ເມື່ອບໍ່ດົນມານີ້, ທ່ານ ວົງເພັດ ຈິດປັນຍາ ຮອງເລຂາພັກແຂວງ ຮອງປະທານປ້ອງກັນຊາດ - ປ້ອງກັນຄວາມສະຫງົບແຂວງ ຜູ້ຊີ້ນຳວຽກງານການເມືອງແນວຄິດ ແຂວງຄຳມ່ວນ ພ້ອມດ້ວຍຄະນະ ລົງພົບປະຢ້ຽມຢາມ ແລະ ຊຸກຍູ້ໃຫ້ກຳລັງໃຈ ພະນັກງານ-ນັກຮົບ ຢູ່ກອງຮ້ອຍທະຫານຊາຍແດນ 313 ແລະ ກອງພັນທະຫານຮາບທີ່ 6 ໂດຍມີ ຄະນະພັກ-ຄະນະບັນຊາ, ພະນັກງານ-ນັກຮົບ ທັງສອງກົມກອງເຂົ້າຮ່ວມ.
ໂອກາດນີ້, ທ່ານ ພັນໂທ ແສງມະນີ ບົວສະວັນ ຫົວໜ້າການທະຫານ ກອງຮ້ອຍທະຫານຊາຍແດນ 313 ແລະ ທ່ານ ພັນໂທ ເຊີຍ ໂທສີທາ ຫົວໜ້າການເມືອງ ກອງພັນທະຫານຮາບທີ່ 6 ໄດ້ລາຍງານການຈັດຕັ້ງປະຕິບັດວຽກງານຂອງກົມໃນໄລຍະ 1 ປີຜ່ານມາ ຊຶ່ງຄະນະພັກ-ຄະນະບັນຊາ ໄດ້ເອົາໃຈໃສ່ໃນການນຳພາ-ຊີ້ນຳ ພະນັກງານ-ນັກຮົບ ເຄື່ອນໄຫວປະຕິບັດໜ້າທີ່ປົກປັກຮັກສາຄວາມສະຫງົບ ຕາມຂອບເຂດທີ່ກົມກອງຮັບຜິດຊອບໄດ້ເປັນຢ່າງດີ, ຕ້ານ ແລະ ສະກັ້ນກັ້ນປະກົດການຫຍໍ້ທໍ້ຕາມຂອບເຂດບໍເວນຊາຍແດນ, ຫັນເອົາພະນັກງານລົງກໍ່ສ້າງຮາກຖານການເມືອງ-ພັດທະນາຊົນນະບົດຮອບດ້ານ ໂດຍຕິດພັນກັບການປະຕິບັດ 7 ລະບອບ 18 ວຽກຂອງກອງທັບວາງອອກ ເພື່ອຮັບປະກັນໃນການກຽມພ້ອມສູ້ຮົບໄດ້ຕະຫຼອດ 24 ຊົ່ວໂມງ. ນອກນຈາກນັ້ນ, ຄະນະພັກ-ຄະນະບັນຊາ ຍັງໄດ້ນຳພາ-ຊີ້ນຳ ພະນັກງານ-ນັກຮົບ ເອົາໃຈໃສ່ໃນການຜະລິດ ເພື່ອແກ້ໄຂຊີວິດການເປັນຢູ່ ດ້ວຍການປູກຝັງ-ລ້ຽງສັດ ໄດ້ເປັນຢ່າງດີ.
ໂອກາດນີ້, ທ່ານ ວົງເພັດ ຈິດປັນຍາ ກໍໄດ້ເນັ້ນໜັກໃຫ້ຄະນະພັກ-ຄະນະບັນຊາ ຈົ່ງສືບຕໍ່ສຶກສາອົບຮົມການເມືອງ-ນຳພາແນວຄິດ ໃຫ້ພະນັກງານ-ນັກຮົບ ໂດຍຕິດພັນກັບຂະບວນການວຽກງານຕ່າງໆຂອງກົມກອງ ສືບຕໍ່ເປັນເຈົ້າການໃນການປະຕິບັດໜ້າທີ່ປົກປັກຮັກສາຊາຍແດນໃຫ້ມີຄວາມເປັນລະບຽບຮຽບຮ້ອຍ ແລະ ມີຄວາມສະຫງົບໂດຍພື້ນຖານ, ປະຕິບັດຂໍ້ກຳນົດ, ກົດລະບຽບຂອງກອງທັບ ກໍຄືຂອງກົມກອງວາງອອກຢ່າງເປັນປົກກະຕິ, ມີຄວາມສາມັກຄີ ແລະ ເປັນເອກະພາບໃນທຸກວຽກງານ, ພ້ອມກັນອອກແຮງແຂ່ງຂັນກັນສ້າງຜົນງານ ແລະ ສ້າງຂະບວນການ ເພື່ອຂໍ່ານັບຮັບງານສະເຫຼີມສະຫຼອງຕ້ອນວັນສ້າງຕັ້ງກອງທັບປະຊາຊົນລາວ ຄົບຮອບ 75 ປີ ແລະ ວັນສ້າງຕັ້ງ ກອງບັນຊາການທະຫານແຂວງຄຳມ່ວນ ຄົບຮອບ 75 ປີ ທີ່ກຳລັງຈະຈັດຂຶ້ນໃນມໍ່ໆນີ້. ໃນໂອກາດດັ່ງກ່າວນີ້, ກໍໄດ້ມອບເຄື່ອງບໍລິໂພກ ແລະ ອຸປະກອນກິລາ ຈຳນວນໜຶ່ງ ໃຫ້ພະນັກງານ-ນັກຮົບ ກອງຮ້ອຍທະຫານຊາຍແດນ 313 ແລະ ກອງພັນທະຫານຮາບທີ່ 6 ຕື່ມອີກ.
