ສິ່ງພິມຂອງຍີ່ປຸ່ນກຳລັງຕົກຢູ່ໃນວິດການທີ່ຮ້າຍແຮງ

13:09 09/02/2026

ຂ່າວຕ່າງປະເທດລາຍງານຫວ່າງມໍ່ໆມານີ້ວ່າ: ຍອດຂາຍປຶ້ມ ແລະ ວາລະສານໃນຮູບແບບເປັນຫົວໃນຍີ່ປຸ່ນຫຼຸດລົງ 4.1% ເມື່ອທຽບກັບປີກ່ອນ ເປັນ 964.7 ຕື້ເຢນ ໃນປີ 2025, ຖືວ່າເປັນການຫຼຸດລົງຕໍ່າກວ່າ 1 ພັນຕື້ເຢນ ເປັນຄັ້ງທຳອິດໃນຮອບ 50 ປີ. ເຖິງແມ່ນວ່າຈະລວມກັບຍອດຂາຍດີຈີຕອນແລ້ວ, ຍອດຂາຍປຶ້ມ ແລະ ວາລະສານໂດຍລວມກໍຍັງຫຼຸດລົງເປັນປີທີ 4 ຕິດຕໍ່ກັນໃນປີ 2025, ໂດຍຫຼຸດລົງ 1.6% ເປັນປະມານ 1.55 ພັນຕື້ເຢນ.

ສະຖາບັນຄົ້ນຄວ້າສິ່ງພິມຂອງຍີ່ປຸ່ນລາຍງານວ່າ: ໃນປີ 2025, ຍອດຂາຍວາລະສານໃນຮູບແບບເປັນຫົວ ຫຼຸດລົງ 10.0% ເປັນ 370.8 ຕື້ເຢນ. ໂດຍວາລະສານລາຍອາທິດຫຼຸດລົງເປັນປະຫວັດການ ເຖິງ 17.9% ເປັນ 51.3 ຕື້ເຢນ, ໃນຂະນະທີ່ວາລະສານລາຍເດືອນຫຼຸດລົງ 8.6% ເປັນ 319.5 ຕື້ເຢນ.

ໃນຂະນະດຽວກັນ, ຍອດຂາຍມັງງະ (ປຶ້ມກາຕູນ) ໃນຮູບແບບເປັນຫົວ ຊຶ່ງຈັດຢູ່ໃນປະເພດວາລະສານ ກໍຫຼຸດລົງປະມານ 15%, ໂດຍສ່ວນໜຶ່ງແມ່ນຍ້ອນມັງງະທີ່ໄດ້ຮັບຄວາມນິຍົມຫຼາຍເລື່ອງຈົບລົງແລ້ວເຊັ່ນ: "Jujutsu Kaisen," ລວມທັງພຶດຕິກຳຂອງຜູ້ອ່ານທີ່ປ່ຽນໄປອ່ານມັງງະແບບດີຈີຕອນ.

ເຖິງຢ່າງໃດກໍຕາມ, ຍອດຂາຍປຶ້ມແບບຫົວໄດ້ເພີ່ມຂຶ້ນ 200 ລ້ານເຢນ ເປັນ 593.9 ຕື້ເຢນ ຊຶ່ງຖືວ່າເປັນການຟື້ນຕົວເລັກນ້ອຍຫຼັງຈາກຕົກຕໍ່າເປັນເວລາ 3 ປີ. ໂດຍໄດ້ຮັບການຊຸກຍູ້ຈາກປຶ້ມທີ່ຂາຍດີຫຼາຍເລື່ອງ, ໜຶ່ງໃນນັ້ນຄືນະວະນິຍາຍຕົ້ນສະບັບຂອງຮູບເງົາເລື່ອງ "Kokuho" (ສົມບັດແຫ່ງຊາດ).

