 |
ທ່ານ ບຸນຄໍາ ໄຊຍະແສງ ຮອງຫົວໜ້າພະແນກການເງິນແຂວງ ໄດ້ສະຫຼຸບຫຍໍ້ວຽກງານການເງິນໃນໄລຍະ 1 ປີຜ່ານມາ. ຈາກນັ້ນ, ຕາງໜ້າຄະນະຈັດຕັ້ງແຂວງ ກໍໄດ້ຜ່ານຂໍ້ຕົກລົງຂອງລັດຖະມົນຕີກະຊວງການເງິນ ວ່າດ້ວຍການຍົກຍ້າຍພະນັກງານຂະແໜງການເງິນ ໄປຮັບໜ້າທີ່ໃໝ່ຢູ່ຂະແໜງການອື່ນປະກອບມີ: ຍົກຍ້າຍທ່ານ ບຸນຄໍາ ໄຊຍະແສງ ຮອງຫົວໜ້າພະແນກການເງິນແຂວງ ໄປຮັບໜ້າທີ່ໃໝ່ ຢູ່ຄະນະຄຸ້ມຄອງດ່ານສາກົນນາເພົ້າ, ຍົກຍ້າຍທ່ານ ພູຊະນະ ໄຊໂກສີ ຮອງຫົວໜ້າພະແນກການເງິນແຂວງ ໄປຮັບໜ້າທີ່ໃໝ່ ຢູ່ຄະນະຄຸ້ມຄອງດ່ານສາກົນ ຂົວມິດຕະພາບ 3 ແລະ ຜ່ານຂໍ້ຕົກລົງຂອງຄະນະກໍາມະການປົກຄອງແຂວງຄໍາມ່ວນ ວ່າດ້ວຍການແຕ່ງຕັ້ງ ຮອງຫົວໜ້າພະແນກການເງິນແຂວງຄໍາມ່ວນ ຊຶ່ງໄດ້ຕົກລົງແຕ່ງຕັ້ງ ທ່ານ ເສົານາວາ ດວງມາລາ ຫົວໜ້າຂະແໜງຄຸ້ມຄອງການບັນຊີ ແລະ ທ່ານ ມະນີວອນ ຊຽງທໍາ ຫົວໜ້າຂະແໜງແຜນການ ແລະ ສະຖິຕິ ເປັນຮອງຫົວໜ້າພະແນກການເງິນ ແຂວງຄໍາມ່ວນ.
 |
(ຂ່າວ-ພາບ: ກອງຄໍາ)
ຄໍາເຫັນ