ສາ​ຍ​ພົວ​ພັນ​ລະ​ຫວ່າງ​ ພັກ​ກອມ​ມູ​ນິດ​ ຫວຽດ​ນາມ​ ແລະ ​ພັກ​ປະ​ຊາ​ຊົນ ປະ​ຕິ​ວັດ ລາວ

ສາ​ຍ​ພົວ​ພັນ​ລະ​ຫວ່າງ​ ພັກ​ກອມ​ມູ​ນິດ​ ຫວຽດ​ນາມ​ ແລະ ​ພັກ​ປະ​ຊາ​ຊົນ ປະ​ຕິ​ວັດ ລາວ

ສາ​ຍ​ພົວ​ພັນ​ລະ​ຫວ່າງ​ ພັກ​ກອມ​ມູ​ນິດ​ ຫວຽດ​ນາມ​ ແລະ ​ພັກ​ປະ​ຊາ​ຊົນ ປະ​ຕິ​ວັດ ລາວ
ບົດຂຽນຂອງ ສະຫາຍ ຫງວຽນ ມິງເຕິມ ເອກອັກຄະລັດຖະທູດ ຜູ້ມີອໍານາດເຕັມ ແຫ່ງ ສສ ຫວຽດນາມ ປະຈໍາ ສປປ ລາວ ສາຍພົວພັນ ລະຫວ່າງ ພັກກອມມູນິດຫວຽດນາມ ແລະ ພັກປະຊາຊົນ ປະຕິວັດ ລາວ ເປັນສາຍພົວພັນມິດຕະພາບອັນຍິ່ງໃຫຍ່,

 ຄວາມສາມັກຄີພິເສດ ແລະ ການຮ່ວມມືຮອບດ້ານ ດ້ວຍຖານະພັກດຽວກຳອຳນາດ, ຖືບົດບາດປະຫວັດສາດ ນຳພາການປະຕິວັດປົດປ່ອຍຊາດ, ນຳພາປະເທດຊາດ ເດີນຕາມເສັ້ນທາງສັງຄົມນິຍົມ.

1. ສາຍພົວພັນຮ່ວມກັນພັກໜຶ່ງ, ນັ້ນແມ່ນພັກກອມມູນິດອິນດູຈີນ, ນຳພາປະຊາຊົນສອປະເທດ ຫວຽດນາມ ແລະ ລາວ ດຳເນີນການປະຕິວັດປົດປ່ອຍຊາດ (1930-1955).

ພັກກອມມູນິດອິນດູຈີນ ໄດ້ກຳເນີດເກີດຂຶ້ນ ດ້ວຍຄັນທຸງການປະຕິວັດຊາດ, ປະຊາທິປະໄຕຕິດແທດກັບການປະຕິວັດຂອງປະຊາຊົນລາວ ກາຍເປັນພາກສ່ວນໜຶ່ງ ທີ່ສະໜິດຕິດແທດຂອງການປະຕິວັດອິນດູຈີນ ແລະ ການປະຕິວັດໂລກ. ຈາກນັ້ນ, ສາຍພົວພັນເປັນເວລາດົນນານ ແລະ ມູນເຊື້ອຄວາມສາມັກຄີ, ຊ່ວຍເຫຼືອຊຶ່ງກັນ ແລະ ກັນ ໃນປະຫວັດສາດຂອງສອງປະເທດ ຫວຽດນາມ ແລະ ລາວ ກ້າວເຂົ້າສູ່ໄລຍະແຫ່ງການພັດທະນາໃໝ່ ດ້ວຍການປະກົດຕົວການຮ່ວມສຳພັນສູ້ຮົບ ລະຫວ່າງ ການປະຕິວັດຂອງສອງປະເທດ.

2. ສາຍພົວພັນສາມັກຄີພິເສດ ແລະ ສຳພັນສູ້ຮົບ ຫວຽດນາມ-ລາວ ຕ້ານກັບຈັກພັດ
ຜູ້ຮຸກຮານ

ພາຍຫຼັງ ພັກປະຊາຊົນລາວ ໄດ້ສ້າງຕັ້ງຂຶ້ນ ແມ່ນສາຍພົວພັນ ລະຫວ່າງ ພັກກອມມູນິດ ກັບພັກປະຊາຊົນ ລາວ ກ້າວເຂົ້າສູ່ໄລຍະແຫ່ງການພັດທະນາໃໝ່ໜຶ່ງ. ເຖິງວ່າມີຊື່ເອີ້ນຕ່າງກັນ, ແຕ່ສອງພັກ ມີເປົ້າໝາຍຮ່ວມກັນ, ເດີນຕາມຈຸດປະສົງໜຶ່ງດຽວ ຊ່ວຍເຫຼືອຊຶ່ງກັນ ແລະ ກັນ, ອາໄສກັນເພື່ອປົກປ້ອງເອກະລາດແຫ່ງຊາດ ທີ່ຍາດມາໄດ້. ສ້າງສາຊີວິດການເປັນຢູ່ມີເສລີພາບ, ມີຄວາມຜາສຸກ ໃຫ້ແກ່ປະຊາຊົນ.

