ສະພາປະຊາຊົນແຂວງ(ສພຂ) ແລະ ອົງການປົກຄອງແຂວງສາລະວັນ ໄດ້ຈັດກອງປະຊຸມຕີລາຄາການຈັດຕັ້ງປະຕິບັດວຽກງານ, ການສະໜອງຂໍ້ມູນຕ່າງໆ, ກົນໄກການປະສານພົວພັນກັນຕາມພາລະບົດບາດ ແລະ ໜ້າທີ່ຊຶ່ງຈັດຂຶ້ນໃນວັນທີ 14 ທັນວານີ້ທີ່ຫ້ອງປະຊຸມ VIP ສະໂມສອນແຂວງ, ໂດຍພາຍໃຕ້ການເປັນປະທານຂອງ ທ່ານ ສີເຮັ່ງ ຫອມສົມບັດ ຮອງເລຂາພັກແຂວງ ປະທານສະພາປະຊາຊົນແຂວງ, ຫົວໜ້າຄະນະສະມາຊິກສະພາແຫ່ງຊາດ ປະຈໍາເຂດເລືອກຕັ້ງທີ 14, ທ່ານ ພູທົງ ຄຳມະນີວົງ ຄະນະປະຈຳພັກແຂວງ ຮອງເຈົ້າແຂວງ ຜູ້ຊີ້ນຳວຽກງານເສດຖະກິດ, ມີບັນດາຄະນະປະຈຳພັກແຂວງ, ກຳມະການພັກແຂວງ, ຫົວໜ້າ ແລະ ຮອງຫົວໜ້າພະແນກການ, ອົງການທຽບເທົ່າອ້ອມຂ້າງແຂວງ ແລະ ພາກສ່ວນທີ່ກ່ຽວຂ້ອງເຂົ້າຮ່ວມ.
ທ່ານ ສີເຮັ່ງ ຫອມສົມບັດ ໄດ້ມີຄຳເຫັນ ແລະ ເຈາະຈີ້ມບາງບັນຫາກ່ຽວກັບການຈັດຕັ້ງປະຕິບັດວຽກງານໃນໄລຍະຜ່ານມາ ແລະ ສຸມໃສ່ການຄົ້ນຄວ້າປະກອບຄຳຄິດເຫັນ ເປັນຕົ້ນທົບທວນການເຄື່ອນໄຫວວຽກງານຂອງຜູ້ແທນ, ການຕົກລົງບັນຫາສໍາຄັນພື້ນຖານຂອງແຂວງ, ການສ້າງ ແລະ ຮັບຮອງນິຕິກໍາຕ່າງໆ, ກົດໝາຍ, ການເຄື່ອນໄຫວຕິດຕາມກວດກາຂອງສະມາຊິກສະພາ ແລະ ວຽກງານອື່ນໆ, ໃນນີ້ໄດ້ຮຽກຮ້ອງໃຫ້ເອົາໃຈໃສ່ຄົ້ນຄວ້າບັນຫາສຳຄັນ ເຊັ່ນ: ການພັດທະນາເສດຖະກິດ-ສັງຄົມ, ການຈັດຕັ້ງປະຕິບັດແຜນການຕ່າງໆ, ການຈັດຕັ້ງປະຕິບັດກົດໝາຍທີ່ຮັບຮອງໄປແລ້ວ ພ້ອມທັງຕິດຕາມ, ກວດກາຄືນ, ຂົງເຂດວຽກງານວັດທະນະທຳ-ສັງຄົມ ເຊັ່ນ: ອັດຕາການປະລະການຮຽນ, ການບໍລິການດ້ານສຸຂະພາບ, ການຂາດແຮງງານ, ການຕ້ານການຄ້າມະນຸດ ແລະ ການຄຸ້ມຄອງວຽກງານຕ່າງໆ.
ໄລຍະກາງສະໄໝຜ່ານມານີ້, ສະພາປະຊາຊົນແຂວງ ໄດ້ປະສານສົມທົບຊຸກຍູ້ອົງການປົກຄອງແຂວງ ສ້າງ ແລະ ປັບປຸງນິຕິກໍາໃຕ້ກົດໝາຍ 5 ປີ (2021-2025) ທັງໝົດ 15 ສະບັບ ໃນນັ້ນ: ສ້າງໃໝ່ 12 ສະບັບ, ປັບປຸງ 3 ສະບັບ, ຕົກລົງຮັບຮອງເອົາບັນຫາສໍາຄັນພື້ນຖານຂອງແຂວງ ຕາມລັດຖະທໍາມະນູນ ແລະ ກົດໝາຍກໍານົດໄວ້ ໂດຍຜ່ານການດຳເນີນກອງປະຊຸມສະໄໝສາມັນ ແລະ ກອງປະຊຸມຄະນະປະຈຳສະພາປະຊາຊົນແຂວງ ຈໍານວນ 37 ສະບັບ, ນອກຈາກນັ້ນວຽກງານພົບປະປະຊາຊົນບັນດາເຜົ່າ ໄດ້ເຄື່ອນໄຫວຈັດຕັ້ງຜັນຂະຫຍາຍ ແລະ ໂຄສະນາເຜີຍແຜ່ຜົນສໍາເລັດ ກອງປະຊຸມຄັ້ງປະຖົມມະລືກ,ກອງປະຊຸມສະໄໝວິສາມັນເທື່ອທີ 1 ແລະ ກອງປະຊຸມສະໄໝສາມັນ ແຕ່ລະຄັ້ງຂອງສະພາແຫ່ງຊາດ ຊຸດທີ IX ແລະ ສະພາປະຊາຊົນແຂວງສາລະວັນ ຊຸດທີ II, ໃນທົ່ວແຂວງ ໄດ້ຈໍານວນ 148 ຈຸດ ເທົ່າກັບ 32,8% ຂອງແຜນການ 5 ປີ; ມີຜູ້ເຂົ້າຮ່ວມຮັບຟັງທັງໝົດຈໍານວນ 22.523 ເທື່ອຄົນຍິງ9.605 ເທື່ອຄົນ ເທົ່າກັບ 32,7% ຂອງແຜນການ 5 ປີ. ຈາກນັ້ນກອງປະຊຸມຄັ້ງນີ້, ຜູ້ເຂົ້າຮ່ວມກໍໄດ້ມີການປະກອບຄຳຄິດເຫັນ ຕື່ມອີກ.
