 |
ໃນໂອກາດອັນເປັນສິລິມຸງຄຸນນີ້ ຄະນະຜູ້ບໍລິຫານ ພ້ອມດ້ວຍພະນັກງານ ແລະ ຄູ່ຮ່ວມງານ ໄດ້ຮ່ວມກັນຈັດພິທີໃສ່ບາດ ແລະ ພິທີສູ່ຂວັນຕາມຮີດຄອງປະເພນີ ເພື່ອຄວາມເປັນສິລິມຸງຄຸນ ແລະ ຄວາມຈະເລີນຮຸ່ງເຮືອງຂອງທຸລະກິດ, ເພື່ອເປັນການຕອບແທນ ແລະ ຄືນກຳໄລໃຫ້ແກ່ລູກຄ້າທີ່ໃຫ້ການສະ ໜັບສະໜູນຕະຫຼອດ 11 ປີທີ່ຜ່ານມາ ທາງສູນການຄ້າໄດ້ເປີດຕົວແຄມເປນໃຫຍ່ ດ້ວຍຂອງລາງວັນລວມມູນຄ່າສູງເຖິງ 1,111,000.,000 ກີບ ດ້ວຍການຈັດຫຼາຍກິດຈະກຳຄື ສ່ວນຫຼຸດພິເສດ ລູກຄ້າທີ່ຊື້ສິນຄ້າພາຍໃນ Department Store ຈະໄດ້ຮັບສ່ວນຫຼຸດສູງສຸດເຖິງ 80% ສົມມະນາຄຸນຄູປອງ ເມື່ອຊື້ສິນຄ້າຄົບ 1 ລ້ານກີບ ຮັບທັນທີຄູປອງແທນເງິນສົດມູນຄ່າ 100,000 ກີບ.
ສິດທິພິເສດສຳລັບສະມາຊິກ V-Card ໃນຊ່ວງເວລາ Night Sale (17:00 – 21:00 ໂມງ)ສະມາຊິກຈະໄດ້ຮັບຄະແນນສະສົມຄູນ 2 ເທົ່າ, ລາງວັນ Top Spender: ສຳລັບຜູ້ທີ່ມີຍອດຊື້ສູງສຸດ ຈະມີການແຈກລາງວັນທັງແບບລາຍວັນ (ທຸກວັນທີ 11 ຂອງເດືອນ) ລາຍເດືອນ ແລະ ລາງວັນໃຫຍ່ປະຈຳປີ 2026 ຊຶ່ງມີຂອງລາງວັນອັນມີຄ່າຫຼາຍລາຍການ ເຊັ່ນ: ລົດຈັກໄຟຟ້າ Yadea GT35 ເຄື່ອງໃຊ້ໄຟຟ້າ ແລະ ຊຸດເຄື່ອງນອນຍີ່ຫໍ້ດັງ, ກິດຈະກຳ Lucky Draw ລູກຄ້າທີ່ມີຍອດຊື້ຄົບ 1 ລ້ານກີບ ມີສິດລຸ້ນຮັບເຄື່ອງຊັກຜ້າ, ພັດລົມ ແລະ ລາງວັນອື່ນໆອີກຫຼາກຫຼາຍ.
 |
ນອກຈາກກິດຈະກຳສົ່ງເສີມການຂາຍແລ້ວ ສູນການຄ້າ ວຽງຈັນເຊັນເຕີ ຍັງໄດ້ສະແດງຄວາມຮັບຜິດຊອບຕໍ່ສັງຄົມ ໂດຍຮ່ວມກັບອົງການກາແດງແຫ່ງຊາດລາວ ຈັດກິດຈະກຳບໍລິຈາກເລືອດ ພາຍໃຕ້ໂຄງການ “ໃຈອາສາ ບໍລິຈາກເລືອດເທົ່າກັບໃຫ້” ເພື່ອເປັນການຊ່ວຍເຫຼືອເພື່ອນມະນຸດ ແລະ ຕໍ່ຍອດຊີວິດໃຫ້ແກ່ຜູ້ທີ່ຕ້ອງການເລືອດໃນສັງຄົມ.
ຂ່າວ-ພາບ: ບຸນອູ້ມ
ຄໍາເຫັນ