ເຖິງຢ່າງໃດກໍຕາມ, ຄວາມມຸ່ງມາດປາຖະໜາອັນຊອບທຳນັ້ນ ພັດຖືກກີດຂວາງຍ້ອນຈັກກະພັດແບບໃໝ່ ຂຸ້ນຂ້ຽວດຳເນີນປະຕິບັດນະໂຍບາຍຮຸກຮານລ່າເມືອງຂຶ້ນແບບໃໝ່ ຕໍ່ປະເທດລາວ ເວົ້າສະເພາະ ແລະ ຕໍ່ 3 ປະເທດອິນດູຈີນ ເວົ້າລວມ.

ພາຍຫຼັງກຳເນີດຂຶ້ນ, ພັກປະຊາຊົນລາວ ໄດ້ມີສະຕິຄວາມຮັບຜິດຊອບສູງ ຕໍ່ຊາຕະກຳເປັນຕາຍ ແລະ ພາລະກຳພັດທະນາຂອງຊາດ, ຂອງການປະຕິບັດ, ພັກປະຊາຊົນ ລາວ ຍອມທີ່ຈະປະເຊີນໜ້າກັບຈັກກະພັດຜູ້ຮຸກຮ້ານ. ພັກ ໄດ້ນຳພາປະຊາຊົນ ລາວ ດຳເນີນການຕໍ່ສູ້ຢ່າງມະຫັດສະຈັນ ເພື່ອຕ້ານກັບຈັກກະພັດຮຸກຮານ ແລະ ສາມາດຍາດໄດ້ໄຊຊະນະຢ່າງລຽນຕິດ.

3. ສາຍພົວພັນມິດຕະພາບອັນຍິ່ງໃຫຍ່, ຄວາມສາມັກຄີພິເສດ ແລະ ການຮ່ວມມືຮອບດ້ານ ຊ່ວຍເຫຼືອຊຶ່ງກັນ ແລະ ກັນ ໃນການປົກປັກຮັກສາ ແລະ ສ້າງສາປະເທດຊາດ ສັງຄົມນິຍົມ

ພັກກອມມູນິດ ຫວຽດນາມ ແລະ ພັກປະຊາຊົນ ປະຕິວັດ ລາວ ລ້ວນແຕ່ເປັນພັກດຽວກຳອຳນາດ ຖືບົດບາດປະຫວັດສາດ ນຳພາພາລະກິດການປະຕິວັດຂອງແຕ່ລະປະເທດ. ສະນັ້ນ, ເມື່ອກ່າວເຖິງສາຍພົວພັນມິດຕະພາບທີ່ເປັນມູນເຊື້ອ, ຄວາມສາມັກຄີພິເສດ ແລະ ການຮ່ວມມືຮອບດ້ານ ຫວຽດນາມ-ລາວ ໝາຍຄວາມວ່າແມ່ນກ່າວເຖິງສາຍພົວພັນສາມັກຄີພີເສດ ລະຫວ່າງ ພັກກອມມູນິດຫວຽດນາມ ກັບ ພັກປະຊາຊົນ ປະຕິວັດ ລາວ. ພ້ອມກັນນັ້ນ, ເມື່ອກ່າວເຖິງສາຍພົວພັນສອງພັກ ກໍໝາຍຄວາມວ່າ ແມ່ນກ່າວເຖິງສາຍພົວພັນ ຫວຽດນາມ-ລາວ ທັງໝົດ ພາຍໃຕ້ການນຳພາຂອງສອງພັກ.

