ແຂວງຈຳປາສັກ ໄດ້ຈັດຂຶ້ນເມື່ອບໍ່ດົນມານີ້ ທີ່ກະຊວງສາທາລະນະສຸກ ລະຫວ່າງ ກະຊວງສາທາລະນະສຸກ ແຫ່ງ ສປປ ລາວ ແລະ ບໍລິສັດ ພັດທະນາສີທັນດອນ ຈຳກັດ ແລະ ໂຮງໝໍຊຶ່ງເປັນພາກສ່ວນໜຶ່ງທີ່ສຳຄັນຂອງໂຄງການຮ່ວມມືລະຫວ່າງ ລາວ-ຈີນ, ພາຍຫຼັງການປຶກສາຫາລືຮ່ວມກັນລະຫວ່າງ 3 ຝ່າຍ, ໄດ້ຕົກລົງເປັນເອກະພາບກັນວ່າກຸ່ມໂຮງໝໍ SuperiorMed& Perennial Hospitals ຈະແນະນຳເຕັກໂນໂລຊີການແພດຊັ້ນນຳຂອງໂລກ, ຄວາມສາມາດດ້ານການແພດລະດັບສູງ, ແຫຼ່ງການແພດທີ່ສົມບູນ ແລະ ການບໍລິການດ້ານການແພດທີ່ມີຫົວຄິດປະດິດສ້າງ, ເພື່ອແນໃສ່ຮ່ວມກັນປັບປຸງລະດັບການແພດຂອງ ສປປ ລາວ ໃຫ້ດີຂຶ້ນເທື່ອລະກ້າວ, ຟື້ນຟູໂຄງການທ່ອງທ່ຽວດ້ານການແພດ ແລະ ດຶງດູດການລົງທຶນຈາກຕ່າງປະເທດໃຫ້ມີການພັດທະນາທີ່ມີຜົນດີຕໍ່ສາມຝ່າຍ ດ້ວຍເຫດຜົນດັ່ງກ່າວຈຶ່ງຮ່ວມກັນລົງນາມເພື່ອຈັດຕັ້ງປະຕິບັດໃນການກະກຽມ ແລະ ຊຸກຍູ້ໃຫ້ໂຄງການດັ່ງກ່າວ.
ພິທີດັ່ງກ່າວ ໄດ້ມີການລົງນາມ ໂດຍ ທ່ານ ນາງ ອາພອນ ວິຊາເທບ ຫົວໜ້າຫ້ອງການກະຊວງສາທາລະນະສຸກ, Mr. Xiang Li President of STD ຜູ້ຕາງໜ້າ ບໍລິສັດຮ່ວມພັດທະນາ ສີທັນດອນ ຈຳກັດ, Ms. Sharon Yin, CEO ໂຮງໝໍ SuperiorMed& Perennial Hospitals, ພ້ອມນັ້ນກໍຍັງໄດ້ຮັບກຽດເຂົ້າຮ່ວມເປັນສັກຂີພິຍານ ໂດຍ ທ່ານບຸນແຝງ ພູມມະໄລສິດ ລັດຖະມົນຕີກະຊວງສາທາລະນະສຸກ, ມີບັນດາກົມ, ຫ້ອງການ ແລະ ພາກສ່ວນທີ່ກ່ຽວຂ້ອງຂອງທັງສອງຝ່າຍເຂົ້າຮ່ວມ.
(ຂ່າວ: ສູນຂໍມູນຂ່າວສານການແພດ)
ເປ4 ວ.ທ,ສ,ຄ ບຸນອູ້ມ 21.11.2024
ຄໍາເຫັນ