ບົດລາຍງານຊີ້ໃຫ້ເຫັນວ່າ: ການແຈກຢາຍນໍ້າມັນເຊື້ອໄຟພາຍໃຕ້ໂຄຕ້ານໍ້າມັນເຊື້ອໄຟປະຈໍາອາທິດທີ່ກະຊວງພະລັງງານກໍານົດ, ຄຽງຄູ່ກັບລະບົບລະຫັດ QR ແບ່ງອອກເປັນ: 60 ລິດສໍາລັບລົດເມ, 5 ລິດສໍາລັບລົດຈັກ, 15 ລິດສໍາລັບລົດໃຫຍ່, 40 ລິດສໍາລັບລົດຕູ້, 200 ລິດສໍາລັບລົດບັນທຸກ, 25 ລິດສໍາລັບລົດບັນທຸກທາງບົກ, 15 ລິດສໍາລັບລົດສາມລໍ້, 40 ລິດສໍາລັບລົດໃຊ້ງານພິເສດ ແລະ 5 ລິດສໍາລັບລົດສີ່ລໍ້ຂະໜາດນ້ອຍ.
ການສະໜອງນໍ້າມັນເຊື້ອໄຟທີ່ຢຸດສະງັກ ແລະ ຄວາມຕ້ອງການພາຍໃນປະເທດທີ່ເພີ່ມຂຶ້ນຢ່າງໄວວາເຮັດໃຫ້ຈຳເປັນຕ້ອງມີການຄຸ້ມຄອງຄັງສຳຮອງນໍ້າມັນເຊື້ອໄຟທີ່ມີຢູ່ຢ່າງລະມັດລະວັງ ເພື່ອຮັບປະກັນກິດຈະກໍາທາງເສດຖະກິດດຳເນີນໄປໄດ້ຢ່າງຕໍ່ເນື່ອງ. ໂດຍກະຊວງພະລັງງານໄດ້ເປີດເຜີຍວ່າການກັກຕຸນນໍ້າມັນເຊື້ອໄຟທີ່ຜິດກົດໝາຍ ແລະ ການສໍ້ໂກງມີສ່ວນຊຸກຍູ້ຄວາມຕ້ອງການທີ່ເພີ່ມຂຶ້ນ.
ດັ່ງນັ້ນ, ລັດຖະບານສີລັງກາ ຈຶ່ງໄດ້ຈັດຕັ້ງປະຕິບັດລະບົບລະຫັດ QR ເພື່ອຫຼຸດຜ່ອນການກັກຕຸນນໍ້າມັນເຊື້ອໄຟ ແລະ ຮັບປະກັນວ່າການຈຳໜ່າຍນໍ້າມັນເຊື້ອໄຟຈະບໍ່ສົ່ງກະທົບຕໍ່ກິດຈະກໍາປະຈໍາວັນຂອງປະຊາຊົນ. ໃນຂະນະດຽວກັນ, ເຈົ້າໜ້າທີ່ທີ່ກ່ຽວຂ້ອງຈະຈັດຕັ້ງປະຕິບັດການຈຳໜ່າຍນໍ້າມັນເຊື້ອໄຟແຍກຕ່າງຫາກສໍາລັບຍານພາຫະນະທີ່ໃຊ້ໃນກິດຈະກໍາການຜະລິດ ແລະ ການບໍລິການທີ່ສໍາຄັນ.
ອີກຢ່າງໜຶ່ງ, ສີລັງກາເຄີຍຈັດຕັ້ງປະຕິບັດລະບົບລະຫັດ QR ສໍາລັບນໍ້າມັນເຊື້ອໄຟໃນໄລຍະເກີດວິກິດການເສດຖະກິດໃນປີ 2022.
ຄໍາເຫັນ