4. ບາງທິດທາງການຮ່ວມມື ລະຫວ່ງ ພັກກອມມູນິດ ຫວຽດນາມ ແລະ ພັກປະຊາຊົນ ປະຕິວັດລາວ

ໃນປັດຈຸບັນ, ສະພາບການໂລກ ແລະ ພາກພື້ນ ໄດ້ມີການປ່ຽນແປງຢ່າງເລິກເຊິ່ງ, ຫຼວງຫຼາຍ, ກະທົບຕໍ່ສາຍພົວພັນຂອງສອງປະເທດ ຫວຽດນາມ - ລາວ. ສະນັ້ນ, ໃນໄລຍະຕໍ່ໜ້າ, ເພື່ອສາມາດຮັບປະກັນປະຕິບັດພາລະກິດແຫ່ງການປ່ຽນແປງໃໝ່ ຂອງແຕ່ລະປະເທດ, ມະຕິກອງປະຊຸມໃຫຍ່ ຂອງແຕ່ລະພັກ ຢ່າງມີໄຊ, ສອງພັກ, ສອງລັດ ສືບຕໍ່ຢືນຢັນລະດັບຄວາມສຳຄັນ ແລະ ຄວາມໝາຍຍຸດທະສາດຂອງສາຍພົວພັນມິດຕະພາບຍິ່ງໃຫຍ່, ຄວາມສາມັກຄີພິເສດ ແລະ ການຮ່ວມມືຮອບດ້ານ ຫວຽດນາມ-ລາວ ໃນສະພາບການໃໝ່ ບົນພື້ນຖານສະເໝີຕົ້ນສະເໝີປາຍ ບັນດາຫຼັກການ ຊຶ່ງສອງພັກ, ສອງລັດ ໄດ້ເປັນເອກະສັນ. ສອງຝ່າຍ ເປັນເອກະພາບ ຍູ້ແຮງກວ່າເກົ່າ ສາຍພົວພັນການຮ່ວມມືຮອບດ້ານ ຫວຽດນາມ-ລາວ ບົນພື້ນຖານເສີມຂະຫຍາຍຈິດໃຈເອກະລາດ, ເປັນເຈົ້າຕົນເອງ ແລະ ມານະຈິດເຂັ້ມແຂງດ້ວຍຕົນເອງ, ກຸ້ມຕົນເອງ, ຮ່ວມມືສະເໝີພາບ ແລະ ຕ່າງຝ່າຍຕ່າງມີຜົນປະໂຫຍດ. ປະສານສົມທົບລັກສະນະພິເສດຂອງສາຍພົວພັນ ຫວຽດນາມ-ລາວ ກັບຂໍ້ກໍານົດສາກົນ ຢ່າງສົມເຫດສົມຜົນ, ເພື່ອການພັດທະນາ, ວັດທະນະຖາວອນຂອງແຕ່ລະປະເທດ, ເພື່ອສັນຕິພາບ, ສະຖຽນລະພາບ, ການຮ່ວມມື, ພັດທະນາຢູ່ອາຊີອາຄະເນ ແລະ ໃນໂລກ. ສາຍພົວພັນ ລະຫວ່າງ ສອງພັກ, ສອງລັດ ຕ້ອງສຸມໃສ່ບາງເນື້ອດັ່ງນີ້:

ໜຶ່ງ, ສືບຕໍ່ນຳເອົາສາຍພົວພັນດ້ານການເມືອງເຂົ້າສູ່ລວງເລິກ, ນັບມື້ໄວ້ເນື້ອເຊື່ອໃຈ, ເປັນແກນກາງ ກຳນົດທິດທາງໃຫ້ແກ່ການສັງລວມການພົວພັນສອງປະເທດ. ສອງຝ່າຍ ປະສານສົມທົບຢ່າງແໜ້ນແຟ້ນ ໃນບັນດາບັນຫາຍຸທະສາກ່ຽວຂ້ອງເຖິງຄວາມສະຫງົບ ແລະ ການພັດທະນາຂອງແຕ່ລະປະເທດ. ນີ້ແມ່ນໜຶ່ງໃນບັນດາເງື່ອນໄຂພື້ນຖານ ຕັດສິນໄຊຊະນະພາລະກິດແຫ່ງການສ້າງສາ ແລະ ປົກປັກຮັກສາເທຊາດສັງຄົມນິຍົມ ຢູ່ແຕ່ລະປະເທດ, ເປັນພື້ນຖານໜັກແໜ້ນ ເພື່ອເພີ່ທະວີມິດຕະພາບອັນຍິ່ງໃຫຍ່, ຄວາມມັກຄີພິເສດ ແລະ ການຮ່ວມມືຮອບດ້ານ ຫວຽດນາມ-ລາວ.

ສອງ, ປັບປຸງ ແລະ ເພີ່ມທະວີ ຢ່າງໜັກແໜ້ນຄວາມຮັບຮູ້ລວມຂອງສອງພັກ ກ່ຽວກັບລະດັບຄວາມສຳຄັນຍຸດທະສາດຂອງສາຍພົວພັນພິເສດ ຫວຽດນາມ-ລາວ, ຖືວ່ານີ້ແມ່ນບັນຫາທີ່ມີຄວາມໝາຍເປັນຕາຍ ຕໍ່ພາລະກິດແຫ່ງການປ່ຽນແປງໃໝ່, ປົກປັກຮັກສາ ແລະ ສ້າງສາປະເທດຊາດຂອງແຕ່ລະປະເທດ.

ສາມ, ຮັກສາວຽກງານສຶກສາການເມືອງແນວຄິດເປັນປະຈຳ ຜ່ານບັນດາການເຄື່ອນໄຫວພົບປະແລກປ່ຽນວັດທະນະທຳ, ການທູດປະຊາຊົນ ເພື່ອທົ່ວພັກ, ທົ່ວປວງຊົນ ເປັນຕົ້ນ ແມ່ນໄວໜຸ່ມສອງປະເທດ ເຂົ້າໃຈແຈ້ງກ່ຽວກັບຄວາມໝາຍ ແລະ ຄວາມຈຳເປັນ ໃນການຕ້ອງເພີ່ທະວິສາຍພົວພັນມິດຕະພາບທີ່ເປັນມູນເຊື້ອ, ຄວາມສາມັກຄີພິເສດ ລະຫວ່າງ ສອງພັກ, ສອງລັດ. ພ້ອມທັງ, ປະສານສົມທົບຕໍ່ສູ້ຕອບໂຕ້ຄືນ ຕໍ່ບັນດາຖ້ອຍທຳນອງບິດເບືອນ, ແບ່ງແຍກສາຍພົວພັນ ລະຫວ່າງສອງພັກ, ສອງລັດ.

