ໃຫ້ທ່ານເຈົ້າແຂວງໄດ້ຮັບຮູ້. ຈາກນັ້ນ, ທ່ານເຈົ້າແຂວງໄຊສົມບູນ ກໍໄດ້ລາຍງານສະພາບລວມຂອງວຽກງານຕ່າງໆພາຍໃນແຂວງໃຫ້ ທ່ານ ນາງ ສູນທອນ ໄຊຍະຈັກ ພ້ອມດ້ວຍຄະນະ ໄດ້ຮັບຊາບ.
ໃນວັນດຽວກັນນີ້, ທ່ານ ນາງ ສູນທອນ ໄຊຍະຈັກ ພ້ອມດ້ວຍຄະນະ ໄດ້ສືບຕໍ່ເຮັດວຽກຮ່ວມກັບສະພາປະຊາຊົນແຂວງ ຢູ່ທີ່ຫ້ອງປະຊຸມຫ້ອງວ່າການແຂວງ ໂດຍການເຂົ້າຮ່ວມຂອງ ທ່ານ ແດງ ປະທຸມທອງ ຮອງເລຂາພັກແຂວງ ປະທານສະພາປະຊາຊົນແຂວງ.
ທ່ານ ແດງ ປະທຸມທອງ ໄດ້ລາຍງານໂດຍຫຍໍ້ກ່ຽວກັບວຽກງານສະພາປະຊາຊົນແຂວງໃນໄລຍະຜ່ານມາ, ຊຶ່ງໄດ້ຈັດຕັ້ງການທາບທາມ, ປະກອບຄໍາເຫັນໃສ່ຮ່າງກົດໝາຍ ທີ່ຈະນໍາເຂົ້າຄົ້ນຄວ້າພິຈາລະນາໃນກອງປະຊຸມສະໄໝສາມັນຂອງສະພາແຫ່ງຊາດ ໄດ້ທັງໝົດ 74 ສະບັບ. ໃນນີ້, ສ້າງໃໝ່ 16 ສະບັບ, ປັບປຸງ 58 ສະບັບ. ນອກຈາກນັ້ນ, ສະມາຊິກສະແຫ່ງຊາດ ປະຈໍາເຂດເລືອກຕັ້ງ ແລະ ສະມາຊິກສະພາປະຊາຊົນແຂວງ ຍັງໄດ້ເປັນເຈົ້າການລົງພົບປະ ແລະ ສຶກສາອົບຮົມການເມືອງແນວຄິດ ໃຫ້ຜູ້ມີສິດເລືອກຕັ້ງ ໂດຍການນໍາເອົາແນວທາງນະໂຍບາຍ ຂອງພັກ ລະບຽບກົດໝາຍຂອງລັດ ແລະ ຜົນສໍາເລັດກອງປະຊຸມສະໄໝສາມັນຂອງສະພາແຫ່ງຊາດ ຊຸດທີ IX ແລະ ສະພາປະຊາຊົນ ແຂວງໄຊສົມບູນ ຊຸດທີ II ລົງຈັດຕັ້ງເຜີຍແຜ່ ໄດ້ທັງໝົດມີ 377 ຈຸດ, ຜູ້ມີສິດປ່ອນບັດເລືອກຕັ້ງໄດ້ເຂົ້າຮ່ວມຮັບຟັງທັງໝົດ 31. 634 ເທື່ອຄົນ ຍິງ 12.972 ເທື່ອຄົນ ແລະ ວຽກງານອື່ນໆ ກໍໄດ້ຈັດຕັ້ງປະຕິບັດສໍາເລັດຕາມຄາດໝາຍ.
ໃນໂອກາດນີ້, ທ່ານ ນາງ ສູນທອນ ໄຊຍະຈັກ ກໍໄດ້ເນັ້ນໝັກໃຫ້ຄະນະນໍາຂອງແຂວງ ຈົ່ງສືບຕໍ່ສຶກສາອົບຮົມ-ການເມືອງແນວຄິດ ໃຫ້ແກ່ສະມາຊິກພັກ ພະນັກງານ, ທະຫານ, ຕໍາຫຼວດ ແລະ ພໍ່ແມ່ປະຊາຊົນບັນດາເຜົ່າເປັນປົກກະຕິ, ນໍາພາຈັດຕັ້ງວຽກງານຂອງສະພາປະຊາຊົນແຂວງ ໂດຍສະເພາະສືບຕໍ່ຕິດຕາມໂຄງການກໍ່ສາງຕຶກອາຄານຂອງສະພາປະຊາຊົນແຂວງ ໃຫ້ສໍາເລັດຕາມຄາດໝາຍທີ່ໄດ້ກໍານົດໄວ້. ສືບຕໍ່ຕິດຕາມບັນດາບໍລິສັດທີ່ມາລົງທຶນພາຍໃນແຂວງ ໃຫ້ເປັນປົກກະຕິ ແລະ ຕິດຕາມຄ່າແຮງງານລາວທີ່ເຮັດວຽກຢູ່ບັນດາບໍລິສັດ ໃຫ້ໄດ້ຄ່າແຮງງານ ທີ່ເໝາະສົມ ໄປຄ່ຽງຄູ່ກັບການປັບປຸງກົນຈັກການຈັດຕັ້ງຂອງບັນດາພະແນກການ ທີ່ລັດຖະບານ ແລະ ສະພາແຫ່ງຊາດ ໄດ້ກໍານົດໄວ້ ໃຫ້ສໍາເລັດຕາມຄາດໝາຍ.
(ພາບ-ຂ່າວ: ນາງ ຕູດ ຄໍາພໍໃຈ)
ຄໍາເຫັນ