ຄໍາເຫັນ

ຂ່າວຕ່າງປະເທດ

ປີໃໝ່ຫາກໍເລີ່ມຕົ້ນ, ຈີນໄດ້ສົ່ງຄຳເຊື້ອເຊີນອີກຄັ້ງເພື່ອ “ຮ່ວມກັນຊົມໃຊ້ຕະຫຼາດ ຂະໜາດໃຫຍ່”

09/02/2026 13:43

ຂ່າວສານຊີອາໄອລາຍງານວ່າ: ອາຫານແຊບທີ່ຫຼາກຫຼາຍໄດ້ເລີ່ມຕົ້ນການເດີນທາງແຫ່ງລົດຊາດ, ເຂດສະເພາະ ເຄື່ອງສຳອາງໄດ້ເຕົ້າໂຮມຍີ່ຫໍ້ດັງຕ່າງໆ, ສິນຄ້າຍອດນິຍົມຈາກປະເທດຕ່າງໆ ໄດ້ເປີດຕົວພ້ອມກັນ ແລະ ອື່ນໆ. ໃນວັນທີ 4 ກຸມພາ ຜ່ານມານີ້, ໃນກິດຈະກຳຮອບທຳອິດປີ 2026 ພາຍໃຕ້ຫົວຂໍ້ “ຮ່ວມກັນຊົມໃຊ້ຕະຫຼາດຂະໜາດໃຫຍ່·ສົ່ງອອກປະເທດຈີນ”, ນັກວິຈານໄດ້ສຳຜັດກັບສະເໜ່ຂອງສິນຄ້ານຳເຂົ້າທີ່ມີຄຸນນະພາບດີຈາກ ປະເທດຕ່າງໆ.

ນັກຄົ້ນຄວ້າອົສຕຣາລີ ສຳເລັດການກວດພະຍາດຕັບອັກເສບບີຈາກປາຍນິ້ວມື

09/02/2026 13:12

ຂ່າວຕ່າງປະເທດລາຍງານ ໃນທ້າຍອາທິດຜ່ານມາວ່າ: ສະຖາບັນ Kirby ທີ່ມະຫາວິທະຍາໄລ New South Wales ໃນປະເທດອົສຕຣາລີໄດ້ລາຍງານການທົດລອງທີ່ສາມາດກວດວິນິດໄສ DNA ຂອງໄວຣັດຕັບອັກເສບບີດ້ວຍວິທີເຈາະເລືອດຈາກປາຍນິ້ວມືເປັນຄັ້ງທຳອິດຂອງໂລກ ຊຶ່ງການກວດທີ່ຈຸດດູແລຄົນເຈັບນີ້ສາມາດໃຫ້ຜົນພາຍໃນໜຶ່ງຊົ່ວໂມງ ແລະ ສາມາດປະຕິບັດໄດ້ໃນຄລີນິກທ້ອງຖິ່ນ ໂດຍມີຄວາມແມ່ນຍຳທຽບເທົ່າກັບການກວດຫ້ອງທົດລອງມາດຕະຖານ. ອີກທັງຊ່ວຍລຶບລ້າງບັນຫາຄວາມຊັກຊ້າທີ່ເກີດຈາກການສົ່ງກວດຫ້ອງທົດລອງແບບດັ້ງເດີມ ແລະ ເພີ່ມໂອກາດການເຂົ້າເຖິງການກວດຄັດກອງໃນເຂດຫ່າງໄກສອກຫຼີກ ແລະ ພື້ນທີ່ທີ່ມີຊັບພະຍາກອນຈຳກັດ.

ຮອດປີ 2030 ພະລັງງານໝູນວຽນ ແລະ ພະລັງງານນິວເຄລຍ ຈະສະໜອງໄຟຟ້າເຄິ່ງໜຶ່ງຂອງໂລກ

09/02/2026 13:11

ຂ່າວສານຊີອາໄອລາຍງານວ່າ: ຫວ່າງມໍ່ມານີ້, ອົງການພະລັງງານສາກົນ ໄດ້ເຜີຍແຜ່ບົດລາຍງານໂດຍຄາດຄະເນວ່າ: ນັບແຕ່ນີ້ໄປຮອດປີ 2030, ຈັງຫວະການເຕີບໂຕດ້ານຄວາມຕ້ອງການພະລັງງານໃນທົ່ວໂລກຈະຫຼາຍກວ່າ 3.5%. ເມື່ອຮອດປີ 2030, ອັດຕາສ່ວນຂອງພະລັງງານໝູນວຽນ ແລະ ພະລັງງານນິວເຄລຍຈະເພີ່ມຂຶ້ນເປັນ 50% ຂອງພະລັງງານໄຟຟ້າທົ່ວໂລກ.

