ກະຊວງດັ່ງກ່າວຍັງລະບຸວ່າ: NSAS ຈະຮັບຜິດຊອບໃນການພັດທະນາ, ການນຳໃຊ້ກົດໝາຍ ແລະ ກົດລະບຽບຕ່າງໆທີ່ກ່ຽວຂ້ອງ ພ້ອມທັງພິຈາລະນາການຂະຫຍາຍເຄືອຂ່າຍດາວທຽມສຳຫຼວດໂລກ ຊຶ່ງປັດຈຸບັນສິງກະໂປມີຢູ່ແລ້ວ 3 ດວງ ນັບຕັ້ງແຕ່ປີ 2022, ລັດຖະບານສິງກະໂປໄດ້ຈັດສັນເງິນ 210 ລ້ານໂດລາສິງກະໂປ (ປະມານ 165 ລ້ານໂດລາ) ສຳລັບໂຄງການອະວະກາດ.
ນອກຈາກນັ້ນ, NSAS ຍັງເປັນສ່ວນໜຶ່ງຂອງການທົບທວນຄືນຍຸດທະສາດທາງເສດຖະກິດໄລຍະຍາວຂອງສິງກະໂປ. ໃນຂະນະທີ່ລັດຖະບານສິງກະໂປກຳລັງຊອກຫາວິທີທີ່ຈະເສີມຂະຫຍາຍຄວາມສາມາດໃນການແຂ່ງຂັນທົ່ວໂລກ ທ່າມກາງການຢຸດສະງັກທາງດ້ານພູມິສາດການເມືອງ ແລະ ເຕັກໂນໂລຊີທີ່ເພີ່ມຂຶ້ນ. ສ່ວນເຕັກໂນໂລຊີອື່ນໆທີ່ມີບົດບາດສຳຄັນພາຍໃຕ້ການທົບທວນຍຸດທະສາດນີ້ລວມມີປັນຍາປະດິດ, ການປະມວນຜົນແບບ quantum ແລະ ການຫຼຸດຜ່ອນກາກບອນ. ໂດຍສິງກະໂປວາງແຜນທີ່ຈະເຜີຍແຜ່ແຜນງານສະບັບໃໝ່ພາຍໃນກາງປີນີ້.
ການສ້າງຕັ້ງອົງການອາວະກາດຢ່າງເປັນທາງການຂອງສິງກະໂປ ຖືເປັນການເນັ້ນໃຫ້ເຫັນເຖິງຄວາມສາມາດໃນການແຂ່ງຂັນລະດັບໂລກ, ເພື່ອຍາດແຍ່ງສ່ວນແບ່ງຂອງເສດຖະກິດອາວະກາດ (Space Economy) ຊຶ່ງ ເວທີປາໄສເສດຖະກິດໂລກ (WEF) ຄາດຄະເນວ່າຈະບັນລຸເຖິງ 1.8 ພັນຕື້ໂດລາ ພາຍໃນປີ 2035 ເພີ່ມຂຶ້ນຈາກ 630 ຕື້ໂດລາໃນປີ 2023 ໂດຍໄດ້ຮັບແຮງຂັບເຄື່ອນຈາກຄວາມຕ້ອງການທີ່ເພີ່ມຂຶ້ນສຳລັບເຕັກໂນໂລຊີທີ່ອີງໃສ່ອາວະກາດ ເຊັ່ນ: ການບໍລິການດ້ານການສື່ສານ, ການນຳທາງ ແລະ ການບໍລິການສຳຫຼວດ.
ຄໍາເຫັນ