ສິງກະໂປ ຕິດຕາມຄວາມສ່ຽງຂອງໝອກຄວັນ ຫຼັງພົບຄວັນຈາກໄຟໄໝ້ປ່າ

13:01 28/01/2026

ຂ່າວຕ່າງປະເທດລາຍງານ ໃນວັນທີ 27 ກຸມພາ ຜ່ານມາວ່າ: ອົງການສິ່ງແວດລ້ອມແຫ່ງຊາດສິງກະໂປ (NEA) ໄດ້ອອກຄຳເຕືອນກ່ຽວກັບຄວາມສ່ຽງບັນຫາໝອກຄວັນທີ່ອາດຈະເກີດຂຶ້ນ, ຫຼັງຈາກກວດພົບຈຸດຄວາມຮ້ອນທີ່ກ່ຽວ ຂ້ອງກັບການເຜົາພື້ນທີ່ກະສິກຳໃນເຂດພາກເໜືອ ຊຶ່ງເຮັດໃຫ້ມີຄວາມສ່ຽງທີ່ລົມຈະພັດຂ້າມຊາຍແດນ.

NEA ໂພສໃນເຟສບຸກໃນຕອນແລງຂອງວັນທີ 26 ມັງກອນ ຜ່ານມາວ່າ: ລົມທີ່ພັດຈາກທິດເໜືອ ຫຼື ທິດ ຕາເວັນອອກສ່ຽງເໜືອອາດຈະພັດເອົາໝອກຄວັນໄປທາງໃຕ້ ແລະ ບາງຄັ້ງຊາວບ້ານອາດຈະໄດ້ກິ່ນໄໝ້. ຢ່າງໃດກໍຕາມ, NEA ຄາດຄະເນວ່າສະຖານະການນີ້ອາດຈະບໍ່ເຮັດໃຫ້ຄຸນນະພາບອາກາດຮ້າຍແຮງຂຶ້ນຢ່າງຫຼວງຫຼາຍ.

ຂໍ້ມູນໃນເວັບໄຊ ຂອງ NEA ລະບຸວ່າ: ມາຮອດເວລາ 6:00 ໂມງເຊົ້າຂອງວັນທີ 27 ມັງກອນ, ດັດຊະນີມາດຕະຖານມົນລະພິດ (PSI) ຕະຫຼອດ 24 ຊົ່ວໂມງຂອງສິງກະໂປ ຢູ່ລະຫວ່າງ 37 ຫາ 61 ຊຶ່ງຈັດຢູ່ປະເພດ "ດີ" ຫາ "ປານກາງ". ໂດຍ NEA ກຳລັງຕິດຕາມສະຖານະການຢ່າງຕໍ່ເນື່ອງ.

ສິງກະໂປໄດ້ຮັບຜົນກະທົບຈາກໝອກຄວັນຂ້າມຊາຍແດນເປັນໄລຍະ ຊຶ່ງກ່ຽວຂ້ອງກັບການເຜົາພື້ນທີ່ກະສິກຳ ແລະ ປ່າໃນພາກພື້ນ, ໂດຍສະເພາະໃນໄລຍະທີ່ມີສະພາບອາກາດແຫ້ງແລ້ງ. ທັງນີ້, ສະພາບອາກາດສາມາດປ່ຽນແປງໄດ້ໂດຍຂຶ້ນກັບກິດຈະກຳການເຜົາໄໝ້ ແລະ ຮູບແບບຂອງສະພາບອາກາດ.

ຄໍາເຫັນ

ຂ່າວຕ່າງປະເທດ

ມູນຄ່າການຄ້າສິນຄ້າຈັບຕ້ອງໄດ້ລະຫວ່າງຈີນກັບປະເທດຮ່ວມກັນສ້າງ ໜຶ່ງແລວໜຶ່ງເສັ້ນທາງ ເພີ່ມຂຶ້ນ 6.3%

28/01/2026 13:03

ຂ່າວສານຊີອາໄອລາຍງານວ່າ: ໃນວັນທີ 26 ມັງກອນຜ່ານມານີ້, ຫ້ອງການຖະແຫຼງຂ່າວຄະນະລັດຖະບານຈີນໄດ້ຈັດກອງປະຊຸມຖະແຫຼງຂ່າວ, ຜູ້ຮັບຜິດຊອບທີ່ກ່ຽວຂ້ອງຈາກກະຊວງການຄ້າຈີນກ່າວວ່າ: ປີ 2025, ຈີນກັບປະເທດທີ່ກ່ຽວຂ້ອງ ຮ່ວມກັນຊຸກຍູ້ການຮ່ວມມືດ້ານເສດຖະກິດການຄ້າພາຍໃຕ້ຂໍ້ລິເລີ່ມ “ໜຶ່ງແລວໜຶ່ງເສັ້ນທາງ” ກ້າວສູ່ລວງເລິກຢ່າງໜັກແໜ້ນ ແລະ ໄດ້ຮັບປະສິດທິຜົນທີ່ຕັ້ງໜ້າໃນດ້ານຕ່າງໆ ເຊັ່ນ: ການຮ່ວມມືດ້ານການຄ້າ, ການລົງທຶນຕໍ່ກັນ, ການກໍ່ສ້າງໂຄງການ ແລະ ອື່ນໆ.

