ໂດຍ: ບຸນຕອມ
ເມືອງປາກອູ ເປັນອີກເມືອງໜຶ່ງຂອງແຂວງຫຼວງພະບາງ ທີ່ຍາມໃດກໍເປັນເຫັນຄວາມສຳຄັນຕໍ່ວຽກງານໂພຊະນາການແມ່-ເດັກ ໂດຍສຸມໃສ່ໃນການລົງໂຄສະນາສຸຂະສຶກສາໃຫ້ພໍ່ແມ່ປະຊາຊົນຮັບຮູ້ ແລະ ເຂົ້າໃຈຕໍ່ຄວາມສຳຄັນຂອງວຽກງານດັ່ງກ່າວ ເພື່ອຫຼຸດຜ່ອນອັດຕາການຕາຍຂອງແມ່ ບັນຫາການຂາດສານອາຫານ, ເດັກເຕ້ຍ, ນ້ຳໜັກຕ່ຳກວ່າເກນ ແລະ ອື່ນໆ ທັງນີ້ກໍເພື່ອແນໃສ່ເປັນການປະກອບສ່ວນເຂົ້າໃນການຈັດຕັ້ງປະຕິບັດວຽກງານໂພຊະນາການ ໃຫ້ບັນລຸຕາມ 11 ໂຕຊີ້ບອກທີ່ສະພາແຫ່ງຊາດຮັບຮອງ.
ທ່ານ ຊາຍຄຳ ຈັນທະວົງ ຫົວໜ້າຫ້ອງການສາທາລະນະສຸກເມືອງປາກອູ ໄດ້ໃຫ້ສຳພາດຕໍ່ຄະນະນັກຂ່າວຈາກສູນກາງ ເມື່ອບໍ່ດົນມານີ້ວ່າ: ເມືອງປາກອູປະກອບມີ 52 ບ້ານ 8 ກຸ່ມພັດທະນາ 68 ຈຸດສັກຢາ ມີພົນລະເມືອງທັງໝົດ 31.113 ຄົນ ຍິງ 14.489 ຄົນ, ລາວລຸ່ມ 39%, ກຶມມຸ 35,8%, ມົ້ງ 26%, ມີໂຮງໝໍນ້ອຍ 6 ແຫ່ງ ແລະ ໂຮງໝໍຊຸມຊົນ 1 ແຫ່ງ. ການຈັດຕັ້ງປະຕິບັດວຽກງານໃນໄລຍະຜ່ານມາ ສາທາລະນະສຸກເມືອງພວກເຮົາໄດ້ເອົາໃຈໃສ່ປະຕິບັດວຽກງານຕ່າງໆຢ່າງຕັ້ງໜ້າ ໂດຍສະເພາະ 11 ໂຕຊີ້ບອກຂອງກະຊວງສະທາລະນະສຸກ ທີ່ສະພາແຫ່ງຊາດຮັບຮອງ ສາມາດປະຕິບັດໄດ້ຄື: ອັດຕາເດັກລຸ່ມ 5 ປີ ມີນໍ້າໜັກລຸ່ມກວ່າເກນບັນລຸໄດ້ 9% ເປົ້າໝາຍທີ່ຕັ້ງໄວ້ແມ່ນ 20% ເດັກອາຍຸຕໍ່າກວ່າ 5 ປີເຕ້ຍ ປະຕິບັດໄດ້ 10% ຄາດໝາຍທີ່ຕັ້ງໄວ້ 30% ອັດຕາການຕາຍຂອງເດັກຫຼຸດລົງເທົ່າກັບ 1/1.000 ຄົນ (ເສຍຊີວິດ 3 ຄົນຕໍ່ເດັກເກີດໃໝ່ 1.000 ຄົນ) ໂຕເລກທີ່ຕັ້ງໄວ້ບໍ່ໃຫ້ເກີນ 8/1.000 ຄົນ ອັດຕາການຕາຍຂອງເດັກລຸ່ມ 5 ປີ ເທົ່າ 1/1.000 ຄົນ ຕັ້ງໄວ້ບໍ່ໃຫ້ເກີນ 7/1.000 ຄົນ ສ່ວນອັດຕາການຕາຍຂອງແມ່ເປັນ 0 ໂດຍຕັ້ງໄວ້ບໍ່ໃຫ້ເກີນ 103/100.000 ຄົນ ອັດຕາການເກີດລູກໃນສະຖານທີ່ບໍລິການຮອດເດືອນກັນຍາ 2023 ປະຕິບັດໄດ້ 85% ໂຕເລກຕັ້ງໄວ້ແມ່ນ 95% ອັດຕາການສັກຢາກັນພະຍາດຮອດເດືອນກໍລະກົດ 2023 ປະຕິບັດໄດ້ 68% ຄາດວ່າຮອດທ້າຍປີ 