ສະຖານະການໃນເຢເມນຮຸນແຮງຂຶ້ນ ເຮັດໃຫ້ປະຊາຊົນບໍ່ມີທີ່ຢູ່ອາໄສ

11:04 22/09/2026

ວິທະຍຸ, ໂທລະພາບສູນກາງຈີນ (CMG) ລາຍງານໃນວັນທີ 21 ກັນຍາ ຜ່ານມາວ່າ: ຫວ່າງມໍ່ໆມານີ້, ສະຖານະການຢູ່ຫຼາຍແຫ່ງຂອງປະເທດເຢເມນທະວີຄວາມຮຸນແຮງຂຶ້ນຢ່າງຕໍ່ເນື່ອງ ເຮັດໃຫ້ປະຊາຊົນຈຳນວນຫຼວງຫຼາຍຕ້ອງໜີອອກຈາກບ້ານເມືອງຂອງຕົນ.

ທ່ານ ອາເມັນ ເຢັດກາຢັນ ຜູ້ຕາງໜ້າອົງການສະຫະປະຊາຊາດເພື່ອຊາວອົບພະຍົບປະຈຳເຢເມນ ໄດ້ໃຫ້ສຳພາດຕໍ່ນັກຂ່າວວ່າ: ພາຍໃນເວລາ 1-2 ອາທິດເທົ່ານັ້ນ, ມີປະຊາຊົນຫຼາຍກວ່າ 125,000 ຄົນບໍ່ມີທີ່ຢູ່ອາໄສພາຍໃນປະເທດເຢເມນ ແລະ ມີອີກຫຼາຍພັນຄົນໄດ້ສ່ຽງໄພຂ້າມຜ່ານຊ່ອງແຄບອັບແອວ-ມັນເດັບ ເພື່ອຫຼົບໜີໄປສູ່ປະເທດຈິບູຕິ ແລະອື່ນໆ. ອົງການສະຫະປະຊາຊາດເພື່ອຊາວອົບພະຍົບໄດ້ຮຽກຮ້ອງໃຫ້ປະຊາຄົມໂລກເພີ່ມທະວີການສະໜອງທຶນ ແລະ ການສະໜັບສະໜູນຫຼາຍກວ່າເກົ່າ ເພື່ອຕອບສະໜອງຄວາມຕ້ອງການດ້ານມະນຸດສະທຳອັນຮີບດ່ວນທີ່ເພີ່ມຂຶ້ນຢ່າງຕໍ່ເນື່ອງ.

ປັດຈຸບັນ, ອົງການສະຫະປະຊາຊາດເພື່ອຊາວອົບພະຍົບໄດ້ໃຫ້ຄວາມຊ່ວຍເຫຼືອສຸກເສີນຢູ່ຫຼາຍພື້ນທີ່ ແລະ ໄດ້ຈັດສັນທຶນ 2 ລ້ານໂດລາ ເພື່ອໃຊ້ເຂົ້າໃນການຊ່ວຍເຫຼືອ ແລະ ການແຈກຢາຍເຄື່ອງຊ່ວຍເຫຼືອ, ແຕ່ຍັງຂາດທຶນຮອນຢ່າງຫຼວງຫຼາຍ.

ຄໍາເຫັນ

ຂ່າວຕ່າງປະເທດ

ຣັດເຊຍ ສະກັດກັ້ນການໂຈມຕີທາງໄຊເບີຫຼາຍກວ່າ 100 ລ້ານຄັ້ງໃນການເລືອກຕັ້ງສະພາ Duma

22/09/2026 11:03

ສຳນັກຂ່າວສານຊິນຮວາລາຍງານໃນວັນທີ 21 ກັນຍາ ຜ່ານມາວ່າ: ທ່ານນາງ ເອລລາ ແພມຟີໂລວາ ຫົວໜ້າຄະນະກຳມະການເລືອກຕັ້ງສູນກາງຂອງຣັດເຊຍ ໄດ້ເປີດເຜີຍວ່າ, ຣັດເຊຍໄດ້ສະກັດກັ້ນການໂຈມຕີທາງໄຊເບີຫຼາຍກວ່າ 100 ລ້ານຄັ້ງທີ່ແນໃສ່ແພລັດຟອມການເລືອກຕັ້ງ ໃນລະຫວ່າງການເລືອກຕັ້ງສະພາ Duma. ໂດຍຫຼາຍແພລັດຟອມເຊັ່ນ: ເວັບໄຊການເລືອກຕັ້ງທາງການ, ໄດ້ຖືກໂຈມຕີແບບ DDoS (ການໃຊ້ຊັບພະກອນຈາກຫຼາຍແຫຼ່ງເພື່ອໂຈມຕີເປົ້າໝາຍດຽວ) ແລະ ຍັງມີຄວາມພະຍາຍາມທີ່ຈະແຮັກເຂົ້າໄປໃນເຊີບເວີເວັບໂດຍກົງດ້ວຍ.

