ການຫັນເປັນດີຈີຕອນ ແມ່ນຄວາມຈຳເປັນຢ່າງພາວະວິໄສໃນການພັດທະນາປະເທດເຮົາ ເວົ້າລວມ, ເວົ້າສະເພາະ ກໍຄືວຽກຂະແໜງ ຮສສ ເຫັນວ່າສຳຄັນຫຼາຍໃນຍຸກປັດຈຸບັນ ທັງເປັນວຽກສະເພາະອັນຮີບດ່ວນຂອງລັດຖະບານ ທັງເປັນຍຸດທະສາດຍາວນານໃນລະບົບການເມືອງທົ່ວສັງຄົມ ຊຶ່ງຕິດພັນກັນຢ່າງແໜ້ນແຟ້ນກັບຂະບວນການເຊື່ອມໂຍງສາກົນ.
ທ່ານ ບຸນຍອດ ຈັນທະວອນ ກ່າວວ່າ: ກອງປະຊຸມຄັ້ງນີ້ຈັດຂຶ້ນເພື່ອເປັນການຮັບຮູ້ ແລະ ເຂົ້າໃຈ ພື້ນຖານເນື້ອໃນທາດແທ້ຂອງການຫັນເປັນດີຈີຕອນໃຫ້ໄດ້ຢ່າງຄົບຖ້ວນ ແລະ ເລິກເຊິ່ງ ເພື່ອຫັນປ່ຽນດ້ານແນວຄິດ ແລະ ຈິນຕະນາການໃໝ່, ປັບປຸງແບບແຜນວິທີເຮັດວຽກ ແລະ ການຜະລິດໃຫ້ມີລັກສະນະທີ່ກ້າວໜ້າທັນສະໄໝ ແລະ ວິທະຍາສາດ ເພື່ອສ້າງໂອກາດໃຫ້ ສປປ ລາວ ມີບາດກ້າວບຸກທະລຸໃໝ່ ໃນການພັດທະນາເສດຖະກິດ-ສັງຄົມຂອງຂະແໜງການ ຈຳເປັນທີ່ສຸດຕ້ອງຫັນເປັນດີຈີຕອນ ເພື່ອພັດທະນາຂະແໜງ ຮສສ ໃຫ້ມີຄວາມກ້າວໜ້າຂຶ້ນຢ່າງບໍ່ຢຸດຢັ້ງ. G-Share, G-Drive ແມ່ນລະບົບຈັດເກັບເອກະສານໃນຮູບແບບ (Cloud_storage) ຄ້າຍຄືກັບລະບົບ Google Drive, One Drive, Dropbox ເຮັດໜ້າທີ່ເປັນບ່ອນຈັດເກັບເອກະສານແບບລວມສູນ ສາມາດເປີດໃຊ້ໄດ້ທຸກທີ່ທຸກເວລາ ຜ່ານລະບົບເຄືອຂ່າຍອິນເຕີເນັດສາມາດແບ່ງປັນແກ້ໄຂ ແລະ ແກ້ໄຂເອກະສານຮ່ວມກັນໃນເວລາດຽວກັນໄດ້. ການນໍາໃຊ້ລະບົບ G-Share, G-Drive ແມ່ນສາມາດນໍາໃຊ້ຜ່ານເຄື່ອງຄອມພີວເຕີ ແລະ ໂທລະສັບມືຖືໄດ້.
(ຂ່າວສານ ຮສສ)
ຄໍາເຫັນ