ເສດຖະກິດນະຄອນຫຼວງຮ່າໂນ້ຍ ສືບຕໍ່ບັນລຸການເຕີບໂຕຢ່າງຕັ້ງໜ້າ

11:12 10/10/2025

ວິທະຍຸກະຈາຍສຽງຫວຽດນາມລາຍງານ ໃນວັນທີ 9 ຕຸລາ ຜ່ານມາວ່າ: ຕາມໂຕເລກສະຖິຕິຂອງນະຄອນຫຼວງຮ່າໂນ້ຍ, ໃນ 9 ເດືອນຜ່ານມາ, ເສດຖະກິດຂອງນະຄອນຫຼວງຮ່າໂນ້ຍສືບຕໍ່ມີທ່າເຕີບໂຕຢ່າງແຮງ ມີຫຼາຍດັດຊະນີບຸກທະລຸ. ໄລ່ລວມໃນ 9 ເດືອນ, ຍອດຜະລິດຕະພັນໃນບໍລິເວນ (GRDP) ຂອງນະຄອນຫຼວງຮ່າໂນ້ຍ ຄາດວ່າເພີ່ມຂຶ້ນ 7.9% ເມື່ອທຽບໃສ່ໄລຍະດຽວກັນຂອງປີ 2024. ໃນນັ້ນ, ຂົງເຂດການບໍລິຫານ; ຂົງເຂດອຸດສາຫະກຳ ແລະ ກໍ່ສ້າງ, ຂົງເຂດຜະລິດຕະພັນກະເສດ, ເຄື່ອງປ່າຂອງດົງ ແລະ ສິນໃນນ້ຳ ລ້ວນແຕ່ມີລະດັບເພີ່ມຂຶ້ນຢ່າງຕັ້ງໜ້າ.

ທ່ານ ຫງວຽນວັນຟອງ ຮອງເລຂາຜູ້ປະຈຳການຄະນະພັກນະຄອນຫຼວງຮ່າໂນ້ຍ ຕີລາຄາວ່າ: ປີນີ້, ຮອດທ້າຍເດືອນກັນຍາ, ນະຄອນຫຼວງຮ່າໂນ້ຍ ບັນລຸລະດັບເຕີບໂຕ 7.92%; ລາຍຮັບງົບປະມານແມ່ນ 530,770 ຕື້ດົງ, ລື່ນ 103% ແລະ ເພີ່ມຂຶ້ນເກືອບ 40% ເມື່ອທຽບໃສ່ປີ 2024 ແລະ ສາມາດບັນລຸລະດັບເຕີບໂຕກວ່າ 8% ໃນປີ 2025. ສະນັ້ນ, ໄລ່ລວມທັງອາຍຸການ 2020 – 2025, ນະຄອນຫຼວງຮ່າໂນ້ຍ ບັນລຸລະດັບເຕີບໂຕ 6.57%, ສູງກວ່າ 1.1% ເມື່ອທຽບໃສ່ທົ່ວປະເທດ.

ກ່ຽວກັບການດຶງດູດການລົງທຶນ, ໃນ 9 ເດືອນຜ່ານມາ, ນະຄອນຫຼວງຮ່າໂນ້ຍ ໄດ້ດຶງດູດເງິນລົງທຶນໂດຍກົງຈາກຕ່າງປະເທດ (FDI) ເກືອບ 3,900 ຕື້ໂດລາ, ເພີ່ມຂຶ້ນເກືອບທົບ 2.9 ເທົ່າ ເມື່ອທຽບໃສ່ໄລຍະດຽວກັນຂອງປີ 2024. ການເຄື່ອນໄຫວສົ່ງອອກ, ນຳເຂົ້າຂອງນະຄອນຫຼວງຮ່າໂນ້ຍ ຍັງຮັກສາທ່າເຕີບໂຕຢ່າງແຮງ, ຢືນຢັນບົດບາດແມ່ນໜຶ່ງໃນບັນດາເສົ້າຄ້ຳເຕີບໂຕເສດຖະກິດ, ປະກອບສ່ວນຮັກສາເສດຖະກິດມະຫາພາກໃຫ້ເປັນປົກກະຕິ. ຍອດວົງເງິນສົ່ງອອກ - ນໍາເຂົ້າໃນ 9 ເດືອນຂອງປີ 2025 ບັນລຸເກືອບ 50 ຕື້ໂດລາ, ເພີ່ມຂຶ້ນ 13.7%. ໃນ 9 ເດືອນຜ່ານມາ, ແຂກທ່ອງທ່ຽວມານະຄອນຫຼວງຮ່າໂນ້ຍ ບັນລຸ 5.5 ລ້ານເທື່ອຄົນ, ເພີ່ມຂຶ້ນກວ່າ 22% ເມື່ອທຽບໃສ່ປີ 2024.

