ທ່ານ ສີຈິ້ນຜິງ: “ຄວາມມຸ່ງຫວັງຂອງຂ້າພະເຈົ້າໃນນະທີ່ນີ້ຄືພວກຫຼານຕ່າງຈະສົມຫວັງດັ່ງໃຈປາຖະໜາ”

ຢູ່ສະຖານທີ່ຈັດກິດຈະກຳ ມີຕົ້ນໄມ້ຕົ້ນໜຶ່ງທີ່ມີບັດລະບຸຄວາມມຸ່ງຫວັງຫ້ອຍເຕັມຕົ້ນ. ເດັກນ້ອຍເຍົາວະຊົນທີ່ມາຈາກເຂດຖານທີ່ໝັ້ນຂອງການປະຕິວັດ, ເດັກເຝົ້າເຮືອນໃນບ້ານຊົນນະບົດ ເນື່ອງຈາກພໍ່ແມ່ໄປເຮັດວຽກຢູ່ຕ່າງຖິ່ນ ແລະ ອື່ນໆໄດ້ຫຸ້ມອ້ອມໂຕທ່ານ ສີຈິ້ນຜິງ ເພື່ອເລົ່າຄວາມມຸ່ງຫວັງຂອງຕົນສູ່ເພິ່ນຟັງ. ທ່ານ ສີຈິ້ນຜິງ ງຶກຫົວ ແລະ ຕອບຮັບດ້ວຍຮອຍຍິ້ມພ້ອມທັງບອກເດັກໆທັງຫຼາຍວ່າ: “ຄວາມມຸ່ງຫວັງຂອງຂ້າພະເຈົ້າໃນນະທີ່ນີ້ຄືພວກຫຼານຕ່າງຈະສົມຫວັງດັ່ງໃຈປາຖະໜາ”

 ທ່ານ ສີຈິ້ນຜິງ ຍັງກ່າວເນັ້ນໜັກວ່າ: “ພວກຫຼານເຕີບໃຫຍ່ໄດ້ດີກວ່າເກົ່າ ຄືຄວາມມຸ່ງຫວັງອັນໃຫຍ່ທີ່ສຸດຂອງພວກເຮົາ.”

ເດັກນ້ອຍເຕີບໃຫຍ່ໄດ້ດີກວ່າເກົ່າ ແມ່ນຢູ່ນຳການປູກຈິດສຳນຶກນ້ຳໃຈຮັກຊາດມາແຕ່ເຍົາໄວ.

    ທ່ານ ສີຈິ້ນຜິງ ໃຫ້ຄວາມສຳຄັນຕໍ່ວຽກງານການປູກຈິດສຳນຶກນ້ຳໃຈຮັກຊາດໃຫ້ແກ່ເດັກນ້ອຍເຍົາວະຊົນມາໂດຍຕະຫຼອດ. ໃນໂອກາດພົບປະໂອ້ລົມກັບເດັກນ້ອຍເຍົາວະຊົນ, ເພິ່ນໄດ້ໃຫ້ຄຳສັ່ງສອນຕ່າງໆເຊັ່ນ: “ພຶດຕິກຳສາມຂວບບອກນິໄສໄດ້ຮອດເຖົ້າ, ພວກເຮົາອົບຮົມບົ່ມສອນລັດທິຮັກຊາດກໍແມ່ນເລີ່ມຈາກເຍົາໄວເຊັ່ນດຽວກັນ”, “ອຸດົມການສຳຄັນທີ່ສຸດໃນຊີວິດກໍຄວນຕິດພັນກັບປະເທດຊາດ ແລະ ປະຊາຊົນຢ່າງແໜ້ນແຟ້ນ”… ສາມາດເວົ້າໄດ້ວ່າ ຄຳສັ່ງສອນອັນຈິງໃຈນີ້ໄດ້ຊີ້ນຳໃຫ້ເດັກນ້ອຍເຍົາວະຊົນເລືອກເສັ້ນທາງຊີວິດທີ່ຖືກຕ້ອງ ແລະ ຢວ່າງບາດກ້າວທຳອິດໃຫ້ດີ.

    ເດັກນ້ອຍເຕີບໃຫຍ່ໄດ້ດີກວ່າເກົ່າ ແມ່ນຢູ່ນຳການຮ່ຳຮຽນເພື່ອຍົກສູງລະດັບຈິດໃຈ ການອອກກຳລັງກາຍເພື່ອຍົກສູງຄຸນນະພາບດ້ານຮ່າງກາຍ. 

    ການເຕີບໃຫຍ່ຢ່າງມີສຸຂະພາບເຂັ້ມແຂງ ແລະ ພັດທະນາຢ່າງຮອບດ້ານຂອງເດັກນ້ອຍເຍົາວະຊົນຄື ຄວາມຫ່ວງໃຍທີ່ອ່ອນໂຍນທີ່ສຸດຢູ່ໃນໃຈຂອງທ່ານ ສີຈິ້ນຜິງ. 

    ໃນໄລຍະລົງເຄື່ອນໄຫວຢ້ຽມຢາມຢູ່ທ້ອງຖິ່ນ, ເພິ່ນໄດ້ເອົາໃຈໃສ່ວ່າ ອາຫານການກິນຂອງເດັກນ້ອຍຢູ່ໂຮງຮຽນດີ ຫຼື ບໍ່? ນະໂຍບາຍອາຫານທ່ຽງຕາມຫຼັກໂພຊະນາການສຳລັບນັກຮຽນໄດ້ຮັບການປະຕິບັດຄືແນວໃດແລ້ວ? ນອກນີ້, ເພິ່ນຍັງໄດ້ເອົາໃຈໃສ່ເປັນພິເສດຕໍ່ການພັດທະນາຮອບດ້ານທັງຄຸນສົມບັດ ປັນຍາ ສິລະປະ ພະລະ ແລະ ແຮງງານຂອງເດັກນ້ອຍ, ເພິ່ນເນັ້ນໜັກວ່າ: “ຕ້ອງຢຶດ ໝັ້ນຖືຄຸນສົມບັດສຶກສາໄປກ່ອນ”, “ປຸກລະດົມໃຫ້ເດັກນ້ອຍທັງຫຼາຍມາອອກກຳລັງກາຍ”, “ເມື່ອອອກກຳລັງກາຍໃຫ້ຫຼາຍຂຶ້ນ, ເດັກຕຸ້ຍ ແລະ ເດັກໃສ່ແວ່ນຕາກໍຈະຫຼຸດໜ້ອຍລົງ.”

 ເດັກນ້ອຍເຕີບໃຫຍ່ໄດ້ດີກວ່າເກົ່າ ຍັງຢູ່ນຳການສ້າງເງື່ອນໄຂທີ່ເອື້ອອຳນວຍໃຫ້ແກ່ການເຕີບໃຫຍ່ຢ່າງເຂັ້ມແຂງຂອງເດັກນ້ອຍເຍົາວະຊົນ.

    ທ່ານ ສີຈິ້ນຜິງ ໄດ້ເນັ້ນໜັກວ່າ: “ຄະນະພັກ ແລະ ອົງການປົກຄອງທຸກຂັ້ນ ກໍຄືວົງການຕ່າງໆໃນສັງຄົມ ລ້ວນແຕ່ຕ້ອງໃຫ້ຄວາມສຳຄັນຕໍ່ວຽກງານການບົ່ມເພາະ ແລະ ສ້າງອະນາຄົດ, ເອົາໃຈໃສ່ ແລະ ຮັກແພງເດັກນ້ອຍເຍົາວະຊົນ.”  

