ສໍາເລັດການເປັນເຈົ້າພາບຈັດກອງປະຊຸມວຽກງານສ່ວຍສາອາກອນອາຊຽນ

ສຳເລັດກອງປະຊຸມ WG-AFTຄັ້ງທີ 19 ແລະ SF-ET ຄັ້ງທີ 16

14:56 17/10/2024

ກົມສ່ວຍສາອາກອນກະຊວງການເງິນ ສປປ ລາວ ໄດ້ສໍາເລັດການເປັນເຈົ້າພາບຈັດກອງປະຊຸມວຽກງານສ່ວຍສາອາກອນອາຊຽນ (WG-AFT) ຄັ້ງທີ 19

ແລະ ກອງປະຊຸມວຽກງານອາກອນຊົມໃຊ້ອາຊຽນ (SF-ET) ຄັ້ງທີ 16 ເມື່ອບໍ່ດົນມານີ້ ທີ່ແຂວງຫຼວງພະບາງ ໂດຍພາຍໃຕ້ການເປັນປະທານຂອງທ່ານ ສາຍມະໂນລິນ ສິນບັນດິດ ຮອງຫົວໜ້າກົມສ່ວຍສາອາກອນ, ມີຄະນະຜູ້ແທນບັນດາປະເທດສະມາຊິກອາຊຽນ, ກອງເລຂາອາຊຽນ, ອົງການ OECD, ADB, WHOເຂົ້າຮ່ວມ.

ກອງປະຊຸມຄັ້ງນີ້, ໄດ້ທົບທວນຄືນຜົນການຈັດຕັ້ງປະຕິບັດການແຂ່ງຂັນດ້ານສ່ວຍສາອາກອນ ແລະ ນະໂຍບາຍ ພາຍຫຼັງເສົາຄໍ້າທີສອງ, ການຄຸ້ມຄອງການຈັດເກັບລາຍຮັບອາກອນແບບດິຈິຕອນ ແລະ ປັນຍາປະດິດ, ຄວາມຄືບໜ້າໃນການປັບປຸງສົນທິສັນຍາສ່ວຍສາອາກອນ DTA ໃນອາຊຽນ, ອາກອນຫັກໄວ້ເວລາຈ່າຍ, ການຄຸ້ມຄອງອາກອນມູນຄ່າເພີ່ມໃນການສະໜອງສິນຄ້າ ແລະ ການບໍລິການລະຫວ່າງປະເທດ ແລະ ທິດທາງໃນຕໍ່ໜ້າກ່ຽວກັບນະໂຍບາຍທາງກົງດ້ານສ່ວຍສາກອນໃນພູມມີພາກອາຊຽນ, ວຽກງານການສ້າງຂີດຄວາມສາມາດພາຍໃຕ້ຫົວຂໍ້ໃບເກັບເງິນແບບເອເລັກໂຕນິກ, ການສ້າງຂີດຄວາມສາມາດໃນຫົວຂໍ້ກອບການລາຍງານຊັບສິນ Crypto ແລະ ການເຊື່ອມໂຍງກັບເວທີເສວະນາທົ່ວໂລກລວມທັງວຽກງານການສ້າງຂີດຄວາມສາມາດພາຍໃຕ້ຫົວຂໍ້ອາກອນສິ່ງແວດລ້ອມ ແລະ ກາກບອນ.

