 |
ຝ່າຍອົງການປົກຄອງແຂວງຈໍາປາສັກ ລົງນາມໂດຍທ່ານ ກໍລະກັນ ຄໍາມະວົງ ຫົວໜ້າຫ້ອງການຄະນະກຳມະການສົ່ງເສີມ ແລະ ຄຸ້ມຄອງການລົງທຶນແຂວງ; ລົງນາມເປັນພະຍານມີ ທ່ານ ໄຊຍະສິດ ວີລະພັດ ຮອງຫົວໜ້າພະແນກກະສິກຳ ແລະ ສິ່ງແວດລ້ອມແຂວງ, ທ່ານ ສີໃສ ທອງປັດສາ ຮອງປະທານຄະນະກຳມະການປົກຄອງເມືອງປາກຊ່ອງ; ຝ່າຍບໍລິສັດ ລົງນາມໂດຍທ່ານ ຟານ ແທງ ດີ ອໍານວຍການບໍລິສັດ ລຽນດວານ ຈະເລີນ ຈຳກັດຜູ້ດຽວ, ລົງນາມເປັນພະຍານໂດຍທ່ານ ສຸກໄຊ ນໍລະແສງ ຮອງອໍານວຍການບໍລິສັດ ໂດຍມີທ່ານ ສຸກສະຫວັນ ວິໄລວົງ ປະທານຄະນະກຳມະການປົກຄອງແຂວງຈຳປາສັກ, ຂະແໜງການທີ່ກ່ຽວຂ້ອງ ເຂົ້າຮ່ວມເປັນສັກຂີພິຍານ.
ໂຄງການຜະລິດກະສິກໍາ ເປັນສິນຄ້າດັ່ງກ່າວ ໄດ້ຜ່ານກອງປະຊຸມເຈລະຈາຮ່າງບົດບັນທຶກຄວາມເຂົ້າໃຈ ເພື່ອສຶກສາສໍາຫຼວດຄວາມເປັນໄປໄດ້ຂອງໂຄງການ ໃນວັນທີ 22 ພຶດສະພາ 2026 ທີ່ຜ່ານມາ, ໄລຍະເວລາການສຶກສາສໍາຫຼວດ 12 ເດືອນ; ເປັນການລົງທຶນຂອງຕ່າງປະເທດ 100% ເຊິ່ງຜູ້ລົງທຶນຕ້ອງໄດ້ສຶກສາຄວາມເປັນໄປໄດ້ທາງດ້ານເສດຖະກິດ-ເຕັກນິກ ແລະ ສຶກສາເບື້ອງຕົ້ນກ່ຽວກັບຜົນກະທົບທາງດ້ານສິ່ງແວດລ້ອມຂອງໂຄງການ.
|
ການເຊັນບົດບັນທຶກຄວາມເຂົ້າໃຈຄັ້ງນີ້ ແມ່ນປະຕິບັດຕາມຂໍ້ຕົກລົງຂອງຄະນະກຳມະການປົກຄອງແຂວງຈໍາປາສັກ ເລກທີ 457/ຄປຂ.ຈສ, ລົງວັນທີ 2 ມິຖຸນາ 2026 ວ່າດ້ວຍການມອບສິດໃຫ້ ຫ້ອງການຄະນະກຳມະການສົ່ງເສີມ ແລະ ຄຸ້ມຄອງການລົງທຶນແຂວງ ຕາງໜ້າໃຫ້ ຄະນະກຳມະການປົກຄອງແຂວງ ເຊັນບົດບັນທຶກຄວາມເຂົ້າໃຈ ວ່າດ້ວຍການສຶກສາສໍາຫຼວດຄວາມເປັນໄປໄດ້ໃນການພັດທະນາໂຄງການຜະລິດກະສິກໍາເປັນສິນຄ້າດັ່ງກ່າວ ເພື່ອຈໍາໜ່າຍພາຍໃນ ແລະ ສົ່ງອອກຕ່າງປະເທດ. ການສຶກສາສໍາຫຼວດ ຈະໄດ້ເລີ່ມຈັດຕັ້ງປະຕິບັດນັບແຕ່ມື້ເຊັນບົດບັນທຶກຄວາມເຂົ້າໃຈ ເປັນຕົ້ນໄປ.
ຂ່າວ-ພາບ: ທູນທອງໃຈ
ຄໍາເຫັນ