ກອງບັນຊາການທະຫານແຂວງສະຫວັນນະເຂດໄດ້ຈັດພິທີສະເຫຼີມສະຫຼອງວັນສ້າງຕັ້ງກອງທັບປະຊາຊົນລາວຄົບຮອບ 75 ປີ (20 ມັງກອນ 1949-20 ມັງກອນ 2024) ຂຶ້ນໃນວັນທີ 23 ມັງກອນຜ່ານມາ ທີ່ກອງພັນກອງຕີພິເສດ 207 ນະຄອນໄກສອນພົມວິຫານໂດຍການເປັນປະທານຂອງທ່ານບຸນໂຈມອຸບົນປະເສີດເຈົ້າແຂວງສະຫວັນນະເຂດ, ມີທ່ານພົນໂທວົງຄຳພິມມະກອນຮອງລັດຖະມົນຕີກະຊວງປ້ອງກັນປະເທດ ພ້ອມດ້ວຍພາກສ່ວນກ່ຽວຂ້ອງເຂົ້າຮ່ວມ.
ທ່ານບຸນໂຈມອຸບົນປະເສີດ ກ່າວວ່າ: ໃນໂອກາດສະເຫຼີມສະຫຼອງວັນສ້າງຕັ້ງກອງທັບປະຊາຊົນລາວ ຄົບຮອບ 75 ປີພວກເຮົາຂໍຈາລຶກ ແລະຮູ້ບຸນຄຸນຕໍ່ປະທານ ໄກສອນ ພົມວິຫານທີ່ໄດ້ສ້າງຕັ້ງ ແລະຊຸບຫຼໍ່ກໍ່ສ້າງກອງທັບປະຊົນລາວໃຫ້ເຕີບໃຫຍ່ຂະຫຍາຍຕົວມາເຖິງທຸກວັນນີ້. ພ້ອມນີ້, ຂໍຝາກຄວາມຊົມເຊີຍ, ຄວາມຢ້ຽມຢາມຖາມຂ່າວ, ຄວາມສາມັກຄີຮັກແພງອັນອົບອຸ່ນໄປຍັງນາຍ ແລະພົນທະຫານທີ່ພວມປະຕິບັດໜ້າທີ່ຂອງຕົນຢູ່ບໍລິເວນຊາຍແດນເຂດຫ່າງໄກສອກຫຼີກ, ຜູ້ທີ່ພວມປິ່ນປົ່ວຢູ່ໂຮງໝໍຕະຫຼອດເຖິງຄອບຄົວນາຍ ແລະພົນທະຫານທີ່ເສຍສະຫຼະຊີວິດເພື່ອປະເທດຊາດ, ເພື່ອເອກະລາດຂອງຊາດເພື່ອຄວາມຢູ່ເຢັນເປັນສຸກຂອງປະຊາຊົນບັນດາເຜົ່າມານະໂອກາດນີ້ດ້ວຍ. ທ່ານໄດ້ຍົກໃຫ້ເຫັນເຖິງປະຫວັດຄວາມເປັນມາຂອງກອງທັບປະຊາຊົນລາວ ຊຶ່ງກ່ອນໜ້ານີ້ 75 ປີຄື: ໃນວັນທີ 20 ມັງກອນປີ 1949 ກອງທັບລາວອິດສະຫຼະໄດ້ມີຊື່ວ່າ: “ກອງລາດຊະວົງ” ໄດ້ຮັບການສ້າງຕັ້ງຂຶ້ນຢູ່ເຂດທີ່ໝັ້ນລາວຮຸ່ງພຽງສາ ເມືອງຊຽງຄໍ້ ແຂວງຫົວພັນໂດຍແມ່ນປະທານໄກສອນ ພົມວິຫານ ຜູ້ນໍາທີ່ແສນເຄົາລົບຮັກເປັນຜູ້ປະກາດສ້າງຕັ້ງ ແລະບັນຊາການໂດຍກົງການກຳເນີດຂຶ້ນຂອງກອງລາດຊະວົງ ຫຼືກອງທັບລາວອິດສະຫຼະໄດ້ກາຍເປັນບາດລ້ຽວປະຫວັດສາດໃນການເຕົ້າໂຮມປັບປຸງບັນດາກຳລັງຕໍ່ຕ້ານປະກອບອາວຸດຂອງປະຊາຊົນລາວຢູ່ພາກຕ່າງໆຂອງປະເທດໃຫ້ເປັນເອກະພາບ,ສືບຕໍ່ຂະຫຍາຍກຳລັງຢູ່ພາຍໃຕ້ການນຳພາເດັດຂາດໂດຍກົງຮອບດ້ານຂອງພັກ, ກອງທັບລາວອິດສະຫຼະຊຶ່ງຕໍ່ມາໄດ້ກາຍເປັນກອງທັບປົດປ່ອຍປະຊາຊົນລາວ ແລະກອງທັບປະຊາຊົນລາວໃນປັດຈຸບັນ.ພ້ອມນັ້ນ, ທ່ານບຸນໂຈມອຸບົນປະເສີດໄດ້ຍົກໃຫ້ເຫັນເຖິງການສ້າງຕັ້ງກອງບັນຊາການທະຫານແຂວງສະຫວັນນະເຂດ ຊຶ່ງໄດ້ຮັບການສ້າງຕັ້ງຂຶ້ນໃນວັນທີ 25 ມີນາ 1962 ຢູ່ບ້ານຫ້ວຍອາໄກ້ ເມືອງພີນ ແຂວງສະຫວັນນະເຂດຕື່ມອີກ.
ໃນພິທີໄດ້ມີການສະແດງສິີລະປະ-ວັນນະຄະດີ, ການສວນສະໜາມຈາກບັນດາກ້ອນກຳລັງຕ່າງໆຈຳນວນ21ກ້ອນກຳລັງ, ສະແດງສີລະປະຍຸດ-ຍຸດທະວິທີການປ້ອງກັນຕົວຂອງເລົ່າຮົບພິເສດ, ການສະແດງໂດດຈ້ອງຂອງເລົ່າຮົບທະຫານອາກາດແລະການຍິງປືນເປີດປ້າຍຕໍ່ດ້ວຍການອຳພາງໂຕແລະການຊ່ວຍເຫຼືອໂຕປະກັນຂອງກອງພັນກອງຕີພິເສດ. ໃນຄ່ຳຄືນຂອງວັນດຽວກັນໄດ້ມີການຍິງບັ້ງໄຟດອກຢູ່ເດີ່ນກອງບັນຊາການທະຫານແຂວງຕື່ມອີກ.
ຂ່າວ-ພາບ: ສະຫັວນນະເຂດ
ທ່ານບຸນໂຈມອຸບົນປະເສີດ ກ່າວວ່າ: ໃນໂອກາດສະເຫຼີມສະຫຼອງວັນສ້າງຕັ້ງກອງທັບປະຊາຊົນລາວ ຄົບຮອບ 75 ປີພວກເຮົາຂໍຈາລຶກ ແລະຮູ້ບຸນຄຸນຕໍ່ປະທານ ໄກສອນ ພົມວິຫານທີ່ໄດ້ສ້າງຕັ້ງ ແລະຊຸບຫຼໍ່ກໍ່ສ້າງກອງທັບປະຊົນລາວໃຫ້ເຕີບໃຫຍ່ຂະຫຍາຍຕົວມາເຖິງທຸກວັນນີ້. ພ້ອມນີ້, ຂໍຝາກຄວາມຊົມເຊີຍ, ຄວາມຢ້ຽມຢາມຖາມຂ່າວ, ຄວາມສາມັກຄີຮັກແພງອັນອົບອຸ່ນໄປຍັງນາຍ ແລະພົນທະຫານທີ່ພວມປະຕິບັດໜ້າທີ່ຂອງຕົນຢູ່ບໍລິເວນຊາຍແດນເຂດຫ່າງໄກສອກຫຼີກ, ຜູ້ທີ່ພວມປິ່ນປົ່ວຢູ່ໂຮງໝໍຕະຫຼອດເຖິງຄອບຄົວນາຍ ແລະພົນທະຫານທີ່ເສຍສະຫຼະຊີວິດເພື່ອປະເທດຊາດ, ເພື່ອເອກະລາດຂອງຊາດເພື່ອຄວາມຢູ່ເຢັນເປັນສຸກຂອງປະຊາຊົນບັນດາເຜົ່າມານະໂອກາດນີ້ດ້ວຍ. ທ່ານໄດ້ຍົກໃຫ້ເຫັນເຖິງປະຫວັດຄວາມເປັນມາຂອງກອງທັບປະຊາຊົນລາວ ຊຶ່ງກ່ອນໜ້ານີ້ 75 ປີຄື: ໃນວັນທີ 20 ມັງກອນປີ 1949 ກອງທັບລາວອິດສະຫຼະໄດ້ມີຊື່ວ່າ: “ກອງລາດຊະວົງ” ໄດ້ຮັບການສ້າງຕັ້ງຂຶ້ນຢູ່ເຂດທີ່ໝັ້ນລາວຮຸ່ງພຽງສາ ເມືອງຊຽງຄໍ້ ແຂວງຫົວພັນໂດຍແມ່ນປະທານໄກສອນ ພົມວິຫານ ຜູ້ນໍາທີ່ແສນເຄົາລົບຮັກເປັນຜູ້ປະກາດສ້າງຕັ້ງ ແລະບັນຊາການໂດຍກົງການກຳເນີດຂຶ້ນຂອງກອງລາດຊະວົງ ຫຼືກອງທັບລາວອິດສະຫຼະໄດ້ກາຍເປັນບາດລ້ຽວປະຫວັດສາດໃນການເຕົ້າໂຮມປັບປຸງບັນດາກຳລັງຕໍ່ຕ້ານປະກອບອາວຸດຂອງປະຊາຊົນລາວຢູ່ພາກຕ່າງໆຂອງປະເທດໃຫ້ເປັນເອກະພາບ,ສືບຕໍ່ຂະຫຍາຍກຳລັງຢູ່ພາຍໃຕ້ການນຳພາເດັດຂາດໂດຍກົງຮອບດ້ານຂອງພັກ, ກອງທັບລາວອິດສະຫຼະຊຶ່ງຕໍ່ມາໄດ້ກາຍເປັນກອງທັບປົດປ່ອຍປະຊາຊົນລາວ ແລະກອງທັບປະຊາຊົນລາວໃນປັດຈຸບັນ.ພ້ອມນັ້ນ, ທ່ານບຸນໂຈມອຸບົນປະເສີດໄດ້ຍົກໃຫ້ເຫັນເຖິງການສ້າງຕັ້ງກອງບັນຊາການທະຫານແຂວງສະຫວັນນະເຂດ ຊຶ່ງໄດ້ຮັບການສ້າງຕັ້ງຂຶ້ນໃນວັນທີ 25 ມີນາ 1962 ຢູ່ບ້ານຫ້ວຍອາໄກ້ ເມືອງພີນ ແຂວງສະຫວັນນະເຂດຕື່ມອີກ.
ໃນພິທີໄດ້ມີການສະແດງສິີລະປະ-ວັນນະຄະດີ, ການສວນສະໜາມຈາກບັນດາກ້ອນກຳລັງຕ່າງໆຈຳນວນ21ກ້ອນກຳລັງ, ສະແດງສີລະປະຍຸດ-ຍຸດທະວິທີການປ້ອງກັນຕົວຂອງເລົ່າຮົບພິເສດ, ການສະແດງໂດດຈ້ອງຂອງເລົ່າຮົບທະຫານອາກາດແລະການຍິງປືນເປີດປ້າຍຕໍ່ດ້ວຍການອຳພາງໂຕແລະການຊ່ວຍເຫຼືອໂຕປະກັນຂອງກອງພັນກອງຕີພິເສດ. ໃນຄ່ຳຄືນຂອງວັນດຽວກັນໄດ້ມີການຍິງບັ້ງໄຟດອກຢູ່ເດີ່ນກອງບັນຊາການທະຫານແຂວງຕື່ມອີກ.
ຂ່າວ-ພາບ: ສະຫັວນນະເຂດ
ຄໍາເຫັນ