2023 ໃຫ້ສາມາດປະຕິບັດບັນລຸ 95% ອັດຕາການໃຊ້ນໍ້າສະອາດໂຕເລກສະສົມປະມານ 98% ອັດຕາການຊົມໃຊ້ວິດຖ່າຍ 86% ແລະ ຈະໃຫ້ບັນລຸ 100% ເພື່ອປະກາດເປັນເມືອງຢຸດຕິການຖ່າຍຊະຊາຍໃນທ້າຍປີ 2023 ອັດຕາຄວບຄຸມປະກັນສຸຂະພາບສາມາດຄວບຄຸມ 100% ການສ້າງບ້ານສາທາລະນະສຸກມາຮອດປັດຈຸບັນປະຕິບັດໄດ້ 41 ບ້ານ ກວມເອົາ 78,84%. ໃນໄລຍະຜ່ານມາ ໂດຍອີງໃສ່ແຜນຍຸດທະສາດ ການບໍລິການ ການສື່ສານດ້ານໂພຊະນາການ ຂອງແມ່ ເດັກເກີດໃໝ່ ແລະ ໄວໜຸ່ມ ພວກເຮົາໄດ້ເອົາໃຈໃສ່ປະຕິບັດຢ່າງຕັ້ງໜ້າ ໂດຍໄດ້ລົງໂຄສະນາສຸຂະສຶກສາໃຫ້ແກ່ບັນດາບ້ານເປົ້າໝາຍ ໂຮງຮຽນມັດທະຍົມຕອນຕົ້ນ ສ່ວນເດັກເກີດໃໝ່ ໂດຍສະເພາະເດັກ 1.000 ວັນ ໄດ້ລົງສຸຂະສຶກສາຢູ່ບ້ານ ເພື່ອຫຼຸດຜ່ອນອັດຕາການຕາຍຂອງແມ່-ເດັກ.
ທ່ານຫົວໜ້າຫ້ອງການສາທາລະນະສຸກ ຍັງໄດ້ກ້າວເຖິງ ຂໍ້ດີ ແລະ ຂໍ້ຫຍຸ້ງຍາກ ກໍຄື ບັນຫາສິ່ງທ້າທາຍ ເພາະພາຍໃນເມືອງຍັງມີບ້ານທີ່ຢູ່ໃນເຂດຫ່າງໄກສອກຫຼີກ ເສັ້ນທາງຄົມມານາຄົມບໍ່ສາມາດເຂົ້າເຖິງ ເຮັດໃຫ້ການລົງເຄື່ອນໄຫວໂຄສະນາສຸຂະສຶກສາຂອງພະນັກງານແພດໝໍບໍ່ສາມາດເຂົ້າເຖິງເປົ້າໝາຍດັ່ງກ່າວ ຢ່າງໃດກໍຕາມ ທາງເມືອງກໍຈະໄດ້ສືບຕໍ່ສຸມໃສ່ບັນດາວຽກງານທີ່ຍັງບໍ່ທັນບັນລຸ ຄຽງຄູ່ກັນນັ້ນກໍຍັງຮຽກຮ້ອງໃຫ້ປະຊາຊົນເປັນເຈົ້າການຕື່ມໃນການຮັກສາສຸຂະພາບຂອງສະມາຊິກພາຍໃນຄອບຄົວ ໂດຍການນຳເອົາລູກຫຼານໄປສັກຢາຕາມຈຸດຕ່າງໆ ແນະນຳແມ່ຍິງຖືພາໄປຝາກທ້ອງຕາມຈຸດບໍລິການ ແລະ ອື່ນໆ ເພື່ອໃຫ້ພໍ່ແມ່ປະຊາຊົນມີສຸຂະພາບແຂງແຮງປະກອບສ່ວນບັນລຸຕາມຕົວຊີ້ບອກທີ່ທາງລັດຖະບານໄດ້ດຳນົດໄວ້.
ສ່ວນການເຄື່ອນໄຫວຂອງຄະນະສື່ມວນຊົນຈາກສູນກາງຢູ່ແຂວງຫຼວງພະບາງ ເພື່ອຕິກຕາມສະພາບການຈັກຕັ້ງປະຕິບັດວຽກງານໂພຊະນາການແມ່-ເດັກ ມີຂຶ້ນໃນທ້າຍເດືອນກັຍບາ 2023 ຜ່ານມາ ນຳໂດຍ ກົມສື່ມວນຊົນ ກະຊວງຖະແຫຼງຂ່າວ, ວັດທະນະທຳ ແລະ ທ່ອງທ່ຽວ ແລະ ໃຫ້ການສະໜັບສະໜູນກິດຈະກຳຄັ້ງດັ່ງກ່າວຂອງ ອົງການ Unicef ປະຈຳລາວ.
ເມືອງປາກອູ ເປັນອີກເມືອງໜຶ່ງຂອງແຂວງຫຼວງພະບາງ ທີ່ຍາມໃດກໍເປັນເຫັນຄວາມສຳຄັນຕໍ່ວຽກງານໂພຊະນາການແມ່-ເດັກ ໂດຍສຸມໃສ່ໃນການລົງໂຄສະນາສຸຂະສຶກສາໃຫ້ພໍ່ແມ່ປະຊາຊົນຮັບຮູ້ ແລະ ເຂົ້າໃຈຕໍ່ຄວາມສຳຄັນຂອງວຽກງານດັ່ງກ່າວ ເພື່ອຫຼຸດຜ່ອນອັດຕາການຕາຍຂອງແມ່ ບັນຫາການຂາດສານອາຫານ, ເດັກເຕ້ຍ, ນ້ຳໜັກຕ່ຳກວ່າເກນ ແລະ ອື່ນໆ ທັງນີ້ກໍເພື່ອແນໃສ່ເປັນການປະກອບສ່ວນເຂົ້າໃນການຈັດຕັ້ງປະຕິບັດວຽກງານໂພຊະນາການ ໃຫ້ບັນລຸຕາມ 11 ໂຕຊີ້ບອກທີ່ສະພາແຫ່ງຊາດຮັບຮອງ.
ທ່ານ ຊາຍຄຳ ຈັນທະວົງ ຫົວໜ້າຫ້ອງການສາທາລະນະສຸກເມືອງປາກອູ ໄດ້ໃຫ້ສຳພາດຕໍ່ຄະນະນັກຂ່າວຈາກສູນກາງ ເມື່ອບໍ່ດົນມານີ້ວ່າ: ເມືອງປາກອູປະກອບມີ 52 ບ້ານ 8 ກຸ່ມພັດທະນາ 68 ຈຸດສັກຢາ ມີພົນລະເມືອງທັງໝົດ 31.113 ຄົນ ຍິງ 14.489 ຄົນ, ລາວລຸ່ມ 39%, ກຶມມຸ 35,8%, ມົ້ງ 26%, ມີໂຮງໝໍນ້ອຍ 6 ແຫ່ງ ແລະ ໂຮງໝໍຊຸມຊົນ 1 ແຫ່ງ. ການຈັດຕັ້ງປະຕິບັດວຽກງານໃນໄລຍະຜ່ານມາ ສາທາລະນະສຸກເມືອງພວກເຮົາໄດ້ເອົາໃຈໃສ່ປະຕິບັດວຽກງານຕ່າງໆຢ່າງຕັ້ງໜ້າ ໂດຍສະເພາະ 11 ໂຕຊີ້ບອກຂອງກະຊວງສະທາລະນະສຸກ ທີ່ສະພາແຫ່ງຊາດຮັບຮອງ ສາມາດປະຕິບັດໄດ້ຄື: ອັດຕາເດັກລຸ່ມ 5 ປີ ມີນໍ້າໜັກລຸ່ມກວ່າເກນບັນລຸໄດ້ 9% ເປົ້າໝາຍທີ່ຕັ້ງໄວ້ແມ່ນ 20% ເດັກອາຍຸຕໍ່າກວ່າ 5 ປີເຕ້ຍ ປະຕິບັດໄດ້ 10% ຄາດໝາຍທີ່ຕັ້ງໄວ້ 30% ອັດຕາການຕາຍຂອງເດັກຫຼຸດລົງເທົ່າກັບ 1/1.000 ຄົນ (ເສຍຊີວິດ 3 ຄົນຕໍ່ເດັກເກີດໃໝ່ 1.000 ຄົນ) ໂຕເລກທີ່ຕັ້ງໄວ້ບໍ່ໃຫ້ເກີນ 8/1.000 ຄົນ ອັດຕາການຕາຍຂອງເດັກລຸ່ມ 5 ປີ ເທົ່າ 1/1.000 ຄົນ ຕັ້ງໄວ້ບໍ່ໃຫ້ເກີນ 7/1.000 ຄົນ ສ່ວນອັດຕາການຕາຍຂອງແມ່ເປັນ 0 ໂດຍຕັ້ງໄວ້ບໍ່ໃຫ້ເກີນ 103/100.000 ຄົນ ອັດຕາການເກີດລູກໃນສະຖານທີ່ບໍລິການຮອດເດືອນກັນຍາ 2023 ປະຕິບັດໄດ້ 85% ໂຕເລກຕັ້ງໄວ້ແມ່ນ 95% ອັດຕາການສັກຢາກັນພະຍາດຮອດເດືອນກໍລະກົດ 2023 ປະຕິບັດໄດ້ 68% ຄາດວ່າຮອດທ້າຍປີ 2023 