ແລະ ກັນ, ມີສະຕິການເມືອງເປັນເຈົ້າການປົກປັກຮັກສາ ແລະ ປະຕິບັດແຜນນະໂຍບາຍຂອງພັກ, ລັດ ແລະອົງການປົກຄອງທ້ອງຖິ່ນ ປະກອບສ່ວນເຂົ້າໃນການພັດທະນາສ້າງສາປະເທດຊາດ.
ສະແດງອອກຜົນງານ 6 ເດືອນຕົ້ນປີ 2024 ຂອງສູນກາງແນວລາວສ້າງຊາດ (ສນຊ) ໂດຍລວມປະຊາຊົນບັນດາເຜົ່າມີຄວາມສາມັກຄີເປັນປຶກແຜ່ນ, ຕັ້ງໜ້າທໍາມາຫາກິນ ແລະເຂົ້າຮ່ວມປະຕິບັດນະໂຍບາຍ, ມາດຕະການທີ່ພັກ, ລັດຖະບານວາງອອກ ເພື່ອພ້ອມກັນຜ່ານຜ່າຄວາມຫຍຸ້ງຍາກ; ໄດ້ເຄື່ອນໄຫວຊຸກຍູ້ປະຕິບັດຂະບວນການ ພ້ອມທັງເຂົ້າຮ່ວມພິທີປະກາດເມືອງອາດສະພອນ ເປັນເມືອງຈັດຕັ້ງປະຕິບັດຂະບວນການສ້າງຄອບຄົວ ແລະບ້ານສາມັກຄີປອງດອງ ເປັນເມືອງທີ 7 ຂອງແຂວງສະຫວັນນະເຂດ; ຈັດກອງປະຊຸມສະຫຼຸບ ແລະ ຖອດຖອນບົດຮຽນວຽກງານຊົນເຜົ່າ ແລະວຽກງານສ້າງຄອບຄົວ ແລະ ບ້ານສາມັກຄີປອງດອງປະຈຳປີ 2023 ແລະ ທິດທາງແຜນການປີ 2024; ກອງປະຊຸມຝຶກອົບຮົມວຽກງານຊົນເຜົ່າຂົງເຂດແນວລາວສ້າງຊາດຢູ່ເມືອງພີນ ແຂວງສະຫວັນນະເຂດ, ກອງປະຊຸມສະຫຼຸບຖອດຖອນບົດຮຽນວຽກງານຊົນເຜົ່າທົ່ວປະເທດປະຈໍາປີ 2023, ປະກາດຮັບຮອງໄດ້ 100.935 ຄອບຄົວ, 726 ບ້ານ ແລະ ຄົ້ນຄວ້າສະເໜີພິຈາລະນາປະກາດຮັບຮອງເມືອງຈັດຕັ້ງປະຕິບັດຂະບວນການສ້າງຄອບຄົວ ແລະ ບ້ານສາມັກຄີປອງດອງໄດ້ທັງໝົດ 17 ເມືອງ, ໃນ 8 ແຂວງຄື: ເມືອງໝອກ, ໜອງແຮດ, ແຂວງຊຽງຂວາງ, ເມືອງອານຸວົງ ແຂວງໄຊສົມບູນ, ເມືອງຄອບ ແລະ ຊຽງຮ່ອນ ແຂວງໄຊຍະບູລີ, ເມືອງທຸລະຄົມ, ວັງວຽງ ແຂວງວຽງຈັນ, ເມືອງນາກາຍ, ບົວລະພາ, ໄຊບົວທອງ, ເຊບັ້ງໄຟ ແຂວງຄໍາມ່ວນ, ເມືອງໄຊບູລີ, ຊົນນະບູລີ, ອາດສະພອນ ແລະ ນະຄອນໄກສອນ ພົມວິຫານ ແຂວງສະຫວັນນະເຂດ, ເມືອງອຸທຸມພອນ ແຂວງຈໍາປາສັກ, ແລະ ເມືອງສາມັກຄີໄຊ ແຂວງອັດຕະປື ເປັນເມືອງຈັດຕັ້ງປະຕິບັດຂະບວນການສ້າງຄອບຄົວ ແລະ ບ້ານສາມັກຄີປອງດອງ; ຄະນະທີ່ປືກສາວຽກງານຊົນເຜົ່າໄດ້ປະກອບສ່ວນທຶນເພື່ອຊ່ວຍເຫຼືອຍົກລະດັບຊີວິດການເປັນຢູ່ຂອງຊົນເຜົ່າກຣີ ຢູ່ເມືອງພຽງ ແຂວງໄຊຍະບູລີ;ຈັດກອງປະຊຸມພົບປະ ແລະ ສະຫຼຸບການຈັດຕັ້ງປະຕິບັດວຽກງານຄະນະທີ່ປຶກສາ ແລະ ຄູ່ຮ່ວມງານວຽກງານຊົນເຜົ່າປີ 2023 ແລະ ທິດທາງແຜນການປີ 2024; ສະເໜີຂໍໃບຍ້ອງຍໍທ່ານປະທານ ສນຊ ໃຫ້ແກ່ຫົວໜ້າຄະນະທີ່ປຶກສາວຽກງານຊົນເຜົ່າເນື່ອງຈາກມີຜົນງານໃນການສ້າງຫໍວາງສະແດງບັນດາເຜົ່າ.
