ໂດຍ: ວັນເພັງ
ປັດຈຸບັນສູນຮັບແຈ້ງເຫດ-ສັ່ງການ ຫຼື ສູນ CCC ສາຍດ່ວນ 1195 ມີຄວາມພ້ອມຮອບດ້ານ ເພື່ອບໍລິການຄົນເຈັບເວລາເກີດອຸບັດເຫດ ຫຼື ເກີດເຫດສຸກເສີນ ໃນໄລຍະບຸນອອກພັນສາປະວໍລະນາ ແລະ ບຸນຊ່ວງເຮືອທ່າວັດຈັນປະຈຳປີ 2023 ນີ້ ໂດຍບໍ່ເສຍຄ່າ ໂດຍສະເພາະການບໍລິການນໍາສົ່ງຄົນເຈັບໃຫ້ມາເຖິງໂຮງໝໍຕາມຈຸດໝາຍປາຍທາງໃຫ້ທັນເວລາ.
ທ່ານ ສອນໄຊ ລາດຊະວົງ ຜູ້ອຳນວຍການໂຮງໝໍມິດຕະພາບ ໄດ້ໃຫ້ສຳພາດຕໍ່ສື່ມວນຊົນ ໃນວັນທີ 26 ຕຸລານີ້ວ່າ: ປັດຈຸບັນ ສູນ CCC ມີຄວາມພ້ອມຮອບດ້ານ ໃນການທີ່ຊ່ວຍເຫຼືອ, ເບິ່ງ ແຍງຄົນເຈັບຜູ້ທີ່ເກີດອຸບັດເຫດຕາມທ້ອງຖະໜົນໃນໄລຍະງານບຸນດັ່ງກ່າວ ແລະ ອື່ນໆ ເປັນຕົ້ນມີຄວາມພ້ອມດ້ານບຸກຄະລາກອນ (ພະນັກງານກູ້ໄພ), ມີທີມແພດໝໍ, ລົດພາຫະນະ (ລົດກູ້ໄພ) ພ້ອມໃຫ້ບໍລິການພຽງພໍ ເພື່ອຊ່ວຍປິ່ນປົວຄົນເຈັບໃນເບື້ອງຕົ້ນທີ່ເກີດອຸບັດເຫດ ແລະ ນໍາສົ່ງຄົນເຈັບເຖິງໂຮງໝໍໃຫ້ທັນເວລາ.
ສູນ CCC ເປັນສູນຮັບແຈ້ງເຫດການສຸກເສີນ ແຫ່ງດຽວໃນ ສປປ ລາວ ທີ່ຂຶ້ນກັບໂຮງໝໍມິດຕະພາບໂດຍກົງ ແລະ ມີສະຖານທີ່ຕັ້ງຢູ່ໂຮງໝໍມິດຕະພາບ ໂດຍມີພາລະບົດບາດໃນການສັ່ງການໃຫ້ລົດກູ້ໄພຂອງ 5 ໜ່ວຍງານອອກຮັບເຫດ ໃນ ນວ ມີ: ໜ່ວຍກູ້ໄພຊ່ວຍເຫຼືອຄົນທຸກຍາກ 1623, ໜ່ວຍກູ້ໄພນະຄອນຫຼວງວຽງຈັນ 1624, ໜ່ວຍກູ້ໄພກາແດງ 1625, ໜ່ວຍກູ້ໄພມູນນິທິຈີນ 1628, ໜ່ວຍກູ້ໄພຮ່ວມໃຈ 1630. ພ້ອມນັ້ນ, ການກໍ່ຕັ້ງສູນດັ່ງກ່າວຂຶ້ນມາ ຍ້ອນໃນໄລຍະຜ່ານມາ ມີອົງການຈັດຕັ້ງຈໍານວນຫຼາຍທີ່ໃຫ້ບໍລິການສຸກເສີນນອກໂຮງໝໍເປັນຕົ້ນ ການນຳສົ່ງຄົນເຈັບອຸບັດເຫດ ແລະ ການປະຖົມພະຍາບານນອກໂຮງໝໍແມ່ນປະກອບດ້ວຍ ອາສາສະໝັກສ່ວນບຸກຄົນ, ແຕ່ລະໜ່ວຍງານ ແມ່ນມີເບີໂທສຸກເສີນທີ່ແຕກຕ່າງກັນ. ດັ່ງນັ້ນ, ລົດກູ້ໄພຫຼາຍຄັນຈຶ່ງມັກຈະຖືກສົ່ງຊ້ຳຊ້ອນໄປຈຸດເກີດເຫດບ່ອນດຽວກັນໃນເວລາດຽວກັນ ຊຶ່ງເຮັດໃຫ້ພົບບັນຫາ ແລະ ຄວາມຫຍຸ້ງຍາກໃນການນໍາສົ່ງຄົນເຈັບໄປຍັງສະຖານທີ່ບໍລິການ. ສູນດັ່ງກ່າວແມ່ນໄດ້ຮັບການສະໜັບສະໜູນຈາກປະເທດຍີ່ປຸ່ນ ຊຶ່ງເປັນສ່ວນໜຶ່ງຂອງໂຄງການຮ່ວມມືໄຈກາ (JICA) ທີ່ມີຊື່ວ່າໂຄງການຢຸດຕິການເພີ່ມຂຶ້ນຂອງການເສຍຊີວິດຈາກອຸບັດຕິເຫດ ໂດຍການພັດທະນາບໍລິການການແພດສຸກເສີນ ແລະ ມາດຕະການຄວາມປອດໄພຕາມທ້ອງຖະໜົນ (ໂຄງການSAFER). ອົງການຈັດຕັ້ງທີ່ມີບົດບາດສໍາຄັນໃນໂຄງການນີ້ແມ່ນໂຮງໝໍມິດຕະພາບ, ມະຫາວິທະຍາໄລ Tsukuba (ຍີ່ປຸ່ນ) ແລະ ສະຖາບັນຄົ້ນຄວ້າລະບົບສັງຄົມຂອງຍີ່ປຸ່ນ (JRISS). ໂຄງການນີ້ຍັງໄດ້ຮັບການສະໜັບສະໜູນຈາກອົງການຮ່ວມມືສາກົນຍີ່ປຸ່ນ JICA ແລະ ໂຮງໝໍມິດຕະພາບ ຊຶ່ງເປັນພາກສ່ວນທີ່ມີບົດບາດຫຼັກໃນໂຄງການນີ້ເຊັ່ນດຽວກັນ. ພ້ອມນັ້ນ, ສູນ CCC ຍັງມີພາລະບົດບາດສຳຄັນຫຼາຍ ສ້າງຂຶ້ນເພື່ອປະສານງານ ແລະ ອໍານວຍຄວາມສະດວກໃນການນຳສົ່ງຄົນເຈັບໃຫ້ມີປະສິດທິພາບ. ນອກນີ້, ການເອົາລະບົບສະໜັບສະໜູນວຽກງານການແພດສຸກເສີນ (EMS Support System, ລະບົບ ESS) ເຂົ້າມານຳໃຊ້ ໃນສູນ CCC ແມ່ນ ຍັງສາມາດຊ່ວຍໃຫ້ໂຮງໝໍກາງ 3 ແຫ່ງຄື: ໂຮງໝໍມິດຕະພາບ, ໂຮງໝໍເຊດຖາທິຣາດ, ໂຮງໝໍມະໂຫສົດ ແລະ ໜ່ວຍກູ້ໄພ 5 ໜ່ວຍ ຍັງສາມາດສົ່ງຕໍ່ (Share) ຂໍ້ມູນຜູ້ບາດເຈັບ ແລະ ເຈັບປ່ວຍ. ໃນນັ້ນ, ທີ່ຕັ້ງຂອງລົດກູ້ໄພ ພ້ອມທັງສາມາດອອກມາດຕະການທີ່ມີປະສິດທິພາບໂດຍການວິເຄາະຂໍ້ມູນທີ່ສະສົມໃນລະບົບໄດ້. ສະນັ້ນ, ຈະເປັນຜົນດີເຮັດໃຫ້ໄລຍະເວລາທີ່ໃຊ້ທັງໝົດໃນການນຳສົ່ງຄົນເຈັບກໍຈະສັ້ນລົງ ແລະ ບັນດາໂຮງໝໍກໍຈະມີເວລາໃນການກະກຽມການປິ່ນປົວສຳລັບຄົນເຈັບທີ່ຈະຖືກສົ່ງມາຢ່າງມີປະສິດຕິພາບ ທັງຫຼຸດຜ່ອນການເສຍຊີວິດກໍຄືການປິ່ນປົວຄົນເຈັບໃຫ້ທັນເວລາຫຼັງຄົນເຈັບເກີດອຸບັດເຫດລວມທັງໄລຍະການນຳສົ່ງມາໂຮງໝໍໃຫ້ທັນເວລາ.