ຄໍາເຫັນ

ຂ່າວຕ່າງປະເທດ

ຜູ້ນຳ IMF ເຕືອນຄວາມບໍ່ແນ່ນອນດ້ານເສດຖະກິດໂລກຍັງຄົງຢູ່

10/10/2025 11:46

ຂ່າວຕ່າງປະເທດລາຍງານ ໃນວັນທີ 9 ຕຸລາ ຜ່ານມາວ່າ: ທ່ານນາງ ຄຣິສຕາລິນາ ຈໍເຈຍວາ ຜູ້ອໍານວຍການກອງທຶນການເງິນສາກົນ (IMF) ກ່າວເຕືອນວ່າ, ຄວາມບໍ່ແນ່ນອນຂອງເສດຖະກິດໂລກຈະກາຍເປັນ "ປົກກະຕິໃໝ່", ໂດຍທ່ານກ່າວຕື່ມວ່າ: ເສດຖະກິດໂລກ "ດີກວ່າທີ່ຢ້ານກົວ, ແຕ່ຮ້າຍແຮງກວ່າທີ່ຄາດໄວ້." ຄວາມຍືດຍຸ່ນຂອງໂລກຍັງບໍ່ທັນໄດ້ຮັບການທົດສອບຢ່າງເຕັມທີ່, ແຕ່ມີສັນຍານວ່າການທົດສອບນີ້ອາດຈະມາຮອດໃນໄວໆນີ້.

WTO ຄາດຄະເນການເຕີບໂຕດ້ານການຄ້າໂລກປີ 2025 ຂຶ້ນເປັນ 2.4%

10/10/2025 11:36

ຂ່າວຕ່າງປະເທດລາຍງານ ຫວ່າງມໍ່ໆມານີ້ວ່າ: ອົງການການຄ້າໂລກ (WTO) ໄດ້ເພີ່ມການຄາດຄະເນການເຕີບໂຕຂອງການຄ້າໂລກໃນປີ 2025 ຂຶ້ນເປັນ 2.4% ຈາກ 0.9% ໃນເດືອນສິງຫາ ຜ່ານມາ ແລະ ໄດ້ຫຼຸດການຄາດຄະເນຂອງປີ 2026 ລົງເປັນ 0.5% ຈາກ 1.8%.

ປະລິມານການນຳໃຊ້ໄຟຟ້າຂອງຈີນ ກາຍ 1,000 ຕື້ກິໂລວັດໂມງສອງເດືອນຕິດຕໍ່ກັນ

10/10/2025 11:29

ຂ່າວສານຊີອາໄອລາຍງານວ່າ: ຫວ່າງມໍ່ໆມານີ້, ອົງການພະລັງງານແຫ່ງຊາດຈີນ ໄດ້ປະກາດໂຕເລກຂໍ້ມູນປະລິມານການນຳໃຊ້ໄຟຟ້າໃນເດືອນກໍລະກົດ ແລະ ເດືອນສິງຫາຂອງຈີນໃນປີນີ້ ຄື: ເດືອນກໍລະກົດ, ປະລິມານການນຳໃຊ້ໄຟຟ້າໃນທົ່ວສັງຄົມຈີນມີເຖິງ 1,022 ຕື້ 600 ລ້ານກິໂລວັດໂມງ, ເພີ່ມຂຶ້ນ 8.6% ເມື່ອທຽບໃສ່ໄລຍະດຽວກັນຂອງປີ 2024. ນີ້ແມ່ນເທື່ອທຳອິດທີ່ປະລິມານການນຳໃຊ້ໄຟຟ້າປະຈຳເດືອນກາຍ 1,000 ຕື້ກິໂລວັດໂມງ ແລະ ກໍແມ່ນຄັ້ງທຳອິດໃນທົ່ວໂລກ. ສ່ວນເດືອນສິງຫາ, ມີເຖິງ 1,015 ຕື້ 400 ລ້ານກິໂລວັດໂມງ, ເພີ່ມຂຶ້ນ 5% ເມື່ອທຽບໃສ່ໄລຍະດຽວກັນຂອງປີ 2024, ເປັນໂຕເລກທີ່ກາຍ 1,000 ຕື້ກິໂລວັດໂມງອີກຄັ້ງໜຶ່ງ.

