ສູນກາງແນວລາວສ້າງຊາດ (ສນຊ) ໄດ້ຈັດພິທີປາຖະກະຖາວັນເກີດປະທານ ຄຳໄຕ ສີພັນດອນ ຄົບຮອບ 100 ປີ(8 ກຸມພາ 1924-8 ກຸມພາ 2024) ຂຶ້ນໃນວັນທີ 6ກຸມພານີ້ ທີ່ ສນຊ ໂດຍໃຫ້ກຽດປາຖະກະຖາຂອງ ທ່ານ ຄຳພັນ ເຜີຍຍະວົງ ຄະນະເລຂາທິການສູນກາງພັກ ຫົວໜ້າຄະນະໂຄສະນາອົບຮົມສູນກາງພັກ ປະທານສະພາທິດສະດີສູນກາງພັກ,ມີທ່ານ ສິນລະວົງ ຄຸດໄພທູນ ກຳມະການກົມການເມືອງສູນກາງພັກ ປະທານ ສນຊ,ມີຄະນະພັກ,ພະນັກງານອາວຸໂສບຳນານພ້ອມດ້ວຍພະນັກງານ-ລັດຖະກອນເຂົ້າຮ່ວມ.
ທ່ານ ຄຳພັນ ເຜີຍຍະວົງ ໄດ້ຍົກໃຫ້ເຫັນມູນເຊື້ອຄຸນງາມຄວາມດີຂອງປະທານ ຄຳໄຕ ສີພັນດອນທີ່ມີຕໍ່ປະເທດຊາດ ແນໃສ່ຮຽນຮູ້ແລະ ນຳເອົາແບບຢ່າງທີ່ດີຂອງເພີ່ນມາໝູນໃຊ້ເຂົ້າໃນການຈັດຕັ້ງ,ເຄື່ອນໄຫວ ແລະ ການດຳລົງຊີວິດຂອງພະນັກງານ,ສະມາຊິກພັກ,ປະຊາຊົນ ແລະ ຊັ້ນຄົນຕ່າງໆ ເພື່ອສືບຕໍ່ພັດທະນາປະເທດກ້າວຂຶ້ນຕາມອຸດົມການຂອງພັກຢ່າງມີໄຊ. ທ່ານໄດ້ຍົກໃຫ້ເຫັນເຖິງຊີວິດໃນເຍົາໄວ ແລະ ຈຸດເລີ່ມຕົ້ນປະຫວັດການເຄື່ອນໄຫວຂອງປະທານ ຄຳໄຕ ສີພັນດອນ ໃນແຕ່ລະໄລຍະນັບຕັ້ງແຕ່ປີ 1931 ເຖິງ 2006 ປີຈົນເຖິງປັດຈຸບັນ. ປະທ່ານ ຄຳໄຕ ສີພັນດອນ ແມ່ນຜູ້ໜຶ່ງໃນບັນດາຜູ້ນຳຮຸ່ນກໍ່ຕັ້ງຂະບວນການ ແລະ ບຸກເບີກເສັ້ນທາງປະຕິວັດຢູ່ປະເທດເຮົາຊຶ່ງເວລາໃດກໍໜັກແໜ້ນທາງດ້ານການເມືອງ,ສະຕິຕໍ່ການຈັດຕັ້ງມີຄວາມຮັບຜິດຊອບສູງຕໍ່ໜ້າທີ່ໆໄດ້ຮັບມອບໝາຍເລີ່ມຈາກພະນັກງານທຳມະດາກາຍເປັນຜູ້ຊີ້ນຳ-ບັນຊາ ແລະ ນຳພາຂະບວນການຕໍ່ສູ້ປົດປ່ອຍຊາດຄຽງບ່າຄຽງໄຫຼກັບປະທານ ໄກສອນ ພົມວິຫານ,ປະທານ ສຸພານຸວົງ ແລະ ຜູ້ນໍາຄົນອື່ນໆ ຂອງແນວລາວຮັກຊາດ ໄດ້ຮັບໄຊຊະນະ ສະຖາປະນາ ສປປ ລາວ ຂຶ້ນຢ່າງສະຫງ່າຜ່າເຜີຍໃນວັນທີ 2 ທັນວາ 1975 ທ່ານໄດ້ປະກອບສ່ວນຄົ້ນຄວ້າ ແລະ ກໍານົດທິດທາງຍຸດທະສາດ ປົກປັກຮັກສາ ແລະ ສ້າງສາພັດທະນາປະເທດຊາດ ລວມທັງແນວທາງປ່ຽນແປງໃໝ່ຢ່າງຖືກຕ້ອງສອດຄ່ອງທັງໄດ້ນຳພາ-ຊີ້ນຳ ການຈັດຕັ້ງປະຕິບັດໄດ້ຮັບຜົນສຳເລັດໃນຫຼາຍດ້ານ.
