ສູນພັດທະນາບໍລິການກະສິກຳ-ປ່າໄມ້ໜອງເຕົ່າແຂວງສະຫວັນນະເຂດ, ໂດຍໄດ້ຮັບການສະໜັບສະໜູນຈາກມູນນິທິໄຊພັດທະນາຣາຊະອານາຈັກໄທໄດ້ຈັດກິດຈະກຳການບໍລິການໃຫ້ຄຳແນະນຳທາງດ້ານເຕັກນິກວິຊາການກະສິກຳຂຶ້ນໃນວັນທີ 3 ພະຈິກ ຜ່ານມາທີ່ໂຮງຮຽນປະຖົມບ້ານຄຳຊັນເມືອງໄຊພູທອງແຂວງສະຫວັນນະເຂດ. ໂດຍການໃຫ້ກຽດເຂົ້າຮ່ວມຂອງທ່ານນາງຫຼິງທອງແສງຕາວັນຮອງເຈົ້າແຂວງສະຫວັນນະເຂດ, ທ່ານນາງດາວວອນໄຊສຸລຽນເຈົ້າເມືອງໄຊພູທອງ, ທ່ານນາງທິນິຍາປານມະນີຮອງກົງສູນໃຫຍ່ ແຫ່ງຣາຊະອານາຈັກໄທ ປະຈໍາແຂວງສະຫວັນນະເຂດ, ຈາກນັ້ນກໍມີພະແນກການທີ່ກ່ຽວຂ້ອງ, ບັນດາຫົວໜ້າຫ້ອງການຕ່າງໆຂອງເມືອງໄຊພູທອງພ້ອມດ້ວຍພໍ່ແມ່ປະຊາຊົນບ້ານຄຳຊັນເຂົ້າຮ່ວມ.
ທ່ານສຸລິພອນພິມມະຈັກຫົວໜ້າສູນພັດທະນາແລະບໍລິການກະສິກຳ-ປ່ໄມ້ໜອງເຕົ່າໄດ້ລາຍງານໃຫ້ຮູ້ວ່າ: ຈຸດປະສົງຂອງການຈັດກິດຈະກຳຄັ້ງນີ້ກໍ່ເພື່ອໃຫ້ຄວາມຮູ້ ແລະເປັນແນວທາງໃນການຜະລິດກະສິກຳຢ່າງຖືກຕ້ອງ ຮູ້ໄດ້ເຖິງຫຼັກການໃນການຜະລິດກະສິກຳ, ເພີ່ມຜົນຜະລິດທາງດ້ານສະບຽງອາຫານ, ກຸ້ມກິນ, ເຫຼືອ ແລະຂາຍເປັນສິນຄ້າ ຊຶ່ງເປັນທີ່ຮູ້ກັນແລ້ວວ່າການຜະລິດກະສິກຳທີ່ຈະບັນລຸໄດ້ນັ້ນຈຳຕ້ອງອາໄສຫຼາຍປັດໄຈ ປະກອບກັນຈຶ່ງຈະປະສົບຜົນສຳເລັດ ແລະມີປະສິດທິພາບ,ສິ່ງໜຶ່ງທີ່ຈໍາເປັນ ແລະຂາດບໍ່ໄດ້ນັ້ນຄື: ຄວາມມັກ, ຄວາມເຂົ້າໃຈ ແລະຄວາມຮູ້ດ້ານວິຊາການຕ່າງໆ ເຊັ່ນ: ຄວາມຮູ້ກ່ຽວກັບດິນ ແລະວິທີການປັບປຸງບໍາລຸງດິນ, ຄວາມຮູ້ດ້ານການລ້ຽງສັດ,ການປິ່ນປົວພະຍາດສັດ, ການລ້ຽງປາ-ການຜະລິດລູກປາ, ການປູກໄມ້ໃຫ້ໝາກ,ປູກພືດຜັກ,ການຜະລິດປູກເຂົ້າ,ການອະນຸລັກຮັກສາຊັບພະຍາກອນປ່າໄມ້,ລະບົບນິເວດປ່າໄມ້. ທັງໝົດຊຶ່ງນຳມາເຖິງນ້ຳ ທີ່ເປັນປັດໄຈຫຼັກ ແລະການນໍາໃຊ້ນ້ຳຈາກແຫຼ່ງນ້ຳຕ່າງໆ ຢ່າງຖືກຕ້ອງ-ມີແຜນການ ລວມທັງປັດໄຈເຄື່ອງມືການກະເສດ ແລະດ້ານການຕະຫຼາດ.
