ສະຖານທູດລາວ ປະຈຳ ຫວຽດນາມ ຈັດງານສະເຫຼີມສະຫຼອງປີໃໝ່ລາວ

ສະຖານທູດລາວ ປະຈຳ ຫວຽດນາມ ຈັດງານສະເຫຼີມສະຫຼອງປີໃໝ່ລາວ
ສະຖານເອກອັກຄະລັດຖະທູດ ແຫ່ງ ສປປ ລາວ ປະຈຳ ສສ ຫວຽດນາມ ໄດ້ຈັດງານສະເຫຼີມສະຫຼອງປີໃໝ່ລາວ ປີ ມະໂລງ ພ.ສ 2567 ຂຶ້ນ ເມື່ອວັນທີ 6 ເມສາ ຜ່ານມາ ທີ່ ສະຖານເອກອັກຄະລັດຖະທູດລາວ ທີ່ນະຄອນຫຼວງຮ່າໂນ້ຍ ໂດຍມີທ່ານ ນາງ ຄຳເພົາ ເອີນທະວັນ ເອກອັກຄະລັດຖະທູດວິສາມັນຜູ້ມີອຳນາດເຕັມແຫ່ງ ສປປ ລາວ ປະຈຳ ສສ ຫວຽດນາມ, ມີ ທ່ານ ນາງ ເຈືອງ ທິ ມາຍ ກຳມະການກົມການເມືອງ ເລຂາທິການສູນກາງພັກກອມມູນິດຫວຽດນາມ; ທ່ານ ຫງວຽນ ຊວັນ ຖັງ ກຳມະການກົມການເມືອງ ຫົວໜ້າສະຖາບັນການເມືອງແຫ່ງຊາດ ໂຮ່ຈີມິນ; ທ່ານ ເຈິ່ນ ລືວ ກວາງ ກຳມະການສູນກາງພັກ ຮອງນາຍົກລັດຖະມົນຕີ, ທ່ານ ບຸ່ຍ ແທັງ ເຊີນ ກຳມະການສູນກາງພັກ ລັດຖະມົນຕີກະຊວງການຕ່າງປະເທດ ພ້ອມດ້ວຍແຂກຖືກເຊີນ ແລະ ພາກສ່ວນກ່ຽວຂ້ອງເຂົ້າຮ່ວມ.
    ໃນພິທີ, ທ່ານ ນາງ ຄຳເພົາ ເອີນທະວັນ ໄດ້ກ່າວວ່າ: ບຸນປີໃໝ່ 2024 ນີ້ ເປັນປີທີ່ມີຄວາມໝາຍຄວາມສຳຄັນສຳລັບ ສປປ ລາວ ຊຶ່ງທົ່ວພັກ, ທົ່ວລັດ ແລະ ປວງຊົນທັງຊາດ ໄດ້ຮ່ວມແຮງຮ່ວມໃຈກັນຈັດຕັ້ງການສະຫຼອງບຸນປີໃໝ່ເພື່ອຊົມເຊີຍ ຜົນສຳເລັດການປະຕິບັດໜ້າທີ່ວຽກງານທີ່ຍາດມາໄດ້ຕະຫຼອດໜຶ່ງປີທີ່ຜ່ານມາ ແລະ ທັງເປັນການສ້າງບັນຍາກາດອັນຟົດຟື້ນໃຫ້ແກ່ການເປັນປະທານອາຊຽນຂອງ ສປປ ລາວ ແລະ ປີທ່ອງທ່ຽວລາວ. ຫຼາຍກິດຈະກຳຈະໄດ້ຈັດຂຶ້ນຕາມຮີດຄອງປະເພນີອັນດີງາມຂອງຊາດລາວ ເພື່ອດຶງດູດນັກທ່ອງທ່ຽວ ທັງພາຍໃນ ແລະ ຕ່າງປະເທດ, ຮັບປະກັນປະຕິບັດຄຳຂວັນປີທ່ອງທ່ຽວລາວ 2024 “ທ່ອງທ່ຽວລາວ ປອດໄພ ຊື່ນໃຈໃນວັດທະນະທຳ, ທຳມະຊາດ ຍີ້ມແຍ້ມແຈ່ມໃສ ຮັກແຂກແພງຄົນ ເປັນເຈົ້າພາບທີ່ດີ ດ້ວຍໄມຕີຈິດມິດຕະພາບ”. 
ທ່ານ ທູດ ຍັງໄດ້ຕາງໜ້າໃຫ້ການນຳ ພັກ, ລັດ ແລະ ປະຊາຊົນລາວ ສະແດງຄວາມຂອບໃຈ ຕໍ່ການສະໜັບສະໜຸນ, ການຊ່ວຍເຫຼືອຂອງສະຫາຍຫວຽດນາມ ຕະຫຼອດໄລຍະທີ່ຜ່ານມາ ບໍ່ວ່າໃນຍຸກສະໄໝຕໍ່ສູ້ກູ້ຊາດໃນເມື່ອກ່ອນ ກໍຄືໃນພາລະກິດປົກປັກຮັກສາ ແລະ ສ້າງສາປະເທດຊາດໃນປັດຈຸບັນ ໂດຍສະເພາະແມ່ນການເປັນປະທານອາຊຽນຂອງ ສປປ ລາວ 2024 ນີ້. ສະແດງຄວາມຂອບໃຈ ແລະ ຮູ້ບຸນຄຸນອັນເລິກເຊິ່ງ ມາຍັງບັນດາສະຫາຍການນຳທຸກຂັ້ນ ນັບແຕ່ສູນກາງຮອດທ້ອງຖິ່ນ, ອົງການຈັດຕັ້ງຕ່າງໆ, ສະຖາບັນການສຶກສາ ທີ່ໄດ້ໃຫ້ການເບິ່ງແຍງດູແລ, ສິດສອນ, ອຳນວຍຄວາມສະດວກດ້ານຕ່າງໆ ໃຫ້ແກ່ພົນລະເມືອງລາວ ທີ່ໄດ້ມາດຳລົງຊີວິດ, ມາເຮັດວຽກ ແລະ ສຶກສາຮໍ່າຮຽນຢູ່ ສສ ຫວຽດນາມ ຊຶ່ງໄດ້ສ້າງເງື່ອນໄຂອັນເອື້ອອຳນວຍທຸກດ້ານຕະຫຼອດມາ. ໃນໂອກາດນີ້, ທ່ານທູດຍັງໄດ້ນຳເອົາຄວາມຮັກແພງອັນອົບອຸ່ນ, ຄຳອວຍພອນໄຊອັນປະເສີດຈາກການນຳພັກ-ລັດ ແລະ ປະຊາຊົນລາວ ມາຍັງການນຳ ພັກ-ລັດ ແລະ ປະຊາຊົນຫວຽດນາມ.
ທ່ານ ຫງວຽນ ຊວັນ ຖັງ ໄດ້ຕາງໜ້າໃຫ້ແກ່ການນຳພັກ, ລັດ ແລະ ປະຊາຊົນຫວຽດນາມອ້າຍນ້ອງ ກ່າວອວຍພອນໄຊອັນປະເສີດມາຍັງບັນດາການນຳພັກ, ລັດ ແລະ ປະຊາຊົນລາວ ທຸກຖ້ວນໜ້າເວົ້າລວມ, ໂດຍສະເພາະ ທ່ານທູດ ພ້ອມດ້ວຍພະນັກງານສະຖານທູດ ແລະ ແຂກເຂົ້າຮ່ວມງານໃນຄັ້ງນີ້. 
ທ່ານໄດ້ກ່າວວ່າ: ຫວຽດນາມ ແລະ ລາວ ແມ່ນສອງປະເທດອ້າຍນ້ອງ ບ້ານໃກ້ເຮືອນຄຽງ ມີສາຍພົວພັນແບບພິເສດ ຊຶ່ງມີໜຶ່ງບໍ່ມີສອງຢູ່ໃນໂລກ. ສາຍພົວພັນດັ່ງກ່າວໄດ້ຮັບການສ້າງຕັ້ງຂຶ້ນ, ເພີ່ມພູນຄູນສ້າງ ແລະ ຜັນຂະຫຍາຍດ້ວຍຄວາມຈິງໃຈ, ນ້ຳໃຈແຫ່ງຄວາມຊື່ສັດບໍລິສຸດ, ການຊ່ວຍເຫຼືອອັນລ້ຳຄ່າໝົດຈິດໝົດໃຈ, ພ້ອມທີ່ຈະເສຍສະຫຼະຊຶ່ງກັນ ແລະ ກັນ ຂອງສອງພັກ, ສອງລັດ ແລະ ປະຊາຊົນສອງຊາດ ລາວ-ຫວຽດນາມ. ດັ່ງຄຳເວົ້າຂອງປະທານ ໄກສອນ ພົມວິຫານ ໄດ້ເວົ້າວ່າ: ສາຍພົວພັນມິດຕະພາບຖານອ້າຍນ້ອງ ລະຫວ່າງປະຊາຊົນລາວ ແລະ ປະຊາຊົນຫວຽດນາມ ແມ່ນຍິ່ງໃຫຍ່ທີ່ສຸດ ເຖິງແມ່ນວ່າຈະເປັນບົົດລຳໃດ ບົດເພງໃດ ຫຼື ບົດກະວີໃດທີ່ມ່ວນທີ່ສຸດ ກໍບໍ່ສາມາດພັນລະນາໄດ້. ຕໍ່ກັບນ້ຳໃຈ ຄວາມຮັກແພງອັນບໍລິສຸດຈາກໃຈຈິງ, ຄວາມພະຍາຍາມໃນທຸກໆບາດກ້າວ ຂອງປະຊາຊົນສອງຊາດພວກເຮົາໄດ້ຄຽງບ່າງຄຽງໄຫຼ່ ນຳພາສາຍພົວພັນແບບພິເສດ ຫວຽດນາມ - ລາວ  ຜ່ານຜ່າບັນດາສິ່ງທ້າທາຍຂອງປະຫວັດສາດ, ນຳເອົາສາຍພົວພັນມິດຕະພາບອັນຍິ່ງໃຫ່ຍ, ຄວາມສາມັກຄີແບບພິເສດ ແລະ ການຮ່ວມມືຮອບດ້ານ ລະຫວ່າງ ສອງຊາດພວກເຮົາ ພັດທະນາກ້າວຂຶ້ນສູ່ໃບໜ້າອັນໃຫມ່ ທີ່ມີປະສິດທິພາບ ແລະ ປະສິດທິຜົນ.
ການຈັດງານຕ້ອນຮັບປີໃໝ່ລາວ ປີມະໂລງ ພ.ສ 2567 ແລະ ການເຂົ້າຮ່ວມຂອງບັນດາການນຳຂັ້ນສູງ ພັກ, ລັດ ທັງສູນກາງ ແລະ ທ້ອງຖິ່ນ ແມ່ນສະແດງໃຫ້ເຫັນ ເຖິງອາລົມຈິດມິດຕະພາບອັນສະໜິດສະໜົມ ຖານສະຫາຍອ້າຍນ້ອງ ບົນພື້ນຖານສາຍພົວພັນພິເສດ ລາວ-ຫວຽດນາມ ທີ່ມີໜຶ່ງບໍ່ມີສອງໃນໂລກ, ໄດ້ກາຍເປັນແຮງບັນດານໃຈອັນໃຫຍ່ຫຼວງໃຫ້ແກ່ບັນດາການນຳ, ພະນັກງານສະຖານທູດລາວ ແລະ ບັນດານັກຄົ້ນຄວ້າ, ນັກສຶກສາລາວ ທີ່ກຳລັງປະຕິບັດໜ້າທີ່ ແລະ ສຶກສາຮ່ຳຮຽນ ຢູ່ຫ່າງໄກຈາກບ້ານເກີດເມືອງນອນຂອງຕົນ ໄດ້ຕ້ອນຮັບ ແລະ ສະຫຼອງປີໃໝ່ລາວຢູ່ ຫວຽດນາມ ດ້ວຍບັນຍາກາດເບີກບານມ່ວນຊື່ນ ແລະ ຖືກຕ້ອງຕາມຮີດຄອງປະເພນີທີ່ດີງາມຂອງລາວເຮົາ. ພ້ອມກັນນັ້ນ ຍັງເປັນການໂຄສະນາຮີດຄອງປະເພນີອັນດີງາມຂອງລາວໃຫ້ປະຊາຊົນຫວຽດນາມອ້າຍນ້ອງໄດ້ຮັບຮູ້ ແລະ ເຂົ້າໃຈຫຼາຍຂຶ້ນກວ່າເກົ່າ.
ຂ່າວ-ພາບ: ສະຖານທູດລາວທີ່ຮ່າໂນ້ຍ

