ແລະ ໜ້າທີ່ຢ່າງຕັ້ງໜ້າ ໂດຍສະເພາະແມ່ນ 6 ວຽກຈຸດສຸມ, ການສ້າງການຫັນປ່ຽນໃໝ່ໃນຂົງເຂດວຽກງານແນວລາວສ້າງຊາດ ແລະ ແຜນພັດທະນາຂອງຕົນປະກອບສ່ວນເຂົ້າໃນການຈັດຕັ້ງຜັນຂະຫຍາຍແຜນວຽກລວມຂອງສູນກາງພັກ, ລັດຖະບານ; ປະຊາຊົນບັນດາເຜົ່າ, ຊັ້ນຄົນ ແລະສາສະໜາຕ່າງໆມີຄວາມສາມັກຄີເປັນປຶກແຜ່ນ ພ້ອມກັນເຂົ້າຮ່ວມປະຕິບັດນະໂຍບາຍ ແລະ ແຜນວຽກທີ່ພັກ, ລັດຖະບານ ແລະ ອົງການປົກຄອງທ້ອງຖິ່ນວາງອອກເປັນຢ່າງດີ.
ຄຽງຄູ່ກັນນີ້, ໄດ້ເອົາໃຈໃສ່ຜັນຂະຫຍາຍມະຕິ, ຄໍາສັ່ງ, ຂໍ້ຕົກລົງຂອງສູນກາງພັກ, ລັດຖະບານ ແນວລາວສ້າງຊາດແຕ່ລະຂັ້ນໄດ້ຈັດຕັ້ງຜັນຂະຫຍາຍມະຕິກອງປະຊຸມໃຫຍ່ຄັ້ງທີ XI ຂອງພັກຕິດພັນກັບມະຕິກອງປະຊຸມໃຫຍ່ຄັ້ງທີ XI ຂອງແນວລາວສ້າງຊາດ,ຈັດຕັ້ງເຜີຍແຜ່,ເຊື່ອມຊຶມມະຕິກອງປະຊຸມຄົບຄະນະຄັ້ງທີ 6, 7 ແລະ 8 ຂອງຄະນະບໍລິຫານງານສູນກາງພັກ ສະໄໝທີ XI; ຈັດຕັ້ງປາຖະກະຖາເລົ່າມູນເຊື້ອຂອງພັກ, ຂອງຊາດແລະສາກົນ;ເຜີຍແຜ່ຄໍາສັ່ງ 411/ຄລສພ ແລະ ຄໍາແນະນໍາເລກທີ 211/ຄຈສພ ວ່າດ້ວຍການກະກຽມດໍາເນີນກອງປະຊຸມໃຫຍ່ 3 ຂັ້ນຂອງພັກ; ຄໍາສັ່ງ169/ຄລສພ ກ່ຽວກັບເພີ່ມທະວີການນໍາພາ-ຊີ້ນໍາ ຕໍ່ການເຄື່ອນໄຫວວຽກງານກວດກາ ແລະແກ້ໄຂຜົນການກວດກາ; ຄໍາແນະນໍາ 285/ຄກສພ ກ່ຽວກັບການກະກຽມ ແລະດໍາເນີນຊີວິດການເມືອງທ້າຍສະໄໝກອງປະຊຸມໃຫຍ່ 3 ຂັ້ນຂອງພັກ; ຄໍາແນະນໍາ 379/ຄກສພ ກ່ຽວກັບການປັບປຸງການຈັດຕັ້ງຄະນະກວດກາພັກ ແລະອົງການກວດກາລັດແຕ່ລະຂັ້ນ; ຄໍາແນະນໍາ 331/ອກຫລ ກ່ຽວກັບການຈັດຕັ້ງປະຕິບັດກົດໝາຍວ່າດ້ວຍການກວດກາລັດ(ສະບັບປັບປຸງ); ຂໍ້ຕົກລົງ 169/ນຍ ວ່າດ້ວຍການສະສາງລົດຂອງລັດ; ຈັດຕັ້ງເຜີຍແຜ່, ເຊື່ອມຊຶມ ແລະຄົ້ນຄວ້າຜັນຂະຫຍາຍມະຕິຂອງກົມການເມືອງສະບັບເລກທີ 04/ກມສພ ວ່າດ້ວຍການສ້າງເສດຖະກິດເອກະລາດເປັນເຈົ້າຕົນເອງໃນໄລຍະໃໝ່ໃນຂົງເຂດແນວລາວສ້າງຊາດ.
