ໃນໂອກາດດໍາເນີນກອງປະຊຸມຫົວໜ້າຕໍາຫຼວດອາຊຽນ ຄັ້ງທີ 41 ທີ່ ສປປ ລາວ ຮັບກຽດເປັນເຈົ້າພາບ, ຫົວໜ້າຕໍາຫຼວດລາວ ຍັງໄດ້ຈັດກອງປະຊຸມພົບປະສອງຝ່າຍ ລະຫວ່າງ ຄະນະຜູ້ແທນຕໍາຫຼວດລາວ ແລະ ຄະນະຜູ້ແທນຕໍາຫຼວດກໍາປູເຈຍ; ອິນໂດເນເຊຍ ແລະ ອັງກິດ ຂຶ້ນໃນວັນທີ 18 ຕຸລາ ນີ້ ທີ່ຫໍປະຊຸມແຫ່ງຊາດ ນະຄອນຫຼວງວຽງຈັນ.
ໃນການພົບປະລະຫວ່າງ ຄະນະຜູ້ແທນ ຕໍາຫຼວດລາວ ກັບ ຄະນະຜູ້ແທນ ຕໍາຫຼວດກໍາປູເຈຍ, ຝ່າຍລາວນໍາໂດຍ ທ່ານ ພົຕ ຄໍາກິ່ງ ຜຸຍຫຼ້າມະນີວົງ ຮອງລັດຖະມົນຕີ ຫົວໜ້າກົມໃຫຍ່ຕໍາຫຼວດ ຫົວໜ້າກໍາລັງຕໍາຫຼວດລາວ ພ້ອມດ້ວຍຄະນະ, ຝ່າຍກໍາປູເຈຍ ນໍາໂດຍ ທ່ານ ພົອ ຊາເທີດ ຫົວໜ້າຕໍາຫຼວດແຫ່ງຊາດກໍາປູເຈຍ ພ້ອມດ້ວຍຄະນະ, ໃນການພົບປະທັງສອງຝ່າຍ ໄດ້ທົບທວນຄືນເຖິງໝາກຜົນແຫ່ງການຮ່ວມມື ໃນຕະຫຼອດໄລຍະຜ່ານມາ ພ້ອມສະແດງຄວາມຊົມເຊີຍຕໍ່ກັບການເຕີບໃຫຍ່ຂະຫຍາຍຕົວ ຂອງກໍາລັງຕໍາຫຼວດຂອງແຕ່ລະຝ່າຍ, ລວມທັງຜົນສໍາເລັດໃນການພົວພັນຮ່ວມມືດ້ານການຮັກສາຄວາມສະຫງົບ ແລະ ຄວາມເປັນລະບຽບຮຽບຮ້ອຍ, ໂດຍສະເພາະ ບໍລິເວນຕາມຊາຍແດນລາວ-ກໍາປູເຈຍ ເຮັດໃຫ້ຊາຍແດນ ລາວ-ກໍາປູເຈຍ ເປັນຊາຍແດນແຫ່ງສັນຕິພາບ, ມິດຕະພາບ ແລະ ການຮ່ວມມື, ປະຊາຊົນສອງຊາດ ໄດ້ໄປມາຫາສູ່ກັນດ້ວຍຄວາມສະດວກ ແລະ ເຕັມໄປດ້ວຍຄວາມຮັກແພງສາມັກຄີກັນ, ພ້ອມນີ້ ທັງສອງຝ່າຍໄດ້ໃຫ້ຄໍາໝັ້ນສັນຍາວ່າ: ຈະສືບຕໍ່ເສີມຂະຫຍາຍສາຍພົວພັນຮ່ວມມື ໃຫ້ຈະເລີນງອກງາມຍິ່ງໆຂຶ້ນ.
ຈາກນັ້ນ, ຄະນະຜູ້ແທນ ຕໍາຫຼວດລາວ ກໍໄດ້ພົບກັບ ຄະນະຜູ້ແທນ ຕໍາຫຼວດອິນໂດເນເຊຍ ຊຶ່ງນໍາໂດຍ ທ່ານ ພົຈວ ອາເມີ ຈັນດາ ເຈບີ ເລຂາທິການຕໍາຫຼວດສາກົນອິນໂດເນເຊຍ ໃນໂອກາດນີ້ທັງສອງຝ່່າຍໄດ້ຕີລາຄາສູງເຖິງຜົນຂອງການຈັດຕັ້ງປະຕິບັດວຽກງານຕໍາຫຼວດ ທີ່ທັງສອງປະເທດໄດ້ຮ່ວມມືກັນ, ພ້ອມທັງສະແດງຄວາມປິຕິຊົມຊືນ ທີ່ເຮັດໃຫ້ການພົວພັນຮ່ວມມືວຽກງານຕໍາຫຼວດ ກໍຄືການຮັກສາຄວາມສະຫງົບ ມີບາດກ້າວຂະຫຍາຍຕົວຢ່າງຕໍ່ເນື່ອງ, ພ້ອມນີ້ ທັງສອງຝ່າຍຍັງໄດ້ສະແດງຄວາມເຊື່ອ ໝັ້ນວ່າ: ພາຍໃຕ້ຂອບການຮ່ວມມືຂອງກໍາລັງຕໍາຫຼວດລາວ ແລະ ອິນໂດເນເຊຍ ຈະເປັນພື້ນຖານອັນສໍາຄັນເຮັດໃຫ້ພາກພື້ນ ເວົ້າລວມ, ເວົ້າສະເພາະກໍຄືສອງປະເທດ ຮັບປະກັນໄດ້ຄວາມສະຫງົບ ແລະ ປອດໄພ.
ພ້ອມດຽວກັນນີ້, ຄະນະຜູ້ແທນຕໍາລາວ ຍັງໄດ້ພົບປະກັບ ຄະນະຜູ້ແທນຕໍາຫຼວດອັງກິດ ຊຶ່ງນໍາໂດຍ ທ່ານ ມາກສະຕີເວັນຮິວ ຫົວໜ້າຝ່າຍປະຕິບັດງານ ອົງການຕ້ານອາຊະຍາກໍາແຫ່ງຊາດ ປະເທດອັງກິດ, ການພົບປະຄັ້ງນີ້ ຄະນະຜູ້ແທນທັງສອງຝ່າຍ ໄດ້ພ້ອມກັນສະຫຼຸບຕີລາຄາຄືນ ຜົນຂອງການຮ່ວມມືກັນໃນໄລຍະຜ່ານມາ ຊຶ່ງໄດ້ເປັນພື້ນຖານທີ່ສໍາຄັນໃນການສ້າງສັນຕິພາບ, ມິດຕະພາບ ແລະ ຄວາມຮ່ວມມື ຂອງທັງສອງປະເທດ ໂດຍເປັນການສ້າງເງື່ອນໄຂໃນການຮັບປະກັນ ເຮັດໃຫ້ປະເທດມີສະຖຽນລະພາບ, ມີຄວາມສະຫງົບ ແລະ ເປັນລະບຽບຮຽບຮ້ອຍ, ທັງສ້າງເງື່ອນໄຂເຮັດໃຫ້ການພັດທະນາເສດຖະກິດ-ສັງຄົມ ຂອງທັງສອງປະເທດ ໃຫ້ມີບາດກ້າວຂະຫຍາຍຂຶ້ນ, ພ້ອມນີ້ ທັງສອງຝ່າຍຍັງໄດ້ພ້ອມກັນປຶກສາຫາລືທາງດ້ານການພົວພັນຮ່ວມມືກັນໃນຕໍ່ໜ້າຕື່ມອີກ ເພື່ອສືບຕໍ່ຮ່ວມມືກັນໃນຂົງເຂດວຽກງານຕໍາຫຼວດ ໃຫ້ມີຄວາມເຕີບໃຫຍ່ເຂັ້ມແຂງຂຶ້ນເປັນກ້າວໆ.
ຂ່າວ-ພາບ: ຍຸພິນທອງ-ບຸນຕອມ
ໃນການພົບປະລະຫວ່າງ ຄະນະຜູ້ແທນ ຕໍາຫຼວດລາວ ກັບ ຄະນະຜູ້ແທນ ຕໍາຫຼວດກໍາປູເຈຍ, ຝ່າຍລາວນໍາໂດຍ ທ່ານ ພົຕ ຄໍາກິ່ງ ຜຸຍຫຼ້າມະນີວົງ ຮອງລັດຖະມົນຕີ ຫົວໜ້າກົມໃຫຍ່ຕໍາຫຼວດ ຫົວໜ້າກໍາລັງຕໍາຫຼວດລາວ ພ້ອມດ້ວຍຄະນະ, ຝ່າຍກໍາປູເຈຍ ນໍາໂດຍ ທ່ານ ພົອ ຊາເທີດ ຫົວໜ້າຕໍາຫຼວດແຫ່ງຊາດກໍາປູເຈຍ ພ້ອມດ້ວຍຄະນະ, ໃນການພົບປະທັງສອງຝ່າຍ ໄດ້ທົບທວນຄືນເຖິງໝາກຜົນແຫ່ງການຮ່ວມມື ໃນຕະຫຼອດໄລຍະຜ່ານມາ ພ້ອມສະແດງຄວາມຊົມເຊີຍຕໍ່ກັບການເຕີບໃຫຍ່ຂະຫຍາຍຕົວ ຂອງກໍາລັງຕໍາຫຼວດຂອງແຕ່ລະຝ່າຍ, ລວມທັງຜົນສໍາເລັດໃນການພົວພັນຮ່ວມມືດ້ານການຮັກສາຄວາມສະຫງົບ ແລະ ຄວາມເປັນລະບຽບຮຽບຮ້ອຍ, ໂດຍສະເພາະ ບໍລິເວນຕາມຊາຍແດນລາວ-ກໍາປູເຈຍ ເຮັດໃຫ້ຊາຍແດນ ລາວ-ກໍາປູເຈຍ ເປັນຊາຍແດນແຫ່ງສັນຕິພາບ, ມິດຕະພາບ ແລະ ການຮ່ວມມື, ປະຊາຊົນສອງຊາດ ໄດ້ໄປມາຫາສູ່ກັນດ້ວຍຄວາມສະດວກ ແລະ ເຕັມໄປດ້ວຍຄວາມຮັກແພງສາມັກຄີກັນ, ພ້ອມນີ້ ທັງສອງຝ່າຍໄດ້ໃຫ້ຄໍາໝັ້ນສັນຍາວ່າ: ຈະສືບຕໍ່ເສີມຂະຫຍາຍສາຍພົວພັນຮ່ວມມື ໃຫ້ຈະເລີນງອກງາມຍິ່ງໆຂຶ້ນ.