ຄໍາເຫັນ

ຂ່າວການຮ່ວມມື

ຊາວໜຸ່ມກອມມູນິດໂຮ່ຈິມິນ ເຂົ້າຢ້ຽມພົບປະ ສະຫາຍເລຂາຄະນະບໍລິຫານງານ ສຊປລ

ຊາວໜຸ່ມກອມມູນິດໂຮ່ຈິມິນ ເຂົ້າຢ້ຽມພົບປະ ສະຫາຍເລຂາຄະນະບໍລິຫານງານ ສຊປລ

ວັນທີ 7 ກໍລະກົດ ນີ້ ທີ່ ສູນກາງຊາວໜຸ່ມປະຊາຊົນ ປະຕິວັດລາວ (ສຊປລ) ສະຫາຍ ຫວຽນ ເຕື່ອງ ເລີມ ຮອງເລຂາສູນກາງຊາວໜຸ່ມກອມມູນິດໂຮ່ຈິມິນ ພ້ອມດ້ວຍຄະນະ ໄດ້ເຂົ້າຢ້ຽມພົບປະ ສະຫາຍ ມອນໄຊ ລາວມົວຊົ່ງ ກຳມະການສໍາຮອງສູນກາງພັກ ເລຂາຄະນະບໍລິຫານງານ ສຊປລ ມີບັນດາຫົວໜ້າກົມ ແລະ ພາກສ່ວນທີ່ກ້ຽວຂອງທັງສອງຝ່າຍເຂົ້າຮ່ວມ.
ຝຶກອົບຮົມຫົວຂໍ້ສະເພາະ ສໍາລັບພະນັກງານການນໍາໜຸ່ມ ບັນດາແຂວງທີ່ມີຊາຍແດນ  ຕິດຈອດລາວ-ຫວຽດນາມ-ກໍາປູເຈຍ

ຝຶກອົບຮົມຫົວຂໍ້ສະເພາະ ສໍາລັບພະນັກງານການນໍາໜຸ່ມ ບັນດາແຂວງທີ່ມີຊາຍແດນ ຕິດຈອດລາວ-ຫວຽດນາມ-ກໍາປູເຈຍ

ອີງຕາມ ການຕົກລົງຂອງການນຳສູງສຸດ ໃນກອງປະຊຸມພົບປະຂອງ 3 ພັກ-ລັດຖະບານ ລາວ-ຫວຽດນາມ-ກຳປູເຈຍ ຄັ້ງວັນທີ 25 ກັນຍາ 2021 ຢູ່ ນະຄອນຫຼວງຮ່າໂນ້ຍ ສສ ຫວຽດນາມ. ໃນຕອນເຊົ້າຂອງວັນທີ 8 ກໍລະກົດ ນີ້ ທີ່ ໂຮງແຮມ ຄຣາວພາຊາ ນະຄອນຫຼວງວຽງຈັນ, ຄະນະຈັດຕັ້ງສູນກາງພັກ ຮ່ວມກັບ ຄະນະພົວພັນຕ່າງປະເທດສູນກາງພັກ, ສະຖາບັນການເມືອງ ແລະ ການປົກຄອງແຫ່ງຊາດ, ຄະນະໂຄສະນາອົບຮົມສູນກາງພັກ, ກະຊວງປ້ອງກັນປະເທດ,​ ກະຊວງອຸດສາຫະກໍາ ແລະ ການຄ້າ ແລະ ພາກສ່ວນທີ່ກ່ຽວຂ້ອງຂອງລາວ ໄດ້ພ້ອມກັນຈັດພິທີເປີດຊຸດຝຶກອົບຮົມຫົວຂໍ້ສະເພາະ ສໍາລັບພະນັກງານການນໍາໜຸ່ມ ບັນດາແຂວງທີ່ມີຊາຍແດນຕິດຈອດ ລາວ-ຫວຽດນາມ-ກໍາປູເຈຍ ຄັ້ງທີ 3, ໂດຍການໃຫ້ກຽດເຂົ້າຮ່ວມເປັນປະທານ ແລະ ກ່າວເປີດຂອງ ສະຫາຍ ນາງ ສີໃສ ລືເດດມູນສອນ ກໍາມະການກົມການເມືອງສູນກາງພັກ ຫົວໜ້າຄະນະຈັດຕັ້ງສູນກາງພັກ ແລະ ມີສະຫາຍຄະນະນໍາ, ບັນດາຫົວໜ້າກົມ, ຮອງຫົວໜ້າກົມ ແລະ ບັນດາຜູ້ຕາງໜ້າຈາກພາກສ່ວນກ່ຽວຂ້ອງ ພ້ອມທັງນັກສໍາມະນາກອນຂອງ 3 ພັກ ລາວ-ຫວຽດນາມ-ກໍາປູເຈຍ ເຂົ້າຮ່ວມ.
ກອງປະຊຸມເຈົ້າໜ້າທີ່ອາວຸໂສອາຊຽນ ແລະ ກອງປະຊຸມຄະນະບໍລິຫານງານຂອງຄະນະກຳມາທິການເຂດປອດອາວຸດນິວເຄລຍອາຊີຕາເວັນອອກສ່ຽງໃຕ້