ສິງກະໂປ ກຽມປັບໃໝຜູ້ໂດຍສານທີ່ກໍ່ຄວາມວຸ້ນວາຍໃນລົດເມສາທາລະນະ

22/09/2026 11:02

ສຳນັກຂ່າວສານຊິນຮວາລາຍງານໃນວັນທີ 21 ກັນຍາ ຜ່ານມາວ່າ: ອົງການຂົນສົ່ງທາງບົກສິງກະໂປ (LTA) ໄດ້ປະກາດວ່າ, ສິງກະໂປຈະປັບໃໝສູງສຸດ 500 ໂດລາສິງກະໂປ ສໍາລັບຜູ້ທີ່ມີພຶດຕິກໍາກໍ່ຄວາມວຸ້ນວາຍໃນລົດເມສາທາລະນະ, ສະຖານີລົດເມ ແລະ ຈຸດປ່ຽນລົດເມ ເລີ່ມແຕ່ວັນທີ 23 ກັນຍາ ນີ້, ລວມທັງການກະທຳຕ່າງໆເຊັ່ນ: ການວາງຕີນໄວ້ເທິງເບາະນັ່ງ, ການເປີດເພງ ຫຼື ອຸປະກອນສຽງດັງ ແລະ ການຖິ້ມຂີ້ເຫຍື້ອ, ເພື່ອສົ່ງເສີມສະພາບແວດລ້ອມການຂົນສົ່ງສາທາລະນະທີ່ປອດໄພ, ເອົາໃຈໃສ່ຕໍ່ຜູ້ໂດຍສານ ແລະ ໜ້ານຳໃຊ້ບໍລິການຫຼາຍຂຶ້ນ.

8 ເດືອນຕົ້ນປີ ອຸດສາຫະກຳເຕັກໂນໂລຊີຂັ້ນສູງຈີນ ນຳໃຊ້ທຶນຕ່າງປະເທດ ເພີ່ມຂຶ້ນ 35.1%

22/09/2026 11:00

ວິທະຍຸ, ໂທລະພາບສູນກາງຈີນ (CMG) ລາຍງານໃນວັນທີ 21 ກັນຍາ ຜ່ານມາວ່າ: ໂຕເລກສະຖິຕິຫຼ້າສຸດຈາກກະຊວງການຄ້າຈີນສະແດງໃຫ້ເຫັນວ່າ: ໃນ 8 ເຕືອນຕົ້ນປີນີ້, ທົ່ວປະເທດຈີນໄດ້ສ້າງຕັ້ງວິສາຫະກິດທຶນຕ່າງປະເທດ 42,582 ແຫ່ງ, ເພີ່ມຂຶ້ນ 0.3% ເມື່ອທຽບໃສ່ໄລຍະກຽວກັນຂອງປີກາຍ; ການນຳໃຊ້ທຶນຕ່າງປະເທດຕົວຈິງບັນລຸເຖິງ 479 ຕື້ 950 ລ້ານຢວນ.

ຫຼັກຊັບ ຫວຽດນາມ ເຂົ້າຮ່ວມຕະຫຼາດທີ່ຫາກໍ່ພົ້ນເດັ່ນຂຶ້ນຢ່າງເປັນທາງການ

22/09/2026 10:54

ວິທະຍຸກະຈາຍສຽງຫວຽດນາມລາຍງານວ່າ: ໃນວັນທີ 21 ກັນຍາ ຜ່ານມາ, ຕະຫຼາດຫຼັກຊັບຫວຽດນາມ ໄດ້ສ້າງຂີດໝາຍສຳຄັນທີ່ເປັນໜ້າຈົດຈຳ. ນັບແຕ່ວັນທີ 21 ເປັນຕົ້ນໄປ, ບໍລິສັດ FTSE Russell ຊຶ່ງເປັນບໍລິສັດຜູ້ໃຫ້ບໍລິການຈັດທຳດັດຊະນີລະດັບໂລກ ຈະປ່ຽນກຸ່ມຫຼັກຊັບ ຫວຽດນາມ ຈາກກຸ່ມຕະຫຼາດຊາຍຂອບຂຶ້ນເປັນຕະຫຼາດທີ່ຫາກໍ່ພົ້ນເດັ່ນຂຶ້ນຂັ້ນສອງ, ແຫຼ່ງທຶນສາກົນໃໝ່ຈະລົງທຶນເຂົ້າບັນດາຫຸ້ນຂອງ ຫວຽດນາມ ຢ່າງເປັນທາງການ ຕາມແຜນຍົກລະດັບຂຶ້ນເປັນຕະຫຼາດທີ່ຫາກໍ່ພົ້ນເດັ່ນຂຶ້ນ.

