ຕາມການຄາດຄະເນຫຼ້າສຸດຈາກອົງການ WMO ສະແດງໃຫ້ເຫັນວ່າ: ລະຫວ່າງເດືອນສິງຫາເດືອນຕຸລາປີນີ້, ອຸນຫະພູມຢູ່ທຸກພື້ນທີ່ທາງບົກຂອງໂລກລ້ວນແຕ່ຈະສູງກວ່າລະດັບປົກກະຕິ. ປະກົດການແອວນີໂຢບໍ່ພຽງແຕ່ຈະນຳເອົາຄື້ນຄວາມຮ້ອນມາເທົ່ານັ້ນ, ຍັງຈະສົ່ງຜົນກະທົບຕໍ່ປະລິມານນ້ຳຝົນທີ່ຫຼຸດລົງໃນຂອບເຂດທົ່ວໂລກ. ທະວີບອາເມຣິກາກາງແລະເຂດກາຣາອິບ, ທະວີບອາເມຣິກາໃຕ້, ອາຊີໃຕ້, ປາຊີຟິກຕາເວັນຕົກສຽງໃຕ້, ທະວີບເອີຣົບແລະບາງເຂດຂອງທະວີບອາຟຣິກາຈະປະສົບກັບອຸນຫະພູມສູງແລະໄພແຫ້ງແລ້ງ.
ສິງກະໂປ ຄາດຄະເນສະພາບອາກາດແຫ້ງແລ້ງ ແລະ ຕິດຕາມຄວາມສ່ຽງຂອງໝອກຄວັນ
ສຳນັກຂ່າວສານຊິນຮວາລາຍງານໃນວັນທີ 3 ກັນຍາ ຜ່ານມາວ່າ: ອົງການສິ່ງແວດລ້ອມແຫ່ງຊາດຂອງສິງກະໂປຄາດຄະເນວ່າ, ສິງກະໂປຈະປະສົບກັບສະພາບອາກາດແຫ້ງແລ້ງຢ່າງຕໍ່ເນື່ອງໃນໄລຍະເຄິ່ງທໍາອິດຂອງເດືອນກັນຍາ, ໂດຍລົມມໍລະສຸມຕາເວັນຕົກສ່ຽງໃຕ້ຈະນຳເອົາລົມຕາເວັນອອກສ່ຽງໃຕ້ ຫຼື ລົມຕາເວັນຕົກສ່ຽງໃຕ້ພັດຜ່ານພື້ນທີ່ສ່ວນໃຫຍ່. ໃນຂະນະທີ່ປະລິມານນ້ຳຝົນໃນສອງອາທິດທຳອິດຂອງເດືອນຄາດວ່າຈະຕໍ່າກວ່າລະດັບສະເລ່ຍໃນຫຼາຍພາກພື້ນ.
ຄໍາເຫັນ