 |
ຈຸດສະໂມສອນເມືອງ, ເຂດຍາງຄໍ້າ (ຈຸດຫ້ອງການປົກຄອງບ້ານຍາງຄໍ້າ), ເຂດສົມສະອາດ(ຈຸດວັດບ້ານສົມສະອາດ) ແລະ ເຂດແກ້ງໂພສີ (ຈຸດວັດບ້ານຜັກເພື້ອ), ຊຶ່ງນໍາໂດຍທ່ານ ນາງ ສູນທອນ ໄຊຍະຈັກ ຄະນະເລຂາທິການສູນກາງພັກ ຮອງປະທານສະພາແຫ່ງຊາດ ສະມາຊິກສະພາແຫ່ງຊາດ ປະຈໍາເຂດເລືອກຕັ້ງທີ 13, ທ່ານ ຄໍາຜັນ ຄູນສະຫວັນ ຄະນະປະຈໍາພັກແຂວງ ຮອງປະທານຄະນະສະມາຊິກສະພາແຫ່ງຊາດ ປະຈໍາເຂດເລືອກຕັ້ງທີ 13, ໂດຍການຕ້ອນຮັບຂອງທ່ານ ຄາລາໂຊ ຫຼຸຍບົວທອງ ເລຂາຄະນະບໍລິຫານງານພັກເມືອງ ພ້ອມຄະນະນຳຂອງເມືອງ, ມີພະນັກງານ-ລັດຖະກອນ, ທະຫານ, ຕໍາຫຼວດ, ອໍານາດການປົກຄອງບ້ານ ຕະຫຼອດຮອດປະຊາຊົນຜູ້ມີສິດເລືອກຕັ້ງ ເຂົ້າຮ່ວມຮັບຟັງ.
ການລົງເຄື່ອນໄຫວຄັ້ງນີ້, ສສຊ, ສສຂ ໄດ້ຮັບຟັງການລາຍງານໂດຍຫຍໍ້ກ່ຽວກັບການຈັດຕັ້ງປະຕິບັດແຜນພັດທະນາເສດຖະກິດ-ສັງຄົມຂອງເມືອງໄຊບູລີ ຈາກ ທ່ານ ຄາລາໂຊ ຫຼຸຍບົວທອງ, ຮັບຟັງການລາຍງານ ການຈັດຕັ້ງປະຕິແຜນພັດທະນາເສດຖະກິດ-ສັງຄົມຂອງ ເຂດຍາງຄໍ້າ, ສົມສະອາດ ແລະແກ້ງໂພສີ. ຈາກນັ້ນ, ຄະນະຜູ້ແທນ ກໍໄດ້ຜັດປ່ຽນກັນໂອ້ລົມຕໍ່ຜູ້ມີສິດເລືອກຕັ້ງ ແລະ ເຜີຍແຜ່ຜົນສໍາເລັດຂອງສອງກອງປະຊຸມດັ່ງກ່າວ, ກອງປະຊຸມສະໄໝສາມັນ ເທື່ອທີ 9 ຂອງສະພາປະຊາຊົນແຂວງ ຊຸດທີ II ໄດ້ພິຈາລະນາ, ຮັບຮອງເອົາບັນຫາສຳຄັນພື້ນຖານຂອງແຂວງອອກເປັນ 5 ມະຕິ ຄື: ມະຕິວ່າດ້ວຍ ການຮັບຮອງເອົາການຈັດຕັ້ງປະຕິບັດແຜນພັດທະນາເສດຖະກິດ-ສັງຄົມ, ແຜນງົບປະມານແຫ່ງລັດຂອງແຂວງ 6 ເດືອນຕົ້ນປີ ແລະ ທິດທາງແຜນການ 6 ເດືອນທ້າຍປີ 2025; ມະຕິວ່າດ້ວຍການຮັບຮອງເອົາຂໍ້ຕົກລົງຂອງທ່ານເຈົ້າແຂວງ ວ່າດ້ວຍການສະກັດກັ້ນ ແລະ ແກ້ໄຂບັນຫາຢາເສບຕິດໃນສະຖານທີ່ການສຶກສາທົ່ວແຂວງສະຫວັນນະເຂດ (ສະບັບສ້າງໃໝ່); ມະຕິວ່າດ້ວຍການຮັບຮອງເອົາຂໍ້ຕົກລົງຂອງທ່ານເຈົ້າແຂວງ ວ່າດ້ວຍການຄຸ້ມຄອງແຜນຜັງນະຄອນໄກສອນພົມວິຫານ (ສະບັບສ້າງໃໝ່); ມະຕິວ່າດ້ວຍການຮັບຮອງເອົາ ຂໍ້ຕົກລົງຂອງທ່ານເຈົ້າແຂວງ ວ່າດ້ວຍການຄຸ້ມຄອງແຜນຜັງເມືອງອຸທຸມພອນ (ສະບັບສ້າງໃໝ່); ມະຕິວ່າດ້ວຍການຮັບຮອງເອົາ ການຈັດຕັ້ງປະຕິບັດແຜນການເຄື່ອນໄຫວວຽກງານ ແຕ່ກອງປະຊຸມສະໄໝສາມັນ ເທື່ອທີ 8-9 ແລະ ທິດທາງແຜນການເຄື່ອນໄຫວຮອດກອງປະຊຸມທ້າຍສະໄໝຂອງສະພາປະຊາຊົນແຂວງ ຊຸດທີ II.
 |
ໃນພິທີ, ກໍໄດ້ເປີດໂອກາດໃຫ້ການນໍາເມືອງ, ການຈັດຕັ້ງຂອງບ້ານ ກໍຄືປະຊາຊົນໃນແຕ່ລະບ້ານ ນໍາສະເໜີຫຼາຍບັນຫາທີ່ເກີດຂຶ້ນໃນຂົງເຂດຂອງຕົນເອງຕໍ່ທ່ານຜູ້ແທນ ເພື່ອນໍາໄປສະເໜີຕໍ່ຂັ້ນເທິງພິຈາລະນາແກ້ໄຂ ໂດຍສະເໜີໃຫ້ຂັ້ນເທິງ ພິຈາລະນາ ແກ້ໄຂບັນຫາພື້ນຖານໂຄງລ່າງທີ່ເປ້ເພ ເຊັ່ນ: ຂົວ, ເສັ້ນທາງ, ລະບົບຊົນລະປະທານ, ຄ່າກະແສໄຟຟ້າທີ່ເພີ່ມຂຶ້ນ ແລະ ລາຄາເຂົ້າທີ່ຕົກຕໍາ ແລະ ບັນຫາອື່ນໆ.
ໂອກາດນີ້, ສສຊ ແລະ ສສຂ ກໍຍັງໄດ້ມອບອຸປະກອນການຮຽນ-ເຄື່ອງກິລາຈໍານວນໜຶ່ງ ໃຫ້ການຈັດຕັ້ງບ້ານ ເພື່ອນຳໄປແຈກຢາຍໃຫ້ພໍ່ແມ່ນັກຮຽນ ຕາມຄວາມເໝາະສົມ, ຊຶ່ງປະກອບມີ: ເສື້ອຂາວນັກຮຽນຈຳນວນ 144 ໂຕ; ປຶ້ມຂຽນ 1,000 ຫົວ; ສໍດຳ 60 ກັບ; ບິກຂຽນ 15 ກັບ; ໜາກບານເຕະ 9 ໜ່ວຍ ແລະ ກະຕໍ້ຫວາຍ 5 ໜ່ວຍ ລວມມູນທັງໜົດ 10 ລ້ານກວ່າກີບ, ທັງນີ້ ກໍເພື່ອເປັນການຊຸກຍູ້, ສົ່ງເສີມວຽກງານສຶກທິການ ແລະ ກິລາຢູ່ຂັ້ນທ້ອງຖິ່ນຕື່ມອີກ.
(ແຫຼ່ງຂ່າວ: ແຂວງສະຫວັນນະເຂດ)
ຄໍາເຫັນ