ໃຫ້ສາມາດປະຕິບັດບັນລຸ 95% ອັດຕາການໃຊ້ນໍ້າສະອາດໂຕເລກສະສົມປະມານ 98% ອັດຕາການຊົມໃຊ້ວິດຖ່າຍ 86% ແລະ ຈະໃຫ້ບັນລຸ 100% ເພື່ອປະກາດເປັນເມືອງຢຸດຕິການຖ່າຍຊະຊາຍໃນທ້າຍປີ 2023 ອັດຕາຄວບຄຸມປະກັນສຸຂະພາບສາມາດຄວບຄຸມ 100% ການສ້າງບ້ານສາທາລະນະສຸກມາຮອດປັດຈຸບັນປະຕິບັດໄດ້ 41 ບ້ານ ກວມເອົາ 78,84%. ໃນໄລຍະຜ່ານມາ ໂດຍອີງໃສ່ແຜນຍຸດທະສາດ ການບໍລິການ ການສື່ສານດ້ານໂພຊະນາການ ຂອງແມ່ ເດັກເກີດໃໝ່ ແລະ ໄວໜຸ່ມ ພວກເຮົາໄດ້ເອົາໃຈໃສ່ປະຕິບັດຢ່າງຕັ້ງໜ້າ ໂດຍໄດ້ລົງໂຄສະນາສຸຂະສຶກສາໃຫ້ແກ່ບັນດາບ້ານເປົ້າໝາຍ ໂຮງຮຽນມັດທະຍົມຕອນຕົ້ນ ສ່ວນເດັກເກີດໃໝ່ ໂດຍສະເພາະເດັກ 1.000 ວັນ ໄດ້ລົງສຸຂະສຶກສາຢູ່ບ້ານ ເພື່ອຫຼຸດຜ່ອນອັດຕາການຕາຍຂອງແມ່-ເດັກ.
ທ່ານຫົວໜ້າຫ້ອງການສາທາລະນະສຸກ ຍັງໄດ້ກ້າວເຖິງ ຂໍ້ດີ ແລະ ຂໍ້ຫຍຸ້ງຍາກ ກໍຄື ບັນຫາສິ່ງທ້າທາຍ ເພາະພາຍໃນເມືອງຍັງມີບ້ານທີ່ຢູ່ໃນເຂດຫ່າງໄກສອກຫຼີກ ເສັ້ນທາງຄົມມານາຄົມບໍ່ສາມາດເຂົ້າເຖິງ ເຮັດໃຫ້ການລົງເຄື່ອນໄຫວໂຄສະນາສຸຂະສຶກສາຂອງພະນັກງານແພດໝໍບໍ່ສາມາດເຂົ້າເຖິງເປົ້າໝາຍດັ່ງກ່າວ ຢ່າງໃດກໍຕາມ ທາງເມືອງກໍຈະໄດ້ສືບຕໍ່ສຸມໃສ່ບັນດາວຽກງານທີ່ຍັງບໍ່ທັນບັນລຸ ຄຽງຄູ່ກັນນັ້ນກໍຍັງຮຽກຮ້ອງໃຫ້ປະຊາຊົນເປັນເຈົ້າການຕື່ມໃນການຮັກສາສຸຂະພາບຂອງສະມາຊິກພາຍໃນຄອບຄົວ ໂດຍການນຳເອົາລູກຫຼານໄປສັກຢາຕາມຈຸດຕ່າງໆ ແນະນຳແມ່ຍິງຖືພາໄປຝາກທ້ອງຕາມຈຸດບໍລິການ ແລະ ອື່ນໆ ເພື່ອໃຫ້ພໍ່ແມ່ປະຊາຊົນມີສຸຂະພາບແຂງແຮງປະກອບສ່ວນບັນລຸຕາມຕົວຊີ້ບອກທີ່ທາງລັດຖະບານໄດ້ດຳນົດໄວ້.
ສ່ວນການເຄື່ອນໄຫວຂອງຄະນະສື່ມວນຊົນຈາກສູນກາງຢູ່ແຂວງຫຼວງພະບາງ ເພື່ອຕິກຕາມສະພາບການຈັກຕັ້ງປະຕິບັດວຽກງານໂພຊະນາການແມ່-ເດັກ ມີຂຶ້ນໃນທ້າຍເດືອນກັຍບາ 2023 ຜ່ານມາ ນຳໂດຍ ກົມສື່ມວນຊົນ ກະຊວງຖະແຫຼງຂ່າວ, ວັດທະນະທຳ ແລະ ທ່ອງທ່ຽວ ແລະ ໃຫ້ການສະໜັບສະໜູນກິດຈະກຳຄັ້ງດັ່ງກ່າວຂອງ ອົງການ Unicef ປະຈຳລາວ.
ຄໍາເຫັນ