ສີ່, ເພີ່ມທະວີບັນດາການແລກປ່ຽນດ້ານທິດສະດີ ແລະ ພຶດຕິກຳຕົວຈິງ, ແລກປ່ຽນບົດຮຽນກ່ຽວກັບການກໍ່ສ້າງພັກ, ກໍ່ສ້າງລະບົບການເມືອງ, ຄຸ້ມຄອງລັດ, ພັດທະນາເສດຖະກິດ-ສັງຄົມ, ເຊື່ອມໂຍງສາກົນ ກ່ຽວກັບບັນດາບັນຫາ ຊຶ່ງສອງຝ່າຍມີຄວາມສົນໃຈຮ່ວມກັນ. ເສີມຂະຫຍາຍກົນໄກພົບປະສ້າງສັນ, ການຮ່ວມມືໂດຍກົງ ລະຫວ່າງ ບັນດາອົງການສູນກາງຂອງສອງພັກ, ລະຫວ່າງ ອົງຄະນະພັກຂັ້ນທ້ອງຖິ່ນ ເປັນຕົ້ນ ແມ່ນບັນດາທ້ອງຖິ່ນ ທີ່ມີຊາຍແດນຕິດຈອດກັນ. ຍູ້ແຮງການ ຮ່ວມມື ກ່ຽວກັບການກໍ່ສ້າງພະນັກງານ, ລວມທັງພະນັກງານສາຍພັກ, ອຳນາດການປົກຄອງ, ການຈັດຕັ້ງມະຫາຊົນ ນັບແຕ່ຂັ້ນສູນກາງ ຕະຫຼອດຮອດຂັ້ນທ້ອງຖິ່ນ ແລະ ຮາກຖານ, ພະນັກງານຂອງລະບົບການເມືອງ ແລະ ນັກຊ່ຽວຊານ ໃນຂົງເຂດຕ່າງໆ.

ຫ້າ, ເພີ່ມທະວີການຊີ້ນຳ, ກຳນົດທິດຍຸດທະສາດ ໃນການຮ່ວມມືດ້ານເສດຖະກິດ, ວັດທະນະທຳ, ການສຶກສາ, ການກໍ່ສ້າງ, ປ້ອງກັນຊາດ, ປ້ອງກັນຄວາມສະຫງົບ ແລະ ວຽກງານການຕ່າງປະເທດ ລະຫວ່າງ ສອງປະເທດ, ໃນນັ້ນ ການຮ່ວມມືດ້ານເສດຖະກິດ ຕ້ອງມີການບຸກທະລຸຕາມທິດເພີ່ມທະວີການເຊື່ອມຈອດ ລະຫວ່າງ ສອງພື້ນຖານເສດຖະກິດ ແລະ ລະບອບລະບຽບການ, ໂຄງລ່າງຄົມມະນາຄົມ, ການເງິນ, ທະນາຄານ, ພະລັງງານໄຟຟ້າ, ໂທລະຄົມມະນາຄົມ, ການທ່ອງທ່ຽວ; ການຮ່ວມມື ດ້ານປ້ອງກັນຊາດ-ປ້ອງກັນຄວາມສະຫງົບ ເປັນເສົາຄ້ຳ; ການຮ່ວມມດ້ານວັດທະນະທຳ, ການສຶກສາ, ວິທະຍາສາດ-ເຕັກນິກ ເປັນພື້ນຖານທີ່ສະໜິດຕິດແທດສາຍພົວພັນແບບຍືນຍົງລະຫວ່າງ ສອງປະເທດ. ສອງຝ່າຍ ຕັ້ງໜ້າຜັນຂະຫຍາຍຢ່າງມີປະສິດທິຜົນ ຂໍ້ຕົກລົງຍຸດທະສາດ ການຮ່ວມມື ຫວຽດນາມ-ລາວ ໄລຍະ 2021-2030 ແລະ ແຜນການຮ່ວມມືປະຈຳປີ ລະຫວ່າງ ສອງລັດຖະບານ.