ກອງປະຊຸມເຈົ້າໜ້າທີ່ອາວຸໂສອາຊຽນ ແລະ ກອງປະຊຸມຄະນະບໍລິຫານງານຂອງຄະນະກຳມາທິການເຂດປອດອາວຸດນິວເຄລຍອາຊີຕາເວັນອອກສ່ຽງໃຕ້

ໃນວັນທີ 7 ກໍລະກົດ ນີ້ ທີ່ ກົວລາລໍາເປີ ປະເທດມາເລເຊຍ, ທ່ານ ​ພົງສະຫວັນ ສີສຸລາດ ຮອງ​ລັດ​ຖະ​ມົ​ນ​ຕີ​ກະຊວງການຕ່າງ​ປະ​ເທດ ທັງເປັນຫົວໜ້າເຈົ້າໜ້າທີ່ອາວຸໂສອາຊຽນຂອງ ສປປ ລາວ ໄດ້ນໍາພາຄະນະ ເຂົ້າຮ່ວມກອງປະຊຸມເຈົ້າໜ້າທີ່ອາວຸໂສອາຊຽນ ແລະ ກອງປະຊຸມຄະນະບໍລິຫານງານຂອງຄະນະກຳມາທິການເຂດປອດອາວຸດນິວເຄລຍ ອາຊີຕາເວັນອອກສ່ຽງໃຕ້. ເຂົ້າຮ່ວມໃນກອງປະຊຸມຄັ້ງນີ້ ມີບັນດາຫົວໜ້າເຈົ້າໜ້າທີ່ອາວຸໂສອາຊຽນ ແລະ ຕີມໍແລັດສະເຕ ແລະ ຮອງເລຂາທິການໃຫຍ່ອາຊຽນ ພ້ອມດ້ວຍຄະນະ.
ທູດ​ລາວ​ປະ​ຈຳຫວຽດ​ນາມຢ້ຽມ​ຢາມ ແລະ ເຮັດ​ວຽກ​ຢູ່ 2 ​ແຂວງຂອງ​ຫວຽດ​ນາມ

ທູດ​ລາວ​ປະ​ຈຳຫວຽດ​ນາມຢ້ຽມ​ຢາມ ແລະ ເຮັດ​ວຽກ​ຢູ່ 2 ​ແຂວງຂອງ​ຫວຽດ​ນາມ

ຄະ​ນະ​ຜູ້​ແທນ​ສະ​ຖານ​ທູດ​ລາວປະ​ຈຳ ສ​ສ ຫວຽດ​ນາມ ຊຶ່ງ​ນຳ​ໂດຍ​ທ່ານ ນາງ ຄຳເພົາ ເອີນທະວັນ ເອກອັກຄະລັດຖະທູດວິສາມັນຜູ້ມີອຳນາດເຕັມ ແຫ່ງ ສປປ ລາວ ປະຈຳ ສສ ຫວຽດນາມ ພ້ອມ​ຄະ​ນະໄດ້ເດີນ​ທາງຢ້ຽມ​ຢາມ​ ແລະ ເຮັດ​ວຽກ​ຢູ່​ແຂວງແທັງ​ຫົວ ແລະ ແຂວງເຫງະ​ອານ ແຕ່​ວັນ​ທີ 3-5 ກໍ​ລະ​ກົດ​ ຜ່ານ​ມາ. ໃນ​ໂອ​ກາດນີ້, ຄະ​ນະ​ໄດ້ເຂົ້າ​ຢ້ຽມ​ຂ່ຳ​ນັບ​​ສະ​ຫາຍ ຫງວຽນ ຢວານ ແອັງກຳມະການສູນກາງພັກ ເລຂາພັກແຂວງ ພ້ອມ​ຄະ​ນະທີ່​ສຳ​ນັກ​ງານ​ຫ້ອງການ​ຄະ​ນະ​ພັກ​ແຂວງໂດຍ​ໄດ້​ຮັບ​ການ​ຕ້ອນ​ຮັບຢ່າງອົບອຸ່ນສະໜິດສະໜົມ ແລະ ເຕັມໄປດ້ວຍໄມຕີຈິດມິດຕະພາບອັນດູດດື່ມ.
ໄຂກອງປະຊຸມສະພາການຄ້າຈີນ ປະຈໍາແຂວງຫຼວງພະບາງ ຄັ້ງທີ່ III