ອົສຕຣາລີ ພົບຜູ້ລອດຊີວິດຈາກພະຍາດເຮັງ ເພີ່ມຂຶ້ນ

09/10/2025 14:17

ຂ່າວຕ່າງປະເທດລາຍງານ ໃນວັນທີ 8 ຕຸລາ ຜ່ານມາວ່າ: ສະຖາບັນສຸຂະພາບ ແລະ ສະຫວັດດີການຂອງອົສຕຣາລີ ລາຍງານວ່າ, ອັດຕາການລອດຊີວິດ (ໄລຍະ 5 ປີ) ຂອງຄົນເຈັບພະຍາດມະເຮັງໃນອົສຕຣາລີ ໄດ້ເພີ່ມຂຶ້ນ 22 ຈຸດ ໃນໄລຍະ 30 ປີຜ່ານມາ. ໂດຍອັດຕາການລອດຊີວິດ (ໄລຍະ 5 ປີ) ຂອງຄົນເຈັບພະຍາດມະເຮັງທັງໝົດແມ່ນ 72% ລະຫວ່າງປີ 2017 ຫາ 2021, ເພີ່ມຂຶ້ນຈາກ 50% ລະຫວ່າງປີ 1987 ຫາ 1991.

ທະນາຄານໂລກ ຄາດຄະເນເສດຖະກິດມາເລເຊຍ ຈະເຕີບໂຕ 4.1%

09/10/2025 13:55

ຂ່າວຕ່າງປະເທດລາຍງານ ໃນວັນທີ 8 ຕຸລາ ຜ່ານມາວ່າ: ທະນາຄານໂລກ (World Bank)ຄາດຄະເນວ່າ, ເສດຖະກິດຂອງມາເລເຊຍຈະເຕີບໂຕ 4.1% ໃນປີ 2025 ຊຶ່ງຊ້າລົງຈາກ 5.1% ໃນປີ 2024 ແຕ່ຍັງສູງກວ່າທີ່ຄາດຄະເນໄວ້ກ່ອນໜ້ານີ້ເລັກໜ້ອຍ ແລະ ຄາດຄະເນວ່າຈະເຕີບໂຕ 4.1% ເມື່ອທຽບໃສ່ໄລຍະດຽວກັນໃນປີ 2026.

ກຳປູເຈຍ ສົ່ງອອກສິນຄ້າກະສິກຳ 9 ເດືອນທຳອິດ ບັນລຸ 3.88 ຕື້ໂດລາ

09/10/2025 12:03

ຂ່າວຕ່າງປະເທດລາຍງານ ໃນວັນທີ 8 ຕຸລາ ຜ່ານມາວ່າ: ກະຊວງກະສິກຳ, ປ່າໄມ້ ແລະ ການປະມົງຂອງກຳປູເຈຍລາຍງານວ່າ, ປະລິມານການສົ່ງອອກສິນຄ້າກະສິກຳຂອງກຳປູເຈຍແຕ່ເດືອນມັງກອນຫາ ເດືອນກັນຍາ ປີ 2025 ບັນລຸ 11.13 ລ້ານໂຕນ, ເພີ່ມຂຶ້ນ 30.4% ເມື່ອທຽບໃສ່ປີກາຍ.

5 ປີຜ່ານມາ ການກໍ່ສ້າງດີຈີຕອນຈີນໄດ້ຮັບຜົນສຳເລັດຢ່າງພົ້ນເດັ່ນ

09/10/2025 12:02

ຂ່າວສານຊີອາໄອລາຍງານ ໃນວັນທີ 8 ຕຸລາ ຜ່ານມາວ່າ: ປີນີ້ແມ່ນປີສຸດທ້າຍແຫ່ງການປະຕິບັດແຜນພັດທະນາເສດຖະກິດ-ສັງຄົມ 5 ປີຄັ້ງທີ 14. ໃນ 5 ປີຜ່ານມານີ້, ການພັດທະນາຂອງຈີນໃນດ້ານການຫັນເປັນດີຈີຕອນ, ຫັນເປັນເຄືອຂ່າຍ ແລະ ຫັນເປັນປັນຍາປະດິດໄດ້ຮັບຜົນສຳເລັດຢ່າງພົ້ນເດັ່ນ, ການກໍ່ສ້າງດີຈີຕອນຈີນໄດ້ຮັບຜົນສຳເລັດຢ່າງພົ້ນເດັ່ນ.

