ທ່ານ ສີຈິ້ນຜິງ ເນັ້ນໜັກວ່າ: ປີນີ້ແມ່ນປີເຊັນ “ສົນທິສັນຍາວ່າດ້ວຍການເປັນບ້ານໃກ້ເຮືອນຄຽງທີ່ດີ ແລະ ການຮ່ວມມືມິດຕະພາບຈີນ-ຣັດເຊຍ”. ຫຼາຍປີຜ່ານມາ, ສອງປະເທດໄດ້ປະຕິບັດຕາມຫຼັກການ “ບໍ່ຮ່ວມກຸ່ມ, ບໍ່ເປັນປໍລະປັກ ແລະ ບໍ່ແນໃສ່ຝ່າຍທີ 3” ທີ່ລະບຸໄວ້ໃນສົນທິສັນຍາດັ່ງກ່າວຢ່າງສະເໝີຕົ້ນສະເໝີປາຍ, ຢຶດໝັ້ນຄວາມສະເໝີພາບກັນ, ເຄົາລົບຊຶ່ງກັນ ແລະ ກັນ, ຢຶດໝັ້ນຄວາມໄວ້ເນື້ອເຊື່ອໃຈກັນ ແລະ ຮ່ວມມືກັນແບບຕ່າງຝ່າຍຕ່າງໄດ້ຮັບຜົນປະໂຫຍດ, ໄດ້ປະກອບສ່ວນອັນສຳຄັນເຂົ້າໃນການປົກປ້ອງຄວາມຍຸຕິທຳ ແລະ ຄວາມເປັນທຳສາກົນ ແລະ ຊຸກຍູ້ການສ້າງການພົວພັນສາກົນແບບໃໝ່ ຊຶ່ງກາຍເປັນປັດໄຈແນ່ນອນທີ່ສຳຄັນໃນສະພາບການປ່ຽນແປງຂອງໂລກໃນຮອບຮ້ອຍປີ.
ທ່ານ ວະລາດີເມຍ ປູຕິນ ກ່າວວ່າ: ປັດຈຸບັນ, ການພົວພັນລະຫວ່າງຣັດເຊຍ-ຈີນໄດ້ກ້າວຂຶ້ນສູ່ລະດັບສູງທີ່ບໍ່ເຄີຍມີມາກ່ອນ ແລະ ຂະຫຍາຍຕົວຢ່າງຕໍ່ເນື່ອງ, ການພົວພັນລະຫວ່າງສອງປະເທດແມ່ນອິດສະຫຼະ ແລະ ເປັນເຈົ້າຕົນເອງ, ບໍ່ໄດ້ຮັບຜົນກະທົບຈາກສະຖານະການສາກົນໃນປັດຈຸບັນ. ສາມາດຖືເປັນແບບຢ່າງແຫ່ງການພົວພັນລະຫວ່າງປະເທດ ແລະ ລະຫວ່າງຊົນຊາດ. ຣັດເຊຍ ແລະ ຈີນຈະຮັກສາການປະສານງານທາງຍຸດທະສາດຢ່າງແໜ້ນແຟ້ນໃນເວທີສາກົນ, ຮ່ວມກັນປົກປ້ອງຫຼັກໝັ້ນ ແລະ ຫຼັກການຂອງກົດບັດສະຫະປະຊາຊາດ ພ້ອມທັງຮ່ວມກັນປົກປັກຮັກສາຄວາມໝັ້ນຄົງ ແລະ ສະຖຽນລະພາບຂອງທົ່ວໂລກ.
ຄໍາເຫັນ