(ຂ່າວ-ພາບ: ແຂວງ ສາລະວັນ)
ທ່ານ ສີເຮັ່ງ ຫອມສົມບັດ ໄດ້ມີຄຳເຫັນ ແລະ ເຈາະຈີ້ມບາງບັນຫາກ່ຽວກັບການຈັດຕັ້ງປະຕິບັດວຽກງານໃນໄລຍະຜ່ານມາ ແລະ ສຸມໃສ່ການຄົ້ນຄວ້າປະກອບຄຳຄິດເຫັນ ເປັນຕົ້ນທົບທວນການເຄື່ອນໄຫວວຽກງານຂອງຜູ້ແທນ, ການຕົກລົງບັນຫາສໍາຄັນພື້ນຖານຂອງແຂວງ, ການສ້າງ ແລະ ຮັບຮອງນິຕິກໍາຕ່າງໆ, ກົດໝາຍ, ການເຄື່ອນໄຫວຕິດຕາມກວດກາຂອງສະມາຊິກສະພາ ແລະ ວຽກງານອື່ນໆ, ໃນນີ້ໄດ້ຮຽກຮ້ອງໃຫ້ເອົາໃຈໃສ່ຄົ້ນຄວ້າບັນຫາສຳຄັນ ເຊັ່ນ: ການພັດທະນາເສດຖະກິດ-ສັງຄົມ, ການຈັດຕັ້ງປະຕິບັດແຜນການຕ່າງໆ, ການຈັດຕັ້ງປະຕິບັດກົດໝາຍທີ່ຮັບຮອງໄປແລ້ວ ພ້ອມທັງຕິດຕາມ, ກວດກາຄືນ, ຂົງເຂດວຽກງານວັດທະນະທຳ-ສັງຄົມ ເຊັ່ນ: ອັດຕາການປະລະການຮຽນ, ການບໍລິການດ້ານສຸຂະພາບ, ການຂາດແຮງງານ, ການຕ້ານການຄ້າມະນຸດ ແລະ ການຄຸ້ມຄອງວຽກງານຕ່າງໆ.
ໄລຍະກາງສະໄໝຜ່ານມານີ້, ສະພາປະຊາຊົນແຂວງ ໄດ້ປະສານສົມທົບຊຸກຍູ້ອົງການປົກຄອງແຂວງ ສ້າງ ແລະ ປັບປຸງນິຕິກໍາໃຕ້ກົດໝາຍ 5 ປີ (2021-2025) ທັງໝົດ 15 ສະບັບ ໃນນັ້ນ: ສ້າງໃໝ່ 12 ສະບັບ, ປັບປຸງ 3 ສະບັບ, ຕົກລົງຮັບຮອງເອົາບັນຫາສໍາຄັນພື້ນຖານຂອງແຂວງ ຕາມລັດຖະທໍາມະນູນ ແລະ ກົດໝາຍກໍານົດໄວ້ ໂດຍຜ່ານການດຳເນີນກອງປະຊຸມສະໄໝສາມັນ ແລະ ກອງປະຊຸມຄະນະປະຈຳສະພາປະຊາຊົນແຂວງ ຈໍານວນ 37 ສະບັບ, ນອກຈາກນັ້ນວຽກງານພົບປະປະຊາຊົນບັນດາເຜົ່າ ໄດ້ເຄື່ອນໄຫວຈັດຕັ້ງຜັນຂະຫຍາຍ ແລະ ໂຄສະນາເຜີຍແຜ່ຜົນສໍາເລັດ ກອງປະຊຸມຄັ້ງປະຖົມມະລືກ,ກອງປະຊຸມສະໄໝວິສາມັນເທື່ອທີ 1 ແລະ ກອງປະຊຸມສະໄໝສາມັນ ແຕ່ລະຄັ້ງຂອງສະພາແຫ່ງຊາດ ຊຸດທີ IX ແລະ ສະພາປະຊາຊົນແຂວງສາລະວັນ ຊຸດທີ II, ໃນທົ່ວແຂວງ ໄດ້ຈໍານວນ 148 ຈຸດ ເທົ່າກັບ 32,8% ຂອງແຜນການ 5 ປີ; ມີຜູ້ເຂົ້າຮ່ວມຮັບຟັງທັງໝົດຈໍານວນ 22.523 ເທື່ອຄົນຍິງ9.605 ເທື່ອຄົນ ເທົ່າກັບ 32,7% ຂອງແຜນການ 5 ປີ. ຈາກນັ້ນກອງປະຊຸມຄັ້ງນີ້, ຜູ້ເຂົ້າຮ່ວມກໍໄດ້ມີການປະກອບຄຳຄິດເຫັນ ຕື່ມອີກ.
(ຂ່າວ-ພາບ: ແຂວງ ສາລະວັນ)
ຄໍາເຫັນ