ສາທາແຂວງສາລະວັນ ເອົາໃຈໃສ່ຕໍ່ວຽກງານໂພຊະນາການ ບັນລຸຕາມໂຕຊີ້ບອກທີ່ສະພາແຫ່ງຊາດຮັບຮອງ

ສາທາແຂວງສາລະວັນ ເອົາໃຈໃສ່ຕໍ່ວຽກງານໂພຊະນາການ ບັນລຸຕາມໂຕຊີ້ບອກທີ່ສະພາແຫ່ງຊາດຮັບຮອງ
ໂດຍ:ບຸນຕອມ
ພະແນກສາທາລະນະສຸກ  ແຂວງສາລະວັນ ຍາມໃດກໍໃຫ້ຄວາມສຳຄັນຕໍ່ວຽກງານໂພຊະນາການແມ່-ເດັກ ໂດຍສຸມໃສ່ໃນການລົງໂຄສະນາສຸຂະສຶກສາໃຫ້ປະຊາຊົນຮັບຮູ້ ແລະ ເຂົ້າໃຈຕໍ່ຄວາມສຳຄັນຂອງ ວຽກງານດັ່ງກ່າວ ເພື່ອຫຼຸດຜ່ອນອັດຕາການຕາຍຂອງແມ່ ບັນຫາການຂາດສານອາຫານ ເດັກເຕ້ຍ ນ້ຳໜັກຕ່ຳກວ່າເກນ ແລະ ອື່ນໆ ທັງນີ້ກໍເພື່ອແນໃສ່ເປັນການປະກອບສ່ວນເຂົ້າໃນການຈັດຕັ້ງປະຕິບັດວຽກງານໂພຊະນາການ ໃຫ້ບັນລຸຕາມ 11 ໂຕຊີ້ບອກທີ່ສະພາແຫ່ງຊາດຮັບຮອງ.
ທ່ານ ວົງດາວ ສຸລິນທາ ຮອງຫົວໜ້າ ພະແນກສາທາລະນະສຸກແຂວງສາລະວັນ ໄດ້ໃຫ້ສຳພາດຕໍ່ທີມງານນັກຂ່າວຈາກສູນກາງໃນວັນທີ 9 ມັງກອນ ນີ້ ວ່າ: ພະແນກສາທາລະນະສຸກ ແຂວງສາລະວັນແລະ ຂະແໜງອະນາໄມ ສົ່ງເສີມສຸຂະພາບ ໄດ້ເອົາໃຈໃສ່ລົງເຄື່ອນໄຫວຈັດຕັ້ງປະຕິບັດຊີ້ນຳ-ນຳພາ ນັບແຕ່ຂັ້ນແຂວງ,ເມືອງ,ໂຮງໝໍນ້ອຍຈົນຮອດຂັ້ນບ້ານ ໄດ້ມີຜົນສຳເລັດຫຼາຍດ້ານ ກ່ຽວກັບ 11 ຕົວຊີ້ບອກສະພາແຫ່ງຊາດຮັບຮອງ ໂດຍສະເພາະແມ່ນອັດຕາເດັກນ້ອຍລຸ່ມ 5 ປີ ທີ່ນໍ້າໜັກຕໍ່າກວ່າມາດຕະຖານ ຖ້າທຽບໃສ່ຄາດໝາຍຕົວເດັກທີ່ພວກເຮົາຕັ້ງໄວ້ໃນແຕ່ລະປີເຫັນວ່າບັນລຸໄດ້ຕາມແຜນການ ແລະ  ເປົ້າໝາຍທີ່ຕັ້ງໄວ້ແມ່ນ 23%,ປະຕິບັດໄດ້ 11%,ເດັກອາຍຸຕໍ່າກວ່າ 5 ປີເຕ້ຍ ບໍໍ່ໄດ້ມາດຖານ ຄາດໝາຍທີ່ຕັ້ງໄວ້ 30%,  ປະຕິບັດໄດ້ 15%,ອັດຕາການຕາຍຂອງເດັກລຸ່ມ 1 ປີ ແມ່ນບັນລຸໄດ້, ອັດຕາການຕາຍຂອງເດັກລຸ່ມ 5 