ຫົກ, ເພີ່ມທະວີການແລກປ່ຽນຄະນະ ລະຫວ່າງ ບັນດາຂະແໜງການ, ຂັ້ນຕ່າງໆ, ການຈັດຕັ້ງມະຫາຊົນ ແລະ ທ້ອງຖິ່ນຂອງສອງປະເທດ ເປັນຕົ້ນ ແມ່ນລະຫວ່າງ ບັນດາທ້ອງຖິ່ນທີ່ມີຊາຍແດນຕິດຈອດກັນ ເພື່ອເພີ່ມທະວີຄວາມເຂົ້າໃຈຊຶ່ງກັນ ແລະ ກັນ, ບິແບ່ງຂໍ້ມູນ, ບົດຮຽນ ແລະ ກະຕຸກຊຸກຍູ້ການຮ່ວມມື, ການຊ່ວຍເຫຼືອກັນ ພ້ອມກັນພັດທະນາ.

ເຊື່ອມຊຶມແນວຄິດຂອງປະທານ ໂຮ່ຈິມິນ ແລະ ຄວາມມຸ່ງຫວັງຂອງປະທານ ໄກສອນ ພົມວິຫານ ດ້ວຍຄວາມພະຍາຍາມຂອງສອງພັກ, ສອງລັດ ແລະ ປະຊາຊົນສອງຊາດ. ແນ່ນອນວ່າ: ສາຍພົວພັນສາມັກຄີພິເສດ ຫວຽດນາມ-ລາວ ຈະໄດ້ຂະຫຍາຍຕົວຢ່າງບໍ່ຢຸດຢັ້ງ, ນັບມື້ເຂົ້າສູ່ລວງເລິກ, ມີປະສິດທິຜົນ ແລະ ແທດຈິງ, ນຳເອົາຜົນປະໂຫຍດໃຫ້ແກ່ປະຊາຊົນ ແຕ່ລະປະເທດ, ປະກອບສ່ວນເຂົ້າໃນສັນຕິພາບ, ສະຖຽນລະພາບ, ການຮ່ວມມື, ການພັດທະນາຢູ່ພາກພື້ນ ແລະ ສາກົນ.

ຄໍາເຫັນ

ຂ່າວການຮ່ວມມື

ທ່ານ ຈາຕຸລົງ ບົວສີສະຫວັດ ທູດລາວຄົນໃໝ່ປະຈຳ ນິວຊີແລນ

ທ່ານ ຈາຕຸລົງ ບົວສີສະຫວັດ ທູດລາວຄົນໃໝ່ປະຈຳ ນິວຊີແລນ

ໃນວັນທີ 10 ກັນຍາ ຜ່ານມາ ທີ່ ທໍານຽບລັດຖະບານ ທີ່ ນະຄອນຫຼວງແວວລິງຕັນ, ທ່ານ ຈາຕຸລົງ ບົວສີສະຫວັດ ໄດ້ຍື່ນສານຕາຕັ້ງ ຕໍ່ ທ່ານ ນາງ ແດມ ຊິນດີ ຄີໂຣ ຜູ້ສຳເລັດຣາຊະການ ແຫ່ງ ເຄືອຈັກກະພົບ ນິວຊີແລນ ເພື່ອປະ​ຕິ​ບັດ​ໜ້າທີ່ເປັນເອກອັກຄະລັດຖະທູດວິສາມັນຜູ້ມີອຳນາດເຕັມ ແຫ່ງ ​ສ​ປ​ປ ລາວ ປະຈໍາ ເຄືອຈັກກະພົບ ນິວຊີແລນ ໂດຍມີສໍານັກງານຕັ້ງຢູ່ນະຄອນຫຼວງແຄນເບີຣາ ປະເທດອົສຕຣາລີ.
ສຳເລັດຊຸດຝຶກອົບຮົມວຽກງານການພິມ ການຈັດພິມ ແລະ ການຈໍາໜ່າຍ

ສຳເລັດຊຸດຝຶກອົບຮົມວຽກງານການພິມ ການຈັດພິມ ແລະ ການຈໍາໜ່າຍ

ຊຸດຝຶກອົບຮົມດ້ານວຽກງານການພິມ ການຈັດພິມ ແລະ ການຈໍາໜ່າຍໄດ້ປິດລົງໃນວັນທີ 11 ກັນຍາ ນີ້ ທີ່ສູນອົບຮົມແມ່ຍິງລາວ ເປັນກຽດເຂົ້າຮ່ວມມີທ່ານ ວັນສີ ກົວມົວ ຮອງລັດຖະມົນຕີກະຊວງວັດທະນະທຳ ແລະ ການທ່ອງທ່ຽວ (ວທ), ທ່ານ ຫງ້ວຽນ ຫງວຽນ ຫົວໜ້າກົມຈັດພິມ, ການພິມ ແລະ ຈໍາໜ່າຍ ກະຊວງວັດທະນະທໍາກິລາ ແລະ ທ່ອງທ່ຽວ ສສ ຫວຽດນາມ, ມີຫົວໜ້າກົມ, ຜູ້ຕາງໜ້າຈາກກົມກອງ, ຜູ້ອໍານວຍການສໍານັກພິມ, ໂຮງພິມ, ປະທານສະມາຄົມ, ຜູ້ປະກອບການພາກລັດ ແລະ ວິສາຫະກິດ ພ້ອມດ້ວຍສໍາມະນາກອນ ແລະ ພາກສ່ວນກ່ຽວຂ້ອງເຂົ້າຮ່ວມ.
ກອງປະຊຸມການເຊື່ອມໂຍງພະລັງງານໂລກ ປີ 2025

