ລະບົບດັ່ງກ່າວຄາດວ່າຈະຊ່ວຍເສີມຂະຫຍາຍປະສິດທິພາບຂອງຂະບວນການຊື້-ຂາຍຄຳ, ເພີ່ມຄວາມໂປ່ງໃສຂອງຕະຫຼາດ ແລະ ອຳນວຍຄວາມສະດວກໃຫ້ແກ່ການຊຳລະເງິນ ແລະ ເຮັດໃຫ້ການເຮັດທຸລະກຳຄຳມີປະສິດທິພາບຫຼາຍຂຶ້ນ ຊຶ່ງຈະຊ່ວຍເພີ່ມຄວາມໝັ້ນໃຈໃຫ້ແກ່ຜູ້ເຂົ້າຮ່ວມຕະຫຼາດໃນການຊື້-ຂາຍຄຳໃນສິງກະໂປ.
ບົດລາຍງານຊີ້ໃຫ້ເຫັນວ່າ: ລະບົບດັ່ງກ່າວຈະຮອງຮັບທັງຄຳແທ່ງຂະໜາດໃຫຍ່ ແລະ ຄຳແທ່ງຂະໜາດກິໂລກຣາມ, ພ້ອມທັງອຳນວຍຄວາມສະດວກໃຫ້ແກ່ການຊຳລະທຸລະກຳຕາມຂັ້ນຕອນມາດຖານ ໃນໄລຍະເວລາຊື້-ຂາຍຂອງຕະຫຼາດອາຊີ. ໂດຍຄາດວ່າການຊື້-ຂາຍລະຫວ່າງທະນາຄານຈະເລີ່ມຂະຫຍາຍຕົວຕັ້ງແຕ່ປີ 2027 ເປັນຕົ້ນໄປແລະ ທະນາຄານຊື້-ຂາຍຄຳ 6 ແຫ່ງຄື: DBS, Deutsche Bank, ICBC Standard Bank, J.P. Morgan, OCBC ແລະ UOB, ກຳລັງກະກຽມທີ່ຈະເຊັນບົດບັນທຶກຄວາມເຂົ້າໃຈກັບຕະຫຼາດຫຼັກຊັບສິງກະໂປເພື່ອເຂົ້າຮ່ວມເປັນສະມາຊິກຂອງລະບົບການຊຳລະ ແລະ ຈັດສົ່ງຄຳ.
ທ່ານ ການ ກ່າວວ່າ: ທະນາຄານເຫຼົ່ານີ້ຈະຮ່ວມມືກັບຕະຫຼາດຫຼັກຊັບຂອງສິງກະໂປ ເພື່ອພັດທະນາຕະຫຼາດຄໍາ Loco Singapore, ເສີມຂະຫຍາຍປະສິດທິພາບຂອງກົນໄກການຊອກຫາລາຄາ ແລະ ເພີ່ມສະພາບຄ່ອງ ລວມເຖິງ ກິດຈະກຳການຊື້-ຂາຍໃນຕະຫຼາດ.
ຄໍາເຫັນ