ສຳລັບວຽກງານສາສະໜາ ກົມສາສະໜາຮ່ວມກັບສູນຄົ້ນຄວ້າ ແລະ ຝຶກອົບຮົມ ສນຊ ຈັດກອງປະຊຸມປຶກສາຫາລື ເພື່ອຄົ້ນຄວ້າສ້າງປຶ້ມສາສະໜາ ແລະ ຄວາມເຊື່ອຢູ່ ສປປ ລາວ;ຈັດກອງປະຊຸມສໍາມະນາກ່ຽວກັບພິທີກໍາທາງພຸດທະສາສະໜາ; ເຂົ້າຮ່ວມກອງປະຊຸມປຶກສາຫາລື ແລະ ຖອດຖອນບົດຮຽນກ່ຽວກັບການຮັບເອົາທຶນຊ່ວຍເຫຼືອຈາກອົງການສັນຕິ, ກອງປະຊຸມປຶກສາຫາລື ຜ່ານຂໍ້ກໍານົດຂອງກໍາມາທິການສາທາລະນຸປະການ, ກອງປະຊຸມປຶກສາຫາລື ການກະກຽມກອງປະຊຸມວຽກງານສາສະໜາ 6 ປະເທດ, ກອງປະຊຸມປຶກສາຫາລືກ່ຽວກັບການສ້າງດໍາລັດວ່າດ້ວຍບຸນປະເພນີ, ພິທີກໍາ ແລະງານສ້າງສັນ; ກອງປະຊຸມສໍາມະນາສ້າງຄວາມເຂັ້ມແຂງໃຫ້ແກ່ກໍາມາທິການເຜີຍແຜ່ສີລະທໍາ ແລະ ປະຕິບັດກໍາມະຖານທົ່ວປະເທດຂອງສູນກາງ ອົງການພຸດທະສາສະໜາແຫ່ງ ສປປ ລາວ; ເຂົ້າຮ່ວມແກ້ໄຂບັນຫາຫຍໍ້ທໍ້ຂອງສາສະໜາທີ່ເກີດຂຶ້ນຢູ່ທ້ອງຖິ່ນໂດຍໄດ້ລົງສໍາຫຼວດເກັບກໍາຂໍ້ມູນກ່ຽວກັບຂໍ້ຂັດແຍ່ງບັນຫາທີ່ດິນຂອງ ວັດປ່າພິລາວົງ ບຸດກັສສະກາຣາມ ແລະເຂົ້າຮ່ວມພິທີກໍາທາງສາສະໜາຕ່າງໆ,ຄະນະທີ່ປຶກສາວຽກງານສາສະໜາໄດ້ຕິດຕາມ ແລະໃຫ້ຄໍາປຶກສາລົງເກັບກໍາສະພາບຫາງສຽງສັງຄົມ ຜ່ານປະຊາຊົນຜູ້ເຊື່ອຖືສາສະໜາພຸດ ແລະສາສະໜາຕ່າງໆ; ເກັບກໍາສະພາບການຈັດຕັ້ງປະຕິບັດດໍາລັດ 315/ລບ; ຈັດກອງປະຊຸມສະຫຼຸບວຽກງານຂອງຄະນະທີ່ປຶກສາປະຈໍາປີ 2023 ແລະ ແຜນການເຄື່ອນໄຫວປະຈຳປີ 2024; ສໍາເລັດໂຄງການສ້າງຮູບຫຼໍ່ພະຍາຈັນທະບູລີ ປະສິດທິສັກ (ປູ່ບູລິຈັນອ້ວຍລ້ວຍ) ແລະ ໄດ້ຈັດພິທີປະດິດສະຖານໄວ້ທີ່ສວນສະພັງເລນ ທີ່ເມືອງໄຊເສດຖາ ນະຄອນຫຼວງວຽງຈັນ;ຄະນະທີ່ປຶກສາໄດ້ປະກອບທຶນຈັດຕັ້ງປະຕິບັດໂຄງການເຈາະນ້ຳບາດານ 5 ບໍ່ໃຫ້ສູນເສຍອົງຄະ 194, ມອບຄອມພິວເຕີ 1 ຊຸດ, ຜ້າຫົ່ມ 125 ຜືນ, ຜ້າແພເຊັດໂຕ 100 ຜືນ ແລະ ເຄື່ອງນຸ່ງຫົ່ມໃຫ້ສູນເສຍອົງຄະ 294 ແລະ ບ້ານເດັກ SOS ຢູ່ແຂວງຊຽງຂວາງ,ເຂົ້າຮ່ວມພິທີມອບ-ຮັບໂຮງຮຽນສົງ ທີ່ວັດໂນນຈໍາປາ ເມືອງໂພນທອງ ແຂວງ ຈໍາປາສັກ ໂດຍໄດ້ຮັບການສະໜັບສະໜູນທຶນຈາກຄອບຄົວທ່ານ ບຸນຈອມ ວົງເພັດ ກໍາມະການສູນກາງແນວລາວສ້າງຊາດຈໍານວນ 100 ກວ່າລ້ານກີບ, ທຶນປະກອບສ່ວນຈາກຊາວພຸດຜູ້ໃຈບຸນທັງຢູ່ນະຄອນຫຼວງວຽງຈັນ ແລະ ນະຄອນປາກເຊ.
ຄໍາເຫັນ