 |
ຊຸດຝຶກອົບຮົມຄັ້ງນີ້, ບັນດາຜູ້ເຂົ້າຮ່ວມໄດ້ຮຽນຮູ້ ແລະ ຄົ້ນຄວ້າບັນດາເນື້ອໃນສຳຄັນ ກ່ຽວກັບວຽກງານກວດກາພັກ-ລັດ, ລະບຽບກົດໝາຍ, ຫຼັກການ ແລະ ວິທີການກວດກາ, ການຕິດຕາມ-ປະເມີນຜົນ, ການແກ້ໄຂບັນຫາ ແລະ ສະຫຼຸບລາຍງານການກວດກາ ເພື່ອນຳໃຊ້ເຂົ້າໃນວຽກງານຕົວຈິງຢ່າງມີປະສິດທິຜົນ.
 |
ໂອກາດນີ້, ທ່ານ ພົນໂທ ວົງຄຳ ພົມມະກອນ ໄດ້ມີຄຳເຫັນເນັ້ນໜັກວ່າ: ວຽກງານກວດກາ ແມ່ນໜຶ່ງໃນວຽກງານສຳຄັນຂອງພັກ ແລະ ລັດ ເພາະເປັນກົນໄກໃນການຕິດຕາມ, ຊີ້ນຳ ແລະ ປ້ອງກັນການລະເມີດລະບຽບກົດໝາຍ. ດັ່ງນັ້ນ, ພະນັກງານກວດກາຈຳເປັນຕ້ອງມີຄວາມຮູ້, ມີຄວາມຊື່ສັດ, ຍຸດຕິທຳ ແລະ ຍຶດໝັ້ນໃນຫຼັກ ການ ເພື່ອສາມາດປະຕິບັດໜ້າທີ່ໄດ້ຢ່າງມີຄຸນນະພາບ. ຮຽກຮ້ອງໃຫ້ບັນດາສະຫາຍ ຈົ່ງນຳເອົາຄວາມຮູ້ ແລະ ບົດຮຽນທີ່ໄດ້ຮັບໄປໝູນໃຊ້ເຂົ້າໃນໜ້າທີ່ວຽກງານຂອງຕົນໃຫ້ເກີດຜົນຢ່າງແທ້ຈິງ ເພື່ອປະກອບສ່ວນໃນການກໍ່ສ້າງສະຫະພັນນັກຮົບເກົ່າຂັ້ນຂອງຕົນໃຫ້ເຂັ້ມແຂງ ແລະ ໜັກແໜ້ນ. ຂ່າວ: ແຂວງວຽງຈັນ
ຄໍາເຫັນ