ຫວຽດນາມ ປິດກອງປະຊຸມຄັ້ງທີ 13 ຂອງຄະນະບໍລິຫານງານສູນກາງພັກຊຸດທີ XIII

09/10/2025 11:53

ວິທະຍຸກະຈາຍສຽງຫວຽດນາມລາຍງານວ່າ: ໃນຕອນເຊົ້າວັນທີ 8 ຕຸລາ ຜ່ານມາ ຢູ່ນະຄອນຫຼວງຮ່າໂນ້ຍ, ກອງປະຊຸມຄັ້ງທີ 13 ຄະນະບໍລິຫານງານສູນກາງພັກກອມມູນິດ ຫວຽດນາມ ຊຸດທີ XIII ໄດ້ປິດລົງ ພາຍຫຼັງເຮັດວຽກມາເປັນເວລາ 2 ວັນ ດ້ວຍຫຼາຍໝາກຜົນສຳຄັນ.

ການເຕີບໂຕດ້ານເສດຖະກິດຢູ່ນະຄອນໂຮ່ຈິມິນ ບັນລຸ 7.07%

08/10/2025 12:33

ວິທະຍຸກະຈາຍສຽງຫວຽດນາມ ລາຍງານໃນວັນທີ 7 ຕຸລາ ຜ່ານມາວ່າ: 9 ເດືອນຜ່ານມາ, ເສດຖະກິດນະຄອນ ໂຮ່ຈິມິນ ສືບຕໍ່ຮັກສາທ່າເຕີບໂຕຢ່າງຕັ້ງໜ້າ. ຕາມໂຕເລກສະຖິຕິຂອງນະຄອນໂຮ່ຈິມິນ ແລ້ວ, ລວມຍອດຜະລິດຕະພັນໃນບໍລິເວນນະຄອນ (GRDP) ໄຕມາດ III ເພີ່ມຂຶ້ນ 8.11% ເມື່ອທຽບໃສ່ໄລຍະດຽວກັນ, ສູງກວ່າ 0.87% ເມື່ອທຽບໃສ່ໄຕມາດກ່ອນ. ໃນໂຄງປະກອບ GRDP ໄຕມາດທີ III, ອຸດສາຫະກຳ ແລະ ກໍ່ສ້າງ ໄດ້ຟື້ນຟູຢ່າງແຮງດ້ວຍລະດັບເພີ່ມຂຶ້ນ 7.74%; ການບໍລິການເພີ່ມຂຶ້ນ 8.58%, ຊ້າກວ່າເມື່ອທຽບໃສ່ ໄຕມາດທີ II ແຕ່ຍັງມີບົດບາດເປັນເສົາຄ້ຳ; ກະສິກຳ, ປ່າໄມ້ ແລະ ສິນໃນນ້ຳເພີ່ມຂຶ້ນ 3.14%.

ພື້ນຖານໂຄງລ່າງຢູ່ຊົນນະບົດຂອງຈີນໄດ້ຮັບການຍົກລະດັບຢ່າງໝັ້ນທ່ຽງ

08/10/2025 12:17

ຂ່າວສານຊີອາໄອລາຍງານວ່າ: ເມື່ອບໍ່ດົນມານີ້, ແຫຼ່ງຂ່າວຈາກກະຊວງກະສິກຳ ແລະ ຊົນນະບົດຈີນໃຫ້ຮູ້ວ່າ, ໃນໄລຍະປະຕິບັດແຜນພັດທະນາເສດຖະກິດ-ສັງຄົມແຫ່ງຊາດ 5 ປີຄັ້ງທີ 14, ພື້ນຖານໂຄງລ່າງຢູ່ຊົນນະບົດຂອງຈີນໄດ້ຮັບການຍົກລະດັບຢ່າງໝັ້ນທ່ຽງ.

ເພີ່ມເຕີມ