ພ້ອມນີ້, ຍັງເປັນຂີດໝາຍທີ່ສໍາຄັນຂອງບັນດາປະເທດສະມາຊິກອາຊຽນໂດຍສະເພາະຜູ້ຊ່ຽວຊານວຽກງານສ່ວຍສາອາກອນໄດ້ແລກປ່ຽນຄໍາຄິດຄໍາເຫັນກ່ຽວກັບບຸລິມະສິດ ປະຈຳປີ 2024 ຂອງກອງປະຊຸມ AFT ແລະ SF-ET, ຄວາມຄືບໜ້າຂອງບັນດາກອງປະຊຸມລະດັບສູງທີ່ຕິດພັນກັບປະຊາຄົມເສດຖະກິດອາຊຽນຫຼັງປີ 2025, ແຜນຍຸດທະສາດປະຊາຄົມເສດຖະກິດອາຊຽນແຕ່ປີ 2026-2030 ແລະ ບັນດາບັນຫາປິ່ນອ້ອມຈາກກອງປະຊຸມລະດັບສູງ. ນອກນັ້ນ, ຍັງໄດ້ປຶກສາຫາລືກ່ຽວແຜນບຸລິມະສິດປະຈຳປີ 2025 (Annual Priorities/AP), ການຮັບຮອງເອົາບັນດາມາດຕະການຍຸດທະສາດ ແລະ ກິດຈະກຳໜ້າວຽກຍ່ອຍທີ່ຕິດພັນກັບກອງປະຊຸມລະດັບວິຊາການ AFT & SF-ET ພາຍໃຕ້ແຜນຍຸດທະສາດປະຊາຄົມເສດຖະກິດອາຊຽນ AEC ແຕ່ປີ 2026-2030, ແຜນບຸລິມະສິດປະຈໍາປີ 2024 ບັນດາປະເທດສະມາຊິກໄດ້ປຶກສາຫາລື ແລະ ວາງທິດທາງແຜນການກ່ຽວກັບການຈັດຕັ້ງປະຕິບັດວຽກງານຫັກອາກອນເວລາຈ່າຍຈະໄດ້ສືບຕໍ່ຊອກຫາກົນໄກທີ່ຈະປະຕິບັດຮ່ວມກັນໃນອະນາຄົດ.

ໃນຕອນທ້າຍກອງປະຊຸມ, ທ່ານ ຮອງຫົວໜ້າກົມສ່ວຍສາອາກອນ ໄດ້ມີຄໍາເຫັນໃນນາມການເປັນເຈົ້າພາບຈັດກອງປະຊຸມທັງເປັນປະທານກອງປະຊຸມ, ຊຶ່ງໄດ້ຕີລາຄາສູງຕໍ່ໝາກຜົນສຳເລັດຂອງກອງປະຊຸມແລະ ເຫັນວ່າໃນກອງປະຊຸມໄດ້ແລກປ່ຽນຄຳຄິດເຫັນໃນບັນດາຫົວຂໍ້ຕ່າງໆຈາກບັນດາປະເທດໃນສະມາຊິກອາຊຽນທີ່ຕິດພັນກັບນະໂຍບາຍອາກອນສາກົນທີ່ກຳລັງເປັນທີ່ສົນໃຈໃນເວທີໂລກ ແລະ ບັນດາຄຳຄິດເຫັນຈາກບັນດາຊ່ຽວຊານທີ່ເປັນປະໂຫຍດໃຫ້ປະເທດສະມາຊິກອາຊຽນກ້າວໜ້າໄປພ້ອມກັນ ແລະ ເຂັ້ມແຂງໄປນຳກັນ.

ສຳລັບກອງປະຊຸມ WG-AFT ແລະ SF-ET ຄັ້ງຕໍ່ໄປແມ່ນປະເທດມາເລເຊຍ ຮັບກຽດເປັນເຈົ້າພາບຈັດກອງປະຊຸມໃນປີ 2025.

(ແຫຼ່ງຂ່າວ: ກະຊວງການເງິນ)

ຄໍາເຫັນ

ຂ່າວການຮ່ວມມື

ສປປ ລາວ ແລະ ທະນາຄານພັດທະນາອາຊີ ສະເຫຼີມສະຫຼອງການຮ່ວມມື ຄົບຮອບ 60 ປີ

27/03/2026 14:02

ໃນຕອນແລງຂອງວັນທີ 26 ມີນາ ນີ້ ທີ່ ໂຮງແຮມຄຣາວພລາຊາ ນະຄອນຫຼວງວຽງຈັນ ສປປ ລາວ ແລະ ທະນາຄານພັດທະນາອາຊີ (ADB) ໄດ້ຮ່ວມກັນຈັດພິທີສະເຫຼີມສະຫຼອງ ຄົບຮອບ 60 ປີ ແຫ່ງການເປັນຄູ່ຮ່ວມມື ລະຫວ່າງ ສປປ ລາວ ແລະ ADB ຂຶ້ນ ໂດຍໃຫ້ກຽດຕາງໜ້າຈາກທັງສອງຝ່າຍມີ ທ່ານ ທອງສະຫວັນ ພົມວິຫານ ຮອງນາຍົກລັດຖະມົນຕີ ລັດຖະມົນຕີກະຊວງການຕ່າງປະເທດ ແຫ່ງ ສປປ ລາວ ແລະ ທ່ານ ມະຊະໂຕະ ຄັນດະ (Mr. Masato Kanda) ປະທານ ທະນາຄານພັດທະນາອາຊີ ໂດຍມີບັນດາທ່ານລັດຖະມົນຕີ, ຮອງລັດຖະມົນຕີ, ບັນດາທູຕານຸທູດ, ພະນັກງານທີ່ກ່ຽວຂ້ອງຂອງທັງສອງຝ່າຍ ແລະ ແຂກຖືກເຊີນ ເຂົ້າຮ່ວມໃນພິທີດັ່ງກ່າວ.

ທ່ານ ລິນຄຳ ດວງສະຫວັນ ຕ້ອນຮັບ ທູດ ສສ ຫວຽດນາມ

27/03/2026 12:54

ໃນວັນທີ 26 ມີນາ ນີ້ ທີ່ກະຊວງກະສິກໍາ ແລະ ສິ່ງແວດລ້ອມ, ທ່ານ ລິນຄໍາ ດວງສະຫວັນ ລັັດຖະມົນຕີກະຊວງກະສິກຳ ແລະ ສິ່ງແວດລ້ອມ ໄດ້ຕ້ອນຮັບການເຂົ້າຢ້ຽມຢາມຂອງທ່ານ ຫງວຽນ ມິງ ເຕິມ ເອກອັກຄະລັດຖະທູດແຫ່ງ ສສ ຫວຽດນາມ ປະຈໍາ ສປປ ລາວ

ສະຫາຍ ຫົວໜ້າ ຄຕພ ຕ້ອນຮັບ ທູດ ສ ກູບາ ເຂົ້າມາອວຍພອນວັນສ້າງຕັ້ງພັກ ປປ ລາວ ຄົບຮອບ 71 ປີ

26/03/2026 20:39

ໃນຕອນເຊົ້າວັນທີ 26ມີນາ ນີ້ ທີ່ຄະນະພົວພັນຕ່າງປະເທດສູນກາງພັກ (ຄຕພ) ສະຫາຍ ບຸນເຫຼືອ ພັນດານຸວົງ ກໍາມະການສູນກາງພັກ ຫົວໜ້າຄະນະພົວພັນຕ່າງປະເທດສູນກາງພັກ ປປ ລາວ ໄດ້ໃຫ້ການຕ້ອນຮັບ ສະຫາຍ ນາງ ເອັກນາ ເວຍ ວາລເດດສ ເອກອັກຄະລັດຖະທູດວິສາມັນຜູ້ມີອຳນາດເຕັມແຫ່ງ ສ ກູບາ ປະຈຳ ສປປ ລາວພ້ອມດ້ວຍພະນັກງານສະຖານທູດ ເຂົ້າອວຍພອນ ຄະນະພັກ-ຄະນະນໍາ ແລະ ພະນັກງານ ຄະນະພົວພັນຕ່າງປະເທດສູນກາງພັກ ປປ ລາວ ເນື່ອງໃນໂອກາດວັນສ້າງຕັ້ງພັກປະຊາຊົນ ປະຕິວັດລາວ ຄົບຮອບ 71 ປີ (22/3/1955-22/3/2025).

ເອກອັກຄະລັດຖະທູດ ສປປ ລາວ ຍື່ນສານຕາຕັ້ງ ຕໍ່ ປະທານາທິບໍດີ ສາທາລະນະລັດ ສະໂລເວນີ

26/03/2026 16:10

ຫວ່າງບໍ່ດົນມານີ້ ທີ່ທຳນຽບປະທານາທິບໍດີ ແຫ່ງສາທາລະນະລັດ ສະໂລເວນີ, ທ່ານ ຄຳແພງ ດວງທອງລາ ໄດ້ເຂົ້າຍື່ນສານຕາຕັ້ງຕໍ່ ທ່ານ ນາງ ນາຕາຊາ ເພຍ ມູຊາ (Nataša Pirc Musar) ປະທານາທິບໍດີ ແຫ່ງ ສາທາລະນະລັດ ສະໂລເວນີ ເພື່ອດຳລົງຕຳແໜ່ງເປັນເອກອັກຄະລັດຖະທູດວິສາມັນຜູ້ມີອຳນາດເຕັມ ແຫ່ງ ສາທາລະນະລັດ ປະຊາທິປະໄຕ ປະຊາຊົນລາວ ປະຈຳ ສາທາລະນະລັດ ສະໂລເວນີ, ໂດຍມີສໍານັກງານຕັ້ງຢູ່ນະຄອນຫຼວງວຽນນາ ປະເທດໂອຕຣິດ.

ຄະນະຜູ້ແທນເມືອງລ້າ ແລກປ່ຽນບົດຮຽນດ້ານວິຊາການຢູ່ເມືອງພຽງ

26/03/2026 15:55

ໃນວັນທີ 24 ມີນານີ້, ຄະນະຜູ້ແທນເມືອງລ້າ ແຂວງສິບສອງພັນນາ ສປ ຈີນ ໄດ້ເຄື່ອນໄຫວຢ້ຽມຢາມ ແລະ ແລກປ່ຽນບົດຮຽນດ້ານວິຊາການ ຢູ່ບໍລິສັດ ລາວ-ຈີນຢົງຮຸ່ຍ ພັດທະນາກະສິກຳຈຳກັດຜູ້ດຽວ ບ້ານໂພນສະຫວ່າງ ເມືອງພຽງ ແຂວງໄຊຍະບູລີ, ຊຶ່ງນຳໂດຍ ທ່ານ ຕົງ ຊົງຢານ ຮອງຫົວໜ້າຫ້ອງການ-ການຄ້າເມືອງລ້າ ພ້ອມດ້ວຍຄະນະ, ໂດຍໄດ້ຮັບການຕ້ອນຮັບຈາກທ່ານ ເສນ ພັັນລັກ ເລຂາຄະນະບໍລິຫານງານພັກເມືອງ ພ້ອມດ້ວຍຄະນະນຳຂອງເມືອງ ແລະ ບໍລິສັດ ລາວ-ຈີນຢົງຮຸ່ຍ ພັດທະນາກະສິກຳຈຳກັດຜູ້ດຽວ.

ງານລ້ຽງຕ້ອນຮັບຄະນະຜູ້ແທນ ສສກ ເນື່ອງໃນໂອກາດກິດຈະກຳແລກປ່ຽນມິດຕະພາບລາວ-ຈີນ ທີ່ມີມົນສະເໜ່ ແຂວງຢຸນນານ

26/03/2026 15:51

ຫ້ອງການພົວພັນຕ່າງປະເທດແຂວງຢຸນນານ ໄດ້ຈັດງານລ້ຽງຕ້ອນຮັບຄະນະຜູ້ແທນກະຊວງສຶກສາທິການ ແລະ ກິລາ (ສສກ) ເນື່ອງໃນໂອກາດກິດຈະກຳແລກປ່ຽນມິດຕະພາບຊາວໜຸ່ມລາວ-ຈີນ ທີ່ມີມົນສະເໜ່ ແຂວງຢຸນນານ ຂຶ້ນໃນວັນທີ 24 ມີນານີ້ ທີ່ແຂວງຢຸນນານ ນະຄອນຄຸນໝິງ ສປ ຈີນ ໂດຍມີທ່ານ ປອງດອງ ປະຊາພັກດີ ກົງສູນໃຫຍ່ແຫ່ງ ສປປ ລາວ ປະຈໍານະຄອນຄຸນໝິງ, ທ່ານ ອຸ່ນ ຈືສົງ ຮອງຫົວໜ້າຫ້ອງການພົວພັນການຕ່າງປະເທດ ແຂວງຢຸນນານ, ພ້ອມດ້ວຍບັນດາຄະນະອໍານວຍການໂຮງຮຽນ, ຄູ-ອາຈານ, ນັກຮຽນ ໂຮງຮຽນມັດທະຍົມສຶກສາສົມບູນວຽງຈັນ, ໂຮງຮຽນຫຼຽວໂຕ, ໂຮງຮຽນມັດທະຍົມສຶກສາສົມບູນນສັນຕິພາບ ແຂວງຫຼວງພະບາງ ແລະ ແຂກຖືກເຊີນເຂົ້າຮ່ວມ.