ຟີລິບປິນລົງທຶນ 5 ລ້ານໂດລາ ເພື່ອຂະຫຍາຍຟາມຜັກທີ່ທົນຕໍ່ສະພາບອາກາດ

09/02/2026 13:10

ຂ່າວຕ່າງປະເທດລາຍງານ ໃນທ້າຍອາທິດຜ່ານມາວ່າ: ກະຊວງກະສິກຳຟີລິບປິນໄດ້ລາຍງານການຈັດສັນງົບປະມານຫຼາຍກວ່າ 5 ລ້ານໂດລາພາຍໃນປີ 2026 ສຳລັບຂະຫຍາຍການປູກພືດທີ່ມີມູນຄ່າສູງ, ທົນທານຕໍ່ສະພາບອາກາດ ແລະ ເພື່ອຄວບຄຸມລາຄາສິນຄ້າກະສິກຳທີ່ຜັນຜວນ ເນື່ອງຈາກການສະ ໜອງໄດ້ຖືກຢຸດສະງັກຍ້ອນສະພາບອາກາດຜັນຜວນ.

ການສົ່ງອອກລົດຍົນໄຟຟ້າຂອງຈີນໄດ້ເພີ່ມຂຶ້ນຢ່າງວ່ອງໄວ

09/02/2026 13:07

ຂ່າວສານຊີອາໄອລາຍງານ ໃນວັນທີ 8 ກຸມພາ ຜ່ານມາວ່າ: ການສົ່ງອອກລົດຍົນໄຟຟ້າຂອງຈີນໄດ້ເພີ່ມຂຶ້ນຢ່າງວ່ອງໄວ ແລະ ຈະຊ່ວຍຍົກຖານະຜູ້ນຳໜ້າ ດ້ານເຕັກໂນໂລຊີສີຂຽວຂອງຈີນໃຫ້ສູງຂຶ້ນ.

ອັດຕາວ່າງງານຂອງນູແວນເຊລັງສູງທີ່ສຸດໃນຮອບ 10 ປີ

06/02/2026 12:24

ຂ່າວຕ່າງປະເທດລາຍງານ ໃນວັນທີ 4 ກຸມພາ ຜ່ານມາວ່າ: ສຳນັກງານສະຖິຕິແຫ່ງຊາດນູແວນເຊລັງ (Stats NZ) ລາຍງານວ່າ: ອັດຕາການວ່າງງານຂອງນູແວນເຊລັງໄດ້ເພີ່ມຂຶ້ນເປັນ 5.4% ໃນໄຕມາດທີ່ສິ້ນສຸດໃນເດືອນທັນວາ 2025 ຊຶ່ງຖືວ່າສູງທີ່ສຸດໃນຮອບ 10 ປີ ຫຼື ນັບຕັ້ງແຕ່ໄຕມາດທີ່ສິ້ນສຸດໃນເດືອນກັນຍາ 2015 ຊຶ່ງອັດຕາການວ່າງງານແມ່ນ 5.7%.

