ໂດຍການເປັນປະທານຂອງ ສະຫາຍ ທະນູວັນ ວົງມະນີ ຮອງເລຂາຄະນະບໍລິຫານງານຊາວໜຸ່ມແຂວງບໍລິຄໍາໄຊ, ມີຄະນະຮັບຜິດຊອບຝຶກອົບຮົມວຽກງານຊາວໜຸ່ມ, ເຍົາວະຊົນ-ອະນຸຊົນທັນວາ ຂັ້ນແຂວງ, ຄະນະຊາວໜຸ່ມເມືອງ, ບ້ານ ພ້ອມດ້ວຍຜູ້ຮັບຜິດຊອບວຽກງານຊາວໜຸ່ມ, ເຍົາວະຊົນ-ອະນຸຊົນ ພາຍໃນເມືອງເຂົ້າຮ່ວມຢ່າງພ້ອມພຽງ.
ໃນຊຸດອົບຮົມຄັ້ງນີ້, ໄດ້ດໍາເນີນໄປເປັນເວລາ 2 ວັນ ຊຶ່ງຄະນະຮັບຜິດຊອບຂັ້ນແຂວງ ໄດ້ຜັດປ່ຽນກັນຂຶ້ນບັນຍາຍເອກະສານ ໂດຍໄດ້ລົງເລິກພາກທິດສະດີ ເປັນຕົ້ນແມ່ນ: ພາລະບົດບາດ, ສິດ ແລະ ໜ້າທີ່ຂອງ ຄຊປປລ ເມືອງ, ຮາກຖານ, ໜ່ວຍຮາກຖານ ແລະ ຂັ້ນບ້ານ. ການຈັດຕັ້ງປະຕິບັດຂໍ້ແຂ່ງຂັນ 4 ບຸກ ຂອງຊາວໜຸ່ມ, ວຽກງານພັດທະນາວິຊາຊີບຂອງຊາວໜຸ່ມ, ວຽກງານອົບຮົມ, ຂະບວນການ ແລະ ສື່ມວນຊົນ, ກົດລະບຽບເຍົາວະຊົນ, ການເກັບກໍາສະຖິຕິເຍົາວະຊົນ-ອະນຸຊົນ, ການຈັດຕັ້ງປະຕິບັດ ແລະ ການເຄື່ອນໄຫວຂອງເຍົາວະຊົນ-ອະນຸຊົນ, ແບບແຜນຂອງເຍົາວະຊົນ-ອະນຸຊົນ, ຄ້າຍເຍົາວະຊົນທັນວາ ແລະ ການຈັດຕັ້ງປະຕິບັດຂໍ້ແຂ່ງຂັນ 3 ດີ, 4 ຮູ້. ນອກຈາກຮຽນທິດສະດີແລ້ວກໍຍັງມີ ຄຳຖາມເຈາະຈີ້ມຕໍ່ວຽກງານດ້ານຕ່າງໆ ພ້ອມທັງແລກປ່ຽນຄວາມຮູ້ດ້ານວິຊາການຢ່າງກົງໄປກົງມາ ເພື່ອນຳໄປປັບປຸງນໍາໃຊ້ເຂົ້າໃນວຽກງານຕົວຈິງ ໃຫ້ມີປະສິດທິຜົນໃນຕໍ່ໜ້າ ແລະ ມີຄຸນນະພາບດີຂຶ້ນກວ່າເກົ່າ.
(ຂ່າວ: ຊາວໜຸ່ມບໍລິຄໍາໄຊ)
ຄໍາເຫັນ