ສູນຝຶກຄົນພິການເປັນສ່ວນໜຶ່ງທີ່ສຳຄັນທາງສັງຄົມ

ສູນຝຶກຄົນພິການປັກກິ່ງ ຫຸ້ຍອ້າຍ (Hui’ai) ຕັ້ງຢູ່ເມືອງເຝິງຖ້າຍ ນະຄອນຫຼວງປັກກິ່ງ ມີພື້ນທີ່ທັງໝົດ 33.200 ຕາລາງແມັດ ເປີດຢ່າງເປັນທາງການໃນເດືອນມີນາ ປີ 2022 ແລະ ໄດ້ຮັບການພັດທະນາຂຶ້ນຈາກສະຫະພັນຄົນພິການປັກກິ່ງ ເປັນສະຖານທີ່ດູແລ ແລະ ຝຶກອົບຮົມຂອງຄົນພິການລະດັບແຂວງທີ່ມີຄວາມຊ່ຽວຊານແລະ ເອົາໃຈໃສ່ໃນລະດັບສູງສຸດໃນຈີນ. ນອກຈາກນີ້, ຍັງເຮັດໜ້າທີ່ເປັນແບບຈຳລອງຂອງການສາທິດລະດັບຊາດ ສຳລັບການສ້າງສະພາບແວດລ້ອມທີ່ເຂົ້າເຖິງໄດ້ ແລະ ເປັນບ່ອນແລກປ່ຽນຮ່ວມມືລະຫວ່າງປະເທດຂອງຄົນພິການ.

ໃນສູນຝຶກດັ່ງກ່າວແມ່ນໄດ້ຝຶກອາຊີບຫຼາຍກວ່າ 10 ປະເພດ ແລະ ການຟື້ນຟູສະມັດຖະພາບທາງອາຊີບ ເຊັ່ນ: ການເບິ່ງແຍງທີ່ຢູ່ອາໄສໄລຍະສັ້ນ, ການຟື້ນຟູສະມັດຖະພາບເດັກນ້ອຍ, ການຟື້ນຟູສະມັດຖະພາບຜູ້ໃຫຍ່, ການຝຶກອົບຮົມດ້ານອາຊີບ, ການອົບຮົມດ້ານສິລະປະ, ການເປີດຮູບເງົາລວມໝູ່ ແລະ ການແລກປ່ຽນກ່ຽວກັບການສະແດງຕ່າງໆ, ໃນໄລຍະ 3 ປີທີ່ຜ່ານມາທາງສູນດັ່ງກ່າວໄດ້ຝຶກອົບຮົມໃຫ້ຄົນພິການຫຼາຍກວ່າ 200.000 ຄົນ ຊຶ່ງເປັນທີ່ຍອມຮັບຂອງສັງຄົມວ່າເປັນໜຶ່ງໃນສິບອັນອັນດັບທີ່ໄດ້ຮັບລາງວັນລະດັບຊາດດ້ານຄວາມເປັນເລີດ ແລະ ໄດ້ຮັບເຄື່ອງເຕັກກໂນໂລຊີ ຈາກພາຍໃນ ແລະ ຕ່າງປະເທດ ຫຼາຍກວ່າ 60 ປະເພດ ເພື່ອສົ່ງເສີມການປ່ຽນແປງຂອງຄວາມສຳເລັດທາງວິທະຍາສາດ ແລະ ເຕັກໂນໂລຊີ ເພື່ອອຳນວຍຄວາມສະດວກໃຫ້ແກ່ການດຳລົງຊີວິດການເຮັດວຽກ ແລະ ສ່ວນຮ່ວມທາງສັງຄົມຂອງຜູ້ພິການ.

ນັບຕັ້ງແຕ່ໄດ້ດຳເນີນການ 3 ປີຜ່ານມາ ສູນດັ່ງກ່າວໄດ້ມີສ່ວນຮ່ວມໃນການພັດທະນາຂອງປັກກິ່ງໃນຖາ ນະສູນກາງການລຽກປ່ຽນລະຫວ່າງປະເທດ ຕໍ່ມາໄດ້ເປັນເຈົ້າພາບຈັດກອງປະຊຸມສະເພາະວຽກງານຄົນພິການພາຍໃຕ້ໂຄງການລິເລິ່ມ “ໜຶ່ງແລວ ໜຶ່ງເສັ້ນທາງ” ແລະ ໄດ້ຮັບຄະນະຜູ້ແທນຕ່າງປະເທດ 29 ຄະນະ ລວມເຖິງຄະນະຜູ້ແທນຈາກ ສະຫະລັດ ອາເມຣິກາ, ນອກຈາກນີ້ທາງສູນຍັງໄດ້ເຊື່ອມໂຍງຊັບພະຍາກອນທາງສັງຄົມຢ່າງກວ້າງ ຂວາງເພື່ອຄວາມຮ່ວມມືສຳເລັດຮູບແບບບໍລິການສາທາລະນະຢ່າງຕໍ່ເນື່ອງ ແລະ ໄດ້ຈັດຕັ້ງທີມອາສາສະໝັກເພື່ອສະໜັບສະໜູນຄົນພິການດຳເນີນໂຄງການບໍລິການສະຫວັດດີການສະທາລະນະເຊັ່ນ; ການຮຽນຮູ້ຂອງຫຸ້ຍອ້າຍ, ກາຟ້ອນຂອງຫຸ້ຍອ້າຍ, ເຮືອນຄົວຂອງຫຸ້ຍອ້າຍ ແລະ ວິສາຫະກິດເພື່ອຫຸ້ຍອ້າຍ. ເປັນຜູ້ນຳ ແລະ ສະໜັບສະໜູນໃຫ້ທຸກຄົນຈາກທຸກພາກສ່ວນຂອງສັງຄົມບູລະນະ ແລະ ແບ່ງປັນຄວາມກ້າວໜ້າທາງສັງຄົມຮ່ວມກັບຄົນພິການ.