ຍອດຜູ້ເສຍຊີວິດຈາກເຫດດິນພູເຈື່ອນຢູ່ອິນໂດເນເຊຍ ເພີ່ມຂຶ້ນເປັນ 48 ຄົນ

28/01/2026 13:02

ຂ່າວສານຊີອາໄອລາຍງານໃນວັນທີ 28 ມັງກອນນີ້ວ່າ: ຕາມການລາຍງານຈາກຂ່າວສານອັນຕາຣາຂອງອິນໂດເນເຊຍໃນວັນທີ 27 ມັງກອນ ຜ່ານມາໃຫ້ຮູ້ວ່າ, ດິນພູເຈື່ອນທີ່ເກີດຂຶ້ນໃນຕອນເຊົ້າຂອງວັນທີ 24 ມັງກອນ ຜ່ານມາຢູ່ເຂດຊິຊາຣົວ ເມືອງບັນດຸງຕາເວັນຕົກ ແຂວງຊາວາຕາເວັນຕົກຂອງອິນໂດເນເຊຍ ເຮັດໃຫ້ມີຜູ້ເສຍຊີວິດ 48 ຄົນ.

ອິນເດຍ ແລະ EU ບັນລຸຂໍ້ຕົກລົງການເສລີຄັ້ງປະຫວັດສາດ

28/01/2026 13:00

ຂ່າວຕ່າງປະເທດລາຍງານວ່າ: ອິນເດຍ ແລະ ສະຫະພາບເອີຣົບ (EU) ໄດ້ບັນລຸຂໍ້ຕົກລົງການຄ້າເສລີຄັ້ງເປັນປະຫວັດສາດໃນວັນທີ 27 ມັງກອນ ຜ່ານມາ ຊຶ່ງເປັນການສິ້ນສຸດການເຈລະຈາທີ່ຍືດເຍື້ອມາຕັ້ງແຕ່ປີ 2007. ໂດຍຂໍ້ຕົກລົງດັ່ງກ່າວໄດ້ຮັບການຍ້ອງຍໍວ່າເປັນ "ແມ່ຂອງຂໍ້ຕົກລົງທັງໝົດ" ເນື່ອງຈາກກວມເອົາອັດຕາສ່ວນປະມານ 25% ຂອງລວມຍອດຜະລິດຕະພັນພາຍໃນປະເທດ (GDP) ຂອງໂລກ ແລະ 1 ສ່ວນ 3 ຂອງການຄ້າສາກົນທັງໝົດ.

ຍີ່ປຸ່ນຫຼຸດຈາກ 3 ອັນດັບຜູ້ຜະລິດເຫຼັກດິບທີ່ໃຫຍ່ທີ່ສຸດຂອງໂລກ

28/01/2026 12:59

ຂ່າວຕ່າງປະເທດລາຍງານ ໃນວັນທີ 27 ມັງກອນ ຜ່ານມາວ່າ: ຍີ່ປຸ່ນໄດ້ຕົກຈາກ 3 ອັນດັບຜູ້ຜະລິດເຫຼັກດິບທີ່ໃຫຍ່ທີ່ສຸດໃນໂລກເປັນຄັ້ງທຳອິດໃນຮອບ 62 ປີ ໃນປີ 2025, ໂດຍຫຼຸດລົງມາຢູ່ອັນດັບທີ 4 ຍ້ອນການຜະລິດຫຼຸດລົງ 4% ເມື່ອທຽບກັບປີກ່ອນໜ້າ ເປັນ 80.68 ລ້ານໂຕນ ທ່າມກາງສະພາບຕະຫຼາດຊຸດໂຊມລົງ.

