ມາດຕະການເຫຼົ່ານີ້ສ້າງຂຶ້ນບົນພື້ນຖານມາດຕະຖານກ່ອນໜ້ານີ້ທີ່ໄດ້ຈັດຕັ້ງປະຕິບັດໃນປີ 2022 ຊຶ່ງໄດ້ກໍານົດຄ່າທ່າແຮງໃນການເຮັດໃຫ້ເກີດພາວະໂລກຮ້ອນ ຫຼື GWP ຂອງເຄື່ອງປັບອາກາດໃນເຮືອນ, ຕູ້ເຢັນ ແລະ ເຄື່ອງເຮັດຄວາມເຢັນແບບລະບາຍຄວາມຮ້ອນດ້ວຍນ້ຳທີ່ໃຊ້ໃນລະບົບເຮັດຄວາມເຢັນຂອງອາຄານຂະໜາດໃຫຍ່.
ນອກຈາກນັ້ນ, ຄ່າທ່າແຮງໃນການເຮັດໃຫ້ເກີດພາວະໂລກຮ້ອນເປັນມາດຕະການວັດແທກຜົນກະທົບຕໍ່ພາວະໂລກຮ້ອນຂອງອາຍແກ໊ສຊະນິດໜຶ່ງ ເມື່ອປຽບທຽບກັບກາກບອນໄດອອກໄຊໃນປະລິມານເທົ່າກັນ, ໂດຍປົກກະຕິແລ້ວຈະຄິດໄລ່ໃນໄລຍະເວລາ 100 ປີ.
ພາຍໃຕ້ກົດລະບຽບໃໝ່, ລະບົບເຮັດຄວາມເຢັນທີ່ນິຍົມໃຊ້ໃນຊຸບເປີມາເກັດຈະຕ້ອງໃຊ້ສານເຮັດຄວາມເຢັນທີ່ມີ ຄ່າ GDPR ບໍ່ເກີນ 150 ນັບແຕ່ເດືອນກໍລະກົດ 2027 ເປັນຕົ້ນໄປ ແລະ ຕັ້ງແຕ່ເດືອນກໍລະກົດ 2028, ລົດສ່ວນບຸກຄົນ ແລະ ລົດຂົນສົ່ງຂະໜາດນ້ອຍທີ່ລົງທະບຽນໃໝ່ຈະຕ້ອງປະຕິບັດຕາມຂໍ້ກຳນົດຄ່າ GDPR ສຳລັບລະບົບເຄື່ອງປັບອາກາດເຊັ່ນດຽວກັນ.
ອົງການດັ່ງກ່າວຍັງໄດ້ລະບຸຕື່ມອີກວ່າ: ມາດຕະຖານເຫຼົ່ານີ້ແມ່ນສອດຄ່ອງກັບມາດຕະຖານທີ່ບັງຄັບໃຊ້ໃນພາກພື້ນຕ່າງໆເຊັ່ນ: ສະຫະພາບເອີຣົບ (EU) ແລະ ຍີ່ປຸ່ນ ຊຶ່ງມີການໃຊ້ເຕັກໂນໂລຊີສານເຮັດຄວາມເຢັນທີ່ມີການປ່ອຍອາຍພິດຕ່ຳໄດ້ນຳໃຊ້ແລ້ວ.
ຄໍາເຫັນ