 |
ທ່ານ ນາງ ແສງແກ້ວ ຫົວໜ້າວິທະຍຸ-ໂທລະພາບສູນກາງຈີນ (CMG) ປະຈຳລາວ ມີຄຳເຫັນວ່າ: ການຈັດງານຄັ້ງນີ້, ເພື່ອສາຍຮູບເງົາ ສະເຫຼີມສະຫຼອງວັນສະຖາປະນາສາທາລະນະລັດ ປະຊາຊົນຈີນ ຄົບຮອບ 77 ປີ, ປີ 2026 ແມ່ນປີທີ່ສ້າງຕັ້ງສາຍພົວພັນທາງການທູດ ລາວ-ຈີນ ຄົບຮອບ 65 ປີ ແລະ "ປີມິດຕະພາບ ລາວ-ຈີນ ທັງເປັນ “ເທດສະການເດີນສາຍຮູບເງົາດີເດັ່ນລາວ-ຈີນກ້າວເຂົ້າສູ່ປີທີ 10 ໃນເດືອນເມສາປີນີ້, ໃນ 10 ປີຜ່ານມາ, "ເທດສະການຮູບເງົາດີເດັ່ນລາວ-ຈີນ" ໄດ້ສາຍໄປແລ້ວເກືອບ 30 ເລື່ອງ, ລວມທັງໝົດ 200 ກວ່າຄັ້ງ, ຊຶ່ງໄດ້ເປັນຂົວຕໍ່ ເຊື່ອມໂຍງຈິດໃຈ ແລະຄວາມເຂົ້າອົກເຂົ້າໃຈ ລະຫວ່າງ ປະຊາຊົນສອງຊາດ ລາວ-ຈີນ. ສຳລັບການສາຍຮູບເງົາຄັ້ງນີ້ ພໍດີກົງກັບບຸນໄຫວ້ພະຈັນ ຊຶ່ງເປັນວັນບຸນທີ່ຄົນຈີນ ຄິດຮອດບ້ານຫຼາຍທີ່ສຸດ ແລະ ອີກບໍ່ເທົ່າໃດມື້ ກໍຈະຮອດວັນສະຖາປະນາ ສປຈີນ ຄົບຮອບ 77 ປີ. ຮູບເງົາທີ່ພວກເຮົາຈະສາຍໃນມື້ນີ້ ແມ່ນຮູບເງົາ "ຂ້ອຍ ແລະ ບ້ານເກີດຂອງຂ້ອຍ" ຊຶ່ງແປ ແລະ ພາກສຽງເປັນພາສາລາວໂດຍທີມງານພະແນກພາສາລາວຂອງວິທະຍຸ-ໂທລະພາບສູນກາງຈີນ CMG, ເປັນຮູບເງົາທີ່ເກີດຂຶ້ນຢູ່ຫຼາຍໆບ່ອນຂອງປະເທດຈີນເຊັ່ນ: ປັກກິ່ງ, ກຸ້ຍໂຈວ, ເຈີ້ຈຽງ, ສ້ານຊີ ແລະ ທາງພາກຕາເວັນອອກສ່ຽງເໜືອຂອງຈີນ, ແຕ່ທຸກເລື່ອງແມ່ນເວົ້າເຖິງຄວາມຮູ້ສຶກດຽວກັນຄື: ບໍ່ວ່າຄົນເຮົາຈະໄປຢູ່ໃສ, ໃນໃຈກໍຍັງຄິດຮອດບ້ານເກີດຢູ່ສະເໝີ. ບໍ່ວ່າຈະເປັນການຍຶດໝັ້ນ ເປັນຄູສອນ ເພື່ອອະນາຄົດຂອງເດັກນ້ອຍຢູ່ເຂດພູດອຍ ຫຼື ການສະຫຼະໂອກາດໄປຕ່າງປະເທດ ເພື່ອກັບຄືນມາເປັນ "ເລຂາພັກບ້ານ " ແລະ ອື່ນໆ... ເຊື່ອວ່າຜູ້ຊົມລາວ ຈະສາມາດຮັບຮູ້ໄດ້ເຖິງຄວາມຮັກຊາດ ແລະ ຄວາມຜູກພັນກັບບ້ານເກີດອັນບໍລິສຸດ ແລະ ເລິກເຊິ່ງຂອງປະຊາຊົນຈີນ.
ໂອກາດນີ້, ຜູ້ເຂົ້າຮ່ວມໄດ້ຮັບຊົມວິດີໂອເພງພິເສດ ທີ່ວິທະຍຸ-ໂທລະພາບສູນກາງຈີນປະຈຳລາວແຕ່ງເພື່ອ “ເທດສະການຮູບເງົາດີເດັ່ນລາວ-ຈີນ “ ຄົບຮອບ 10 ປີ ທີ່ມີຊື່ວ່າ "ປະກາຍແສງແຫ່ງດວງດາວ". MV ເພງນີ້ ແມ່ນພາບຖ່າຍເຫດການຈິງ ໃນການເດີນສາຍຮູບເງົາຢູ່ທົ່ວປະເທດລາວ ຕະຫຼອດ 10 ປີ ທີ່ຜ່ານມາ, ທັງໄດ້ຮັບຊົມຮູບເງົາທີ່ນຳມາສາຍ ດ້ວຍຄວາມເບີກບານມ່ວນຊື່ນ. ຂ່າວ-ພາບ: ອາພຸດເດດ ບຸບຜາ
ຄໍາເຫັນ