ຫວຽດນາມ ເພີ່ມທະວີວຽກງານຕິດຕາມກວດກາການປ້ອງກັນ ຕ້ານໄວຣັດ Nipah

28/01/2026 12:58

ວິທະຍຸກະຈາຍສຽງຫວຽດນາມລາຍງານວ່າ: ໃນວັນທີ 27 ມັງກອນ ຜ່ານມາ, ກົມປ້ອງກັນພະຍາດ ກະຊວງສາທາລະນະສຸກ ຫວຽດນາມ ໃຫ້ຮູ້ວ່າ, ຮອດວັນທີ 26 ມັງກອນ, ຫວຽດນາມ ຍັງບໍ່ທັນມີກໍລະນີໃດຕິດພະຍາດໂດຍໄວຣັດ Nipah ກໍ່ຂຶ້ນ. ກະຊວງສາທາລະນະສຸກ ໄດ້ຊີ້ນຳບັນດາທ້ອງຖິ່ນເພີ່ມທະວີວຽກງານຕິດຕາມກວດກາ, ປ້ອງກັນຕ້ານໂຣກລະບາດນັບແຕ່ດ່ານຊາຍແດນ, ຮາກຖານສາທາລະນະສຸກ ແລະ ຊຸມຊົນ, ກຽມພ້ອມບັນດາມາດຕະການຮັບມື, ປ້ອງກັນ, ຕ້ານໂຣກລະບາດ. ຫວຽດນາມ ສືບຕໍ່ຕິດຕາມສະພາບການໂຣກລະບາດຢ່າງໃກ້ຊິດ, ສົມທົບກັບອົງການອະນາໄມໂລກ (WHO), ບັນດາປະເທດໃນໂລກເພື່ອມີການຊີ້ນຳຈັດຕັ້ງຜັນຂະຫຍາຍມາດຕະການປ້ອງກັນ, ຕ້ານໂຣກລະບາດໃຫ້ທັນການ, ເໝາະສົມ ແລະ ມີປະສິດທິຜົນ.

ກະແສນິຍົມ “ກາຍເປັນຄົນຈີນ” ສ່ອງແສງໃຫ້ເຫັນເຖິງພະລັງແຮງແຫ່ງການເປີດປະຕູສູ່ພາຍນອກທີ່ມີລະດັບສູງຂອງຈີນ

27/01/2026 13:35

ຊາບໍາລຸງສຸຂະພາບໃນຕອນເຊົ້າສົ່ງກິ່ນອັນຫອມຫວນ, ລີລາຂອງກັງຟູຫຼັງຕອນທ່ຽງເພື່ອຜ່ອນຄາຍຮ່າງກາຍ, ເກີບແຕະທີ່ໃຊ້ໃນເຮືອນມີຄວາມອ່ອນນຸ້ມສະບາຍຕີນ, ອາຫານຈີນຢູ່ເທິງໂຕະອາຫານມີຄວາມແຊບນົວປະຈັກຕາ......ປັດຈຸບັນ, ກະແສນິຍົມກາຍເປັນຄົນຈີນທາງ TikTok ກໍາລັງແຜ່ລາມໄປໃນທົ່ວໂລກ, ໂດຍຊາວເນັດຈາກຫຼາຍປະເທດໄດ້ພາກັນຮຽນວິຖີຊີວິດແບບຈີນ ແລະ ກາຍເປັນ “ຄົນຈີນທາງດ້ານຈິດໃຈ”. ປະກົດການດ້ານວັດທະນະທໍາທີ່ໄດ້ຮັບຄວາມນິຍົມຊົມຊອບໃນໂລກດັ່ງກ່າວ, ບໍ່ພຽງແຕ່ໄດ້ສະທ້ອນໃຫ້ເຫັນຢ່າງມີຊີວິດຊີວາວ່າ: ກໍາລັງແຮງດຶງດູດດ້ານວັດທະນະທໍາ ຫຼື softpower ຂອງຈີນໄດ້ຮັບການຍົກສູງຂຶ້ນຢ່າງໝັ້ນທ່ຽງເທົ່ານັ້ນ, ຍັງໄດ້ພິສູດໃຫ້ເຫັນເຖິງພະລັງແຮງຂອງການຖອດຖອນບົດຮຽນຊຶ່ງກັນ ແລະ ກັນດ້ານອະລິຍະທໍາທີ່ໄດ້ຈາກການເປີດປະຕູສູ່ພາຍນອກທີ່ມີລະດັບສູງຂອງຈີນນໍາອີກ.

