ສ້າງຄວາມເຂັ້ມແຂງໃຫ້ແກ່ຊາວໜຸ່ມລາວຜ່ານການພັດທະນາທັກສະ ແລະ ກ້າວໄປສູ່ການມີວຽກງານທີ່ດີໃນອະນາຄົດ.

ໂຮງແຮມ ຄຣາວພາຊາ(Crowne Plaza)ແລະ ໂຮງແຮມຮໍລິເດ ອິນ - ຊຸດ ວຽງຈັນ(Holiday Inn & Suites Vientiane) ເພື່ອພົບປະກັບນັກຮຽນຝຶກງານໃນສາຂາ ສິລະປະໃນການປຸງແຕ່ງອາຫານ, ການເຮັດເຂົ້າໜົມອົບແລະຂອງຫວານ.ມີທ່ານ ຕິ່ງຄໍາ ສຸລິນທາຮອງຫົວໜ້າກົມອາຊີວະສຶກສາ, ກະຊວງສຶກສາທິການ ແລະ ກິລາ; ທ່ານ ບາກທິຢໍ ຄາດິເຣິບຜູ້ຕາງໜ້າ ອົງການ UNFPAປະຈຳສປປ ລາວ ແລະຜູ້ຕາງໜ້າຜູ້ຈັດການໃຫຍ່ຂອງກຸ່ມໂຮງແຮມ Crowne Plaza ແລະ Holiday Inn & Suites Vientiane.

ການຢ້ຽມຢາມຄັ້ງນີ້ໄດ້ຍົກໃຫ້ເຫັນຄວາມສໍາຄັນຂອງການຮ່ວມມືລະຫວ່າງພາກລັດ ແລະ ພາກເອກະຊົນໃນການສ້າງໂອກາດໃຫ້ແກ່ໄວໜຸ່ມ, ໂດຍສະເພາະແມ່ນແມ່ຍິງໜຸ່ມ, ເພື່ອໃຫ້ເຂົາເຈົ້າໄດ້ເຮັດພາກປະຕິບັດຕົວຈິງ, ເສີມສ້າງຄວາມໝັ້ນໃຈ ແລະ ກ້າວໄປສູ່ການມີວຽກງານທີ່ດີໃນອະນາຄົດ. ໃນໂອກາດດັ່ງກ່າວ ຄະນະຜູ້ແທນກໍໄດ້ພົບປະກັບນັກສຶກສາຝຶກງານ, ພ້ອມນີ້ຍັງໄດ້ຢ້ຽມຊົມການຝຶກງານ ປຸງແຕ່ງອາຫານຢູ່ຫ້ອງຄົວມືອາຊີບທີ່ໂຮງແຮມ. ນອກຈາກນັ້ນ ຄະນະຜູ້ແທນຍັງໄດ້ ສົນທະນາແລກປ່ຽນ ແລະ ປຶກສາຫາລືກ່ຽວກັບແຜນການຈັດຕັ້ງປະຕິບັດຂັ້ນຕອນຕໍ່ໄປໃນການເພີ່ມທະວີການຮ່ວມມືກັບຂະ

ແໜງການທີ່ກ່ຽວຂ້ອງ.

ທ່ານ ບາກທິຢໍ ຄາດິເຣິບ ໄດ້ກ່າວວ່າ:ໃນນາມນັກສຶກສາຂອງວິທະຍາໄລເຕັກນິກວິຊາຊີບປາກປ່າສັກ, ການມີໂອກາດໃດ້ມາປະຕິບັດຕົວຈິງຢູ່ໂຮງແຮມ Crowne Plaza ແລະ ໂຮງແຮມ Holiday Inn ບໍ່ພຽງແຕ່ເປັນການຝຶກງານເທົ່ານັ້ນ; ແຕ່ຍັງເປີດທາງໃຫ້ພວກເຮົາໄດ້ມີການຮຽນຮູ້ທັກສະວິຊາຊີບທີ່ມີມາດຕະຖານສາກົນໃນຂະແໜງການບໍລິການ. ເປັນໂອກາດທີ່ນັກສຶກສາໄດ້ຮຽນຮູ້ຈາກປະສົບການຕົວຈິງທີ່ຈໍາເປັນເພື່ອຄວາມສໍາເລັດ, ການສ້າງຄວາມເຂັ້ມແຂງ ໃຫ້ແກ່ໄວໜຸ່ມເປັນສ່ວນໜຶ່ງຂອງການສ້າງກໍາລັງແຮງງານທີ່ມີທັກສະເພື່ອປະກອບສ່ວນເຂົ້າໃນການສະໜັບສະໜູນຄວາມໝັ້ນຄົງຂອງເສດຖະກິດ; ເນື່ອງຈາກວ່າ ສປປ ລາວ ມີປະຊາກອນໜຸ່ມອາຍຸຕໍ່າກວ່າ 25 ປີ ຈໍານວນຫຼາຍ ກວມ 60% ຂອງພົນລະເມືອງທົ່ວປະເທດ, ຊຶ່ງເປັນໂອກາດດີທີ່ສຸດ ທີ່ພວກເຮົາຈະໄດ້ປະຕິບັດໂດຍການຕັດສິນໃຈຮ່ວມກັນເພື່ອພັດທະນາໄວໜຸ່ມຂອງພວກເຮົາໃຫ້ເຂັ້ມແຂງ, ບໍ່ພຽງແຕ່ດ້ານທັກສະ ແລະ ວຽກເຮັດງານທໍາເທົ່ານັ້ນ, ລວມເຖິງ ຄວາມພາກພູມໃຈ ແລະ ຄວາມເປັນຕົວຂອງຕົວເອງອີກດ້ວຍ.