“ແຜນພັດທະນາເສດຖະກິດ-ສັງຄົມເຂດບໍລິຫານພິເສດຮົງກົງ 5 ປີຄັ້ງທຳອິດ ຖືເປັນບາດກ້າວໃໝ່ຂອງເຂດບໍລິຫານພິເສດຮົງກົງຈາກການບໍລິຫານໄປສູ່ຄວາມຈະເລີນຮຸ່ງເຮືອງ

21/09/2026 14:18

ວິທະຍຸ, ໂທລະພາບສູນກາງຈີນ (CMG) ລາຍງານວ່າ: ໃນວັນທີ 16 ກັນຍາ ຜ່ານມານີ້, ທ່ານ ຫຼີເຈ່ຍຊ່າວ ຜູ້ວ່າການອົງການປົກຄອງເຂດບໍລິຫານພິເສດຮົງກົງຂອງຈີນ ໄດ້ປະກາດ “ແຜນພັດທະນາເສດຖະກິດ-ສັງຄົມເຂດບໍລິຫານພິເສດຮົງກົງ 5 ປີຄັ້ງທຳອິດ (2026-2030)” ໃນກອງປະຊຸມສະພານິຕິບັນຍັດຂອງເຂດພິເສດ ແລະ ໄດ້ເຜີຍແຜ່ບົດລາຍງານການບໍລິຫານການເມືອງປີ 2026. ທ່ານ ຫຼີເຈ່ຍຊ່າວ ກ່າວວ່າ: ແຜນພັດທະນາເສດຖະກິດ-ສັງຄົມເຂດບໍລິຫານພິເສດຮົງກົງ 5 ປີຄັ້ງທຳອິດແມ່ນແຜນຜັງສຳລັບການພັດທະນາເສດຖະກິດ-ສັງຄົມຂອງຮົງກົງ, ແມ່ນຂີດໝາຍທີ່ສຳຄັນຂອງຮົງກົງໃນການຫັນປ່ຽນຈາກໄລຍະການບໍລິຫານໄປສູ່ໄລຍະຄວາມຈະເລີນຮຸ່ງເຮືອງ.

ໜີ້ສິນສາທາລະນະຂອງຝຣັ່ງ ຄາດວ່າຈະເກີນ 119% ຂອງ GDP

21/09/2026 11:49

ສຳນັກຂ່າວສານຊິນຮວາ ລາຍງານໃນວັນທີ 20 ກັນຍາ ຜ່ານມາວ່າ: ຂໍ້ມູນຈາກກະຊວງເສດຖະ ກິດ ແລະ ການເງິນຂອງຝຣັ່ງ ທີ່ເຜີຍແຜ່ໃນວັນ 19 ກັນຍາ ຜ່ານມາ ລະບຸວ່າ: ໜີ້ສິນສາທາລະນະຂອງ ຝຣັ່ງຈະສືບຕໍ່ເພີ່ມຂຶ້ນ, ໂດຍຄາດວ່າຈະບັນລຸ 119.3% ຂອງລວມຍອດຜະລິດຕະພັນພາຍໃນປະເທດ (GDP) ໃນປີ 2026 ຊຶ່ງເພີ່ມຂຶ້ນຈາກ 115.6% ໃນປີ 2025.