ກອງປະຊຸມການເຊື່ອມໂຍງພະລັງງານໂລກ ປີ 2025

ກອງປະຊຸມການເຊື່ອມໂຍງພະລັງງານໂລກປີ 2025 ໄດ້ຈັດຂຶ້ນໃນວັນທີ 9 ກັນຍາ ຜ່ານມາ ທີ່ຫໍປະຊຸມແຫ່ງຊາດ ທີ່ນະຄອນຫຼວງປັກກິ່ງ ສປ ຈີນ ຊຶ່ງກອງປະຊຸມຄັ້ງນີ້ເປັນຄັ້ງທີ 7 ຈັດໂດຍອົງການຮ່ວມມືພັດທະນາການເຊື່ອມໂຍງພະລັງງານລະດັບໂລກ ຮ່ວມກັບອົງການພັດທະນາແຫ່ງສະຫະປະຊາຊາດ, ຄະນະກໍາມະການເສດຖະກິດ ແລະ ສັງຄົມ ສໍາລັບອາເມຣິກາ ແລະ ຄາລີບຽນ, ຄະນະກຳມະການເສດຖະກິດ ແລະ ສັງຄົມສຳລັບອາຊີ-ປາຊີຟິກ, ອົງການອຸດສາຫະກຳສະຫະປະຊາຊາດ, ອົງການເຄືອຂ່າຍແນວທາງແກ້ໄຂການພັດທະນາແບບຍືນຍົງຂອງສະຫະປະຊາຊາດ ແລະ ອົງການພະລັງງານ ອາເມຣິກາ ລາຕິນ. ໂດຍໃຫ້ກຽດເຂົ້າຮ່ວມຂອງທ່ານ ຫານ ເຈິ້ງ (Han Zheng) ຮອງປະທານປະເທດແຫ່ງ ສປ ຈີນ ແລະ ທ່ານຊິ່ນ ປ້າວອັນ (Xin Baoan) ປະທານອົງການພັດທະນາ ແລະ ການຮ່ວມມືລະຫວ່າງການເຊື່ອມຕໍ່ພະລັງງານທົ່ວໂລກ ປະທານສະພາໄຟຟ້າ ແຫ່ງ ສປຈີນ, ພາຍໃຕ້ຫົວຂໍ້ “ເຊື່ອມໂຍງພະລັງງານໂລກ ເພື່ອຕອບສະໜອງໄຟຟ້າທົ່ວໂລກດ້ວຍພະລັງງານສະອາດ”, ໂດຍມີແຂກພາຍໃນ ແລະ ຕ່າງປະເທດເຂົ້າຮ່ວມຫຼາຍກວ່າ 100 ປະເທດ. ໃນນັ້ນມີຕາງໜ້າຈາກກະຊວງອຸດສາຫະກຳ ແລະ ການຄ້າຂອງ ສປປ ລາວ ເຂົ້າຮ່ວມອີກດ້ວຍ.
ກອງປະຊຸມວິຊາການໃນຂະແໜງການທະນາຄານ

ກອງປະຊຸມວິຊາການໃນຂະແໜງການທະນາຄານ

ໃນວັນທີ 11 ກັນຍາ ນີ້ ທີ່ໂຮງແຮມຄຣາວພາຊາ ທະນາຄານແຫ່ງ ສປປ ລາວ (ທຫລ) ໄດ້ຈັດກອງປະຊຸມວິຊາການຂະແໜງການທະນາຄານ ພາຍໃຕ້ການເປັນປະທານກ່າວເປີດກອງປະຊຸມໂດຍທ່ານ ນາງ ບຸນຄຳ ວໍລະຈິດ ຜູ້ວ່າການ ທຫລ ຊຶ່ງມີທ່ານຮອງຜູ້ວ່າການ ທຫລ, ບັນດາທ່ານຈາກບັນດາກະຊວງ, ທະນາຄານພັດທະນາອາຊີ ແລະ ອົງການຈັດຕັ້ງສາກົນ, ທະນາຄານທຸລະກິດ, ສະຖາບັນການເງິນ, ຜູ້ໃຫ້ບໍລິການໃນການຊຳລະ ແລະ ວິຊາການທີ່ກ່ຽວຂ້ອງ ເຂົ້າຮ່ວມ.
ກວດຄວາມພ້ອມກຽມຝຶກຊ້ອມຮ່ວມລາວ-ຣັດເຊຍ