ທ່ານ ຕິ່ງຄໍາ ສຸລິນທາກ່າວວ່າ: ການຢ້ຽມຢາມຄັ້ງນີ້ຍັງເປັນການຍົກໃຫ້ເຫັນພາລະບົດບາດຂອງພາກເອກະຊົນໃນການປະກອບສ່ວນສະໜັບສະໜູນການຂະຫຍາຍການຝຶກອົບວິຊາຊີບໃຫ້ແກ່ໄວໜຸ່ມ ແລະ ສົ່ງເສີມຄວາມກ້າວໜ້າສຳລັບໜົດທຸກຄົນ. ການຮ່ວມມືຄັ້ງນີ້ສະທ້ອນໃຫ້ເຫັນພະລັງຂອງວິໄສທັດ ແລະ ຄວາມຮັບຜິດຊອບຮ່ວມກັນ, ຊາວໜຸ່ມຈະເຂັ້ມແຂງໄດ້ກໍຕໍ່ເມື່ອເຂົາເຈົ້າມີຄວາມຮູ້ ແລະ ທັກສະຈາກການປະຕິບັດຕົວຈິງຊຶ່ງພວກເຂົາເຫຼົ່ານັ້ນຈະກາຍເປັນຕົວແທນແຫ່ງການປ່ຽນແປງ, ບໍ່ພຽງແຕ່ການປ່ຽນແປງພາຍໃນຄອບຄົວຂອງເຂົາເຈົ້າເອງເທົ່ານັ້ນ, ຍັງລວມທັງທົ່ວປະເທດ. ນີ້ເປັນໂຄງການລິເລີ່ມເພື່ອເປັນຂົວຕໍ່ໃນການສ້າງຄວາມຍືດຍຸ່ນ, ຄວາມໝັ້ນໃຈ ແລະ ການພັດທະນາປະເທດໃນອະນາຄົດ.

ໂຮງແຮມ Crowne Plaza ແລະ Holiday Inn & Suites Vientiane ໄດ້ເປີດຮັບນັກສຶກສາຝຶກງານຢູ່ຫ້ອງຄົວຈໍານວນ 7 ຄົນ ເປັນໂອກາດພິເສດໃຫ້ແກ່ໄວໜຸ່ມໄດ້ສໍາຜັດກັບພາກປະຕິບັດຕົວຈິງຢູ່ໃນຂະແໜງການບໍລິການ.ໃນອະນາຄົດ, UNFPA, ກະຊວງສຶກສາທິການ ແລະ ກິລາແລະ Crowne Plaza ແລະ Holiday Inn & Suites ວາງແຜນທີ່ຈະຂະຫຍາຍໂຄງການນີ້, ເຮັດໃຫ້ໄວໜຸ່ມເຂົ້າເຖິງການຝຶກງານຫຼາຍຂຶ້ນ, ໂດຍສະເພາະໄວໜຸ່ມດ້ອຍໂອກາດ ແລະ ເຂດຊົນນະບົດ ໂດຍມີການເຊື່ອມສານທັກສະຊີວິດ, ການສຶກສາສຸຂະພາບທາງເພດ ແລະ ສຸຂະພາບຈະເລີນພັນ, ລວມທັງຄວາມສະເໝີພາບທາງເພດເຂົ້າໃນໂຄງການວິຊາຊີບ. ການຢ້ຽມຢາມ ຄັ້ງນີ້ໄດ້ຢືນຢັນຄຳໝາຍໝັ້ນຂອງຄູ່ຮ່ວມງານທັງໝົດແນໃສ່ຮັບປະກັນວ່າບໍ່ມີເຍົາວະຊົນຄົນໃດ ຖືກປະໄວ້ຂ້າງຫຼັງ ບົນເສັ້ນທາງແຫ່ງການພັດທະນາສຳລັບໝົດທຸກຄົນ ແລະ ຍືນຍົງຂອງ ສປປ ລາວ.