ການຂະຫຍາຍຕົວຂອງສູນຂໍ້ມູນໃນມາເລເຊຍ ຊຸກຍູ້ຄວາມຕ້ອງການໄຟຟ້າໃຫ້ເພີ່ມຂຶ້ນ

21/09/2026 11:45

ສຳນັກຂ່າວສານຊິນຮວາ ລາຍງານຫວ່າງມໍ່ໆມານີ້ວ່າ: ບໍລິສັດ Moody's Ratings ຊຶ່ງບໍລິສັດຜູ້ໃຫ້ບໍລິການດ້ານຂໍ້ມູນທາງການເງິນ ໄດ້ເປີດເຜີຍວ່າ, ການຂະຫຍາຍຕົວຢ່າງໄວວາຂອງສູນຂໍ້ມູນໃນມາເລເຊຍຈະນໍາໄປສູ່ຄວາມຕ້ອງການໄຟຟ້າເພີ່ມຂຶ້ນຢ່າງຫຼວງຫຼາຍໃນໄລຍະ 10 ປີຂ້າງໜ້າ ແລະ ຂະແໜງພະລັງງານຕ້ອງອາໄສການລົງທຶນເພີ່ມຂຶ້ນຢ່າງຫຼວງຫຼາຍ. ໂດຍການເຕີບໂຕຂອງສູນຂໍ້ມູນຈະຖືກຂັບເຄື່ອນຈາກລາຄາພະລັງງານທີ່ແຂ່ງຂັນໄດ້, ການສະໜອງທີ່ພຽງພໍ ແລະ ມາດຕະການສະໜັບສະໜູນຂອງລັດຖະບານ, ລວມທັງຄວາມຕ້ອງການທີ່ເພີ່ມຂຶ້ນທີ່ຊຸກຍູ້ໂດຍສິງກະໂປ.

ການນຳເຂົ້າສິນຄ້າຂອງຈີນໃນປີນີ້ ຄາດວ່າຈະບັນລຸລະດັບສູງສຸດອີກຄັ້ງ

21/09/2026 11:41

ວິທະຍຸ, ໂທລະພາບສູນກາງຈີນ (CMG) ລາຍງານຫວ່າງມໍ່ໆມານີ້ວ່າ: ຫ້ອງການຖະແຫຼງຂ່າວຂອງລັດຖະບານຈີນໄດ້ຈັດກອງປະຊຸມຖະແຫຼງຂ່າວ, ຜູ້ຮັບຜິດຊອບທີ່ກ່ຽວຂ້ອງຈາກກະຊວງການຄ້າຈີນໃຫ້ຮູ້ວ່າ, ໃນຖານະເປັນປະເທດການຄ້າສິນຄ້າທີ່ໃຫຍ່ທີ່ສຸດໃນໂລກ, ຈີນຍັງສືບຕໍ່ເປັນແຮງຂັບເຄື່ອນທີ່ສຳຄັນໃນການເຕີບໂຕຂອງການຄ້າໂລກ.

ກຳປູເຈຍ ເນລະເທດຄົນເຂົ້າເມືອງຜິດກົດໝາຍຫຼາຍກວ່າ 70,000 ຄົນ

21/09/2026 11:37

ສຳນັກຂ່າວສານຊິນຮວາ ລາຍງານຫວ່າງມໍ່ໆມານີ້ວ່າ: ທ່ານ ທັດ ສຸຂະ ໂຄສົກກະຊວງປ້ອງກັນຄວາມສະຫງົບຂອງກຳປູເຈຍ ໄດ້ລາຍງານການເນລະເທດຄົນເຂົ້າເມືອງຜິດກົດໝາຍ ຈຳນວນ 72,426 ຄົນ ລະຫວ່າງເດືອນກັນຍາ 2023 ຫາ ເດືອນກັນຍາ 2026 ຊຶ່ງໃນນັ້ນ, ມີຜູ້ທີ່ກ່ຽວຂ້ອງກັບການສໍ້ໂກງທາງອອນລາຍ ປະມານ 25,703 ຄົນ.

ບໍລິສັດ Google ຢືນຢັນແບບຈໍາລອງ AI ຂອງຕົນເຄີຍເຈາະລະບົບຂອງ 3 ບໍລິສັດ

21/09/2026 11:33

ວິທະຍຸ, ໂທລະພາບສູນກາງຈີນ (CMG) ລາຍງານວ່າ: ໃນວັນທີ 18 ກັນຍາ ຜ່ານມາ, ບໍລິສັດ Google ຂອງ ສະຫະລັດ ອາເມຣິກາ ໄດ້ຍອມຮັບເປັນເທື່ອທໍາອິດວ່າ: ໃນລະຫວ່າງການທົດລອງຄວາມສາມາດດ້ານຄວາມປອດໄພທາງອິນເຕີເນັດໃນເດືອນພຶດສະພາຜ່ານມາ, Gemini ຊຶ່ງເປັນແບບຈໍາລອງປັນຍາປະດິດ ຫຼື AI ຂອງຕົນເຄີຍເຈາະລະບົບປິດກັ້ນ ແລະ ລ່ວງລ້ຳເຂົ້າໃນລະບົບຂອງບໍລິສັດຕົວຈິງ 3 ແຫ່ງ.

ເພີ່ມເຕີມ