ຍອດຂາຍລົດນຳເຂົ້າໃນ ສ ເກົາຫຼີ ເພີ່ມຂຶ້ນເກືອບ 38%

06/02/2026 12:20

ຂ່າວຕ່າງປະເທດລາຍງານ ໃນວັນທີ 4 ກຸມພາ ຜ່ານມາວ່າ: ສະມາຄົມຜູ້ນໍາເຂົ້າ ແລະ ຈຳໜ່າຍລົດ ສ ເກົາຫຼີ (KAIDA) ໄດ້ເປີດເຜີຍວ່າ, ຍອດຂາຍລົດນໍາເຂົ້າໃນ ສ ເກົາຫຼີ ເພີ່ມຂຶ້ນຢ່າງຫຼວງຫຼາຍໃນເດືອນມັງກອນຜ່ານມາ, ໂດຍໄດ້ຮັບແຮງຂັບເຄື່ອນຈາກຄວາມຕ້ອງການລົດໄຟຟ້າ (EVs) ທີ່ເພີ່ມຂຶ້ນ, ໂດຍສະເພາະແມ່ນຍີ່ຫໍ້ Tesla ແລະ BYD.

ທ່ານ ສີຈິ້ນຜິງ ພົບປະກັບທ່ານ ວະລາດີເມຍ ປູຕິນ ທາງອອນລາຍ

06/02/2026 12:16

ຂ່າວສານຊີອາໄອລາຍງານວ່າ: ໃນຕອນບ່າຍວັນທີ 4 ກຸມພາ ຜ່ານມານີ້, ທ່ານ ສີຈິ້ນຜິງ ປະທານປະເທດຈີນໄດ້ພົບປະທາງອອນລາຍກັບທ່ານ ວະລາດີເມຍ ປູຕິນ ປະທານາທິບໍດີຣັດເຊຍຢູ່ຫໍສະພາປະຊາຊົນທີ່ນະຄອນຫຼວງປັກກິ່ງ.

ຫວຽດນາມ ປະຕິຮູບລະບອບລະບຽບການ ແກ້ໄຂຈຸດອຸດຕັນ ໃຫ້ແກ່ວິສາຫະກິດ

06/02/2026 12:13

ວິທະຍຸກະຈາຍສຽງຫວຽດນາມລາຍງານວ່າ: ໃນກອງປະຊຸມຖະແຫຼງຂ່າວນັດສາມັນປະຈຳເດືອນມັງກອນ ຂອງລັດຖະບານ ຫວຽດນາມ ທີ່ຈັດຂຶ້ນຫວ່າງມໍ່ໆມານີ້ ຢູ່ນະຄອນຫຼວງຮ່າໂນ້ຍ, ທ່ານ ຫງວຽນແທັງຕູ ຮອງລັດຖະມົນຕີກະຊວງຍຸຕິທຳ ຫວຽດນາມ ໄດ້ແຈ້ງຂໍ້ມູນດ້ານເນື້ອໃນຂອງການປະຕິຮູບລະບອບລະບຽບການ ເພື່ອແກ້ໄຂບັນດາ “ຈຸດອຸດຕັນ” ໃຫ້ແກ່ວິສາຫະກິດ ແລະ ທ້ອງຖິ່ນໃນການປະຕິບັດມະຕິເລກທີ 01 ຂອງລັດຖະບານ.

ງານວາງສະແດງການບິນສິງກະໂປຄັ້ງທີ 10

05/02/2026 12:06

ຂ່າວສານຊີອາໄອລາຍງານວ່າ: ໃນວັນທີ 3 ກຸມພາຜ່ານມາ, ງານວາງສະແດງການບິນສິງກະໂປຄັ້ງທີ 10 ໄດ້ເປີດຂຶ້ນຢູ່ສູນວາງສະແດງຊາງງີ ຂອງສິງກະໂປ. ທິມສະແດງການບິນ “ປາອີ່” ຂອງກອງທັບອາກາດຈີນໄດ້ຮັບການເຊື້ອເຊີນ ແລະ ດຳເນີນການສະແດງການບິນ. ນີ້ແມ່ນການກັບມາເຂົ້າຮ່ວມງານວາງສະແດງການບິນສາກົນອີກຄັ້ງຂອງທີມສະແດງການບິນປາອີ່ ຫຼັງຈາກເຄີຍໄດ້ເຂົ້າຮ່ວມງານວາງສະແດງການບິນສິງກະໂປຄັ້ງທີ 7 ໃນເດືອນກຸມພາປີ 2020 .

ເພີ່ມເຕີມ