ທ່ານ ສີຈິ້ນຜິງ ຊີ້ໃຫ້ເຫັນວ່າ: ຈີນຍິນດີຮ່ວມກັບອຽກລັງເພີ່ມທະວີການແລກປ່ຽນທາງດ້ານຍຸດທະສາດ, ລົງເລິກຄວາມໄວ້ເນື້ອເຊື່ອໃຈກັນທາງການເມືອງ, ເປີດກວ້າງການຮ່ວມມືທີ່ຕິດແທດຕົວຈິງ, ເພື່ອສ້າງຄວາມຜາສຸກໃຫ້ແກ່ປະຊາຊົນຂອງສອງປະເທດ, ເພີ່ມພະລັງແຮງເຂົ້າໃນການຂະຫຍາຍການພົວພັນລະຫວ່າງຈີນ-ເອີຣົບ. ຈີນຍິນດີເພີ່ມທະວີການຮ່ວມມືດ້ານເສດຖະກິດການຄ້າກັບອຽກລັງ, ເຊື່ອມຕໍ່ຍຸດທະສາດການພັດທະນາໃນຂົງເຂດປັນຍາປະດິດ,ເສດຖະກິດດີຈີຕອນ ແລະ ຂົງເຂດອື່ນໆ, ຊຸກຍູ້ການລົງທຶນຕໍ່ກັນ, ບັນລຸການຊ່ວຍຊູຍູ້ໜູນກັນທາງດ້ານທ່າແຮງ, ຊົມໃຊ້ກາລະໂອກາດ ແລະ ພັດທະນາຮ່ວມກັນ.
ທ່ານ ມິເຊວ ມາຕິນ ກ່າວວ່າ: ອຽກລັງຢຶດໝັ້ນປະຕິບັດນະໂຍບາຍປະເທດຈີນດຽວ, ຍິນດີຮ່ວມກັບຈີນລົງເລິກການຮ່ວມມືໃນຂົງເຂດການຄ້າ, ການລົງທຶນ, ວິທະຍາສາດເຕັກໂນໂລຊີ ແລະ ຂົງເຂດອື່ນໆ. ຈີນໄດ້ເສີມຂະຫຍາຍບົດບາດສຳຄັນທີ່ຂາດບໍ່ໄດ້ໃນ ວຽກງານສາກົນ. ການແກ້ໄຂຄວາມຂັດແຍ້ງສາກົນໃດໆລ້ວນແຕ່ຄວນເຄົາລົບ ແລະ ປະຕິບັດຕາມກົດໝາຍສາກົນ. ອຽກລັງ ຍິນດີຮັກສາການຕິດຕໍ່ພົວພັນ ແລະ ການປະສານງານຢ່າງແໜ້ນແຟ້ນກັບຈີນ, ເພື່ອປົກປັກຮັກສາກົດໝາຍສາກົນ.
ຄໍາເຫັນ