ຈັດກອງປະຊຸມສໍາມະນາພາຍໃນ ແລະຮ່ວມກັບສະມາຄົມຊາວກະສິກອນ ສສ ຫວຽດນາມ ແລະລາຍງານຕໍ່ກົມການເມືອງ-ຄະນະເລຂາທິການສູນກາງພັກ ກ່ຽວກັບຄວາມເປັນໄປໄດ້ໃນການສ້າງຕັ້ງສະຫະພັນຊາວກະສິກອນລາວ; ຈັດກອງປະຊຸມຄະນະຮັບຜິດຊອບລະດັບຊາດຂອງອະນຸກຳມະການໂຄສະນາ ແລະ ຂະບວນການກອງປະຊຸມໃຫຍ່ຄັ້ງທີ XII ຂອງພັກເພື່ອປຶກສາຫາລືກ່ຽວກັບແຜນວຽກ ແລະກົນໄກການຈັດຕັ້ງປະຕິບັດ; ປຶກສາຫາລື ແລະແນະນໍາການກະກຽມຂຽນບົດສະຫຼຸບ 40 ປີ ແຫ່ງການປ່ຽນແປງໃໝ່ຢູ່ສປປ ລາວ (ຂົງເຂດວຽກງານແນວໂຮມ ແລະອົງການຈັດຕັ້ງມະຫາຊົນ) ຮ່ວມກັບອົງການພາຄີ ແລະ ຈັດພິທີປາຖະກະຖາເລົ່າມູນເຊື້ອຂອງກອງທັບປະຊາຊົນລາວ ແລະເປັນເຈົ້າການຈັດກິດຈະກໍາຍ່າງເພື່ອສຸຂະພາບ ເນື່ອງໃນໂອກາດສະເຫຼີມສະຫຼອງວັນສ້າງຕັ້ງກອງທັບປະຊາຊົນລາວຄົບຮອບ 75 ປີ ແລະ ວັນເກີດປະທານ ຄໍາໄຕ ສີພັນດອນ ຄົບຮອບ 100 ປີ, ປາຖະກະຖາວັນສ້າງຕັ້ງພັກປະຊາຊົນລາວ ຄົບຮອບ 69 ປີ, ວັນເສຍອົງຄະ ແລະເສຍສະຫຼະຊີວິດເພື່ອປະເທດຊາດ ຄົບຮອບ 78 ປີ;ລົງຊຸກຍູ້ວຽກງານກົງຈັກ-ບຸກຄະລາກອນຕິດພັນກັບການກະກຽມດໍາເນີນກອງປະຊຸມໃຫຍ່ 3 ຂັ້ນຂອງແນວລາວສ້າງຊາດບັນດາແຂວງ-ນະຄອນຫຼວງ, ກະກຽມປະເມີນຂະບວນການແຂ່ງຂັນຮັກຊາດ ແລະພັດທະນາ ຂົງເຂດແນວລາວສ້າງຊາດ (9 ເນື້ອໃນ);ຈັດຕັ້ງປະຕິບັດຄໍາແນະນໍາເລກທີ 09/ຄປຈ, ລົງວັນທີ 1 ເມສາ 2022 ກ່ຽວກັບ 2 ວາລະແຫ່ງຊາດໃນຂົງເຂດແນວລາວສ້າງຊາດ, ເວົ້າສະເພາະ
ສນຊ ໄດ້ເອົາໃຈໃສ່ຄຸ້ມຄອງການນໍາໃຊ້ງົບປະມານ, ຊັບສິນຂອງລັດບົນຈິດໃຈປະຢັດ, ສົ່ງເສີມ ແລະນໍາໃຊ້ຜະລິດຕະພັນລາວ,ການຈັດປະຊຸມຕ່າງໆນໍາໃຊ້ສະຖານທີ່ຂອງຕົນເປັນຫຼັກ, ຕິດຕັ້ງລະບົບ TIMER ໃສ່ດອກໄຟໃນສໍານັກງານ; ຈັດຕັ້ງຜັນຂະຫຍາຍ ດໍາລັດ 599/ລບ ໂດຍໄດ້ສັງລວມບັນຊີພາຫະນະໃນການຄຸ້ມຄອງຂອງ ສນຊ ແລະບັນຊີພາຫະນະທີ່ອາຍຸການໃຊ້ງານເກີນ 10 ປີ ເພື່ອສົ່ງໃຫ້ກະຊວງການເງິນ ແລະຈັດຕັ້ງເຜີຍແຜ່ຂໍ້ຕົກລົງ ເລກທີ 169/ນຍ ວ່າດ້ວຍການສະສາງລົດຂອງລັດ; ແນວລາວສ້າງຊາດ ໄດ້ເຂົ້າຮ່ວມຈັດຕັ້ງປະຕິບັດແຜນພັດທະນາເສດຖະກິດ-ສັງຄົມຂອງລັດຖະບານ, ຂອງອົງການປົກຄອງທ້ອງຖິ່ນ ແລະອື່ນໆ.
ຄໍາເຫັນ