ກວດຄວາມພ້ອມກຽມຝຶກຊ້ອມຮ່ວມລາວ-ຣັດເຊຍ

ໃນວັນທີ 10 ກັນຍາ ຜ່ານມາ, ສະຫາຍ ພົນຈັດຕະວາ ກົງທອງ ສຸຂະວົງ ຮອງຫົວໜ້າກົມໃຫຍ່ເສນາທິການກອງທັບປະຊາຊົນລາວ ພ້ອມຄະນະ ແລະ ສະຫາຍ ພັນເອກ ໂຣມັນ ໂກວາເລັນໂກ ທີ່ປຶກສາທູດຝ່າຍທະຫານແຫ່ງ ສ ຣັດເຊຍ ປະຈໍາ ສປປ ລາວ ໄດ້ເຄື່ອນໄຫວກວດກາຄວາມພ້ອມຢູ່ພາກສະໜາມ ເພື່ອກະກຽມຫັດແອບຝຶກຊ້ອມຮ່ວມລາວ-ຣັດເຊຍ ພາຍໃຕ້ລະຫັດ “ລາໂຣດສ 2025” ທີ່ຈະໄດ້ຈັດຂຶ້ນຢູ່ສະໜາມຫັດແອບວິທະຍາຄານນາຍທະຫານບົກກົມມະດຳ.
ສາຍການບິນ Vietjet ລາຍງານຜົນການກວດສອບບັນຊີການເງິນ

ສາຍການບິນ Vietjet ລາຍງານຜົນການກວດສອບບັນຊີການເງິນ

ສາຍການບິນ Vietjet ໄດ້ເຜີຍແຜ່ບົດລາຍງານການກວດສອບບັນຊີການເງິນສໍາລັບເຄິ່ງປີທໍາອິດ ຂອງປີ 2025, ໂດຍລາຍງານການເຕີບໃຫຍ່ທີ່ໂດດເດັ່ນ ແລະ ເສີມສ້າງຄວາມເຂັ້ມແຂງໃນຖານະສາຍການບິນທີ່ກໍາລັງຂະຫຍາຍຕົວໃນລະດັບສາກົນ. ນອກຈາກນີ້, ສາຍການບິນດັ່ງກ່າວຍັງໄດ້ປະກາດເສັ້ນທາງບິນໃໝ່ ໂດຍມີຖ້ຽວບິນກົງເຊື່ອມຕໍ່ລະຫວ່າງນະຄອນໂຮ່ຈິມິນ ຊຶ່ງເປັນສູນກາງທາງດ້ານເສດຖະກິດຂອງຫວຽດນາມກັບນະຄອນຫຼວງມານີລາຂອງຟີລິບປິນ ຊຶ່ງມີກຳນົດເປີດໃຫ້ບໍລິການໃນເດືອນພະຈິກ. ສໍາລັບນັກທ່ອງທ່ຽວຊາວລາວ, ເສັ້ນທາງບິນໃໝ່ນີ້ຈະອຳນວຍຄວາມສະດວກໃນການເດີນທາງລະຫວ່າງ ສປປ ລາວ ແລະ ປະເທດຟີລິບປິນ ໄດ້ສະດວກຂຶ້ນ ຜ່ານການເຊື່ອມຕໍ່ຖ້ຽວບິນຂອງສາຍການບິນ Vietjet.
ຄຳມ່ວນ - ນະຄອນພະນົມ ຮ່ວມມືໃນ 8 ບັນຫາສໍາຄັນ

ຄຳມ່ວນ - ນະຄອນພະນົມ ຮ່ວມມືໃນ 8 ບັນຫາສໍາຄັນ

ກອງປະຊຸມ ຄະນະກໍາມະການຮ່ວມມືຮັກສາຄວາມສະຫງົບຮຽບຮ້ອຍຕາມຊາຍແດນ ລາວ - ໄທ ຄັ້ງທີ 14 ລະຫວ່າງ ແຂວງຄຳມວນ ສປປ ລາວ ແລະ ຈັງຫວັດນະຄອນພະນົມ ຣາຊະອານາຈັກໄທ ຈັດຂຶ້ນໃນວັນທີ 10 ກັນຍານີ້ ທີ່ເຮືອນພັກເລກ 1 ແຂວງຄໍາມ່ວນ ສປປ ລາວ. ຄະນະຜູ້ແທນ ຝ່າຍແຂວງຄໍາມ່ວນນໍາໂດຍ ທ່ານ ວັນໄຊ ພອງສະຫວັນ ເຈົ້າແຂວງຄໍາມ່ວນ ປະທານຄະນະກຳມະການຮ່ວມມືຮັກສາຄວາມສະຫງົບຮຽບຮ້ອຍຕາມຊາຍແດນຂອງແຂວງ, ຝ່າຍຈັງຫວັດນະຄອນພະນົມ ນໍາໂດຍ ທ່ານ ປຣາດຍາ ອຸ່ນເພັດວະຣາກອນ ຜູ້ວ່າຣາຊະການຈັງຫວັດນະຄອນພະນົມ ປະທານຄະນະກຳມະການຮ່ວມມືຮັກສາຄວາມສະຫງົບຮຽບຮ້ອຍຕາມຊາຍແດນຈັງຫວັດນະຄອນພະນົມ, ມີຕາງໜ້າກົງສູນໃຫຍ່ ສປປ ລາວ ປະຈໍາຂອນແກ່ນ ແລະ ກົງສູນໃຫຍ່ ຣາຊະອານາຈັກໄທ ປະຈໍາສະຫວັນນະເຂດ, ພ້ອມດ້ວຍຜູ້ແທນສອງຝ່າຍເຂົ້າຮ່ວມ.
ທ່ານ ພູໂຂງ ສີສຸລາດ ຍື່ນສານຕາຕັ້ງຕໍ່ ປະທານາທິບໍດີ ສ ອາເມລິກາ