    ພາຍໃຕ້ການເອົາໃຈໃສ່ຊຸກຍູ້ຂອງທ່ານ ສີຈິ້ນຜິງ, ທ້ອງຖິ່ນຕ່າງໆ ແລະ ພາກສ່ວນຕ່າງໆຂອງຈີນ ໄດ້ສຸມໃສ່ສະໜອງການປົກປັກຮັກສາຢ່າງຮອບດ້ານໃຫ້ແກ່ເດັກນ້ອຍເຍົາວະຊົນໄດ້ເຕີບໃຫຍ່ຢ່າງເຂັ້ມແຂງ, ການຄ້ຳປະກັນດ້ານນະໂຍບາຍ ແລະ ລະບຽບການໄດ້ຮັບການປັບປຸງໃຫ້ດີຂຶ້ນຢ່າງບໍ່ຢຸດຢັ້ງ. ໄດ້ຊຸກຍູ້ການກໍ່ສ້າງລະບົບການສຶກສາດ້ານທິດສະດີການເມືອງ-ແນວຄິດແບບເຊື່ອມໂຍງກັບໂຮງຮຽນປະຖົມ, ມັດທະຍົມ ແລະ ສະຖາບັນການສຶກສາຊັ້ນສູງ, ເພື່ອສ້າງຄ່ານິຍົມອັນຖືກຕ້ອງໃຫ້ແກ່ເດັກນ້ອຍທັງຫຼາຍປານກັບ “ເໜັບກະດຸມເມັດທຳອິດໃນຊີວິດໃຫ້ດີ”; ເຂດທົດລອງການສຶກສາວິທະຍາສາດ, ໂຮງຮຽນທົດລອງການສຶກສາວິທະຍາສາດຊັ້ນປະຖົມ ແລະ ມັດທະຍົມໄດ້ປົກຄຸມຕົວເມືອງ ແລະ ຊົນນະບົດໃນທົ່ວປະເທດ, ເພື່ອນຳພາເດັກນ້ອຍທັງຫຼາຍຕັ້ງຄວາມຝັນແຫ່ງວິທະຍາສາດ; ຈາກການຈັດວິຊາຮຽນກິລາມື້ລະໂມງຮຽນຮອດການຈັດເວລາພັກຜ່ອນຂັ້ນໂມງຮຽນ 15 ນາທີ, ເຮັດໃຫ້ເດັກນ້ອຍທັງຫຼາຍໄດ້ອອກກຳລັງກາຍຢ່າງເບີກບານມ່ວນຊື່ນ; ຈາກການຕັ້ງໜ້າຂະຫຍາຍຫຼັກສູດສິລະປະສຶກສາ ຮອດ ການຈັດຕັ້ງກິດຈະກຳການສະແດງສິລະປະ, ເພື່ອຫຼໍ່ລ້ຽງຈິດໃຈຂອງເດັກນ້ອຍທັງຫຼາຍ; ການອອກແຮງງານໄດ້ກາຍເປັນວິຊາບັງຄັບ, ເພື່ອປູກຈິດສຳນຶກການສົ່ງເສີມການອອກແຮງງານ ແລະ ເຄົາລົບການອອກແຮງງານຕັ້ງແຕ່ຍັງນ້ອຍ. 

     ນັບແຕ່ປີ 2012 ເປັນຕົ້ນມາ, ສູນກາງພັກກອມມູນິດຈີນ ໄດ້ຈັດເອົາການປະຕິບັດຫຼັກການຖືເດັກນ້ອຍເປັນບຸລິມະສິດ ເຂົ້າໃນສະພາບລວມຂອງວຽກງານພັກ ແລະ ລັດຖະບານ ເພື່ອຊຸກຍູ້ປະຕິບັດເປັນເອກະພາບກັນ, ປັບປຸງລະບົບລະບຽບກົດໝາຍໃຫ້ສົມບູນຂຶ້ນ, ເຜີຍແຜ່ແຜນການແຫ່ງຊາດສະບັບຕ່າງໆເຊັ່ນ: ແຜນການພັດທະນາເດັກນ້ອຍຈີນ (2021—2030) ແຜນການສ້າງປະເທດໃຫ້ເຂັ້ມແຂງດ້ານການສຶກສາ（2024—2035) ເປັນຕົ້ນ, ປັບປຸງກົດໝາຍຕ່າງໆເປັນຕົ້ນແມ່ນ ກົດໝາຍວ່າດ້ວຍການປົກປ້ອງຄົນທີ່ບໍ່ທັນເຕັມກະສຽນອາຍຸ, ກົດໝາຍວ່າດ້ວຍການປ້ອງກັນອາຊະຍາກຳຂອງຄົນທີ່ບໍ່ທັນເຕັມກະສຽນອາຍຸ ແລະ ອື່ນໆ ເພື່ອສ້າງເຄືອຂ່າຍປ້ອງກັນຄວາມປອດໄພຂອງເດັກນ້ອຍທັງຫຼາຍ.

ບົດໂດຍ: ວິທະຍຸ, ໂທລະພາບສູນກາງຈີນ (CMG)