ຜ່ານມາພໍ່ແມ່ພີ່ນ້ອງບ້ານເຮົາ ກໍລ້ວນແລ້ວແຕ່ເຄີຍເຮັດການຜະລິດກະສິກຳ ແລະມີປະສົບການຫຼາຍປີ ແຕ່ສ່ວນໃຫຍ່ກໍ່ຍັງເຮັດແບບຕາມທີ່ເຄີຍຊິນ ແລະອາໄສເພິ່ງພາທຳມະຊາດ, ອັນທີ່ໜ້າເປັນຫ່ວງຊາວກະສິກອນພວກເຮົາຍັງຖືເບົາຕໍ່ການໃຊ້ສານເຄມີທີ່ເກີນຄວາມຈຳເປັນໂດຍສະເພາະການນຳໃຊ້ຢາຂ້າຫຍ້າ, ຢາປາບສັດຕູພືດ, ການໃຊ້ສານເຄມີເລັ່ງຜົນຜະລິດ ເຮັດໃຫ້ມີສານພິດຕົກຄ້າງໃນພືດຜົນການກະເສດ, ສານພິດຕົກຄ້າງໃນດິນ, ໄຫຼລົງແຫຼ່ງນ້ຳທຳມະຊາດ ເກີດຜົນກະທົບຕໍ່ລະບົບນິເວດທຳມະຊາດ, ເກີດຜົນຮ້າຍກັບຜູ້ບໍລິໂພກ ແລະຄຸນະພາບຊີວິດຂອງຄົນເຮົາ.
ດັ່ງນັ້ນ, ສູນພັດທະນາ ແລະບໍລິການກະສິກໍາ-ປ່າໄມ້ໜອງເຕົ່າຈຶ່ງໄດ້ດຳເນີນການຈັດກິດຈະກໍາສົ່ງເສີມ ແລະ ບໍລິການກະສິກໍາລົງສູ່ຊຸມຊົນ, ໃນການບໍລິການໃຫ້ຄຳແນະນຳທາງດ້ານເຕັກນິກວິຊາການກະສິກຳ ເປັນຕົ້ນວຽກງານປູກຝັງ, ວຽກງານລ້ຽງສັດປະເພດຕ່າງໆ ແລະການປ້ອງກັນພະຍາດສັດ,ການລ້ຽງປາ ແລະການຜະລິດລູກປາ, ຄວາມຮູ້ເລື່ອງດິນ ແລະການປັບປຸງບຳລຸງດິນປູກຝັງ, ວຽກງານປ່າໄມ້-ການອະນຸລັກຮັກສາປ່າໄມ້, ຄວາມຮູ້-ຄວາມເຂົ້າໃຈດ້ານວຽກງານຊົນລະປະທານ ແລະການບໍລິຫານ-ການຈັດການນ້ຳຊົນລະປະທານ.
ຂ່າວ-ພາບ: ສະຫວັນນະເຂດ
ທ່ານສຸລິພອນພິມມະຈັກຫົວໜ້າສູນພັດທະນາແລະບໍລິການກະສິກຳ-ປ່ໄມ້ໜອງເຕົ່າໄດ້ລາຍງານໃຫ້ຮູ້ວ່າ: ຈຸດປະສົງຂອງການຈັດກິດຈະກຳຄັ້ງນີ້ກໍ່ເພື່ອໃຫ້ຄວາມຮູ້ ແລະເປັນແນວທາງໃນການຜະລິດກະສິກຳຢ່າງຖືກຕ້ອງ ຮູ້ໄດ້ເຖິງຫຼັກການໃນການຜະລິດກະສິກຳ, ເພີ່ມຜົນຜະລິດທາງດ້ານສະບຽງອາຫານ, ກຸ້ມກິນ, ເຫຼືອ ແລະຂາຍເປັນສິນຄ້າ ຊຶ່ງເປັນທີ່ຮູ້ກັນແລ້ວວ່າການຜະລິດກະສິກຳທີ່ຈະບັນລຸໄດ້ນັ້ນຈຳຕ້ອງອາໄສຫຼາຍປັດໄຈ ປະກອບກັນຈຶ່ງຈະປະສົບຜົນສຳເລັດ ແລະມີປະສິດທິພາບ,ສິ່ງໜຶ່ງທີ່ຈໍາເປັນ ແລະຂາດບໍ່ໄດ້ນັ້ນຄື: ຄວາມມັກ, ຄວາມເຂົ້າໃຈ ແລະຄວາມຮູ້ດ້ານວິຊາການຕ່າງໆ ເຊັ່ນ: ຄວາມຮູ້ກ່ຽວກັບດິນ ແລະວິທີການປັບປຸງບໍາລຸງດິນ, ຄວາມຮູ້ດ້ານການລ້ຽງສັດ,ການປິ່ນປົວພະຍາດສັດ, ການລ້ຽງປາ-ການຜະລິດລູກປາ, ການປູກໄມ້ໃຫ້ໝາກ,ປູກພືດຜັກ,ການຜະລິດປູກເຂົ້າ,ການອະນຸລັກຮັກສາຊັບພະຍາກອນປ່າໄມ້,ລະບົບນິເວດປ່າໄມ້. ທັງໝົດຊຶ່ງນຳມາເຖິງນ້ຳ ທີ່ເປັນປັດໄຈຫຼັກ ແລະການນໍາໃຊ້ນ້ຳຈາກແຫຼ່ງນ້ຳຕ່າງໆ ຢ່າງຖືກຕ້ອງ-ມີແຜນການ ລວມທັງປັດໄຈເຄື່ອງມືການກະເສດ ແລະດ້ານການຕະຫຼາດ.
ຜ່ານມາພໍ່ແມ່ພີ່ນ້ອງບ້ານເຮົາ ກໍລ້ວນແລ້ວແຕ່ເຄີຍເຮັດການຜະລິດກະສິກຳ ແລະມີປະສົບການຫຼາຍປີ ແຕ່ສ່ວນໃຫຍ່ກໍ່ຍັງເຮັດແບບຕາມທີ່ເຄີຍຊິນ ແລະອາໄສເພິ່ງພາທຳມະຊາດ, ອັນທີ່ໜ້າເປັນຫ່ວງຊາວກະສິກອນພວກເຮົາຍັງຖືເບົາຕໍ່ການໃຊ້ສານເຄມີທີ່ເກີນຄວາມຈຳເປັນໂດຍສະເພາະການນຳໃຊ້ຢາຂ້າຫຍ້າ, ຢາປາບສັດຕູພືດ, ການໃຊ້ສານເຄມີເລັ່ງຜົນຜະລິດ ເຮັດໃຫ້ມີສານພິດຕົກຄ້າງໃນພືດຜົນການກະເສດ, ສານພິດຕົກຄ້າງໃນດິນ, ໄຫຼລົງແຫຼ່ງນ້ຳທຳມະຊາດ ເກີດຜົນກະທົບຕໍ່ລະບົບນິເວດທຳມະຊາດ, ເກີດຜົນຮ້າຍກັບຜູ້ບໍລິໂພກ ແລະຄຸນະພາບຊີວິດຂອງຄົນເຮົາ.
ດັ່ງນັ້ນ, ສູນພັດທະນາ ແລະບໍລິການກະສິກໍາ-ປ່າໄມ້ໜອງເຕົ່າຈຶ່ງໄດ້ດຳເນີນການຈັດກິດຈະກໍາສົ່ງເສີມ ແລະ ບໍລິການກະສິກໍາລົງສູ່ຊຸມຊົນ, ໃນການບໍລິການໃຫ້ຄຳແນະນຳທາງດ້ານເຕັກນິກວິຊາການກະສິກຳ ເປັນຕົ້ນວຽກງານປູກຝັງ, ວຽກງານລ້ຽງສັດປະເພດຕ່າງໆ ແລະການປ້ອງກັນພະຍາດສັດ,ການລ້ຽງປາ ແລະການຜະລິດລູກປາ, ຄວາມຮູ້ເລື່ອງດິນ ແລະການປັບປຸງບຳລຸງດິນປູກຝັງ, ວຽກງານປ່າໄມ້-ການອະນຸລັກຮັກສາປ່າໄມ້, ຄວາມຮູ້-ຄວາມເຂົ້າໃຈດ້ານວຽກງານຊົນລະປະທານ ແລະການບໍລິຫານ-ການຈັດການນ້ຳຊົນລະປະທານ.
ຂ່າວ-ພາບ: ສະຫວັນນະເຂດ
ຄໍາເຫັນ