 |
ຫຼັງຈາກນັ້ນ, ທ່ານ ສີຈິ້ນຜິງ ໄດ້ເດີນທາງໄປຢ້ຽມຢາມກຸ່ມບໍລິສັດຮວາເໜິງຈີນຈຳກັດ. ບໍລິສັດດັ່ງກ່າວໄດ້ສຳເລັດການຍົກຍ້າຍງວດທຳອິດໃນເດືອນຕຸລາປີ 2025. ທ່ານ ສີຈິ້ນຜິງ ໄດ້ໄປສູນຕິດຕາມຄຸ້ມຄອງການດຳເນີນງານ ແລະ ບັນຊາການສຸກເສີນຂອງວິສາຫະກິດດັ່ງກ່າວ, ຮັບຟັງການລາຍງານສະພາບການ ແລະ ກວດເບິ່ງຂໍ້ມູນການດຳເນີນງານຕະຫຼອດເວລາ. ທ່ານເນັ້ນໜັກວ່າ, ຄວນຖືການຍົກຍ້າຍເຂົ້າມາເຂດໃໝ່ສົງອ່ານເປັນໂອກາດທີ່ດີເພື່ອກະຕຸກຊຸກຍູ້ໃຫ້ພະນັກງານ ແລະ ກຳມະກອນມີຄວາມກະຕືລືລົ້ນໃນການປະດິດສ້າງ ແລະ ເຮັດທຸລະກິດ, ເພື່ອປະກອບສ່ວນອັນໃໝ່ເຂົ້າໃນການເລັ່ງສ້າງລະບົບພະລັງງານແບບໃໝ່ ແລະ ສ້າງປະເທດເຂັ້ມແຂງດ້ານພະລັງງານ.
 |
ໃນຫ້ອງໂຖງໃຫຍ່ຊັ້ນ 1 ຂອງອາຄານສຳນັກງານບໍລິສັດ, ທ່ານ ສີຈິ້ນຜິງ ໄດ້ສົນທະນາຢ່າງສະໜິດສະໜົມກັບຕົວແທນພະນັກງານ ແລະ ກຳມະກອນຂອງບັນດາຫົວໜ່ວຍທີ່ຍ້າຍໄປປະຈຳຢູ່ເຂດໃໝ່ສົງອ່ານ, ທ່ານໄດ້ສອບຖາມສະພາບການເຮັດວຽກ ແລະ ຊີວິດການເປັນຢູ່ຂອງຄົນທັງຫຼາຍ, ພ້ອມທັງຍ້ອງຍໍຊົມເຊີຍຄວາມພະຍາຍາມຂອງທຸກຄົນທີ່ອຸທິຕົນເພື່ອສ້າງເຂດໃໝ່ສົງອ່ານ. ທ່ານຫວັງໃຫ້ເຂົາເຈົ້າຕັ້ງຫຼັກປັກຖານຢູ່ເຂດໃໝ່ນຳໜ້າ, ເລັ່ງສ້າງທຸລະກິດຢ່າງໜັກແໜ້ນ, ຮ່ວມກັນສ້າງອະນາຄົດທີ່ດີງາມຂອງເຂດໃໝ່ສົງອ່ານ.
ຄໍາເຫັນ