 |
ໃນວາລະ, ທ່ານ ສາລະພິດ ສູນວໍລະວົງ ໄດ້ລາຍງານການຈັດຕັ້ງປະຕິບັດວຽກງານ 18 ຄາດ ໝາຍ ດ້ານແຮງງານ ແລະ ສະຫວັດດີການສັງຄົມ ນວ ປະຈໍາໄຕມາດ II (4,5,6) 2026 ແລະ ທິດທາງ 6 ເດືອນຕໍ່ໜ້າປີ 2026. ການຈັດຕັ້ງປະຕິບັດ 18 ຄາດໝາຍດ້ານແຮງງານ ແລະ ສະຫວັດດີການສັງຄົມ ມີ: 1. ຄວບຄຸມອັດຕາການວ່າງງານ, 2. ພັດທະນາສີມືແຮງງານ ໃຫ້ຜູ້ບໍ່ມີວິຊາຊີບ, ຜູ້ຕ້ອງການປ່ຽນອາຊີບ, ຜູ້ວ່າງງານ ແລະ ຜູ້ທີ່ຈະເຂົ້າສູ່ຕຳແໜ່ງງານໃໝ່, 3. ສົ່ງເສີມການຈັດຫາວຽກເຮັດງານທໍາໃຫ້ແຮງງານທີ່ຕ້ອງການມີວຽກເຮັດງານທໍາ ໃຫ້ເຂົ້າສູ່ຕະຫຼາດແຮງງານ ໄດ້ 1,795 ຄົນ ຍິງ 953 ຄົນ, 4. ທົດສອບ ແລະ ອອກໃບຢັ້ງຢືນມາດຕະຖານສີມືແຮງງານ, 5. ຊຸກຍູ້ໃຫ້ຜູ້ໃຊ້ແຮງງານ ແລະ ຜູ້ອອກແຮງງານນໍາໃຊ້ລະບົບຂໍ້ມູນຂ່າວສານຕະຫຼາດແຮງງານ ໃຫ້ສາມາດດັດສົມ ຄວາມຕ້ອງການ ແລະ ການຕອບສະໜອງແຮງງານເຂົ້າສູ່ຕະຫຼາດແຮງງານໄດ້ 4,634 ເທື່ອຄົນ ຍິງ 2,056, 6. ໂຄສະນາເຜີຍແຜ່ກົດໝາຍວ່າດ້ວຍແຮງງານ ແລະ ລົງຕິດຕາມ-ກວດກາບັນດາຫົວໜ່ວຍແຮງງານໃຫ້ປະຕິບັດກົດ ໝາຍແຮງງານ, 7. ໄດ້ຮັບຂໍ້ຂັດແຍ່ງແຮງງານທັງໝົດ ຈຳນວນ 9 ເລື່ອງ, 8. ຊຸກຍູ້ຫົວໜ່ວຍແຮງງານໃຫ້ໄດ້ມາດຖານແຮງງານແຫ່ງຊາດ ໃຫ້ໄດ້ 6 ຫົວໜ່ວຍ, 9. ຊຸກຍູ້ໃຫ້ຫົວໜ່ວຍແຮງງານສ້າງ ແລະ ປັບປຸງກົດລະບຽບພາຍໃນ ໄດ້ 98 ຫົວໜ່ວຍ, 10. ຊຸກຍູ້ໃຫ້ຫົວໜ່ວຍແຮງງານ ເຮັດສັນຍາແຮງງານ ໄດ້ 13 ຫົວໜ່ວຍ, 11. ຊຸກຍູ້ໃຫ້ຜູ້ອອກແຮງງານໄດ້ຮັບການກວດສຸຂະພາບແຮງງານ ໄດ້ 60 ຫົວໜ່ວຍ, 12. ຊຸກຍູ້ສ້າງຕັ້ງໜ່ວຍງານ ຄວາມປອດໄພ ແລະ ສຸຂະພາບແຮງງານ ໄດ້ 72 ຫົວໜ່ວຍ, 13. ໂຄສະນາປະຊາສໍາພັນວຽກປະກັນສັງຄົມໃຫ້ແກ່ບັນດາອົງການຈັດຕັ້ງຂອງລັດ ແລະ ຫົວໜ່ວຍວິສາຫະກິດໄດ້ 18 ຄັ້ງ, 14. ຂະຫຍາຍອັດຕາປົກຄຸມປະກັນສັງຄົມ ໄດ້ 389 ຄົນ ຍິງ 275 ຄົນ, 15. ປະຕິບັດນະໂຍບາຍຕໍ່ຜູ້ທີ່ມີຜົນງານ ແລະ ຄຸນງາມຄວາມດີ ໃນພາລະກິດປະຕິວັດຊາດປະຊາທິປະໄຕ ໄດ້ 13 ທ່ານ ຍິງ 2 ທ່ານ, 16. ຊ່ວຍເຫຼືອເຂົ້າກິນໃຫ້ຜູ້ປະສົບໄພພິບັດ, ຜູ້ທຸກຍາກ ແລະ ຜູ້ດ້ອຍໂອກາດໃນສັງຄົມຂອບເຂດນະຄອນຫຼວງວຽງຈັນ ໄດ້ 1,963 ຄົນ, 17. ສ້າງບ້ານ ແລະ ຄອບຄົວພັດທະນາດ້ານແຮງານ ແລະ ສະຫວັດດີການສັງຄົມ ໄດ້ 2 ບ້ານ ມີ 1,294 ຄອບຄົວ ແລະ 18. ຊຸກຍູ້ສ້າງຕັ້ງກອງທຶນໄພພິບັດ ໄດ້ 9 ເມືອງ
 |
ທິດທາງແຜນການ 6 ເດືອນຕໍ່ໜ້າ ປີ 2026 ຄວບຄຸມອັດຕາວ່າງງານ ໃຫ້ຢູ່ໃນລະດັບ 1.5%. ພັດທະນາສີມືແຮງງານ ໃຫ້ຜູ້ບໍ່ມີວິຊາຊີບ, ຜູ້ຕ້ອງການປ່ຽນອາຊີບ, ຜູ້ວ່າງງານ ແລະ ຜູ້ທີ່ຈະເຂົ້າສູ່ຕຳ ແໜ່ງງານ ໃໝ່ ໃຫ້ໄດ້ 2,134 ຄົນ. ສົ່ງເສີມການຈັດຫາວຽກເຮັດງານທຳ ໃຫ້ແຮງງານທີ່ຕ້ອງການ ເຂົ້າສູ່ຕະຫຼາດແຮງງານ ໃຫ້ໄດ້ 1,502 ຄົນ, ທົດສອບ ແລະ ອອກໃບຢັ້ງຢືນມາດຕະຖານສີມືແຮງງານ ໃຫ້ໄດ້ 50 ຄົນ, ຊຸກຍູ້ໃຫ້ຜູ້ໃຊ້ແຮງງານ ແລະ ຜູ້ອອກແຮງງານນຳໃຊ້ລະບົບຂໍ້ມູນຂ່າວສານຕະຫຼາດແຮງງານ ໃຫ້ໄດ້ 283 ເທື່ອຄົນ, ໂຄສະນາເຜີຍແຜ່ກົດໝາຍວ່າດ້ວຍແຮງງານ ແລະ ລົງຕິດຕາມ-ກວດກາບັນດາຫົວໜ່ວຍແຮງງານໃຫ້ປະຕິບັດກົດໝາຍແຮງງານ, ຊຸກຍູ້ຫົວໜ່ວຍແຮງງານໃຫ້ໄດ້ມາດຕະຖານແຮງງານແຫ່ງຊາດ ໃຫ້ໄດ້ 1 ຫົວໜ່ວຍ, ຊຸກຍູ້ໃຫ້ຫົວໜ່ວຍແຮງງານສ້າງ ແລະ ປັບປຸງກົດລະບຽບພາຍໃນ ໃຫ້ໄດ້ 11 ຫົວໜ່ວຍ, ຊຸກຍູ້ໃຫ້ຫົວໜ່ວຍແຮງງານ ເຮັດສັນຍາແຮງງານ ໃຫ້ໄດ້ 3 ຫົວໜ່ວຍ, ຊຸກຍູ້ໃຫ້ຜູ້ອອກແຮງງານໄດ້ຮັບການກວດສຸຂະພາບແຮງງານ ໃຫ້ໄດ້ 20 ຫົວໜ່ວຍ ແລະ ວຽກງານອື່ນໆ.
(ຂ່າວ: ແສງຈັນ)
ຄໍາເຫັນ