ເສດຖະກິດເມືອງນານຂະຫຍາຍຕົວຢ່າງຕໍ່ເນື່ອງ

 ແລະ ມະຕິກອງປະຊຸມໃຫຍ່ຄັ້ງທີ VII ຂອງຄະນະພັກເມືອງນານ ແລະ ແຜນພັດທະນາເສດຖະກິດ-ສັງຄົມຂອງເມືອງວາງອອກໃຫ້ປະກົດຜົນເປັນຈິງ.ເຖິງຈະພົບບັນຫາຄວາມຫຍຸ້ງຍາກທາງດ້ານເສດຖະກິດ, ການເງິນທີ່ຍັງທ້າທາຍຕໍ່ກັບການພັດທະນາເສດຖະກິດ-ສັງຄົມຂອງເມືອງ. ແຕ່ພາຍໃຕ້ການນໍາພາ-ຊີ້ນໍາຂອງຄະນະບໍລິຫານງານພັກເມືອງ ແລະ ຄະນະພັກທຸກຂັ້ນບວກກັບຄວາມສາມັກຄີເປັນເອກະພາບ, ຄວາມຕັ້ງໜ້າບຸກບືນພວກເຮົາຈຶງສາມາດຍາດເອົາຜົນສໍາເລັດໃນຫຼາຍຂົງເຂດດັ່ງນີ້:

ສຳລັບຂົງເຂດເສດຖະກິດໂດຍລວມຍັງສືບຕໍ່ຂະຫຍາຍຕົວຢ່າງຕໍ່ເນື່ອງດ້ວຍຈັງຫວະທີ່ໝັ້ນທ່ຽງ, ໃນລະດັບສະເລ່ຍ8,6% ຕໍ່ປີລວມຍອດລາຍຮັບພາຍໃນ(GO) ບັນລຸໄດ້ 662,984 ຕື້ກີບ, ສະເລ່ຍລາຍຮັບຕໍ່ຄົນໄດ້ 20.099.560 ກີບ/ຄົນ/ປີຫຼືເທົ່າກັບ 1.006 ໂດລາ/ຄົນ/ປີ, ການລົງທຶນຂອງລັດແລະເອກະຊົນພາຍໃນແລະຕ່າງປະເທດມີທ່ວງທ່າດີຂຶ້ນ, ສົ່ງເສີມຊາວກະສິກອນນຳໃຊ້ເຕັກນິກວິທະຍາສາດເຂົ້າໃສ່ການຜະລິດສະບຽງອາຫານ,ຜະລິດສິນຄ້າກະສິກຳແບບຢືນຍົງ, ຈັດຕັ້ງກຸ່ມຜະລິດ, ກຸ່ມຜູ້ນຳໃຊ້ນໍ້າຊົນລະປະທານ, ສ້າງພື້ນຖານໂຄງລ່າງທີ່ເອື້ອອຳນວຍຄວາມສະດວກໃຫ້ແກ່ການຜະລິດເຊັ່ນ: ກໍ່ສ້າງ, ປົກປັກຮັກສາ ແລະ ສ້ອມແປງຊົນລະປະທານທີ່ມີແລ້ວໃຫ້ສາມາດນຳໃຊ້ໄດ້ຍາວນານ, ຊຸກຍູ້ບັນດາບໍລິສັດ, ນັກທຸລະກິດມາລົງທຶນໃຫ້ຫຼາຍພ້ອມທັງຜູກພັນສັນຍາສອງສົ້ນກັບປະຊາຊົນເຂົ້າໃນການຜະລິດເປັນສິນຄ້າດຳເນີນການຝຶກອົບຮົມວິຊາການ ການປູກຝັງ-ລ້ຽງສັດໃຫ້ແກ່ຊາວກະສິກອນເຮັດໃຫ້ຂະບວນການຜະລິດສິນຄ້າ ແລະ ຄອບຄົວຕົວແບບເກີດຂຶ້ນຢູ່ຫຼາຍບ້ານ.