ທ່ານ ສອນໄຊ ລາດຊະວົງ ຍັງຝາກເຖິງທຸກທ່ານທົ່ວສັງຄົມ ກໍຄືປະຊາຊົນທຸກທົ່ວໜ້າ ທີ່ໃຊ້ລົດໃຊ້ຖະໜົນຮ່ວມກັນ ໃນໄລຍະບຸນອອກພັນສາປະວໍລະນາ ແລະ ບຸນຊ່ວງເຮືອທ່ານວັດຈັນ ກໍຄືໄລຍະເວລາໃດກໍຕາມ ຈົ່ງພ້ອມກັນມີສະຕິ, ຮູ້ຈັກຜ່ອນສັ້ນ-ຜ່ອນຍາວໃຫ້ກຽດຊຶ່ງກັນ ແລະ ກັນ, ຄອຍໄປຄອຍມາ. ແນນອນແລ້ວຖ້າເກີດອຸບັດເຫດແລ້ວຈະນຳຄວາມສູນເສຍທາງດ້ານຊັບສິນ, ເສຍເວລາ, ພາຫະນະເປ່ເພ່, ບາດເຈັບ ແລະ ເສຍຊີວິດຕາມມາ. ພ້ອມນັ້ນ, ຖ້າຫາກເກີດມີອຸບັດເຫດຕ້ອງໂທຫາ ສູນຮັບແຈ້ງເຫດ-ສັ່ງການ ສາຍດ່ວນ 1195 ຈະມີພະນັກງານຢູ່ປະຈຳ, ມີພະນັກງານຮັບສາຍໂທລະ ສັບ ພ້ອມໃຫ້ບໍລິການຕະຫຼອດ 24 ຊົ່ວໂມງ.
ທ່ານ ສອນໄຊ ລາດຊະວົງ ຜູ້ອຳນວຍການໂຮງໝໍມິດຕະພາບ ໄດ້ໃຫ້ສຳພາດຕໍ່ສື່ມວນຊົນ ໃນວັນທີ 26 ຕຸລານີ້ວ່າ: ປັດຈຸບັນ ສູນ CCC ມີຄວາມພ້ອມຮອບດ້ານ ໃນການທີ່ຊ່ວຍເຫຼືອ, ເບິ່ງ ແຍງຄົນເຈັບຜູ້ທີ່ເກີດອຸບັດເຫດຕາມທ້ອງຖະໜົນໃນໄລຍະງານບຸນດັ່ງກ່າວ ແລະ ອື່ນໆ ເປັນຕົ້ນມີຄວາມພ້ອມດ້ານບຸກຄະລາກອນ (ພະນັກງານກູ້ໄພ), ມີທີມແພດໝໍ, ລົດພາຫະນະ (ລົດກູ້ໄພ) ພ້ອມໃຫ້ບໍລິການພຽງພໍ ເພື່ອຊ່ວຍປິ່ນປົວຄົນເຈັບໃນເບື້ອງຕົ້ນທີ່ເກີດອຸບັດເຫດ ແລະ ນໍາສົ່ງຄົນເຈັບເຖິງໂຮງໝໍໃຫ້ທັນເວລາ.
