 |
ໃນການລົງຕິດຕາມຄັ້ງນີ້, ທ່ານ ເຫຼັກໄຫຼ ສີວິໄລ ໄດ້ຊີ້ນໍາແກ່ບໍລິສັດຮັບເໝົາກໍ່ສ້າງຕ້ອງເອົາໃຈໃສ່ຢ່າງຈິງຈັງ ໃນການສ້ອມແປງ ແລະ ບູລະນະຮັກສາເສັ້ນທາງດັ່ງກ່າວ ໃນໄລຍະລະດູຝົນນີ້ ເພື່ອຮັບປະກັນໃຫ້ສາມາດສັນຈອນໄປມາຢ່າງສະດວກ, ຫຼຸດຜ່ອນການເກີດອຸບັດເຫດ, ຮັບປະກັນຄວາມປອດໄພໄລຍະການກໍ່ສ້າງ ແລະ ສຸມໃສ່ຫຼຸດຜ່ອນຫາງສຽງຂອງສັງຄົມ ເພື່ອເປັນການກະກຽມຕ້ອນຮັບການສະເຫຼິມສະຫຼອງ ຄົບຮອບ 50 ປີ ວັນຊາດທີ 2 ທັນວາ ແລະ ສ້າງຂະບວນການຕ້ອນຮັບກອງປະຊຸມໃຫຍ່ຂອງ ອົງຄະນະພັກກະຊວງ ຍທຂ ຄັ້ງທີ VI ແລະ ບໍລິສັດຮັບເໝົາກໍ່ສ້າງ ກໍໃຫ້ຄໍາໝັ້ນສັນຍາ ພ້ອມທີ່ຈະໃຫ້ຄວາມຮ່ວມມື ແລະ ດໍາເນີນການສ້ອມແປງເສັ້ນທາງເພື່ອໃຫ້ຜູ້ຊົມໃຊ້ຖະໜົນສາມາດສັນຈອນໄປມາໄດ້ຢ່າງສະດວກ, ຫຼຸດຜ່ອນຫາງສຽງຂອງສັງຄົມຕໍ່ການນໍາໃຊ້ເສັ້ນທາງດັ່ງກ່າວໃຫ້ໜ້ອຍທີ່ສຸດ; ເຖິງແມ່ນວ່າການເຊັນສັນຍາຮັບເໝົາກໍ່ສ້າງຖືກໄລຍະລູດູຝົນ, ກໍຈະສຸມໃສ່ກະກຽມຄວາມພ້ອມດ້ານຕ່າງໆເປັນຕົ້ນ: ການກະກຽມອອກແບບ, ຮັບຮອງແບບ, ວັດສະດຸ ເພື່ອກະກຽມຄວາມພ້ອມໃຫ້ຄົບຖ້ວນ ແລະ ໃຫ້ສາມາດລົງມືການກໍ່ສ້າງຫຼັງຈາກລະດູຝົນ.
ຂ່າວ-ພາບ: ຍທຂ
ຄໍາເຫັນ