ທ່ານກ່າວໃຫ້ຮູ້ຕື່ມວ່າ: ໃນໄລຍະຜ່ານມາໄດ້ຕິດຕາມຄຸ້ມຄອງທຶນທີ່ໄດ້ຮັບການສະໜັບສະໜູນຈາກພາຍໃນແລະຕ່າງປະເທດເພື່ອພັດທະນາເມືອງລວມມີ12ໂຄງການລວມມູນຄ່າ39.555.356.959ກີບ; ໃນນັ້ນທຶນຂອງລັດຖະບານມີ 5ໂຄງການລວມມູນຄ່າ: 33.228.432.959 ກີບ, ທຶນຊ່ວຍເຫຼືອຈາກອົງການສາກົນຕ່າງໆ ມີ 7ໂຄງການ ລວມມູນຄ່າ 6.326.924.000 ກີບ. ການປະຕິບັດວິໄນຂອງການເງິນມີຄວາມເຂັ້ມແຂງກ່ວາເກົ່າ ຕິດພັນກັບການປັບປຸງກົງຈັກການຈັດຕັ້ງພວກເຮົາໄດ້ສຸມໃສ່ການຄຸ້ມຄອງລາຍຮັບ-ລາຍຈ່າຍ, ຄຸ້ມຄອງຫົວໜ່ວຍທຸລະກິດໃຫ້ເຂົ້າສູ່ລະບຽບຫຼັກການຂອງການເງິນ, ພ້ອມທັງເຄື່ອນໄຫວສະກັດກັ້ນການລັກລອບເຄື່ອນຍ້າຍສິນຄ້າໂດຍບໍ່ຖືກຕ້ອງຕາມລະບຽບກົດໝາຍ ເພື່ອຮັບປະກັນຄວາມໂປ່ງໃສຈໍາກັດຊ່ອງວ່າງການຮົ່ວໄຫຼ, ແຜນການປີ 2023 ທັງໝົດ 7.142.338 ກີບ, ຜ່ານການເກັບລາຍຮັບເຂົ້າງົບປະມານຕົວຈິງໃນ 6 ເດືອນຕົ້ນປີປະຕິບັດໄດ້ 1.915.998.446 ກີບ ເທົ່າກັບ 26,82% ດ້ານລາຍຈ່າຍງົບປະມານຂອງລັດໄດ້ຫັນເຂົ້າສູ່ລະບຽບຫຼັກການຢ່າງເຂັ້ມງວດ.ການສົ່ງເສີມ ແລະ ການຄຸ້ມຄອງວິສາຫະກິດຂະໜາດນ້ອຍ ແລະ ຂະໜາດກາງມີບັນຍາກາດດີຂຶ້ນ ໂດຍໄດ້ເປີດສູນບໍລິການເພື່ອແນະນໍາສົ່ງເສີມ ແລະ ສ້າງຄວາມເຂັ້ມແຂງໃຫ້ຜູ້ປະກອບການດໍາເນີນທຸລະກິດສາມາດເຂົ້າເຖິງແຫຼ່ງທຶນຫຼາຍຂຶ້ນ, ເອົາໃຈໃສ່ສຶກສາອົບຮົມໃຫ້ປະຊາຊົນເຫັນໄດ້ຄວາມສໍາຄັນແລະປະກອບສ່ວນເຂົ້າໃນການປົກປັກຮັກສາສິ່ງແວດລ້ອມ, ສະກັດກັ້ນການຖາງປ່າ, ປ່າຍອດຫ້ວຍ, ປ່າແຫຼ່ງນ້ຳ, ສະກັດກັ້ນໄຟໄໝ້ລາມປ່າ, ອະນຸລັກສັດນ້ຳ-ສັດປ່າທີ່ຫວງຫ້າມ, ການສໍາຫຼວດ, ວັດແທກຕອນດິນ, ຂຶ້ນທະບຽນຕອນດິນໄດ້ຫັນເຂົ້າສູ່ລະບຽບຫຼັກການເທື່ອລະກ້າວ.ໂຄ່ງລ່າງພື້ນຖານໄດ້ຮັບການປັບປຸງຍົກລະດັບເປັນຕົ້ນເສັ້ນທາງຫຼວງພາຍໃນເມືອງ, ເຂດຊົນນະບົດທີ່ຖືກຜົນກະທົບໃນລະດູຝົນໄດ້ຮັບການສ້ອມແປງ ສາມາດທຽວໄດ້ເປັນປົກກະຕິ.ສົມທົບກັບພະແນກເຕັກໂນໂລຊີ ແລະ ການສື່ສານແຂວງຂຶ້ນທະບຽນຜູ້ປະກອບການກຽ່ວກັບການຊື້-ຂາຍ ແລະ ສ້ອມແປງອຸປະກອນໂທລະຄົມຢູ່ພາຍໃນເມືອງເປັນປົກກະຕິ, ປັບປຸງຂອດການບໍລິການດ້ານໄປສະນີເພື່ອຮັບໃຊ້ປະຊາຊົນສະດວກ ແລະ ວ່ອງໄວຂຶ້ນ.ຄຽງຄູ່ກັບຜົນງານທີ່ຍາດມາໄດ້ນັ້ນ ຍັງມີບາງດ້ານທີ່ຄວນເອົາໃຈໃສ່ແກ້ໄຂເປັນຕົ້ນການຄົ້ນຄວ້າປັບປຸງແຜນຍຸດທະສາດ, ແຜນພັດທະນາຮອບດ້ານຍັງມີຈໍານວນໜຶ່ງເປັນແຜນລວມໆ ການເກັບກໍາຖານຂໍ້ມູນລາຍຮັບຍັງບໍ່ທັນຊັດເຈນ, ການເກັບລາຍຮັບເຂົ້າງົບປະມານບໍ່ທັນແຂງແຮງເທົ່າທີ່ຄວນ, ການຊຸກຍູ້ສົ່ງເສີມການຜະລິດເປັນສິນຄ້າບໍ່ທັນມີຈຸດສຸມ, ການນໍາໃຊ້ເຕັກນິກ-ວິທະຍາສາດເຕັກໂນໂລຊີເຂົ້າສູ່ການຜະລິດບໍ່ທັນກວ້າງຂວາງ, ການພັດທະນາວິສາຫະກິດຂະໜາດນ້ອຍ-ຂະໜາດກາງ ຕິດພັນກັບທ່າແຮງ ແລະ ມູນເຊື້ອຂອງປະຊາຊົນຍັງເຮັດບໍ່ທັນໄດ້ດີ.