ທ່ານ ພູໂຂງ ສີສຸລາດ ຍື່ນສານຕາຕັ້ງຕໍ່ ປະທານາທິບໍດີ ສ ອາເມລິກາ

ໃນຕອນເຊົ້າຂອງວັນທີ 5 ກັນຍາ ຜ່ານມາ ທີ່ ທໍານຽບຂາວ, ທ່ານ ພູໂຂງ ສີສຸລາດ ໄດ້ເຂົ້າຍື່ນສານຕາຕັ້ງຕໍ່ທ່ານ ໂດໂນ ທຣຳ ປະທານາທິບໍດີ ແຫ່ງ ສະຫະລັດ ອາເມຣິກາ ເພື່ອດໍາລົງຕໍາແໜ່ງເປັນເອກອັກຄະລັດຖະທູດວິສາມັນຜູ້ມີອໍານາດເຕັມ ແຫ່ງ ສປປ ລາວ ປະຈໍາ ສະຫະລັດອາເມຣິກາ ຄົນໃໝ່ ຊຶ່ງມີສຳນັກງານການທູດຕັ້ງຢູ່ນະຄອນຫຼວງວໍຊິງຕັນ, ດີຊີ (Washington, D.C.)
ທູດລາວ ຍື່ນສານຕາຕັ້ງຕໍ່ ປະທານາທິບໍດີ ຝຣັ່ງ

ທູດລາວ ຍື່ນສານຕາຕັ້ງຕໍ່ ປະທານາທິບໍດີ ຝຣັ່ງ

ໃນຕົ້ນເດືອນກັນຍາ ນີ້ ທີ່ ທຳນຽບປະທານາທິບໍດີ ແຫ່ງ ສາທາລະນະລັດ ຝຣັ່ງ ນະຄອນຫຼວງປາຣີ, ທ່ານ ກາລະມຸງຄຸນ ສຸພານຸວົງ ໄດ້ເຂົ້າຍື່ນສານຕາຕັ້ງ ຕໍ່ທ່ານ ແອມມານູຍແອນ ມາຄຣົງ (Emmanuel MACRON) ປະທານາທິບໍດີ ແຫ່ງ ສາທາລະນະລັດ ຝຣັ່ງ ເພື່ອດຳລົງຕຳແໜ່ງເປັນເອກອັກຄະຖະທູດວິສາມັນ ຜູ້ມີອຳນາດເຕັມ ແຫ່ງ ສປປ ລາວ ປະຈຳ ປະເທດ ສາທາລະນະລັດ ຝຣັ່ງ.
ທ່ານຮອງນາຍົກລັດຖະມົນຕີ ຕ້ອນຮັບຜູ້ຊ່ວຍເລຂາທິການໃຫຍ່ ອົງການ ສປຊ

ທ່ານຮອງນາຍົກລັດຖະມົນຕີ ຕ້ອນຮັບຜູ້ຊ່ວຍເລຂາທິການໃຫຍ່ ອົງການ ສປຊ

ໃນຕອນເຊົ້າວັນທີ 10 ກັນຍາ ນີ້ ທີ່ສຳນັກງານນາຍົກລັດຖະມົນຕີ, ທ່ານ ກິແກ້ວ ໄຂຄຳພິທູນ ຮອງນາຍົກລັດຖະມົນຕີ ແຫ່ງ ສປປ ລາວ ໄດ້ໃຫ້ກຽດຕ້ອນຮັບການເຂົ້າຢ້ຽມຂ່ຳນັບຂອງ ທ່ານ ນາງ ການນີ ວິຍາຣາຈາ (Ms. KanniWignaraja) ຜູ້ຊ່ວຍເລຂາທິການໃຫຍ່ ອົງການສະຫະປະຊາຊາດ ຜູ້ອໍານວຍການພາກພື້ນອາຊີ-ປາຊີຟິກ ຂອງອົງການສະຫະປະຊາຊາດ ເພື່ອການພັດທະນາ (UNDP) ພ້ອມດ້ວຍຄະນະ.
ເພີ່ມເຕີມ