ໄຂກອງປະຊຸມສະພາການຄ້າຈີນ ປະຈໍາແຂວງຫຼວງພະບາງ ຄັ້ງທີ່ III

ກອງປະຊຸມສະພາການຄ້າຈີນ ປະຈໍາແຂວງຫຼວງພະບາງ ຄັ້ງທີ່ III ໄດ້ຈັດຂຶ້ນໃນວັນທີ່ 5 ກໍລະກົດຜ່ານມານີ້ ທີ່ຫ້ອງປະຊຸມບໍລິສັດໄຟຟ້ານ້ຳອູຈຳກັດ, ມີທ່ານ ມອນໄຊ ລາວມົວຊົງ ເລຂາຄະນະບໍລິຫານງານສູນກາງຊາວໜຸ່ມ ປະຊາຊົນປະຕິວັດລາວ, ທ່ານ ຈາງ ເສີ ພີງ ກົງສູນໃຫຍ່ ສປ ຈີນ ປະຈຳພາກ ເໜືອ ແຂວງຫຼວງພະບາງ, ທ່ານ ວົງສະຫວັນ ເທບພະຈັນ ປະທານສະພາປະຊາຊົນແຂວງ, ພ້ອມດ້ວຍຜູ້ຕາງໜ້າສະພາການຄ້າ ສປ ຈີນ ແລະ ພາກສ່ວນກ່ຽວຂ້ອງເຂົ້າຮ່ວມ.
ກອງປະຊຸມສາກົນວ່າດ້ວຍການສະໜອງທຶນ ເພື່ອການພັດທະນາ ຄັ້ງທີ 4 ແລະ ກອງປະຊຸມຂັ້ນສູງຕ່າງໆ

ກອງປະຊຸມສາກົນວ່າດ້ວຍການສະໜອງທຶນ ເພື່ອການພັດທະນາ ຄັ້ງທີ 4 ແລະ ກອງປະຊຸມຂັ້ນສູງຕ່າງໆ

ໃນວັນທີ 1​-3 ກໍລະກົດ ນີ້ ທີ່ ເມືອງ ເຊີວີລ ປະເທດ ເເອັດສະປາຍ ທ່ານ ອານຸພາບ ວົງໜໍ່ເເກ້ວ ຮອງລັດຖະມົນຕີກະຊວງການຕ່າງປະເທດ ໄດ້ເຂົ້າຮ່ວມກອງປະຊຸມປິ່ນອ້ອມລະດັບສູງພາຍໃຕ້ຫົວຂໍ້ “ກອງປະຊຸມລະດັບສູງວ່າດ້ວຍປະເທດດ້ອຍພັດທະນາ” ໂດຍການເປັນປະທານຮ່ວມຂອງ ທ່ານນາຍົກລັດຖະມົນຕີ ເນປານ ເເລະ ທ່ານ ຮອງເລຂາທິການໃຫຍ່ ສປຊ.​ ໃນນັ້ນ, ກອງປະຊຸມໄດ້ປຶກສາຫາລື ກ່ຽວກັບ ວິທີການຈັດຕັ້ງປະຕິບັດ ເອກະສານຄວາມໝາຍໝັ້ນ ເຊວິລໃຫ້ມີປະສິດທິພາບ ເເລະ ປະສິດທິຜົນ ຕາມຄວາມຕ້ອງການຂອງບັນດາປະເທດ ດ້ອຍພັດທະນາ.ທ່ານ ຮອງລັດຖະມົນຕີ ໄດ້ຕີລາຄາສູງຕໍ່ເນື້ອໃນກໍຄືຜົນຂອງກອງປະຊຸມ ແລະ ໄດ້ຍົກໃຫ້ເຫັນບຸລິມະສິດຂອງ ບັນດາປະເທດດ້ອຍພັດທະນາ ເປັນຕົ້ນການເພີ່ມທະວີການຮ່ວມມືທາງດ້ານອາກອນ; ການລະດົມງົບປະມານພາຍໃນ; ການພັດທະນາອຸດສາຫະກໍາ ເເລະ ການສະໜັບສະໜູນ ຈຸນລະວິສາຫະກິດ, ວິສາຫະກິດຂະໜາດນ້ອຍ ເເລະ ກາງ. ນອກນັ້ນ, ທ່ານຍັງໄດ້ນໍາສະເໜີຕໍ່ທີ່ປະຊຸມ ກ່ຽວກັບ ການກະກຽມໃຫ້ເເກ່ການຫຼຸດພົ້ນອອກຈາກສະຖານະພາບປະເທດດ້ອຍພັດທະນາ ໃນປີ 2026 ແລະ ໄດ້ຮຽກຮ້ອງໃຫ້ບັນດາປະເທດຄູ່ຮ່ວມພັດທະນາ ເເລະ ວົງຄະນະຍາດສາກົນ ຈົ່ງສືບຕໍ່ໃຫ້ການສະໜັບສະໜູນ ເເລະ ການຊ່ວຍເຫຼືອບັນດາປະເທດດ້ອຍພັດທະນາໂດຍການສ້າງສູນປະຊາສໍາພັນດ້ານການລົງທຶນສໍາລັບປະເທດ ດ້ອຍພັດທະນາ; ການເຂົ້າເຖິງເເຫຼ່ງທຶນ ເເລະ ການຢຶດໝັ້ນຕໍ່ພັນທະຂອງຕົນໃນການສະ ໜອງທຶນຊ່ວຍເຫຼືອ ເພື່ອການພັດທະນາໃຫ້ເເກ່ບັນດາປະເທດດ້ອຍພັດທະນາ.​
ກອງປະຊຸມວິຊາການກ່ຽວກັບການແຈ້ງເຕືອນໄພລ່ວງໜ້າສໍາລັບຄົນທີ່ມີຄວາມ  ບົກຜ່ອງທາງຮ່າງກາຍ

ກອງປະຊຸມວິຊາການກ່ຽວກັບການແຈ້ງເຕືອນໄພລ່ວງໜ້າສໍາລັບຄົນທີ່ມີຄວາມ ບົກຜ່ອງທາງຮ່າງກາຍ

ອົງການອາຫານໂລກແຫ່ງສະຫະປະຊາຊາດ ຮ່ວມກັບ ກົມອຸຕຸນິຍົມວິທະຍາ ແລະ ອຸທົກກະສາດ ກະຊວງກະສິກໍາ ແລະ ສິ່ງແວດລ້ອມ, ກົມສະຫວັດດີການສັງຄົມຂອງກະຊວງແຮງງານ ແລະ ສະຫວັດດິການສັງຄົມ, ຈັດຝຶກອົບຮົມວິຊາການ ກ່ຽວກັບການແຈ້ງເຕືອນໄພລ່ວງໜ້າສຳລັບຄົນທີ່ມີຄວາມພິການໃນນະຄອນຫຼວງວຽງຈັນ, ໃນວັນທີ 3 ກໍລະກົດນີ້ ທີ່ ນະຄອນຫຼວງວຽງຈັນ. ໂດຍມີ ທ່ານ ບຸນເຕີມ ສີສຸພັນທະວົງ ຮອງຫົວໜ້າກົມອຸຕຸນິຍົມ ແລະ ອຸທົກະສາດ, ທ່ານ ກິນດາວົງ ຫຼວງລາດ ຮອງຫົວໜ້າກົມສັງຄົມສົງເຄາະ, ທ່ານ ວິງທອງ ຈັນທະວົງ ຜູ້ຈັດການຝ່າຍປະຕິບັດການ, ສູນປຶກສາການບູລະນາການຄົນພິການ, ທ່ານ ນາໂອກິ ມາເອະກາວາ ຮອງຜູ້ອຳນວຍການ ແລະ ຜູ້ຕາງໜ້າອົງການອາຫານໂລກ, ແຂກຖືກເຊີນ ພ້ອມດ້ວຍວິຊາການທີ່ກ່ຽວຂ້ອງເຂົ້າຮ່ວມ.
ສະຫຼອງການສ້າງຕັ້ງສາຍພົວພັນການທູດ ຄົບຮອບ 70 ປີ ລະຫວ່າງ ສປປ ລາວ ແລະ ສະຫະລັດ ອາເມຣິກາ

ສະຫຼອງການສ້າງຕັ້ງສາຍພົວພັນການທູດ ຄົບຮອບ 70 ປີ ລະຫວ່າງ ສປປ ລາວ ແລະ ສະຫະລັດ ອາເມຣິກາ

