 |
ທ່ານ ນາງ ມະນີຈັນ ວິໄລຈິດ ໄດ້ລາຍງານໂດຍຫຍໍ້ກ່ຽວກັບສະພາບການຈັດຕັ້ງປະຕິບັດວຽກງານວິຊາສະເພາະ ກໍຄືລະບົບການຈັດຕັ້ງພາຍໃນຄະນະໂຄສະນາອົບຮົມແຂວງ ພາຍຫຼັງທີ່ມີການປັບປຸງ ແລະ ໂຮມຕົວເຂົ້າກັນ ຕາມທິດທາງແຜນການຂັ້ນເທິງວາງອອກ ເພື່ອໃຫ້ສອດຄ່ອງກັບຄວາມຮຽກຮ້ອງຕ້ອງການຂອງໜ້າທີ່ການເມືອງໃນໄລຍະໃໝ່.
ທ່ານ ນາງ ວິລະວອນ ພັນທະວົງ ໄດ້ໃຫ້ກຽດພົບປະໂອ້ລົມຕໍ່ຄະນະພັກ ແລະ ພະນັກງານຫຼັກແຫຼ່ງ,ຊຶ່ງທ່ານໄດ້ຍົກໃຫ້ເຫັນເຖິງຄວາມໝາຍຄວາມສຳຄັນຂອງວຽກງານໂຄສະນາອົບຮົມ ຊຶ່ງເປັນວຽກງານແນວຄິດທີ່ແຫຼມຄົມຂອງພັກ. ພ້ອມນັ້ນ, ທ່ານຍັງໄດ້ເນັ້ນໜັກໃຫ້ເຫັນເຖິງ ພາລະບົດບາດ, ສິດ ແລະ ໜ້າທີ່ ຂອງຄະນະໂຄສະນາອົບຮົມສູນກາງ ກໍຄືຂັ້ນທ້ອງຖິ່ນ ທີ່ຕ້ອງມີການປະສານສົມທົບ ແລະ ຜັນຂະຫຍາຍມະຕິຄຳສັ່ງຕ່າງໆ ໃຫ້ລົງເຖິງຮາກຖານປະຊາຊົນ. ຈາກນັ້ນ, ຍັງໄດ້ເປີດກ້ວາງໃຫ້ຜູ້ເຂົ້າຮ່ວມໄດ້ປະກອບຄຳຄິດເຫັນ ເຂົ້າໃນວຽກງານຕ່າງໆ.
ຕອນທ້າຍ, ທ່ານຮອງຫົວໜ້າຄະນະໂຄສະນາອົບຮົມສູນກາງພັກ ຍັງໄດ້ໃຫ້ທິດຊີ້ນຳ ແລະ ຮຽກຮ້ອງໃຫ້ພະນັກງານທຸກສະຫາຍ ຈົ່ງຍົກສູງຄວາມຮັບຜິດຊອບຕໍ່ໜ້າທີ່ການເມືອງ, ເອົາໃຈໃສ່ຝຶກຝົນຫຼໍ່ຫຼອມຕົນເອງ ແລະ ສຸມທຸກສະຕິປັນຍາເຂົ້າໃນການເຮັດໜ້າທີ່ທີ່ໄດ້ຮັບການມອບໝາຍໃຫ້ສຳເລັດຜົນຢ່າງມີຄຸນນະພາບ, ເພື່ອເປັນກຳລັງແຮງທີ່ສຳຄັນໃນການປຸກລະດົມຂະບວນການຮັກຊາດ ແລະ ພັດທະນາ ພາຍໃນແຂວງອຸດົມໄຊ ໃຫ້ມີໃບໜ້າໃໝ່ທີ່ເຂັ້ມແຂງຂຶ້ນເລື້ອຍໆ.
(ຂ່າວ:ແສງອາທິດ)
ຄໍາເຫັນ