(ຂ່າວ: ລາກີ ພົມມີສິດ)
ໂອກາດນີ້, ທ່ານ ພັນໂທ ແສງມະນີ ບົວສະວັນ ຫົວໜ້າການທະຫານ ກອງຮ້ອຍທະຫານຊາຍແດນ 313 ແລະ ທ່ານ ພັນໂທ ເຊີຍ ໂທສີທາ ຫົວໜ້າການເມືອງ ກອງພັນທະຫານຮາບທີ່ 6 ໄດ້ລາຍງານການຈັດຕັ້ງປະຕິບັດວຽກງານຂອງກົມໃນໄລຍະ 1 ປີຜ່ານມາ ຊຶ່ງຄະນະພັກ-ຄະນະບັນຊາ ໄດ້ເອົາໃຈໃສ່ໃນການນຳພາ-ຊີ້ນຳ ພະນັກງານ-ນັກຮົບ ເຄື່ອນໄຫວປະຕິບັດໜ້າທີ່ປົກປັກຮັກສາຄວາມສະຫງົບ ຕາມຂອບເຂດທີ່ກົມກອງຮັບຜິດຊອບໄດ້ເປັນຢ່າງດີ, ຕ້ານ ແລະ ສະກັ້ນກັ້ນປະກົດການຫຍໍ້ທໍ້ຕາມຂອບເຂດບໍເວນຊາຍແດນ, ຫັນເອົາພະນັກງານລົງກໍ່ສ້າງຮາກຖານການເມືອງ-ພັດທະນາຊົນນະບົດຮອບດ້ານ ໂດຍຕິດພັນກັບການປະຕິບັດ 7 ລະບອບ 18 ວຽກຂອງກອງທັບວາງອອກ ເພື່ອຮັບປະກັນໃນການກຽມພ້ອມສູ້ຮົບໄດ້ຕະຫຼອດ 24 ຊົ່ວໂມງ. ນອກນຈາກນັ້ນ, ຄະນະພັກ-ຄະນະບັນຊາ ຍັງໄດ້ນຳພາ-ຊີ້ນຳ ພະນັກງານ-ນັກຮົບ ເອົາໃຈໃສ່ໃນການຜະລິດ ເພື່ອແກ້ໄຂຊີວິດການເປັນຢູ່ ດ້ວຍການປູກຝັງ-ລ້ຽງສັດ ໄດ້ເປັນຢ່າງດີ.
ໂອກາດນີ້, ທ່ານ ວົງເພັດ ຈິດປັນຍາ ກໍໄດ້ເນັ້ນໜັກໃຫ້ຄະນະພັກ-ຄະນະບັນຊາ ຈົ່ງສືບຕໍ່ສຶກສາອົບຮົມການເມືອງ-ນຳພາແນວຄິດ ໃຫ້ພະນັກງານ-ນັກຮົບ ໂດຍຕິດພັນກັບຂະບວນການວຽກງານຕ່າງໆຂອງກົມກອງ ສືບຕໍ່ເປັນເຈົ້າການໃນການປະຕິບັດໜ້າທີ່ປົກປັກຮັກສາຊາຍແດນໃຫ້ມີຄວາມເປັນລະບຽບຮຽບຮ້ອຍ ແລະ ມີຄວາມສະຫງົບໂດຍພື້ນຖານ, ປະຕິບັດຂໍ້ກຳນົດ, ກົດລະບຽບຂອງກອງທັບ ກໍຄືຂອງກົມກອງວາງອອກຢ່າງເປັນປົກກະຕິ, ມີຄວາມສາມັກຄີ ແລະ ເປັນເອກະພາບໃນທຸກວຽກງານ, ພ້ອມກັນອອກແຮງແຂ່ງຂັນກັນສ້າງຜົນງານ ແລະ ສ້າງຂະບວນການ ເພື່ອຂໍ່ານັບຮັບງານສະເຫຼີມສະຫຼອງຕ້ອນວັນສ້າງຕັ້ງກອງທັບປະຊາຊົນລາວ ຄົບຮອບ 75 ປີ ແລະ ວັນສ້າງຕັ້ງ ກອງບັນຊາການທະຫານແຂວງຄຳມ່ວນ ຄົບຮອບ 75 ປີ ທີ່ກຳລັງຈະຈັດຂຶ້ນໃນມໍ່ໆນີ້. ໃນໂອກາດດັ່ງກ່າວນີ້, ກໍໄດ້ມອບເຄື່ອງບໍລິໂພກ ແລະ ອຸປະກອນກິລາ ຈຳນວນໜຶ່ງ ໃຫ້ພະນັກງານ-ນັກຮົບ ກອງຮ້ອຍທະຫານຊາຍແດນ 313 ແລະ ກອງພັນທະຫານຮາບທີ່ 6 ຕື່ມອີກ.
(ຂ່າວ: ລາກີ ພົມມີສິດ)
ຄໍາເຫັນ