ປິ ແມ່ນບັນລຸໄດ້ 23% ສ່ວນອັດຕາການຕາຍຂອງແມ່ຖ້າທຽບໃສ່ ໜຶ່ງປີຜ່ານມາແມ່ນຫຼຸດລົງ,ປີຜ່ານມາເສຍຊີວິດ 10 ຄົນ, ໂດຍຕັ້ງໄວ້ບໍ່ໃຫ້ເກີນ 100/100.000 ຄົນ, ອັດຕາການເກີດລູກໃນສະຖານທີ່ບໍລິການທີ່ມີແພດຊ່ວຍໂຕເລກຕັ້ງໄວ້ແມ່ນ 85%, ປະຕິບັດໄດ້ 91%,ອັດຕາການສັກຢາກັນພະຍາດ ໂຕເລກຕັ້ງໄວ້ແມ່ນ 96%, ປະຕິບັດໄດ້ 101,7% ອັດຕາການໃຊ້ນໍ້າສະອາດໂຕເລກຄາດໝາຍແມ່ນ96%,ປະຕິບັດໄດ້ 96,1% ອັດຕາການຊົມໃຊ້ວິດຖ່າຍຄາດໝາຍ85%ປະຕິບັດໄດ້ 90% ອັດຕາຄວບຄຸມປະກັນສຸຂະພາບສາມາດຄວບຄຸມ 100%,ອັດຕາຮັບຮອງບ້ານສາທາລະນະສຸກແບບຢ່າງ ຄາດໝາຍແມ່ນ 85%, ປະຕິບັດໄດ້ 95% ຊຶ່ງວຽກປະກາດບ້ານຢຸດຕິການຖ່າຍຊະຊາຍ ຫຼື ບ້ານສາທາລະນະສຸກແບບຢ່າງ ຕາມແຜນແມ່ນເລັ່ງໃຫ້ບຸກທະລຸປີນີ້ແມ່ນໃຫ້ໄດ້ 7 ເມືອງ ພວກເຮົາກໍຈັດຕັ້ງປະຕິບັດໄດ້ ຄືເມືອງວາປີໄດ້ປະກາດໄປແລ້ວໃນປີ 2022,ປີນີ້ໄດ້ປະກາດເມືອງຄົງ,ເມືອງລະຄອນເພັງ,ເມືອງເລົ່າງາມ,ເມືອງຕະໂອ້ຍ,ເມືອງຕຸ້ມລານ ແລະ ຍັງແຕ່ເມືອງດຽວຄືເມືອງສາລະວັນ ຢູ່ໃນ 579 ບ້ານ ແມ່ນໄດ້ປະກາດໄປແລ້ວ 500 ບ້ານ ແລະ ຍັງພຽງແຕ່ 29 ບ້ານຂອງເມືອງສາລະວັນ ແລະ ໃນໄວໆນີ້ແມ່ນຈະໄດ້ປະກາດອີກ 6 ບ້ານ ແລະ ຍັງ 21 ບ້ານ ຕາມແຜນທີ່ໄດ້ປະຊຸມຮ່ວມກັບເມືອງສາລະວັນເລັ່ງໃສ່ໃຫ້ໄດ້ປະກາດໃນເດືອນກຸມພານີ້ຕາມແຜນການກຳນົດໄວ້ເພາະວ່າແຂວງສາລະວັນຕ້ອງໄດ້ປະກາດເປັນແຂວງຢຸດຕິການຖ່າຍຊະຊາຍໃນປີ 2024 ສະນັ້ນພວກເຮົາຕ້ອງໄດ້ເລັ່ງໃຫ້ເມືອງສາລະວັນໃຫ້ໄດ້ປະກາດຢູ່ໃນ 21 ບ້ານ ໃນທ້າຍເດືອນກຸມພາ 2024ນີ້ ແລະ ຢູ່ໃນ 8 ເມືອງ ເຮົາໄດ້ປະກາດໄປແລ້ວ 7 ເມືອງ ທີ່ຢຸດຕິການຖ່າຍຊະຊາຍ.