ການນໍາ ແຂວງຄໍາມ່ວນ ຕ້ອນຮັບການເຂົ້າອວຍພອນ ຂອງກົງສູນໃຫຍ່ຫວຽດນາມ

26/03/2026 15:49

ວັນທີ 25 ມີນານີ້, ທ່ານ ສົມສະອາດ ອຸ່ນສີດາ ປະທານຄະນະກໍາມະການປົກຄອງ ແຂວງຄໍາມ່ວນ ພ້ອມດ້ວຍພະແນກການກ່ຽວຂ້ອງໄດ້ໃຫ້ການຕ້ອນຮັບ ທ່ານ ນາງ ດັ່ງ ທິ ຮ່າຍເຕີມ ຫົວໜ້າກົງສູນໃຫຍ່ ສສ ຫວຽດນາມ ປະຈໍາແຂວງສະຫວັນນະເຂດ ພ້ອມຄະນະ ເຂົ້າອວຍພອນ ເນື່ອງໃນໂອກາດສົ່ງທ້າຍປີເກົ່າ ພສ 2568 ແລະ ຕ້ອນຮັບປີໃໝ່ລາວ ພສ 2569 ທີ່ຈະມາເຖິງນີ້. ພ້ອມກັນນັ້ນ ກໍໄດ້ຖືໂອກາດນີ້ກ່າວອໍາລາພາຍຫຼັງທີ່ສໍາເລັດການປະຕິບັດໜ້າທີ່ຢູ່ລາວ.

ຊາວກະສິກອນ ແຂວງພາກເໜືອ ແລກປ່ຽນບົດຮຽນ ຄວາມສາມາດປັບໂຕກັບການປ່ຽນແປງດິນຟ້າອາກາດ

26/03/2026 15:24

ວັນທີ່ 26 ມີນານີ້ ທີ່ພະແນກກະສິກໍາ ແລະ ສິ່ງແວດລ້ອມ ແຂວງຫຼວງພະບາງ, ໄດ້ຈັດກອງປະຊຸມ ແລກປ່ຽນບົດຮຽນ ຄວາມສາມາດປັບໂຕກັບການປ່ຽນແປງດິນຟ້າອາກາດ (CSA) ລະຫວ່າງ ຊາວກະສິກອນບັນດາ ແຂວງພາກເໜືອ (ຫຼວງພະບາງ, ອຸດົມໄຊ, ຫົວພັນ, ຜົ້ງສາລີ, ຊຽງຂວາງ) ໂດຍເປັນປະທານຮ່ວມຂອງ ທ່ານ ບຸນມີ ສະຫວັດ ຮອງຫົວໜ້າພະແນກກະສິກຳ ແລະ ສິ່ງແວດລ້ອມແຂວງຫຼວງພະບາງ, ທ່ານ ສຸວັນທອງ ນາມວົງ ຮອງຫົວໜ້າກົມສົ່ງເສີມກະສິກຳ ແລະ ສະຫະກອນ ກະຊວງກະສິກຳ ແລະ ສິ່ງແວດລ້ອມ, ມີຊ່ຽວຊານ ແລະ ຜູ້ຕາງໜ້າໂຄງການ-ຄູ່ຮ່ວມງານຫຼາຍພາກສ່ວນ ທີ່ເຮັດວຽກກ່ຽວກັບກະສິກຳ, ການປັບໂຕເຂົ້າກັບການປ່ຽນແປງດິນຟ້າອາກາດ ແລະ ການພັດທະນາຊົນນະບົດທົ່ວພາກເໜືອຂອງລາວ, ລວມທັງຊາວກະສິກອນ ເຂົ້າຮ່ວມ.