ພິທີສະເຫຼີມສະຫຼອງ ເນື່ອງໃນໂອກາດວັນຄົບຮອບ 70 ປີ ແຫ່ງການສ້າງຕັ້ງສາຍພົວພັນການທູດ ລະຫວ່າງ ສປປ ລາວ ແລະ ສ ອາເມຣິກາ ແລະ ວັນຄົບຮອບ 249 ປີ ແຫ່ງການປະກາດເອກະລາດຂອງ ສ ອາເມຣິກາ ໄດ້ຈັດຂຶ້ນໃນຕອນຄໍ່າຂອງວັນທີ 2 ກໍລະກົດ ຜ່ານມານີ້ ທີ່ ໂຮງແຮມຄຣາວພລາຊາ ນະຄອນຫຼວງວຽງຈັນ, ໂດຍ ການໃຫ້ກຽດເຂົ້າຮ່ວມເປັນປະທານຂອງ ທ່ານ ທອງສະຫວັນ ພົມວິຫານ ລັດຖະມົນຕີກະ ຊວງການຕ່າງປະເທດ ໃນນາມຕາງໜ້າລັດຖະບານ ແຫ່ງ ສປປ ລາວ ແລະ ຕາງໜ້າຝ່າຍ ສ ອາເມຣິກາ ແມ່ນ ທ່ານ ນາງ ແຮັດເຕີ ວາເຣຍອາວາ (Heather Variava) ເອກອັກຄະລັດຖະທູດ ແຫ່ງ ສ ອາເມຣິກາ ປະຈໍາ ສປປ ລາວ, ພ້ອມທັງມີບັນດາລັດຖະມົນຕີ, ຮອງລັດຖະມົນຕີ, ເຈົ້າໜ້າທີ່ຂັ້ນສູງຂອງລາວ, ທູຕານຸທູດຕ່າງປະເທດ ແລະ ອົງການຈັດຕັ້ງສາກົນ ປະຈໍາ ສປປ ລາວ ພ້ອມດ້ວຍແຂກຖືກເຊີນຈາກພາກສ່ວນຕ່າງໆເຂົ້າຮ່ວມ.
ກະຊວງ ປກສ ລາວ ພົບປະແລກປ່ຽນບົດຮຽນກັບຄະນະກໍາມາທິການກົດໝາຍ ແລະ ຍຸຕິທໍາວຸດທິສະພາໄທ

ກະຊວງ ປກສ ລາວ ພົບປະແລກປ່ຽນບົດຮຽນກັບຄະນະກໍາມາທິການກົດໝາຍ ແລະ ຍຸຕິທໍາວຸດທິສະພາໄທ

ກອງປະຊຸມພົບປະລະຫວ່າງກະຊວງປ້ອງກັນຄວາມສະຫງົບລາວ (ປກສ) ແລະ ຄະນະກໍາມາທິການກົດໝາຍ ແລະ ຍຸຕິທໍາວຸດທິສະພາແຫ່ງຣາຊະອານາຈັກໄທ ໄດ້ຈັດຂຶ້ນໃນວັນທີ 1 ກໍລະກົດ ຜ່ານມາ ທີ່ກະຊວງ ປກສ ໂດຍການເປັນປະທານຮ່ວມຂອງທ່ານ ພົຈວ ວັນທອນ ສຸລິສັກ ຮອງຫົວໜ້າກົມໃຫຍ່ຕຳຫຼວດກະຊວງ ປກສ ແລະ ທ່ານ ພົທ ບຸນຈັນ ນວນສາຍ ປະທານຄະນະກໍາມາທິການກົດໝາຍ ແລະ ຍຸຕິທໍາວຸດທິສະພາແຫ່ງຣາຊະອານາຈັກໄທ ພ້ອມດ້ວຍຄະນະຜູ້ແທນທັງສອງຝ່າຍເຂົ້າຮ່ວມ.
ສະພາການຄ້າ ຄໍາມ່ວນ ພົບປະແລກປ່ຽນ ກັບ ຫໍການຄ້ານະຄອນພະນົມ

ສະພາການຄ້າ ຄໍາມ່ວນ ພົບປະແລກປ່ຽນ ກັບ ຫໍການຄ້ານະຄອນພະນົມ

ກອງປະຊຸມພົບປະແລກປ່ຽນບົດຮຽນກ່ຽວກັບການຄ້າ, ການລົງທຶນ ແລະ ການທ່ອງທ່ຽວ ລະຫວ່າງ ສະພາການຄ້າ ແລະ ອຸດສາຫະກໍາ ແຂວງຄໍາມ່ວນ ສປປ ລາວ ແລະ ຫໍການຄ້າ ຈັງຫວັດນະຄອນພະນົມ ຣາຊາອານາຈັກໄທ ຈັດຂຶ້ນໃນວັນທີ 1 ກໍລະກົດຜ່ານມາ ທີ່ພະແນກເຕັກໂນໂລຊີແຂວງຄໍາມ່ວນ ໂດຍມີ ທ່ານ ອຸດົມພົງ ແກ້ວສີສະໂນ ຮອງປະທານສະພາການຄ້າ ແລະ ອຸດສາຫະກໍາແຂວງຄໍາມ່ວນ ແລະ ທ່ານ ໂຊຕິທະນິນ ອະລຸນທະນາເຂມພັດ ຮອງປະທານສະພາອຸດສາຫະກໍາ ຈັງຫວັດນະຄອນພະນົມ ພ້ອມດ້ວຍຄະນະທັງສອງຝ່າຍເຂົ້າຮ່ວມ.
ເພີ່ມເຕີມ