ໃນໄລຍະຜ່ານມາ ໂດຍອີງໃສ່ແຜນຍຸດທະສາດ ການບໍລິການ ການເຊື່ອມສານດ້ານໂພຊະນາການ ຂອງແມ່, ເດັກເກີດໃໝ່ ແລະ ໄວໜຸ່ມ ພວກເຮົາໄດ້ເອົາໃຈໃສ່ປະຕິບັດຢ່າງຕັ້ງໜ້າ ໂດຍໄດ້ລົງໂຄສະນາສຸຂະສຶກສາໃຫ້ແກ່ບັນດາບ້ານເປົ້າໝາຍ ໂຮງຮຽນມັດທະຍົມຕອນຕົ້ນ ສ່ວນເດັກເກີດໃໝ່ ໂດຍສະເພາະເດັກ 1.000 ວັນ ໄດ້ລົງໂຄສະນາສຸຂະສຶກສາຢູ່ບ້ານ  ເພື່ອຫຼຸດຜ່ອນອັດຕາການຕາຍຂອງແມ່-ເດັກ.
ທ່ານຍັງໃຫ້ຮູ້ຕື່ມວ່າ:  ຂໍ້ດີ ແລະ ຂໍ້ຫຍຸ້ງຍາກ ກໍຄື ບັນຫາສິ່ງທ້າທາຍ ເພາະພາຍໃນແຂວງຍັງມີບ້ານທີ່ຢູ່ໃນເຂດຫ່າງໄກສອກຫຼີກ ເສັ້ນທາງຄົມມານາຄົມບໍ່ສາມາດເຂົ້າເຖິງ ເຮັດໃຫ້ການລົງເຄື່ອນໄຫວໂຄສະນາສຸຂະສຶກສາຂອງພະນັກງານແພດໝໍບໍ່ສາມາດເຂົ້າເຖິງເປົ້າໝາຍດັ່ງກ່າວ. ຢ່າງໃດກໍຕາມ, ທາງແຂວງກໍຈະໄດ້ສືບຕໍ່ສຸມໃສ່ບັນດາວຽກງານທີ່ຍັງບໍ່ທັນບັນລຸຄຽງຄູ່ກັນນັ້ນກໍຍັງຮຽກຮ້ອງໃຫ້ປະຊາຊົນເປັນເຈົ້າການຕື່ມໃນການຮັກສາສຸຂະພາບຂອງສະມາຊິກພາຍໃນຄອບຄົວ ໂດຍການນຳເອົາລູກຫຼາຍໄປສັກຢາຕາມຈຸດຕ່າງໆ ແນະນຳແມ່ຍິງຖືພາໃຫ້ໄປຝາກທ້ອງຕາມຈຸດບໍລິການ ແລະ ອື່ນໆ ເພື່ອໃຫ້ປະຊາຊົນມີສຸຂະພາບແຂງແຮງ ປະກອບສ່ວນບັນລຸຕາມຕົວຊີ້ບອກທີ່ທາງລັດຖະບານໄດ້ດຳນົດໄວ້.
ສ່ວນການເຄື່ອນໄຫວຂອງທີມງານສື່ມວນຊົນຈາກສູນກາງຢູ່ແຂວງສາລະວັນ ເພື່ອຕິກຕາມສະພາບການຈັກຕັ້ງປະຕິບັດວຽກງານໂພຊະນາການແມ່-ເດັກ ມີຂຶ້ນໃນລະຫວ່າງວັນທີ 8-12 ທັນວາ ນີ້ ນຳພາໂດຍ ທ່ານ ນາງ ນິນລະນາ ພົມມະຈັນ ວິຊາການສູນສະຖິຕິ ແລະ ຂ່າວສານສາທາລະນະສຸກກະຊວງສາທາລະນະສຸກ ແລະ ໄດ້ຮັບການສະ
ໜັບສະໜູນ ຈາກ ສະຫະພາບເອີລົບ EU ໂດຍຜ່ານ ອົງການອຸຍນີເຊັບUnicefປະຈຳລາວ.