ໂອກາດນີ້,ທ່ານ ຄໍາພັນ ເຜີຍຍະວົງ ໄດ້ເນັ້ນໃຫ້ສະມາຊິກພັກ, ພະນັກງານທົ່ວ ສນຊ ຈົ່ງພ້ອມກັນຕັ້ງໜ້າສຶກສາຄົ້ນຄວ້າຮໍ່າຮຽນເອົາຄຸນສົມບັດ-ສິນທໍາປະຕິວັດ, ຄວາມຈົງຮັກພັກດີ, ຄວາມບໍລິສຸດຜຸດຜ່ອງ, ຄວາມມານະອົດທົນ, ອຸ່ນອ່ຽນທຸ່ນທ່ຽງ, ມີໄຫວພິບໃນການຈັດຕັ້ງປະຕິບັດບັນດາໜ້າທີ່ວຽກງານທີ່ຕົນຮັບຜິດຊອບເພື່ອອຸທິດຕົນໃຫ້ພາລະກິດປະຕິວັດເພື່ອຊາດ ເພື່ອປະຊາຊົນຂອງປະທານ ຄຳໄຕ ສີພັນດອນ ຜູ້ນໍາທີ່ແສນເຄົາລົບຮັກ ມາໝູນໃຊ້ເຂົ້າໃນການປະຕິບັດໜ້າທີ່ວຽກງານໃນປັດຈຸບັນ ແລະ ໄດ້ເນັ້ນຢໍ້າໃຫ້ພະນັກງານ, ສະມາຊິກພັກຮັບຮູ້-ເຂົ້າໃຈຄວາມໝາຍ ຄວາມສໍາຄັນຂອງວັນສ້າງຕັ້ງກອງທັບປະຊາຊົນລາວ ທີ່ສະແດງໃຫ້ເຫັນເຖິງທາດແທ້ມູນເຊື້ອປະຕິວັດ ແລະ ການເຕີບໃຫຍ່ເຂັ້ມແຂງຢ່າງບໍ່ຍຸດຢັ້ງ, ຜົນງານອັນໃຫຍ່ຫຼວງ, ມູນເຊື້ອການຕໍ່ສູ້ຢ່າງພິລະອາດຫານຂອງກອງທັບປະຊາຊົນລາວ ກໍຄືຜົນງານອັນໃຫຍ່ຫຼວງຂອງວິລະຊົນລາວທີ່ຍາດມາໄດ້ຕະຫຼອດໄລຍະ 75 ປີ.
ຂ່າວ: ບຸນຕອມ, ພາບ: ບຸນອຸ້ມ
ທ່ານ ຄຳພັນ ເຜີຍຍະວົງ ໄດ້ຍົກໃຫ້ເຫັນມູນເຊື້ອຄຸນງາມຄວາມດີຂອງປະທານ ຄຳໄຕ ສີພັນດອນທີ່ມີຕໍ່ປະເທດຊາດ ແນໃສ່ຮຽນຮູ້ແລະ ນຳເອົາແບບຢ່າງທີ່ດີຂອງເພີ່ນມາໝູນໃຊ້ເຂົ້າໃນການຈັດຕັ້ງ,ເຄື່ອນໄຫວ ແລະ ການດຳລົງຊີວິດຂອງພະນັກງານ,ສະມາຊິກພັກ,ປະຊາຊົນ ແລະ ຊັ້ນຄົນຕ່າງໆ ເພື່ອສືບຕໍ່ພັດທະນາປະເທດກ້າວຂຶ້ນຕາມອຸດົມການຂອງພັກຢ່າງມີໄຊ. ທ່ານໄດ້ຍົກໃຫ້ເຫັນເຖິງຊີວິດໃນເຍົາໄວ ແລະ ຈຸດເລີ່ມຕົ້ນປະຫວັດການເຄື່ອນໄຫວຂອງປະທານ ຄຳໄຕ ສີພັນດອນ ໃນແຕ່ລະໄລຍະນັບຕັ້ງແຕ່ປີ 1931 ເຖິງ 2006 ປີຈົນເຖິງປັດຈຸບັນ. ປະທ່ານ ຄຳໄຕ ສີພັນດອນ ແມ່ນຜູ້ໜຶ່ງໃນບັນດາຜູ້ນຳຮຸ່ນກໍ່ຕັ້ງຂະບວນການ ແລະ ບຸກເບີກເສັ້ນທາງປະຕິວັດຢູ່ປະເທດເຮົາຊຶ່ງເວລາໃດກໍໜັກແໜ້ນທາງດ້ານການເມືອງ,ສະຕິຕໍ່ການຈັດຕັ້ງມີຄວາມຮັບຜິດຊອບສູງຕໍ່ໜ້າທີ່ໆໄດ້ຮັບມອບໝາຍເລີ່ມຈາກພະນັກງານທຳມະດາກາຍເປັນຜູ້ຊີ້ນຳ-ບັນຊາ ແລະ ນຳພາຂະບວນການຕໍ່ສູ້ປົດປ່ອຍຊາດຄຽງບ່າຄຽງໄຫຼກັບປະທານ ໄກສອນ ພົມວິຫານ,ປະທານ ສຸພານຸວົງ ແລະ ຜູ້ນໍາຄົນອື່ນໆ ຂອງແນວລາວຮັກຊາດ ໄດ້ຮັບໄຊຊະນະ ສະຖາປະນາ ສປປ ລາວ ຂຶ້ນຢ່າງສະຫງ່າຜ່າເຜີຍໃນວັນທີ 2 ທັນວາ 1975 ທ່ານໄດ້ປະກອບສ່ວນຄົ້ນຄວ້າ ແລະ ກໍານົດທິດທາງຍຸດທະສາດ ປົກປັກຮັກສາ ແລະ ສ້າງສາພັດທະນາປະເທດຊາດ ລວມທັງແນວທາງປ່ຽນແປງໃໝ່ຢ່າງຖືກຕ້ອງສອດຄ່ອງທັງໄດ້ນຳພາ-ຊີ້ນຳ ການຈັດຕັ້ງປະຕິບັດໄດ້ຮັບຜົນສຳເລັດໃນຫຼາຍດ້ານ.
ໂອກາດນີ້,ທ່ານ ຄໍາພັນ ເຜີຍຍະວົງ ໄດ້ເນັ້ນໃຫ້ສະມາຊິກພັກ, ພະນັກງານທົ່ວ ສນຊ ຈົ່ງພ້ອມກັນຕັ້ງໜ້າສຶກສາຄົ້ນຄວ້າຮໍ່າຮຽນເອົາຄຸນສົມບັດ-ສິນທໍາປະຕິວັດ, ຄວາມຈົງຮັກພັກດີ, ຄວາມບໍລິສຸດຜຸດຜ່ອງ, ຄວາມມານະອົດທົນ, ອຸ່ນອ່ຽນທຸ່ນທ່ຽງ, ມີໄຫວພິບໃນການຈັດຕັ້ງປະຕິບັດບັນດາໜ້າທີ່ວຽກງານທີ່ຕົນຮັບຜິດຊອບເພື່ອອຸທິດຕົນໃຫ້ພາລະກິດປະຕິວັດເພື່ອຊາດ ເພື່ອປະຊາຊົນຂອງປະທານ ຄຳໄຕ ສີພັນດອນ ຜູ້ນໍາທີ່ແສນເຄົາລົບຮັກ ມາໝູນໃຊ້ເຂົ້າໃນການປະຕິບັດໜ້າທີ່ວຽກງານໃນປັດຈຸບັນ ແລະ ໄດ້ເນັ້ນຢໍ້າໃຫ້ພະນັກງານ, ສະມາຊິກພັກຮັບຮູ້-ເຂົ້າໃຈຄວາມໝາຍ ຄວາມສໍາຄັນຂອງວັນສ້າງຕັ້ງກອງທັບປະຊາຊົນລາວ ທີ່ສະແດງໃຫ້ເຫັນເຖິງທາດແທ້ມູນເຊື້ອປະຕິວັດ ແລະ ການເຕີບໃຫຍ່ເຂັ້ມແຂງຢ່າງບໍ່ຍຸດຢັ້ງ, ຜົນງານອັນໃຫຍ່ຫຼວງ, ມູນເຊື້ອການຕໍ່ສູ້ຢ່າງພິລະອາດຫານຂອງກອງທັບປະຊາຊົນລາວ ກໍຄືຜົນງານອັນໃຫຍ່ຫຼວງຂອງວິລະຊົນລາວທີ່ຍາດມາໄດ້ຕະຫຼອດໄລຍະ 75 ປີ.
ຂ່າວ: ບຸນຕອມ, ພາບ: ບຸນອຸ້ມ
ຄໍາເຫັນ