 |
ກອງປະຊຸມ, ໄດ້ທົບທວນຄືນຜົນງານການຈັດຕັ້ງປະຕິບັດມະຕິກອງປະຊຸມໃຫຍ່ຄັ້ງທີ VIII ຜູ້ແທນພະສົງທົ່ວແຂວງຄໍາມ່ວນ ຂອງອົງການພຸດທະສາສະໜາສັມພັນລາວ, ຕີລາຄາຈຸດດີ ກໍຄືຜົນງານທີ່ບັນລຸໄດ້ຕະຫຼອດເຖິງດ້ານອ່ອນ-ຂໍ້ຄົງຄ້າງ ແລະ ບົດຮຽນທີ່ຖອດຖອນໄດ້ ຊຶ່ງໃນໄລຍະ 5 ປີ ຜ່ານມາ ໃນການເຕົ້າໂຮມຄວາມສາມັກຄີຂອງພະສົງ-ສຳມະເນນ, ສາສະນິກະຊົນ ແລະ ອອກຕົນຍາດໂຍມລາວບັນດາເຜົ່າ. ຄະນະ ອພສ ທຸກຂັ້ນໄດ້ເອົາໃຈໃສ່ ຕັ້ງໝັ້ນຢູ່ໃນຄໍາສັ່ງສອນຂອງພະສາມາສຳພຸດທະເຈົ້າ ເຜີຍແຜ່ຫຼັກທຳຄໍາສອນ, ສ້າງສາພັດທະນາ ບູລະນະປະຕິສັງຂອນ ແລະ ອານຸລັກຮັກສາວັດວາອາຮາມ. ປັດຈຸບັນ ທົ່ວແຂວງມີພະສົງ-ສໍາມະເນນ 930 ອົງທຽບໃສ່ປີ 2020 ພຣະສົງ-ສາມາເນນຫຼຸດລົງ 3.56%, ມີວັດ 465 ວັດ. ໃນນີ້, ວັດທີ່ມີພະສົງອາໃສຢູ່ປະຈໍາ 308 ວັດ. ພ້ອມນີ້ ກອງປະຊຸມໄດ້ມີຄວາມເປັນເອກະພາບຮັບຮອງເອົາທິດທາງແຜນການລວມ ແລະ ວຽກຈຸດສຸມໃນ 5 ປີຕໍ່ໜ້າ 2025-2030.
 |
ກອງປະຊຸມໄດ້ດຳເດີນໄປຢ່າງມີຄວາມໝາຍສຳຄັນ ແລະ ເຫັນດີເປັນເອກະພາບຮັບຮອງ ເອົາຄະນະບໍລິຫານງານ ອພສ ແຂວງຄໍາມ່ວນ 25 ອົງ, ຮັບຮອງເອົາຄະນະບໍລິຫານງານປະຈໍາການ ອພສ ແຂວງ 9 ອົງ. ໃນນີ້, ເຫັນດີຮັບຮອງເອົາ ພະອາຈານ ວັນເພັງ ໄຊຍະສອນ ເປັນປະທານ ອພສ ແຂວງ, ພະອາຈານ ພອນທິບ ເພັງພົມມະຈັນ, ພະອາຈານ ພູສີ ແສນປັນຍາ, ພະອາຈານ ສົມນຶກ ອະຣິຍະວັງໂສ ແລະ ພະອາຈານ ແສງສະຫວ່າງ ປັນຍາສາໂຣ ເປັນຮອງປະທານ ອພສ ແຂວງຄໍາມ່ວນສະໄໝທີ IX.
ໃນໂອກາດນີ້, ອົງການປົກຄອງແຂວງຄໍາມ່ວນຍັງໄດ້ມອບເງິນຊຸກຍູ້ກອງປະຊຸມໃຫຍ່ຜູ້ແທນພະສົງທົ່ວແຂວງສະໄໝທີ IX ຈໍານວນ 100 ລ້ານກີບ ແລະ ລົດໃຫຍ່ REVOໃຫ້ ຄະນະ ອພສ ແຂວງຊຸດໃໝ່ ເພື່ອນໍາໃຊ້ເຂົ້າໃນວຽກງານດັ່ງກ່າວໃຫ້ມີຄວາມສະດວກຍິ່ງຂຶ້ນ.
(ຂ່າວ: ມະນີວັນ)
ຄໍາເຫັນ