ຄໍາເຫັນ

ຂ່າວວັດທະນະທຳ-ສັງຄົມ

ປກສ ເມືອງອຸທຸມພອນ ສຶກສາອົບຮົມກຸ່ມມົ້ວສຸມຢາເສບຕິດ

ປກສ ເມືອງອຸທຸມພອນ ສຶກສາອົບຮົມກຸ່ມມົ້ວສຸມຢາເສບຕິດ

ກອງບັນຊາການ ປກສ ເມືອງອຸທຸມພອນ ແຂວງສະຫວັນນະເຂດ ໄດ້ສຶກສາອົບຮົມ ກຸ່ມມົ້ວສຸມຢາເສບຕິດຈໍານວນ 21 ຄົນ, ທ່ານ ພັນໂທ ພູວິໄລ ດາວວິໄລ ຫົວໜ້າພະແນກຕໍາຫຼວດ ກອງບັນຊາການ ປກສ ເມືອງ ໃຫ້ຮູ້ກ່ຽວກັບຜົນເສຍຫາຍຂອງຢາເສບຕິດ ຕໍ່ສຸຂະພາບຮ່າງກາຍຂອງຄົນເຮົາ, ທັງຄອບຄົວຂາດແຮງງານຫຼັກໃນການທໍາການຜະລິດ, ຖ້າເສບຢາຫຼາຍເກີນໄປຈະເຮັດໃຫ້ລະບົບປະສາດຫຼອນ, ເງິນທີ່ຫາມາໄດ້ແມ່ນບໍ່ຮອດລູກເມຍ ເອົາໄປຊື້ສິ່ງເສບຕິດມາເສບ, ພ້ອມທັງຮຽກຮ້ອງໃຫ້ຜູ້ທີ່ຫຼົງຜິດໃຫ້ຢຸດໃຫ້ເຊົາກັບສິ່ງດັ່ງກ່າວ ມັນບໍ່ມີຜົນດີຫຍັງກັບຮ່າງກາຍເຮົາເລີຍ.
ຮຽບຮຽງເນື້ອໃນກົດໝາຍຄວາມປອດໄພໄຊເບີ

ຮຽບຮຽງເນື້ອໃນກົດໝາຍຄວາມປອດໄພໄຊເບີ

(ສພຊ) - ເພື່ອຮັບປະກັນທາງດ້ານເນື້ອໃນຂອງກົດໝາຍວ່າດ້ວຍຄວາມປອດໄພໄຊເບີ (ສ້າງໃໝ່) ທີ່ຜ່ານການພິຈາລະນາຮັບຮອງເອົາໃນກອງປະຊຸມສະໄໝສາມັນເທື່ອທີ 9 ຂອງສະພາແຫ່ງຊາດ (ສພຊ) ຊຸດທີ IX ໃຫ້ມີເນື້ອໃນຄົບຖ້ວນ, ຮັດກຸມ ແລະ ສາມາດຈັດຕັ້ງປະຕິບັດໄດ້ຢ່າງຍາວນານ, ກຳມາທິການກົດໝາຍ ສົມທົບກັບກຳມາທິການເສດຖະກິດ, ເຕັກໂນໂລຊີ ແລະ ສິ່ງແວດລ້ອມ ແລະ ກະຊວງເຕັກໂນໂລຊີ ແລະ ການສື່ສານ
ທ່ານລັດຖະມົນຕີກະຊວງ ຮສສ ພົບປະພະນັກງານໃນໂອກາດມາຮັບໜ້າທີ່ໃໝ່

ທ່ານລັດຖະມົນຕີກະຊວງ ຮສສ ພົບປະພະນັກງານໃນໂອກາດມາຮັບໜ້າທີ່ໃໝ່

ໃນວັນທີ 1 ກໍລະກົດ ຜ່ານມາ ທີ່ຫ້ອງປະຊຸມກະຊວງແຮງງານ ແລະ ສະຫວັດດີການສັງຄົມ (ຮສສ) ໄດ້ຈັດກອງປະຊຸມພົບປະພະນັກງານ ແລະ ລາຍງານບັນດາໜ້າວຽກຕ່າງໆ ຂອງຂະແໜງ ຮສສ ໂດຍຫຍໍ້ເຊັ່ນ: ວຽກງານຫ້ອງການ, ບັນດາກົມ, ອົງການປະກັນສັງຄົມແຫ່ງຊາດ, ສະຖາບັນພັດທະນາສີມືແຮງງານ ແລະ ໂຄງ ການເກັບກູ້ລະເບີດແຫ່ງຊາດ
ສື່ມວນຊົນ ຮ່ວມເຄື່ອນໄຫວເກັບກໍາຂ່າວວຽກງານສຸຂະພາບຈະເລີນພັນຢູ່ແຂວງວຽງຈັນ

