ມີຫົວໜ້າກົມ,ຫົວໜ້າຫ້ອງການ, ຫົວໜ້າຄະນະສານ, ຫົວໜ້າສະຖາບັນຄົ້ນຄວ້າ ແລະ ຝຶກອົບຮົມ,ຜູ້ພິພາກສາພ້ອມດ້ວຍພະນັກງານເຂົ້າຮ່ວມ.
ໃນພິທີ, ສະຫາຍ ຂຸນສຸວັນ ສຸທຳມະວົງ ຫົວໜ້າກົມຈັດຕັ້ງ-ພະນັກງານ ສປສສ ໄດ້ຂຶ້ນຜ່ານມະຕິຂອງຄະນະປະຈຳສະພາແຫ່ງຊາດ ວ່າດ້ວຍການແຕ່ງຕັ້ງຜູ້ພິພາກສາຊັ້ນສີ່ ໂດຍເຫັນດີແຕ່ງຕັ້ງສະຫາຍ ໄລລາທອງ ຂັນຕິຍະລາດ, ສະຫາຍ ສະໝອນ ສີບູລະ ແລະ ສະຫາຍນາງ ຈອມພັນ ຈັນທະວີ ຜູ້ພິພາກສາຊັ້ນສາມ ສປປສ ເປັນຜູ້ພິພາກສາຊັ້ນສີ່ ຂອງສປປສ. ຈາກນັ້ນ, ສະຫາຍນາງ ວຽງທອງ ສີພັນດອນ ໄດ້ໃຫ້ກຽດຂຶ້ນມອບມະຕິແຕ່ງຕັ້ງ ແລະ ປະດັບຊັ້ນໃຫ້ຜູ້ທີ່ຖືກແຕ່ງຕັ້ງຢ່າງສົມກຽດ.
ໂອກາດນີ້, ສະຫາຍນາງ ວຽງທອງ ສີພັນດອນໄດ້ໃຫ້ກຽດໂອ້ລົມເນັ້ນໜັກໃຫ້ຜູ້ທີ່ໄດ້ຮັບການແຕ່ງຕັ້ງໃໝ່ເອົາໃຈໃສ່ກຳແໜ້ນພາລະບົດບາດ, ສິດ, ໜ້າທີ່ ແລະ ຄວາມຮັບຜິດຊອບການເມືອງຂອງຕົນ, ເຕົ້າໂຮມຄວາມສາມັກຄີ ພາຍໃນໃຫ້ເປັນປຶກແຜ່ນ ປະຕິບັດໜ້າທີ່ໃນການຮັບໃຊ້ປະຊາຊົນ, ປົກປ້ອງກົດໝາຍ, ນໍາເອົາຄວາມຍຸຕິທຳມາສູ່ສັງຄົມ, ເດັດດ່ຽວຕ້ານ ແລະ ສະກັດກັ້ນປະກົດການຫຍໍ້ທໍ້ໃນຖັນແຖວສະມາຊິກພັກ-ພະນັກງານ, ເຂັ້ມງວດປະຕິບັດກົດໝາຍ, ຈັນຍາບັນ-ຈັນຍາທຳດ້ານວິຊາຊີບ, ເອົາໃຈໃສ່ການພິຈາລະນາແກ້ໄຂຄະດີໃຫ້ມີຄວາມຖືກຕ້ອງ, ໂປ່ງໃສ, ຍຸຕິທຳ ແລະ ພ້ອມກັນເຮັດໜ້າທີ່ຕາມການມອບໝາຍມີຜົນສໍາເລັດໃໝ່ໃຫຍ່ຫຼວງກວ່າເກົ່າ.
(ຂ່າວ-ພາບ: ວັນເພັງ
ຄໍາເຫັນ