ວາງສະແດງຮູບພາບການຮ່ວມມື ຊາວໜຸ່ມຫວຽດນາມ - ລາວ ແລະ ວັນສ້າງຕັ້ງຊາວໜຸ່ມກອມມູນິດໂຮ່ຈິມິນ

26/03/2026 15:08

ງານວາງສະແດງຮູບພາບກ່ຽວກັບກິດຈະກຳການຮ່ວມມືຂອງຄະນະຊາວໜຸ່ມສາຍພົວພັນຄວາມສາມັກຄິພິິເສດຫວຽດນາມ-ລາວ ແລະ ຄົບຮອບ 95 ປີວັນສ້າງຕັ້ງຄະນະຊາວໜຸ່ມກອມມູນິດໂຮ່ຈິມິນ ໄດ້ຈັດຂຶ້ນໃນວັນທີ 25 ມີນາ ຜ່ານມານີ້ ທີ່ສະຖານທູດຫວຽດນາມປະຈໍາລາວ, ໂດຍການເຂົ້າຮ່ວມຂອງ ສະຫາຍ ທອງລີ ສີສຸລິດ ກຳມະການສູນກາງພັກ ເລຂາຄະນະບໍລິຫານງານສູນກາງຊາວໜຸ່ມປະຊາຊົນປະຕິວັດລາວ, ສະຫາຍ ຫງວຽນ ມິງ ເຕິມ ເອກອັກຄະລັດຖະທູດວິສາມັນຜູ້ມີອຳນາດເຕັມ ແຫ່ງ ສສ ຫວຽດນາມ ປະຈຳ ສປປ ລາວ, ມີບັນດາສະມາຊິກຊາວໜຸ່ມ, ຊາວໜຸ່ມສອງປະເທດ ແລະ ແຂກຖືກເຊີນເຂົ້າຮ່ວມ.

10 ປີແຫ່ງການຮ່ວມແຮງຮ່ວມໃຈຂອງການຮ່ວມມືແມ່ນ້ຳລ້ານຊ້າງ-ແມ່ນ້ຳຂອງ: ກ້າວໄປສູ່ອະນາຄົດ ດ້ວຍການຂີ່ເຮືອລໍາດຽວທີ່ຮ່ວມສຸກ, ຮ່ວມທຸກນຳກັນ

26/03/2026 15:06

ທ່ານ ຫວາງອີ້ ກໍາມະການກົມການເມືອງສູນກາງພັກ ແລະ ລັດຖະມົນຕີຕ່າງປະເທດ ແຫ່ງ ສປ ຈີນ ໄດ້ມີຄຳເຫັນວ່າ: ຂ້າພະເຈົ້າມີຄວາມຍິນດີເປັນຢ່າງຍິ່ງທີ່ໄດ້ຮ່ວມກັບບັນດາທ່ານສະເຫຼີມສະຫຼອງການເປີດກອງປະຊຸມຜູ້ນຳຄັ້ງປະຖົມມະລືກຂອງຂໍ້ລິເລີ່ມການຮ່ວມມືແມ່ນ້ຳລ້ານຊ້າງ-ແມ່ນ້ຳຂອງຄົບຮອບ 10 ປີ. ຂໍຖືໂອກາດນີ້ສະແດງຄວາມຂອບໃຈຢ່າງຈິງໃຈມາຍັງບັນດາປະເທດເພື່ອນມິດທີ່ໄດ້ໃຫ້ການສະໜັບສະໜູນ ແລະ ປະກອບສ່ວນຢ່າງຕັ້ງໜ້າເຂົ້າໃນການຮ່ວມມືແມ່ນ້ຳລ້ານຊ້າງ-ແມ່ນ້ຳຂອງຕະຫຼອດໄລຍະຜ່ານມາ, 6 ປະເທດແມ່ນ້ຳລ້ານຊ້າງ-ແມ່ນ້ຳຂອງດື່ມນ້ຳສາຍດຽວກັນ, ຊາຕາກໍາມີຄວາມຜູກພັນກັນຢ່າງແໜ້ນແຟ້ນ.

ເພີ່ມເຕີມ