ສື່ມວນຊົນ ຮ່ວມເຄື່ອນໄຫວເກັບກໍາຂ່າວວຽກງານສຸຂະພາບຈະເລີນພັນຢູ່ແຂວງວຽງຈັນ

ສູນສະຖິຕິ ແລະ ຂ່າວສານສາທາລະນະສຸກ ກະຊວງສາທາລະນະສຸກ ໄດ້ນໍາພາສື່ມວນຊົນຈາກໜັງສືພິມປະຊາຊົນ, ໜັງສືພິມວຽງຈັນໃໝ່, ໜັງສືພິມພາສາຕ່າງປະເທດ, ໂທລະພາບ Vte9 ແລະ ວິທະຍຸປ້ອງກັນຄວາມສະຫງົບ (ປກສ) ເຄື່ອນໄຫວເກັບກໍາຂ່າວກ່ຽວກັບວຽກງານສຸຂະພາບຈະເລີນພັນຢູ່ແຂວງວຽງຈັນ ໂດຍໄດ້ຮັບການສະໜັບສະໜູນຈາກອົງການສະຫະປະຊາຊາດກອງທຶນສຳລັບປະຊາກອນ (UNFPA) ໃນລະຫວ່າງວັນທີ 1-4 ກໍລະກົດນີ້.
ສູນສະຖິຕິແຫ່ງຊາດບັນລຸການປັບປຸງລະບົບຂໍ້ມູນສະຖິຕິບົດບາດຍິງ-ຊາຍ

ສູນສະຖິຕິແຫ່ງຊາດບັນລຸການປັບປຸງລະບົບຂໍ້ມູນສະຖິຕິບົດບາດຍິງ-ຊາຍ

ສູນສະຖິຕິແຫ່ງຊາດ ໄດ້ຈັດກອງປະຊຸມປິດໂຄງການເສີມສ້າງຄວາມເຂັ້ມແຂງຂອງຂໍ້ມູນ ແລະ ການວິໄຈຂໍ້ມູນສະຖິຕິບົດບາດຍິງ-ຊາຍ ແລະ ລວມທັງດ້ານສັງຄົມອື່ນໆ ໃນລະບົບສະຖິິຕິຂອງ ສປປ ລາວ ຂຶ້ນ​ເມື່ອ​ບໍ່​ດົນ​ມາ​ນີ້ທີ່ ນະ​ຄອນຫຼວງວຽງ​ຈັນ ໂດຍ​ມີ​ພາກ​ລັດ ແລະ ພາກ​ສ່ວນ​ກ່ຽວ​ຂ້ອງ​ເຂົ້າ​ຮ່ວມ.
" MmoneyX ກະເປົາອີເລັກໂທນິກ ອັນດັບ1 ໃນ ສປປ ລາວ ໄດ້ເຂົ້າເປັນສາມາຊິກ LAPNET ຢ່າງເປັນທາງການ ເພື່ອເຮັດໃຫ້ທຸລະກຳທາງການເງິນງ່າຍສະດວກແລະວ່ອງໄວ “

" MmoneyX ກະເປົາອີເລັກໂທນິກ ອັນດັບ1 ໃນ ສປປ ລາວ ໄດ້ເຂົ້າເປັນສາມາຊິກ LAPNET ຢ່າງເປັນທາງການ ເພື່ອເຮັດໃຫ້ທຸລະກຳທາງການເງິນງ່າຍສະດວກແລະວ່ອງໄວ “

