 |
ໃນກອງປະຊຸມ, ສະຫາຍຮອງເລຂາຄະນະພັກ ໄດ້ຍົກໃຫ້ເຫັນບັນດາເນື້ອໃນພື້ນຖານກ່ຽວກັບພັກ ປະຊາຊົນປະຕິວັດລາວ ເປັນຕົ້ນແມ່ນ: 5 ຫຼັກການ, 3 ທິດນໍາ, ມາດຕະຖານ-ເງື່ອນໄຂການຂະຫຍາຍພັກ; ສິດ, ໜ້າທີ່, ຂໍ້ຫ້າມ ແລະ ການສິ້ນສຸດການເປັນສະມາຊິກພັກ, ຫຼັກການຈັດຕັ້ງ ແລະ ລະບົບສາຍໃຍຂອງການຈັດຕັ້ງຂອງພັກ, ວຽກງານຕິດຕາມ-ກວດກາຂອງພັກ; ກົດລະບຽບຂອງພັກສະໄໝທີ XII ປະກອບມີ XV ໝວດ 64 ມາດຕາ. ພ້ອມກັນນີ້, ຍັງໄດ້ຮັບຟັງການເຜີຍແຜ່ມະຕິກອງປະຊຸມວຽກງານຈັດຕັ້ງ ທົ່ວປະເທດ ຄັ້ງທີ XII, ມະຕິຕົກລົງຂອງກົມການເມືອງສູນກາງພັກ ວ່າດ້ວຍການເພີ່ມທະວີວຽກງານແຂ່ງຂັນ-ຍ້ອງຍໍ ໃນໄລຍະໃໝ່ ສະບັບເລກທີ 61/ກມສພ ລົງວັນທີ 18 ມິຖຸນາ 2026, ມະຕິຕົກລົງຂອງກົມການເມືອງສູນກາງພັກ ວ່າດ້ວຍວຽກງານສ້າງແຜນກຳນົດພະນັກ ງານນຳພາ-ຄຸ້ມຄອງ ສະບັບເລກທີ 64/ກມສພ, ລົງວັນທີ 24/7/2026. ໃນນັ້ນ, ກອງປະຊຸມໄດ້ຜ່ານມະຕິຕົກລົງຂອງຄະນະປະຈໍາພັກ ສູນກາງແນວລາວສ້າງຊາດ ວ່າດ້ວຍການບົ່ງຕົວແຕ່ງຕັ້ງຮອງເລຂາໜ່ວຍພັກ, ຄະນະໜ່ວຍພັກ, ປະທານ-ຮອງປະທານກວດກາໜ່ວຍພັກຂອງ 4 ໜ່ວຍພັກ ອົງຄະນະພັກ ສນຊ ຕື່ມອີກ.
 |
ຕອນທ້າຍພິທີ, ສະຫາຍປະທານກອງປະຊຸມ ໄດ້ເນັ້ນໜັກໃຫ້ຄະນະໜ່ວຍພັກ ແລະ ສະມາຊິກພັກ ຈົ່ງສືບຕໍ່ສຶກສາຄົ້ນຄວ້າເນື້ອໃນກົດລະບຽບພັກ ແລະ ມະຕິວຽກງານຈັດຕັ້ງທົ່ວປະເທດ ຄັ້ງທີ XII ເພື່ອໃຫ້ສາມາດເຊື່ອມຊຶມ, ກຳແໜ້ນໄດ້ຢ່າງເລິກເຊິ່ງກວ່າເກົ່າ; ຖືເອົາກົດລະບຽບຂອງພັກເປັນພື້ນຖານ ໃນການຝຶກຝົນຫຼໍ່ຫຼອມຕົນເອງທາງດ້ານຄຸນທາດການເມືອງ, ສະກັດກັ້ນ ແລະ ແກ້ໄຂປະກົດການຍໍ້ທໍ້ຕ່າງໆ ໃນຖັນແຖວພະນັກງານ ເພື່ອຮັບປະກັນຄວາມປອດໃສ, ເຂັ້ມແຂງ ແລະ ໜັກແໜ້ນ, ສືບຕໍ່ນຳເອົາມະຕິກອງປະຊຸມໃຫຍ່ ຄັ້ງທີ XII ຂອງພັກ, ບັນດານິຕິກຳສຳ ຄັນທີ່ໄດ້ຮັບການເຊື່ອມຊຶມໃນຄັ້ງນີ້ ໄປຈັດຕັ້ງຜັນຂະຫຍາຍເຂົ້າສູ່ວຽກງານຕົວຈິງຂອງແນວລາວສ້າງຊາດ, ສືບຕໍ່ສ້າງແຜນກຳນົດພະນັກງານນຳພາ-ຄຸ້ມຄອງ, ເອົາໃຈໃສ່ຕໍ່ວຽກງານການກໍ່ສ້າງ ແລະ ປັບປຸງພັກ-ພະນັກງານໃຫ້ມີຄວາມເຂັ້ມແຂງ ແລະ ສ້າງການຫັນປ່ຽນໃໝ່ຢ່າງແຂງແຮງ, ເພີ່ມທະວີການລົງໃກ້ສິດຕິດແທດກັບຮາກຖານ ເພື່ອເຕົ້າໂຮມຄວາມສາມັກຄີປອງດອງປະຊາຊົນລາວບັນດາເຜົ່າ, ປຸກລະດົມປະຊາຊົນເຂົ້າຮ່ວມຂະບວນການແຂ່ງຂັນຮັກຊາດ ແລະ ພັດທະນາຢ່າງແຂງແຮງກວ່າເກົ່າ.
ຂ່າວ+ພາບ: ເຢ-ດວງມະນີ
ຄໍາເຫັນ