ໂຄງການດັ່ງກ່າວຈະສະໜັບສະໜູນຜູ້ປະກອບອາຊີບ ແລະ ບໍລິສັດສື່ໃນການຜະລິດເນື້ອໃນສຳລັບແພັລດຟອມດີຈີຕອນ ແລະ ໂທລະສັບມືຖື ເປັນຫຼັກ, ພ້ອມທັງເສີມສ້າງຄວາມສາມາດດ້ານເຕັກໂນໂລຊີທີ່ພົ້ນເດັ່ນຂຶ້ນມາ, ລວມທັງເນື້ອໃນທີ່ສ້າງດ້ວຍ AI ແລະ ຂະບວນການຜະລິດທີ່ໃຊ້ AI ຊ່ວຍເຫຼືອ.
IMDA ລະບຸວ່າ: 87% ຂອງຊາວສິງກະໂປທີ່ມີອາຍຸ 15 ປີຂຶ້ນໄປໃນປັດຈຸບັນເຂົ້າເຖິງແພັລດຟອມວີດີໂອສື່ສັງຄົມອອນລາຍທີ່ສຳຄັນເຊັ່ນ:TikTok, Instagram, YouTube, ແລະ Facebook ທຸກໆອາທິດ, ໃນຂະນະທີ່ວີດີໂອສັ້ນ, ລະຄອນສັ້ນ ແລະ ເນື້ອໃນທີ່ສ້າງດ້ວຍ AI ກຳລັງໄດ້ຮັບຄວາມນິຍົມເພີ່ມຂຶ້ນ.
ທັງນີ້, IMDA ມຸ່ງໝັ້ນທີ່ຈະສະໜັບສະໜູນລະບົບນິເວດສື່ຂອງສິງກະໂປໃນການພັດທະນາເນື້ອໃນດີຈີຕອນຮູບແບບໃໝ່ ແລະ ເສີມສ້າງຄວາມສາມາດດ້ານດີຈີຕອນເພື່ອຮັກສາການສ້າງສັນສິ່ງໃໝ່ໆ ແລະ ຄວາມສາມາດທາງການແຂ່ງຂັນຕໍ່ໄປ.
ຄໍາເຫັນ