ຈີນ ຍັງແມ່ນຜູ້ປະກອບສ່ວນທີ່ໃຫຍ່ທີ່ສຸດຕໍ່ການເຕີບໂຕຂອງເສດຖະກິດໂລກ

27/01/2026 13:05

ຂ່າວສານຊີອາໄອລາຍງານວ່າ: ຫວ່າງມໍ່ໆມານີ້ ຢູ່ນະຄອນເຊີແນວ ປະເທດສະວິດ, ທ່ານ ບອຣກ ເບຣນເດ ປະທານກອງປະຊຸມເວທີປຶກສາຫາລືເສດຖະກິດໂລກໃຫ້ສຳພາດຕໍ່ນັກຂ່າວວ່າ: ຈີນຍັງແມ່ນຜູ້ປະກອບສ່ວນທີ່ໃຫຍ່ທີ່ສຸດຕໍ່ການເຕີບໂຕຂອງເສດຖະກິດໂລກ.

ທີມນັກຄົ້ນຄວ້າພັດທະນາເຕັກໂນໂລຊີປ່ຽນກາກບອນເປັນເຊື້ອໄຟການບິນທີ່ມີກາກບ່ອນຕໍ່າ

27/01/2026 13:04

ຂ່າວຕ່າງປະເທດລາຍງານໃນທ້າຍອາທິດຜ່ານມາວ່າ: ທີມງານນັກຄົ້ນຄວ້າຈາກສະຖາບັນເຕັກໂນໂລຊີ Royal Melbourne (RMIT) ຂອງອົສຕຣາລີ ໄດ້ພັດທະນາເຕັກໂນໂລຊີການປ່ຽນແປງກາກບອນທີ່ສາມາດຊ່ວຍປ່ຽນການປ່ອຍອາຍພິດຈາກອຸດສາຫະກໍາໃຫ້ກາຍເປັນວັດຖຸດິບສໍາລັບນໍ້າເຊື້ອໄຟເຮືອບິນທີ່ມີກາກບອນຕໍ່າ.

ເກີດພາຍຸຫິມະຮ້າຍແຮງຢູ່ ສະຫະລັດ ອາເມຣິກາ

27/01/2026 13:03

ວິທະຍຸກະຈາຍສຽງຫວຽດນາມ ລາຍງານໃນວັນທີ 26 ມັງກອນ ຜ່ານມາວ່າ: ໃນຕອນເຊົ້າວັນທີ 25 ມັງກອນ ຜ່ານມາ, ພາຍຸໃນລະດູໜາວທີ່ມີຂອບຂະໜາດໃຫຍ່ໃນປະຫວັດສາດໄດ້ຖະຫຼົ່ມດິນແດນສ່ວນຫຼາຍຢູ່ ສະຫະລັດ ອາເມຣິກາ, ມີຈຳນວນເກືອບ 250 ຄົນຢູ່ 40 ກວ່າລັດ ນອນໃນກຸ່ມກ່າວເຕືອນດິນຟ້າອາກາດອັນຕະລາຍ. ພາຍຸຫິມະເຮັດໃຫ້ມີຜູ້ເສຍຊີວິດ 2 ຄົນ ແລະ 850.000 ກວ່າຄົນຢູ່ທາງພາກໃຕ້ ແລະ ຫຼາຍເຂດພວມດຳລົງຊີວິດໃນສະພາບບໍ່ມີໄຟຟ້າໃຊ້. ພາຍຸຫິມະນີ້ໄດ້ກໍ່ໃຫ້ເກີດການຂາດວັກຂາດຕອນດ້ານຄົມມະນາຄົມທີ່ຮ້າຍແຮງ ແລະ ມີຢ່າງໜ້ອຍສຸດ 10.000 ກວ່າຖ້ຽວບິນຖືກຍົກເລີກ ແລະ ມີນັບພັນຖ້ຽວບິນໃນທົ່ວປະເທດ ສະຫະລັດ ອາເມຣິກາ ຕ້ອງໂຈະ.

ຫວຽດນາມ ຮັກສາເສດຖະກິດມະຫາພາກເປັນປົກກະຕິ ແລະ ຄວບຄຸມໄພເງິນເຟີ້

27/01/2026 13:02

ວິທະຍຸກະຈາຍສຽງຫວຽດນາມລາຍງານວ່າ: ໃນວັນທີ 26 ມັງກອນ ຜ່ານມາ ຢູ່ຮ່ານະຄອນຫຼວງໂນ້ຍ, ທ່ານຟ້າມມິງຈິງ ນາຍົກລັດຖະມົນຕີ ຫົວໜ້າຄະນະຊີ້ນຳຂອງລັດຖະບານ ກ່ຽວກັບການຄຸ້ມຄອງ, ບໍລິຫານເສດຖະກິດມະຫາພາກ (ຄະນະຊີ້ນຳ) ໄດ້ເປັນປະທານກອງປະຊຸມຄັ້ງທີ 2 ຂອງ ຄະນະຊີ້ນຳ.

ເພີ່ມເຕີມ