ສູນ CCC ເປັນສູນຮັບແຈ້ງເຫດການສຸກເສີນ ແຫ່ງດຽວໃນ ສປປ ລາວ ທີ່ຂຶ້ນກັບໂຮງໝໍມິດຕະພາບໂດຍກົງ ແລະ ມີສະຖານທີ່ຕັ້ງຢູ່ໂຮງໝໍມິດຕະພາບ ໂດຍມີພາລະບົດບາດໃນການສັ່ງການໃຫ້ລົດກູ້ໄພຂອງ 5 ໜ່ວຍງານອອກຮັບເຫດ ໃນ ນວ ມີ: ໜ່ວຍກູ້ໄພຊ່ວຍເຫຼືອຄົນທຸກຍາກ 1623, ໜ່ວຍກູ້ໄພນະຄອນຫຼວງວຽງຈັນ 1624, ໜ່ວຍກູ້ໄພກາແດງ 1625, ໜ່ວຍກູ້ໄພມູນນິທິຈີນ 1628, ໜ່ວຍກູ້ໄພຮ່ວມໃຈ 1630. ພ້ອມນັ້ນ, ການກໍ່ຕັ້ງສູນດັ່ງກ່າວຂຶ້ນມາ ຍ້ອນໃນໄລຍະຜ່ານມາ ມີອົງການຈັດຕັ້ງຈໍານວນຫຼາຍທີ່ໃຫ້ບໍລິການສຸກເສີນນອກໂຮງໝໍເປັນຕົ້ນ ການນຳສົ່ງຄົນເຈັບອຸບັດເຫດ ແລະ ການປະຖົມພະຍາບານນອກໂຮງໝໍແມ່ນປະກອບດ້ວຍ ອາສາສະໝັກສ່ວນບຸກຄົນ, ແຕ່ລະໜ່ວຍງານ ແມ່ນມີເບີໂທສຸກເສີນທີ່ແຕກຕ່າງກັນ. ດັ່ງນັ້ນ, ລົດກູ້ໄພຫຼາຍຄັນຈຶ່ງມັກຈະຖືກສົ່ງຊ້ຳຊ້ອນໄປຈຸດເກີດເຫດບ່ອນດຽວກັນໃນເວລາດຽວກັນ ຊຶ່ງເຮັດໃຫ້ພົບບັນຫາ ແລະ ຄວາມຫຍຸ້ງຍາກໃນການນໍາສົ່ງຄົນເຈັບໄປຍັງສະຖານທີ່ບໍລິການ. ສູນດັ່ງກ່າວແມ່ນໄດ້ຮັບການສະໜັບສະໜູນຈາກປະເທດຍີ່ປຸ່ນ ຊຶ່ງເປັນສ່ວນໜຶ່ງຂອງໂຄງການຮ່ວມມືໄຈກາ (JICA) ທີ່ມີຊື່ວ່າໂຄງການຢຸດຕິການເພີ່ມຂຶ້ນຂອງການເສຍຊີວິດຈາກອຸບັດຕິເຫດ ໂດຍການພັດທະນາບໍລິການການແພດສຸກເສີນ ແລະ ມາດຕະການຄວາມປອດໄພຕາມທ້ອງຖະໜົນ (ໂຄງການSAFER). ອົງການຈັດຕັ້ງທີ່ມີບົດບາດສໍາຄັນໃນໂຄງການນີ້ແມ່ນໂຮງໝໍມິດຕະພາບ, ມະຫາວິທະຍາໄລ Tsukuba (ຍີ່ປຸ່ນ) ແລະ ສະຖາບັນຄົ້ນຄວ້າລະບົບສັງຄົມຂອງຍີ່ປຸ່ນ (JRISS). ໂຄງການນີ້ຍັງໄດ້ຮັບການສະໜັບສະໜູນຈາກອົງການຮ່ວມມືສາກົນຍີ່ປຸ່ນ JICA ແລະ ໂຮງໝໍມິດຕະພາບ ຊຶ່ງເປັນພາກສ່ວນທີ່ມີບົດບາດຫຼັກໃນໂຄງການນີ້ເຊັ່ນດຽວກັນ. ພ້ອມນັ້ນ, ສູນ CCC ຍັງມີພາລະບົດບາດສຳຄັນຫຼາຍ ສ້າງຂຶ້ນເພື່ອປະສານງານ ແລະ ອໍານວຍຄວາມສະດວກໃນການນຳສົ່ງຄົນເຈັບໃຫ້ມີປະສິດທິພາບ. ນອກນີ້, ການເອົາລະບົບສະໜັບສະໜູນວຽກງານການແພດສຸກເສີນ (EMS Support System, ລະບົບ ESS) ເຂົ້າມານຳໃຊ້ ໃນສູນ CCC ແມ່ນ ຍັງສາມາດຊ່ວຍໃຫ້ໂຮງໝໍກາງ 3 ແຫ່ງຄື: ໂຮງໝໍມິດຕະພາບ, ໂຮງໝໍເຊດຖາທິຣາດ, ໂຮງໝໍມະໂຫສົດ ແລະ ໜ່ວຍກູ້ໄພ 5 ໜ່ວຍ ຍັງສາມາດສົ່ງຕໍ່ (Share) ຂໍ້ມູນຜູ້ບາດເຈັບ ແລະ ເຈັບປ່ວຍ. ໃນນັ້ນ, ທີ່ຕັ້ງຂອງລົດກູ້ໄພ ພ້ອມທັງສາມາດອອກມາດຕະການທີ່ມີປະສິດທິພາບໂດຍການວິເຄາະຂໍ້ມູນທີ່ສະສົມໃນລະບົບໄດ້. ສະນັ້ນ, ຈະເປັນຜົນດີເຮັດໃຫ້ໄລຍະເວລາທີ່ໃຊ້ທັງໝົດໃນການນຳສົ່ງຄົນເຈັບກໍຈະສັ້ນລົງ ແລະ ບັນດາໂຮງໝໍກໍຈະມີເວລາໃນການກະກຽມການປິ່ນປົວສຳລັບຄົນເຈັບທີ່ຈະຖືກສົ່ງມາຢ່າງມີປະສິດຕິພາບ ທັງຫຼຸດຜ່ອນການເສຍຊີວິດກໍຄືການປິ່ນປົວຄົນເຈັບໃຫ້ທັນເວລາຫຼັງຄົນເຈັບເກີດອຸບັດເຫດລວມທັງໄລຍະການນຳສົ່ງມາໂຮງໝໍໃຫ້ທັນເວລາ.
ທ່ານ ສອນໄຊ ລາດຊະວົງ ຍັງຝາກເຖິງທຸກທ່ານທົ່ວສັງຄົມ ກໍຄືປະຊາຊົນທຸກທົ່ວໜ້າ ທີ່ໃຊ້ລົດໃຊ້ຖະໜົນຮ່ວມກັນ ໃນໄລຍະບຸນອອກພັນສາປະວໍລະນາ ແລະ ບຸນຊ່ວງເຮືອທ່ານວັດຈັນ ກໍຄືໄລຍະເວລາໃດກໍຕາມ ຈົ່ງພ້ອມກັນມີສະຕິ, ຮູ້ຈັກຜ່ອນສັ້ນ-ຜ່ອນຍາວໃຫ້ກຽດຊຶ່ງກັນ ແລະ ກັນ, ຄອຍໄປຄອຍມາ. ແນນອນແລ້ວຖ້າເກີດອຸບັດເຫດແລ້ວຈະນຳຄວາມສູນເສຍທາງດ້ານຊັບສິນ, ເສຍເວລາ, ພາຫະນະເປ່ເພ່, ບາດເຈັບ ແລະ ເສຍຊີວິດຕາມມາ. ພ້ອມນັ້ນ, ຖ້າຫາກເກີດມີອຸບັດເຫດຕ້ອງໂທຫາ ສູນຮັບແຈ້ງເຫດ-ສັ່ງການ ສາຍດ່ວນ 1195 ຈະມີພະນັກງານຢູ່ປະຈຳ, ມີພະນັກງານຮັບສາຍໂທລະ ສັບ ພ້ອມໃຫ້ບໍລິການຕະຫຼອດ 24 ຊົ່ວໂມງ.
ຄໍາເຫັນ