ວັນທີ 01 ກໍລະກົດ ປີ 2025, ທີ່ນະຄອນຫຼວງວຽງຈັນ ໄດ້ມີພິທີເຊັນສັນຍາ ລະຫວ່າງ ບໍລິສັດ ລາວໂມບາຍມັນນີ ຈຳກັດຜູ້ດຽວ “ເອັມມັນນີເອັກສ” ເປັນສະມາຊິກ LAPNet ຢ່າງເປັນທາງການ.
ເສັ້ນທາງເບຕົງ​ ບ້ານໂພນໄຊ ສໍາເລັດ​ແລ້ວ​ 40%

ເສັ້ນທາງເບຕົງ​ ບ້ານໂພນໄຊ ສໍາເລັດ​ແລ້ວ​ 40%

ການສ້ອມແປງ-​ກໍ່ສ້າງທາງເບຕົົງ 2​ ເສັ້ນ​ ຢູ່ບ້ານພັດທະນາໂພນໄຊ ນະຄອນປາກເຊ​ ແຂວງຈໍາປາສັກ​ຄື: ເສັ້ນທາງເລກທີ 24 ແລະ 46,​ ຮູບແບບການສ້ອມແປງ​ - ກໍ່ສ້າງ ແມ່ນຕາມແບບມາດຖານຂອງກະຊວງໂຍທາທິການ ແລະ ຂົນສົ່ງ​ ກໍານົດໄວ້ ຄື: ເສັ້ນທາງເລກທີ 24,​ ກວ້າງ 12 ແມັດ​, ທາງຄົນຍ່າງກວ້າງ 1.5 ແມັດ x 2 ເບື້ອງ​,​ ຍາວ 320 ແມັດ,​ ໜາ 23 ຊັງຕີແມັດ​, ຮ່ອງລະບາຍນໍ້າເປັນຮູບໂຕຢູ.​ ເສັ້ນທາງເລກທີ 46,​ ກວ້າງ 9 ແມັດ,​ ທາງຄົນຍ່າງກວ້າງ 1.5 ແມັດ​ x 2 ເບື້ອງ,​ ຍາວ 393 ແມັດ​, ໜາ 23 ຊັງຕີແມັດ​, ຮ່ອງລະບາຍນໍ້າເປັນຮູບໂຕຢູ​. ເລີ່ມລົງມືກໍ່ສ້າງແຕ່ຕົ້ນເດືອນມິຖຸນາ​ 2025​ ທີ່ຜ່ານມາ​ ໂດຍແມ່ນບໍລິສັດ​ ຕັງຈະເລີນ ເປັນຜູ້ຮັບເໝົາສ້ອມແປງ​ - ກໍ່ສ້າງ​ ມູນຄ່າປະມານ 10​ ຕື້ກີບ, ຊຶ່ງເປັນທຶນສົມທົບ ລະຫວ່າງ​ ລັດ​ ແລະ​ ປະຊາຊົນ​ ແລະ ການປະກອບສ່ວນຂອງ​ ບໍລິສັດ​ ຈະເລີນ​ເຊກອງ​ ກໍ່ສ້າງ​,​ ຫົວໜ່ວຍທຸລະກິດ,​ ນະຄອນປາກເຊ ແລະ​ ປະຊາຊົນພາຍໃນບ້ານພັດທະນາໂພນໄຊ.​
ຮອງປະທານປະເທດເນັ້ນ7 ບັນຫາສໍາຄັນໃຫ້ຄະນະບໍລິຫານງານຊາວໜຸ່ມແຕ່ລະຂັ້ນເອົາໃຈໃສ່ຢ່າງຕັ້ງໜ້າ

ຮອງປະທານປະເທດເນັ້ນ7 ບັນຫາສໍາຄັນໃຫ້ຄະນະບໍລິຫານງານຊາວໜຸ່ມແຕ່ລະຂັ້ນເອົາໃຈໃສ່ຢ່າງຕັ້ງໜ້າ