ຈາກນັ້ນ, ຄະນະຜູ້ແທນ ຕໍາຫຼວດລາວ ກໍໄດ້ພົບກັບ ຄະນະຜູ້ແທນ ຕໍາຫຼວດອິນໂດເນເຊຍ ຊຶ່ງນໍາໂດຍ ທ່ານ ພົຈວ ອາເມີ ຈັນດາ ເຈບີ ເລຂາທິການຕໍາຫຼວດສາກົນອິນໂດເນເຊຍ ໃນໂອກາດນີ້ທັງສອງຝ່່າຍໄດ້ຕີລາຄາສູງເຖິງຜົນຂອງການຈັດຕັ້ງປະຕິບັດວຽກງານຕໍາຫຼວດ ທີ່ທັງສອງປະເທດໄດ້ຮ່ວມມືກັນ, ພ້ອມທັງສະແດງຄວາມປິຕິຊົມຊືນ ທີ່ເຮັດໃຫ້ການພົວພັນຮ່ວມມືວຽກງານຕໍາຫຼວດ ກໍຄືການຮັກສາຄວາມສະຫງົບ ມີບາດກ້າວຂະຫຍາຍຕົວຢ່າງຕໍ່ເນື່ອງ, ພ້ອມນີ້ ທັງສອງຝ່າຍຍັງໄດ້ສະແດງຄວາມເຊື່ອ ໝັ້ນວ່າ: ພາຍໃຕ້ຂອບການຮ່ວມມືຂອງກໍາລັງຕໍາຫຼວດລາວ ແລະ ອິນໂດເນເຊຍ ຈະເປັນພື້ນຖານອັນສໍາຄັນເຮັດໃຫ້ພາກພື້ນ ເວົ້າລວມ, ເວົ້າສະເພາະກໍຄືສອງປະເທດ ຮັບປະກັນໄດ້ຄວາມສະຫງົບ ແລະ ປອດໄພ.
ພ້ອມດຽວກັນນີ້, ຄະນະຜູ້ແທນຕໍາລາວ ຍັງໄດ້ພົບປະກັບ ຄະນະຜູ້ແທນຕໍາຫຼວດອັງກິດ ຊຶ່ງນໍາໂດຍ ທ່ານ ມາກສະຕີເວັນຮິວ ຫົວໜ້າຝ່າຍປະຕິບັດງານ ອົງການຕ້ານອາຊະຍາກໍາແຫ່ງຊາດ ປະເທດອັງກິດ, ການພົບປະຄັ້ງນີ້ ຄະນະຜູ້ແທນທັງສອງຝ່າຍ ໄດ້ພ້ອມກັນສະຫຼຸບຕີລາຄາຄືນ ຜົນຂອງການຮ່ວມມືກັນໃນໄລຍະຜ່ານມາ ຊຶ່ງໄດ້ເປັນພື້ນຖານທີ່ສໍາຄັນໃນການສ້າງສັນຕິພາບ, ມິດຕະພາບ ແລະ ຄວາມຮ່ວມມື ຂອງທັງສອງປະເທດ ໂດຍເປັນການສ້າງເງື່ອນໄຂໃນການຮັບປະກັນ ເຮັດໃຫ້ປະເທດມີສະຖຽນລະພາບ, ມີຄວາມສະຫງົບ ແລະ ເປັນລະບຽບຮຽບຮ້ອຍ, ທັງສ້າງເງື່ອນໄຂເຮັດໃຫ້ການພັດທະນາເສດຖະກິດ-ສັງຄົມ ຂອງທັງສອງປະເທດ ໃຫ້ມີບາດກ້າວຂະຫຍາຍຂຶ້ນ, ພ້ອມນີ້ ທັງສອງຝ່າຍຍັງໄດ້ພ້ອມກັນປຶກສາຫາລືທາງດ້ານການພົວພັນຮ່ວມມືກັນໃນຕໍ່ໜ້າຕື່ມອີກ ເພື່ອສືບຕໍ່ຮ່ວມມືກັນໃນຂົງເຂດວຽກງານຕໍາຫຼວດ ໃຫ້ມີຄວາມເຕີບໃຫຍ່ເຂັ້ມແຂງຂຶ້ນເປັນກ້າວໆ.
ຂ່າວ-ພາບ: ຍຸພິນທອງ-ບຸນຕອມ
ຄໍາເຫັນ