ສອງພາກສ່ວນມອບເຄື່ອງຊ່ວຍເຫຼືອປະຊາຊົນຜູ້ປະສົບໄພນໍ້າຖ້ວມຢູ່ແຂວງຄໍາມ່ວນ.

ໃນວັນດຽວກັນນີ້, ບໍລິສັດລັດວິສາຫະກິດໄຟຟ້າລາວສາຂາຄໍາມ່ວນ ຍັງໄດ້ມອບເງິນຈໍານວນ 10 ລ້ານກີບ, ມອບໂດຍ ທ່ານ ບາຄໍາ ໄຊຍະຈັກ ຫົວໜ້າບໍລິສັດດັ່ງກ່າວ ເພື່ອປະກອບສ່ວນຊຸກຍູ້ແບ່ງເບົາ ແລະ ເປັນກຳລັງໃຈແກ່ຜູ້ທີ່ໄດ້ຮັບຜົນກະທົບຈາກໄພພິບັດທີ່ເກີດໃນທົ່ວແຂວງມາຮອດວັນທີ 31 ກໍລະກົດ ມີທັງໝົດຈໍານວນ 181 ບ້ານ, ມີ 7,227 ຄອບຄົວ, ເສຍຊີວິດ 1 ຄົນ, ມີເນື້ອທີ່ນາປີຂອງປະຊາຊົນຖືກນໍ້າຖ້ວມມີ 9,398 ເຮັກຕາ, ເນື້ອທີ່ສວນຖືກນໍ້າຖ້ວມ 236 ເຮັກຕາ, ມາຮອດປັດຈຸບັນ ມີເນື້ອທີ່ເສຍ ຫາຍແລ້ວ 3,388 ເຮັກຕາ, ເສັ້ນທາງຖືກນໍ້າຖ້ວມເສຍຫາຍຈໍານວນ 51 ເສັ້ນ, ຂົວຖືກນໍ້າເຊາະເຈື່ອນເສຍຫາຍ 11 ຈຸດ, ຊົນລະປະທານເສຍຫາຍ 4 ແຫ່ງ ແລະ ໜອງປາຈໍານວນໜຶ່ງ. ສ່ວນການຮັບບໍລິຈາກແມ່ນຍັງສືບຕໍ່ໄປເລື້ອຍໆ ສໍາລັບຜູ້ທີ່ສົນໃຈຢາກຈະປະກອບສ່ວນສາມາດເຂົ້າຮ່ວມການບໍລິຈາກໄດ້ທີ່ຫ້ອງວ່າການແຂວງຄຳມ່ວນ ຫຼື ຕິດຕໍ່ທາງກອງເລຂາໄດ້ທີ່ເບີໂທລະສັບ 020 55755626 ແລະ ເບີ 02058823499

(ຂ່າວ: ມະນີວັນ)