ສະຫາຍ ບຸນທອງ ຈິດມະນີ ກຳມະການກົມການເມືອງສູນກາງພັກ ຜູ້ປະຈໍາການຄະນະເລຂາທິການສູນກາງພັກ ຮອງປະທານປະເທດ ຜູ້ຊີ້ນໍາອົງການຈັດຕັ້ງມະຫາຊົນຂັ້ນສູນກາງໄດ້ມີຄໍາເຫັນເນັ້ນໜັກ 7 ບັນຫາສຳຄັນໃຫ້ຄະນະບໍລິຫານງານຊາວໜຸ່ມແຕ່ລະຂັ້ນເອົາໃຈໃສ່ເພື່ອເຮັດໃຫ້ວຽກງານຊາວໜຸ່ມມີການຫັນປ່ຽນຢ່າງຕັ້ງໜ້າ ໃນໂອກາດເຂົ້າຮ່ວມກອງປະຊຸມວິສາມັນຄົບຄະນະບໍລິຫານງານສູນກາງຊາວໜຸ່ມປະຊາຊົນ ປະຕິວັດລາວ (ສຊປລ) ສະໄໝທີ VIII ໃນລະຫວ່າງວັນທີ 30 ມິຖຸນາ ຫາວັນທີ 1 ກໍລະກົດນີ້ ທີ່ສູນກິດຈະກຳຄົບວົງຈອນຊາວໜຸ່ມ ສຊປລ ໂດຍມີສະຫາຍ ມອນໄຊ ລາວມົວຊົ່ງ ກໍາມະການສໍາຮອງສູນກາງພັກ ເລຂາຄະນະບໍລິຫານງານພັກ ເລຂາຄະນະບໍລິຫານງານ ສຊປລ ພ້ອມດ້ວຍແຂກຖືກເຊີນ, ບັນດາສະຫາຍເລຂາຊາວໜຸ່ມສູນກາງ-ແຂວງທົ່ວປະເທດເຂົ້າຮ່ວມ.
ສະມາຄົມເມຍການນຳມອບເຄື່ອງໃຫ້ທະຫານ ທີ່ປະຈໍາປ່ອມແນວໜ້າ

ສະມາຄົມເມຍການນຳມອບເຄື່ອງໃຫ້ທະຫານ ທີ່ປະຈໍາປ່ອມແນວໜ້າ

ໃນວັນທີ 1 ກໍລະກົດນີ້, ສະມາຄົມເມຍການນໍາເມືອງບໍ່ແຕນ ແຂວງໄຊຍະບູລີ ອຸປະໂພກ ແລະບໍລິໂພກ ໃຫ້ທະຫານທີ່ເຮັດໜ້າທີ່ປະຈຳປ່ອມແນວໜ້າ, ເປັນກຽດເຂົ້າຮ່ວມພິທີມອບເຄື່ອງດັ່ງກ່າວ, ມີທ່ານບຸນພະລັງ ວິໄລສັກ ເລຂາພັກເມືອງ ປະທານປ້ອງກັນຊາດ-ປ້ອງກັນຄວາມສະຫງົບເມືອງ ພ້ອມດ້ວຍຄະນະ.
ເຜີຍແຜ່ເອກະສານການຫັນເປັນດິຈິຕອນ ໃຫ້ພະນັກງານເມືອງປາກກະດິງ

ເຜີຍແຜ່ເອກະສານການຫັນເປັນດິຈິຕອນ ໃຫ້ພະນັກງານເມືອງປາກກະດິງ

ໃນວັນທີ 1 ກໍລະກົດນີ້ ຢູ່ຫ້ອງປະຊຸມກຸ່ມເສດຖະກິດເມືອງປາກກະດິງ, ພະແນກເຕັກໂນໂລຊີ ແລະ ການສື່ສານ ແຂວງບໍລິຄຳໄຊ ໄດ້ຈັດກອງປະຊຸມ ເຜີຍແຜ່ເອກະສານການຫັນເປັນດິຈິຕອນ ໃຫ້ພະນັກງານ ແລະ ພາກທຸລະກິດ ອ້ອມຂ້າງເມືອງ ພາຍໃຕ້ການເປັນປະທານຂອງທ່ານ ວັດທະນາ ໄຊຍະແສງ ຮອງຫົວໜ້າພະແນກເຕັກໂນໂລຊີ ແລະ ການສື່ສານແຂວງ.
ເພີ່ມເຕີມ