທະສາສະໜາສັມພັນລາວ 8 ແຂວງພາກເໜືອ ຍາດມາໄດ້, ພ້ອມນີ້ ປະທານອົງການພຸດທະສາສະໜາ ສັມພັນລາວ ບັນດາແຂວງພາກເໜືອ ໄດ້ມີຄຳເຫັນແລກປ່ຽນບົດຮຽນ ເພື່ອຊອກຫາວິທີທາງແກ້ໄຂບັນຫາຄົງຄ້າງຮ່ວມກັນ ໃຫ້ໄດ້ຮັບຜົນດີຂຶ້ນ.
(ຂ່າວ: ນັກຂ່າວວິທະຍຸ, ພາບ: ອພສ ແຂວງ)
ຄໍາເຫັນ